اللي بيطلع كشته معنا يجي ..قبل ما نمشي

[حيمود]

السلام عليكم

اخواني ..

انا دخلت المنتدى هذا ولاسباب جعلت غيري يشترك فيه ..وهو الهواية الاتجاهات المتقاربة من حب للشعر والسواليف وصور الربيع ووووو

لكن لفت انتباهي ان العلاقة يسودها شيء من الرسمية ..

الاحترام مطلوب لكن الرسمية ..وانا اول واحد منكم تخنقي ..

تخليني اتحقرص في مكاني يعني كنك معزوم عند ناس مالك ومالهم ولا تعرف فيهم احد ..

قلت علشان نبعد هالرسمية ..شوي بيننا ونعرف بعض اكثر ..ونرتبط بعلاقة اقوى

قلت اقترح عليكم ..

ان حنا نكشت كم يوم وهالكشته افتراضية يعني كل واحد يشترك معنا في هالكشته ..ياخذ راحته ويتخيل انه طالع للبر مع ربعه ..يعني

واحد يتخيل اننا في الصبح ونبي نفطر ..والثاني جالسين نسولف يعطينا سالفة او قصيدة وهذا ما جعلني اكتبه في منتدى الشعر والقصص

والاخر لغز ..

حتى لو يدخل واحد وكنه يدور خويه ..

مثل ..((شباب حيمود وين راح ..؟؟ ))

يعني طلعة او كشته بمعنى الكلمة ..لا فيها تكلف في الردود ولا يحزنون ..نبي نضحك ونعلق ونسولف ونتخيل

كم يوم ..

ونشوف كل واحد كيف يكون اذا طلع للبر ..كيف يصير ..

موافقين ..
يا الله اللي موافق وبيطلع معنا يسجل اسمه ..

وعلى الاقل نبي خمسة ..شبه متواجدين معنا باستمرار في المنتدى

واذا ما كتب للموضوع الحياة ..
ما هيب اول مره ..يا ما رصعنا في الشمس :D :D

[الهيثم]

ياحيمود شب النار وهات المعاميل نبي انسوي القهوه قبل مايجون الربع وشف السمح وين راح يقول بيدور صيد لايكون غرس في شعيب أو رمله تراه مايعرف يسوق الجيب إن مالقيته على الجهاز خل شقران يوجه ايدوره قبل مايمسي الليل ويقعدبها وعلى فكره اتصل على نهار وخله يجي بسرعه علشان يسوي لنا العشاء عنده طبخات على كيف كيفك .
عذراً للأعضاء الذين ذكرتهم كله علشان حيمود ورحلته يالربع لاتواخذونا . هذه من باب المشاركه
ولكم تحياتي,,,,

[الهداد]

:D شدعوه يالهيثم ماتعزمني بس انا بصير احسن منك ابروح وياكم وماني مستحي منك ولا ون الهيثم

وقول حق الربع ترى الجمعه عجيبه لا تطوفكم ترى الهيثم سواليفه على كيفك قبل النوم وبس ترى

لا يكون وقت مقناص ترى يوخك وما ينام مبجر والصبح يقعد قبلك ويقنص وخليك راقد:D

والله انك ماقصرت يالهيثم على هذه الجمعه وابي اقول يالسمح سولنا خيمه اسمها خيمه المكاشيت الى

يبي الكشته والسوالف والقعده الحلوه ورى مشي النار يخل فيها


اخوكم / الهداد

[الهيثم]

شباب اللي معه نيسان ونيت يروح يجيب العضو الكشخه من عنيزه ترى سواليفه زينه وتوسع الصدر ولا ينسى شايبنا مكشات له حق وواجب تعزمونه معكم تراه يحب الصيد والعلوم الغانمه بس الله يعينكم عليه كبر السن شين "على قولتهم هذرى" , وبعدين تعال يالهداد وين الحطب اللي قلت لك هاته بس شاطر في التريقه على الناس فلان راح وفلان نام وفلان سوى وفلان ماسوى ماتخلي عنك الكسل ترى المره الثانيه نطلع ومانقولك وين رايحين .
يابونجود خلك والم نبي نسرح الصبح اندور اتويس للربع الظاهر ان السمح غدى وشكل شقران مالقّاله بال ولا سأل عنه لو ادري وش السبب كان اصلحت بينهم , سمعت انهم خاطبين لهم بنت وحده كل منهم يبيها لنفسه وتزاعلوا , ترى مدري سمعت هالكلام مدري صحيح او كذب .
ياشباب ماشفتوا شاعرنا راعي الصقور دوروه تلقونه يمشي ويكلم نفسه على الطير اللي غدا العام الله يكون في عون القرناس المهاجر تولع بالصقر وضاع عليه في المقناص .

عذراً ياخواني الاعضاء ترى كلها دعابه ومزوح لاتزعلون وبالذات مكشات والسمح لأني ثقلت عليهم شوي
ولكم تحياتي,,

[حيمود]

يا بعدي يالهثيم ..

اصبر علي وعلى شبة النار ..

تونا موقفين ..وهالمطانيج ..تقص الظهر ..

وابشر بها ..وبالمعاميل ..بس اقول ..

ابعد فراشك ..ترى خويك ..مطوفوق ..لا يقرب منه شيء وهو عند النار

================

هلا بالهداد ..ما ينوصف لك ..دلوله ..والنعم

بس تعال ..وعد الهيثم الليلة ..بعد ما نسوي غارة على العشاء ..

نبي نسمع منه السواليف ..

اقول الا

المسبار 2 وينه ..ابطئ ما جااااااء ..

بيتنحش عن البصل ..

ان قاله الله ما يقطعه الا هو ...:D

[حيمود]

الا يا شباب راعي الجمس الاحمر اللي وقف عند منقع الماء تعرفون :confused:
http://www.mekshat.com/pix/upload/images/mk00098.jpg

[الهيثم]

انا قايلٍ لكم واحد يروح يجيب العضو الكشخه وعمنا مكشات والنتيجه تأخرتوا على عمنا وشغل الفورد 67 وجاكم وسبحان من دله , تكفى يالهداد ألحقه قبل مايطيح في منقع الماء ثم من يطلع سيارته اللي تسوى عنده الدنيا وما فيها عجل بسرعه يالهداد ورح ساعده ياحيمود تكفى بسرعه وترفقوا على شايبنا تراه يبي يهاوش شوي لكن وسعوا اصدوركم ترانا بليا الشياب ولا شي .

حيمود وين الموجه ماشفته انتم عزمتوه ولالا ؟

========================
أرجو المعذره يامشرفنا مكشات ترى شكلي طولتها معك شوي معليش امزوح "عادي شباب في رحله"

ولكم تحياتي,,,,,

[السمح]

الله يلعن أبو بليسكم متجمعين هنا وأنا أدور عليكم ما خليت مكان ؟ :D
لكن كله من العضو الكشخة الله لا يبارك بالظالم ، طردي أنا وياه ما خلا عرق إلا رقاه ولا ضلع إلا وطا عليه ولا شعيب إلا طبه .. على باله دلولا .. الشرهة علي يوم أطاوعه وإلا شقردي معطيني الإحداثيات قبل ما نطلع .. الشكوى لله .. هين يا البطريق الخجول :D ( ترا هذا نداه من صدز ) والله إن قاله الله لأمحط كل البطاريق المتواجدة في جراب وما حواليها .. معي بنيللي ورقم أربعة 46 غرام ..
وين الخبير وشقردي ؟؟ قالوا إنهم جايين .. ؟؟
ما علينا هات التمر والدلة الله لا يهينك يالهيثم .. أو جيد بالحكي ودق حنك :p ياسلالالالالام دلة مصلحها الهيثم على جمر من رمث وادي الرشا وش خليت ;) ياجعل مداهيلك من أوضاخ إلى واردات ..

الله يعافكم على هالكشتة اللي كلها ملح .. ولله تقل صدز .. لكن أبقول لكم شي ترى راعي عنيزة مقترح رحلة من جد وقد تكفل بالإعداد لها والتنسيق وتوزيع الأدوار على المشاركين وتحديد الوقت والمكان ، أرجو الاستفسار منه عن كل ذلك لمن يرغب بالمشاركة .. فله الشكر الجزيل على ذلك :good: :good:

[السرحان]

(( الحزين والسرحان من الدمام ))

http://www.mekshat.com/pix/gallary/data/images/Resize%20of%20jib.gif

سلام عليكووووووم ..... الظاهر ما في احد من العيال ما هم موجودين
هوقتي طايحين على شيء وتاركين المخيم !!!
يالله يالحزين ناخذ لفه ونرجع لهم
الله يهديهم ما اختاروا الا ذا المكان ....
السرحان : طيب ما نزل الاغراض اول انخفف على الجيب
الحزين : ما في مانع خصوصا ثلاجة الروبيان :D (( الدمام )) تراهي زهقتني من الزفره :mad:
اوكيه يالله قوه توكل على الله ....... نرجع لهم مسيان

[الحزين]

أقرب جهـــــــــــــاز أقرب جهــــــــــاز !!!!!!

عجزت وانا اصيح محد يرد علينا يالسرحان ,,, حيمود مجمع الربع ,,, ومبسوطين وحنا ندور عليهم من الصبح

ااااااااااااا هــــ يازفرت الروبيان ذبحتي !!!!! لحظه لحظه كأني اسمع صوت المسفهل يقول شعر ولا انا غلطان,
شوف شوف من بعيد مو ذا الرحأأأأأأأأأأل ,,,,,,,,,,, اووووووووووووووووهــــــ غرزنــــــــــــــا ,,,,,,


أقرب جهـــــــــــــــاز أقرب جهـــــــــــــــاز ياناس !!!!!!!!!!!!! محدن يرد :confused: :rolleyes:

[حيمود]

ااوووووووووووووه ابشر والله بالسمح ..جاااااااااااك هذي غبرته

يا الله حيه ..

هلا ياللي له الخافق يهلي ..

اقول الهيثم ..

الا تعال ناخذ قهوتنا ..ونروح عند مكشات فوق ذيك الرميلات ..نتقهوى ونجيبه معنا

(( الشباب ..السمح و الهيثم وحيمود ومكشات والهداد ..)) يتقهوووووون فوق الرميلات اللي طاقها المطر يا زينها من جلسه

اااااوووووووووووووووووووووه ابشروا والله ..بالسرحان ..وهذا الحزين معه

يدوورون حول الخيمة ما شافونا ..
;)

عزالله اللي احلوت الجلسة في الليل

وتراي ياالهيثم قلت للموجه بس انت تعرفه ما يمشي الا المغرب ..لا تحرى له اللحين

والاعضاء كلهم قلنا لهم ..ونتمنى كلهم والله يشاركونا ..

علشان تكثر السوالف والقصيد ..والضحك والصدر ينشرح معهم :row:

[حيمود]

ههههههههههههه

اقول يا شباب ..الحزين والسرحان غرزوا ..

عز الله توهقوا مع هالربيان ..شكله من الزفرة بيحولونه يدف معهم

معاك يا الحزين على الخط :D

ارسل ..

[الحزين]

حيمود ,,,,,,,,, زين زين انــــــــا لك , تضحك علينا هـــــــــــــــاه !!!

اذا ماحرمتك من أكل الروبيان ,,, لكن الشرهه موبعليك على السرحان اللي قال يستاهل حيمود , يـــــــــــــــا ,,,,,,, السمح وين المويه يخوي ابغسل ايدي عقب التغريزه ,,,, بس لاتضحك ياحيمود اللي فينا كافينا ,,,

نهـــــــــــار طبخ والا بعد ؟
الهداد شب النار ولا بعد ؟

الله وكبر عليكم ,,,,, ماسويتو شي !!!!

مافي الا النوخذه ,,,,, شقردي هو اللي يسنعكم !!!!

خل اشوف سيارتي عقب التغريزه ,,, يــــــــــــــالله بنشـــــــــــــــر بنشــــــــــــر

[السرحان]

لا تجيهم أبعد عنهم أبعد ســـــو روحك كانك ما شفتهم يالحزين ......ليه مو هم ربعنه
الا بس شف ما بعد زينوا المخيم وشف الاغراض يبيلها تنزيل رح خذ لك لفه وارجع
الحزين : طيب بس الروبيان !!!
السرحان : والله البلشه قلتلك الكعك زين لكن انت أصريت على الروبيان يازعط الشرقيه هقوتي ماراح يوصل لهم
أنتبــــــــه انتبـــــــه أنتبـــــــــــه !!!!!!
http://www.mekshat.com/pix/gallary/data/images/hihi.gif

أشســــــــــــــويت (( خربت طقم الحمام )) الله يهديك هذا وقته .....
يالله عاد أقعد بها ...يالفشيله من الشباب تشوف احد بس يطلعنه مناحشين من الحط والشيل والحين نبي أحد يشيلنه ثم يحطنه !!!! هذا اولها
(( الله يلعن أبليسك يالحيمود خفيت فينه يا خوي وصدقنه على العموم فكره جميله وشيقه ...عاد لاتنسى تعال طلعنه ))

[راعي عنيزة]

على هونكم يالربع على هونكم

السمح صحيح انا اقترحت الكشته لكن يوم فكرت ثم فكرت طلعت لي علوم :rolleyes:

المنتدى مقسم لاقسام كثيره ولنفرض ان كل اعضاء الاقسام طلعو نشوف وش يصير

:

قسم الأسلحه بيصيدونهم عند تفتيش ام الجماجم ويكلبشونهم لامارة حفرالباطن والخبير اولهم :D
قسم الاجهزه اللاسلكيه بيكفشونهم بتفتيش امن الطرق بخط القصيم ويظفون اجهزتهم وكل واحد بيمسك له كفر ويقعد يصيح عنده :D

لذلك ما ينفع نطلع معكم :)

لكن الاخوان في قسم المواقع البريه والحياة الفطريه اجاويد والواحد منهم يطلع للدهنا بكامري عشان يصور فراشه ولا سحليه يعني باختصار مواطنين صالحين مهب مثلنا مجرمين ونخالف الانظمه :cool:

لذلك اقترح الطلعه تقتصر عليهم وطبعا خير من يقوم بهذه المهمه ابو تركي - السمح - مشرف هذا القسم والراعي الرسمي له ;)

تمنياتنا لكم بطلعة سعيده واذا احريتو منتسبين العشا وجهو ندا للبطريق الخجول <<<<< بيلوذ ورا الطعس يحتري عشاكم :D

[الهداد]

انا اقول انعين بينى امير صحيح كلنا ربع لكن لزوم بينا امير وانا اقترح السمح ولا يهونون الربع وانتم بكيفكم


اقول يالسمح ترى الحزين والسرحان قابين من الشيل والحط وطاحو والله مدري هي جرف سيل ولا حفره والوكاد انهم يشوفونا ويشمون ريحة العشى لكن مايوصلون تفه عقب العشيى انا اطلعهم لكن الحين خلهم مثل الحصني الى يشم ريحه العشى ومايطوله:D

والله تصدقون اني مستانس بالحيل لهجمعه الحلوه وبعد العشى تصير احلى على شاي فحم ببراد صين عجيب:good:

والسواليف الربع عن المقانيص يحلوه قبل النوم

[حيمود]

من هاللي شايل ..

سرى الليل يا ساري وجرحي عرفت دواه ....على طلعة الجوزاء نبي نسهر الليلة ؟؟؟؟؟؟ شايلته ما هيب صاحيه ..:good:

الهيثم ..

وين راح ..:confused:

لا يصير منسدح في السيارة ..

اقول شباب ..شفتوا هاللي يتحرون العشاااااا وش رايكم ..نعجل به ونأكلهم مقلب ..

خلها تجي الساعة 2 وهم ..ما غير طق في هالطحينية والجبن :D

[الهيثم]

احمد ربك يالسمح لقيت من يدلك على الاقل ماهوب مثل الحزين والسرحان قال على بالهم دليله ومن زين الراي جايبين الربيان معهم فضحونا في ربعنا وشيابنا الله لايفضحهم في الدنيا والآخره . قل آمين .

اشوفك يالهداد جاين عرض مالقيت غير السمح اللي انحاش عن بنى الخيمه وشيل الاغراض معنا ونسيت شايبنا مكشات أو تبي واحد يرشحك للأماره معصي ومعصي .

والله لاعلم الشايب عليك يامزعج ياحيمود يوم زان النوم في عيني وانت تقومني من احلى حلم تمنيته آه ......
لو دريت بحلمي كان ماصحيتني ونمت معي لكن والله ماخليها لك وتشوف .

الغريبه شقران وموجه وينهم لايكون يبون نروح نعزمهم بصفه رسميه "ماعليه ياخبر اليوم بفلوس بكره يصير ببلاش" ولا لا يحيمود .

وش رايكم بعد العشاء نروح نجرع كم جربوع ونقصدرهم على الجمر ترى عندي خبره مثل خبرة شقران في الاجهزه صدقوني .
وش قلتوا موافقين .

[القرناس المهاجر]

ماشاء الله تبارك الله 0000 كاشتين ;)

اقول يالربع على هونكم 00 الله يكتب لنا معكم نصيب بها العشا والعلوم الغانمه :)

لكن وراكم ماوجهتو لي دعوة 00 تروني احب الكشتات اللي فيها بر00 والا انكان بحــر هوّنّــــا:D

الله عليك يالهيثم 00 ماودك بالشغل هاوي فركات 00 ماخذٍ الجرابيع 00 عذر :p

وانت يالحيمود 00 والله لودريت باللي جايبه السمح وخوياه انكان ماتعجل بالعشا:D

وترى الجـايات احسـن 0000 ياجمــييييييييييييييييل:D :good:

[غنام]

سواليف والحلال غادي



محدآ درى عنكم والله نين ماتفرقتو


أني لعلم أبوي

[حيمود]

يا ما حلاكم وجمعتكم ..

اخوي ..الهيثم ..وش اسوي ..الدكتور كاتب لي هالعلاج ..خمس حبات بثارة قبل النوم ..وما عندي من يتحملني الا انت ..

وتعال تراي امس ..ما نمت ..عندي واحداُ مدري منه ..ساعة يصدر وساعة يورد يشخر وكلما نغزته ..

قام وقال الطير الطير ..وهي هي ..يكمل نومه بعد ثواني ..

واسمع مني هالقصيدة ..ابراضيك عاد ..:D
ياحمامه غريبه عند باب السلام=شفت رسم الهوى بأطراف جنحانها
ذكرتني طواريق الهواء والغرام=حارت الرجل بالمسعى على شانها
رسمها رسم نجداللي سقاه الغمام=يا عرب كن زهر الورد باوجانها
عقبها العين ما ذاقت لذيذ المنام=من يلوم العيون بشوف خلانها
اتنشد ولا جاني وكيد العلام=عسكر القلب عقبه مات سلطانها


اقول شاعرنا القرناس المهاجر..الله يعينك علينا ..جيت والله جابك ..طلعة ما فيهلا قصيد ما هيب هي

اما السمح واللي معه ..ما نبي الا سلامتهم ويجون ما احد ثور في الثاني ..مثل العادة :D (( شباب بدأت تطيح:D الله يعجل بها ..))

[الهداد]

افا يالهيثم من معيني امير لكن بسيطه الطلعه الجايه فيه ترشيح ابي اوقف ويع اح غيرك عشان تسقط:D

بس اقول انا خابرك تقهمها على الطاير

انا بغيت السمح ابي اعاقبه لانه انحاش من الشيل والحط علشان هالشكل ابعطيه الاماره ابيه يدوخونه الربع

طول الكشته وهو مستاذي تحسب الاماره سهله والله انها دوخه راس عسى ما اثنين من الربع يختلفون

لو بكميه الملح بالاكل جو الامير قالو وشرايك انت لك مزاج لهشي بس حسافه مالزقتها فيكهين الجايات اكثر

بالربع انتم ناوين تحطون العشا ولا ادورلي واحد من الشبابوتعشى فيه تراني ميت من الجوع:D

الهيثم تراني مشتهي الجربوع مشوي مشينا:D :D :D :D :D

[الهيثم]

وينك عايش فيه الامير جالس واحطٍ رجل على رجل ماغير يقول هاتوا ودوا شيلوا حطوا وهو حاط رجل على رجل وإن بغى شي يجيه وهو جالس معصي يكون السمح خله معنا يحط ويؤمر عليه مثلنا عساك فهمت هالحين وبعدين وين حيمود اشوفنا مرتاحين من الصجه وين هو رايح والعضو الكشخه ماغير جالس حاطٍ رجل على رجل لايكون مصدق نفسه انه كشخه صدق ترى يضحكون عليك السمح وشقران بالاسم ياحبيب .
يالسرحان ماشفت شاعرنا المسكين راعي الطيور وين راح لايكون ساجٍ رجله من البراري يوسع صدره وغدا مادل الخيام دوره انت والحزين وانته لاتطيحون في جرف مثل ذاك اليوم وتضحكون الناس عليكم انتبهوا صيروا اذيابه .
الله الله على غنام ماغير مدلل دايم حول مكشات تبي شي ياخال ومكشات آخذٍ فيه مقلب مادرى إن قصده يبي الجلسه ولاوده يشتغل لكن قم قم ياغنام ودور الحلال ماغير جالس وتهكم من الضحك على ربعك وترى ابا أعلم وترى أبا اعلم خل لين يرقد شايبنا والله لا أبهذلك بهذله هين تشوف

[رحال]

اقرب جهاز اقرب جهاز
لا حول ولا قوة إلا بالله وين راحوا الشباب لي يوم وانا ادور عليهم قال لي السرحان والحزين تعال معنا لكن انا اللي ماصدقت انهم فعلاً بيكشتون والله حاله الواحد ايش يسوي الحين خلنا ننادي عليهم بالجهاز يمكن يطلع لنا السرحان ولا الحزين ولا واحد من الشباب يقولي بس وين الموقع ويعطيني الاحداثيه .

اقرب جهاز اقرب جهاز :o :o :o وينك يالسرحان المشكله انهم في سياره وحده يعني لا السرحان يرد ولا الحزين والله حاله ويقولون انهم بياخذون معهم روبيان والله شكلهم بيفشلونا مع بقية الشباب :D
ويمكن بعد انهم مغرزين في الرمله تراهم بعد اعليميه في البر الله يستر عليهم .

اوووه اوووه اوووه مين هذا اللي جايني نصو الله يستر بس علي لا يكون واحد من قطاع الطرق الله يستر , وين الشوزن خلني احط فشقة رقم 1 من نوع ليقا ولا براوننج خلني اخذ احتياطي منه .

مين الله يقطع ابليسك طلعت انت (( عاشق المقناص )) هلا وغلا حياك الله وكيف حالك ياخي وين رايح ومن وين جاي ؟؟؟؟؟؟

(( عاشق المقناص )) قال : سمعت ان الشباب كاشتين وجيت ادورهم والله عليهم حق ليه ماقالوا لي ؟؟؟
وانا زعلان عليهم كثير لكن عزمت اني ادورهم لين القاهم بعدين احسابي معهم عسير .

الرحاااااااااال : انزين وين موقعهم ماعندك احداثيتهم ؟؟؟
عاشق المقناص : اقولك ماقالوا لي عن الطلعه وانت تقول لي ماعطوك احداثيتهم شكلهم مايبوني لكن اوريك فيهم .
الرحاااااااااال : انت عندك جهاز ؟؟
عاشق المقناص : اكيد عندي اجل تبغاني ادور في البراري بدونه .
الرحاااااااااال : اعتقد انت نداك عاشق المقناص مثل ماهو صح ؟؟
عاشق المقناص : صدقت هذا نداي .
الرحاااااااااال : حلو اجل انت روح شرق وانا باروح غرب واللي يلقاهم ينادي على الثاني زين .
عاشق المقناص : حلو يالرحااااااااال خلاص اتفقنا يالله مع السلامه .
الرحاااااااااال : بالتوفيق يالغالي .

اووووووووووووف اذكر اني مريت على لاندكروزر موديل 80 وشكله للسرحان ومعاه الحزين لكن ليش ماوقفت لهم ؟؟؟؟ كل هذا لأنهم مغرزين اوووووووووف ويمكن يطلعون هم مو احسن لي من الدواره في البر لحالي الله يلعن ابليس اللي ماخلاني اوقف . واللي شككني في الموضوع ريحة الروبيان اللي فايحه من بعيد في وسط البر . مافي حل غير اني انادي على عاشق المقناص واقول له اني رايح ادور على السرحان والحزين .
ياعاشق المقناص ياعاشق المقناص
عاشق المقناص : ارسل يالرحاااااااال
الرحااااااااال : اقول طال عمرك ترى انا راجع بدور على السرحان والحزين .
عاشق المقناص : هم بعد اطلعوا للكشته ؟؟؟؟؟؟
الرحاااااااال : ايه اطلعوا وذا ما خاب ضني شكلي مريت عليهم وكانوا مغرزين لكن ماوقفت لهم تعرف ليه لأن ريحة الروبيان كانت فايحه .
عاشق المقناص : ياخي كان وقفت لهم يمكن محتاجين المساعده هذي غلطه منك يالرحااااااااااال .
الرحااااااااال : عاد هذا اللي صار وانا الحين باروح ادور عليهم زين .
عاشق المقناص : زين يالرحااااااااال في حفظ الله .
الرحااااااااال : مع السلامه ونلتقي ان شاء الله عند الشباب ( هذا اذا لقيناهم ) الله يستر علينا وعليهم

http://www.mekshat.com/pix/gallary/data/images/11111.jpg

[الحزين]

الحزين : اااااااااااارررررررر سسسسسسسسسل !!!
السرحان: شفيك يالحزين كلامك يقطع ؟
الحزين:رااااااسي راسي من ريحة الررررررررروبيااااااااان!!
قوم قوم هذا صوت الرحاااال ينادي بالجهاز,,,
السرحان: عسى الله يجيبه ويطلعنا من هالحفره ونلحق على الجماعه
الحزين:اااااااي جججججماعه؟
السرحان:ااااوه هذا بعده دايخ من الريحه الله يستر ,, لكن تدري شلون انا بنام والصباح رباح.....


انا الحززززين ردو علي اقرب ججججهاز اااااقر..........:o :o :o

[رحال]

وينك يالحزين انا اسمع نداك يالحزين وينك قولي انتو اللي طايحيين في الحفره ولا لأ
ارسل يالحزين الحمدلله انتو بخير وهذا اهم شي
وش فيك يالحزين صوتك يقطع اخبار السرحان ان شاء الله هو بعد بخير ؟؟؟؟
المهم عطني رقم الاحداثيه لأني ضيعت المكان اللي مريت عليكم فيه ومثل منت عارف الظلام مايخلي الواحد يعرف اتجاهه .
ليش صارو مايردون الله يستر .


خلني اشوف عاشق المقناص وين وصل حصل الجماعه ولا لسا .
عاشق المقناص عاشق المقناص
عاشق المقناص : ارسل يالرحااااااااااال
الرحااااااااااال : ابشرك رد علي الحزين من جهازه لكن صوته كان يقطع ما ادري وش فيه يمكن من الريحة يمكن تعفن الروبيان وخنقتهم الريحه .
عاشق المقناص : المهم انهم بخير وهذا هو الاهم .
الرحااااااااااااال : لكن للحين ماعطاني رقم الاحداثيه .
عاشق المقناص : وهو وينه الحين ؟؟؟؟
الرحااااااااااال : ماادري لكن صار مايرد علي الله يستر .
عاشق المقناص : الله يستر
الرحاااااااااااال : وانت حصلت الجماعه ولا للحين
عاشق المقناص : والله للحين ياخوووووك
الرحاااااااااااال : الحين انت ارتاح والصباح نكمل المسيره .
عاشق المقناص : ابشر يالرحااااااااااااال
الرحاااااااااال : يالله تصبح على خير
عاشق المقناص : وانت من هله .

الحين الواحد ايش يسوي خلني اشوف الجماعه ايش صار فيها
يالحزين يالحزين تسمعني يالحزين
السرحان السرحان
لاحول ولا قوة إلا بالله وين راحوا مافي غير انتظر لما الصباح بعدين اعاود اراسلهم .


http://www.mekshat.com/pix/gallary/data/images/11111.jpg

[الموجه]

هذي أخرتها يا حيمود تهك علي وتوهقني الله يسامحك تقول ان الكشته بتصير يم أبها والمنتزهات اللي في عسير وتاليتها طالعين في الصمان حسبي الله عليك ضربتني مشوار على الفاضي لا ومن زين الطبايع تبعد الربع حتى لا يفطنون للعبتك تقول لهم مهوب ماشين إلا المغرب ... حسبي الله عليك

والهيثم ذا اللي أدنى شيء يضيقه نفسه في طرف خشمه وش رايكم يالربع ما علمني بالرحله على شاني دققت مرة وحدة في كلامه واحرجته !!!! هذا حق قولوا لي

لكن ان الله شاء واراد ان تعلمون من ذا الكشتة اللي انتوا قاعدين تخيلونها أشياء كثيرة .... بعدين اقول لكم عليها

وإلى لقاء قادم بروح أريح شوي اعذروني

والسلام

[شقران]

ياحبي لك لهم سنتين وهم بيجمعونا بكشته وتاليها كشته على النت ههههههههههههه الله يقطع شياطينكم............... والله ان قاله الله ان تشوفون صور القميري وهو ينصاد وهو يطبخ وهو يجرع مهوب يوكل وكملو يانايمين في الرببببببببببببببببببببببببييييييييييييان
:p :D :p

ارسللللللللللللللللللللللل يالخبيييييييييييييييييييييييييييييير

[ابو نجود]

وش ذا ...كشتة ما درينا عنها ..الله يذكرك بالخير يالهيثم يوم ذكرتني وانا ترى والم وكان فيه صيد سمن و دخل لاتقول... بس وين انتم فيه علشان الحقكم وتري الدلولا على قد الحال يعني لازم تعطوني الاحداثيات والنداءات ويالله القاكم

[الهداد]

الرحاااااال يالرحااااااال يالرحااااااااااااال

يا اقرب جهاز اقرب جهاز

ارسل يا طالب اقرب جهاز

معاك الهداد ماعينت الرحاااااال على الجهاز

بلا قبل شوي سمعته يكلم @عاشق المقناص @ وبس الحين ما اسمعه

يالخوي الله لا يهينك ان جان سمعته ولا عينته قوله الربع يتحرونك وينطرون ارسالك على الجهاز

ابشر يالخوي

مشكور ولا هنت

الله يقطع بليسهم مدري وين راحوا الربع يتحرونهم الله يستر ما يغرزون ويوهقوني انا موتري جديد ماني قالصهم مع سكاريبهم

الهيثم يالهيثم


وينه هذا بعد الله يصلحه خلاني بروحي اروح ادور على الربع يا شباب الى يسمع الهيثم يبلغني على الجهاز

[الهيثم]

يالهداد اسمع ارسل وين موقعك يالهداد
الله يقطع ابليس العدو ماعاد اسمع الهداد يالربع اللي يسمعه يراسله ويدله شكله غدا "ترى ماهو عشاء " يعني ضاع المهم دلوه يالربع
من ذا ........لحظه كأني اشوف شقران جاي يمشي هو صحيح ياحيمود ومن اللي معه لايكون السمح ....... لحظه شقران ومعه عضو كشخه لا كملت الرصّه على ماقالوا تجمعوا اثنينهم يالله يستر ربك
شقران وين رحلتكم اللي قلتوا عليها انت وخويك عضو كشخه ولا توهيقه تبون تصرفونا
شقران....لا يالهيثم ماهو المقصد هاذي رحله شكل ثاني اسأل السمح عنها هو راعي الفكره
هاه يالسمح وش رايك في قول شقران
السمح ....... ايــــــه ! يبي إلزقها فيني وانت تعرف السبب مايحتاج اقولك


شباب وين السرحان ماعاد شفته لاهو ولا الحزين وينهم يالربع
يابونجود تسمعني يابونجود
يابونجود وين موقعك
شكله مايسمعني ابونجود ! هين ماعليه راح يدلنا ابونجود ماهو مثل السمح والسرحان اللي على بالهم دلوله ومن معرفتهم ضيعوا الخيمه الضحى من النهار يخلف الله

[الموجه]

:o :o :o :D :D :D
ما أقول إلا حسبي الله على اللي كان السبب !!!!

كل ما ذكرت اللي حصل لي مرة أموت من الضحك ومرة خطرٍ أبكي ،،، كله بسبب فعلة حيمود وتنطيله بنا (تبون الصراحة تراه رجال مزحه ثقيل ولا ينقال عليه يوهق ،،،،، الله يعفو عنا وعنه )

صار لي قصة وسالفة تبي لها وقت طويل عشان أعلمكم بها ،،، وترى فيها فوائد كثيرة للي بينتبه لها ويركز عليها ..... ألا وش رايكم نحط عليها مسابقة للي بيستنتج الفوائد ...:confused: :confused: :confused:

على العموم أنا توني قايم ولا بعد تنشطت ولا لقيت الربع اللي أنا أبيهم ولا بعد حصلت لي جهاز نداء ولا جهاز قارمن (إن حصلت أحد يعطينياها عارية والا الله يعيني أشتري )

اسمحوا لي هالحين

و إذا جاء وقت مناسب علمتكم بسالفتي واللي جرى لي ..

نلقاكم بخير

والسلام

[رحال]

كيف يجيني النوم وانا للحين ماشفت الجماعه اللي كاشته ولاني محصل اخوياي السرحان والحزين الواحد كيف يجيه النوم .

مين هذا اللي ينادي؟؟؟؟؟؟؟؟؟؟؟؟؟ شكله الهداد
ارسل يالهداد معك الرحاااااااااااااال
تسمعني ارسل يالهداد
شكل الهداد مايسمعني و المسافه بعيده بينا .
خلني احاول مره ثانيه يمكن لعل وعسى . يالهداد يالهداد معك الرحااااااااااااااال تسمعني يالهداد

http://www.mekshat.com/pix/gallary/data/images/11111.jpg

[@عاشق المقناص@]

يالله وش اسوي الحين , شكل الربع مايبون اكون معهم في الكشته ولا قلولي بس اعلمهم انا ورهم ورهم وزمن طويل.

المشكله وين ادورهم في هالليل وفي هالبر الكبير ولا عطوني احدثيتهم .
لو ادري تميت مع الرحال وتخوينا احسن من يكون كل واحد الحاله .
خلني ادوج يمكن اشوف نور سياره او نار.
الله وش هذا ارنب ؟؟؟ والله ارنب!!! اه اه اه المشكله لا جبت البندق ولا السلق خليني اراسل الرحال يمكن عنده بندق او سلق .
يالرحااااااااااااااااااااااال يالرحاااااااااااااااااااااااااااال
يالرحاااااااااااااااااااال يالرحااااااااااااااااااااااال
مايرد يمكنه نايم او بعيد عني .
لا تروح علينا الأرنب اه لو اصيدها كان اسوي عليها الكبسه واعزم الشباب عليها وصير احسن منهم.
خلني انادي مره ثانيه يمكن يرد الرحال او اي احد من الشباب.
اقـــــــــــــــــرب جهــــــــــــــــــاز اقــــــــــــــــرب جهــــــــــــــــــاز.
اقرب جهاز اقرب جهاز

[حيمود]

اعنبوا ابليسكم ..يبي لنا شهر على ما نتجمع ..:D

اقول ..اييييييييييييييييه ..

سقى زمان اول ..

ينوصف لي ..شجرة ارز ..في الربع الخالي ..بالمتر وعندها

واللحين الله المستعان ..

اقول ..اهم شيء ..اللي معه الذبيحة ..بوصف له

لان الجماعة ..

اللي معي حالفين ..ما تاكل الا صيد ..

وهذا لي يومين معهم ..ضرب بهالنواشف ..وما شفنا شكل اللحمة ..

وكل يوم بكره ..

وانا وبكره ..على بكره نجيب البكره

00

بل بل ..منه ذا ..

يا شباب ..شبااااااااااااب ..

هاللي يشرب من ضرع الناقة على طول منه ذا ,,

وين المراعي عنه ..

طيب ...طيب جاااااااااااي اصبر

:confused:

[حيمود]

وهذي سالفة ..على شبة هالضوية ..

وهالقهاوي والفناجيل اللي تروح وتجي ..

السالفة لكم ..((وهذي السالفة نقلا من كتاب خواطر داعية
للشيخ أحمد القطان

" حكى لي رجل ذهب إلى الحج في الزمن السابق أيام أن كان المسلمون يسيرون في الدهناء وسط الطرق الوعرة , يخرجون بالسيارات ولا يصلون مكة إلا بعد أسبوع .

يقول : كنت راكبا في السيارة بالخلف , وإذ مرت السيارة في رمال الصحراء الناعمة , وثقل سيرها في الرمل وجذبتها الرمال , وكادت أن تقف ,وهي تحثو علينا من رملها الناعم الأحمر بواسطة العجلات , فتمتلئ أنوفنا وعيوننا وىذاننا , ويغطينا طبقة من الغبار , فكنت أنزل من السيارة ثم اظل أدفعها من الخلف حتى اساعدها على النهوض والتخلص من الرمل , فإذا عادت غلى سيرها الطبيعي قفزت مرة ثانية ,ودخلت انا من الخلف ,وكنت الوحيد فيها من الخلف مع التموين .

وذات مرة إذ مرت السيارة في واد واسع من الرمال الناعمة ,هضاب بعد هضاب ,وأرض بكر رسمت عليها رياح الشمال خطوطها ولا ترى على قممها إلا عشيبات متناثرة متباعده تتصارع مع الظمأ , فإذا جاءها الليل ارتشفت من نداه قطرات تتبلغ بها طول النهار المتوهج , وقد حولت أوراقها إلى أشواك , وليس لها ظل لدقة أغصانها .

يقول تثاقل السيارة في سيرها , فألقيت بنفسي ثم أخذت أدفعها , والسيارة تتباطأ ويثور الغبار .... وأدفعها ويثور الغبار ,ثم أسرعت السيارة وعلقت نعلي في التراب , فتأخرت أبحث مكان خطواتي لأخرج نعلي, لأنني لا أستطيع السير على الصحراء دونها لحرارة الأرض.

وأسرعت السيارة , وظن السائق أنني ركبت , والغبار يثور خلفه فلا يراني في المرآه ..... وواصلت في سرعتها ,وواصلت أنا في بحثي عن النعال, فملما وجدتها كانت السيارة قد بعدت , وهبطت في واد جديد من الرمال.

فأصبحت في حيرة , أأبحث عن نعلي أم أجري خلفها بأقصى سرعتي , قتركت نعلي وجريت بما أعطاني الله من سرعة, ولكن السيارة نهضت من عثرتها وانطلقت بين الوديان بعيدا بعيدا, ولم أعد أرى منها إلا نقطة حمراء مالبثت أن تلاشت عبر الصحراء , ولم يذكروني و لم يلتفتوا إلي , فعدت أبحث عن النعال من جديد.

يقول : فوجدتها ولبستها وواصلت السير , والقلب مني يخفق , والنفس تتلجلج , وأخذت أسير على أثر السيارة لعلهم يذكرونني عند وقوفهم لطعام الغداء بعد العصر, فهم إنما يستريحون عند انكسار الشمس ويصلون الظهر مع العصر جمع تأخير ........ فلا بد أن يفتقدونني ويعودون للبحث عني .

فلما جاء وقت الظهر و أصبح الظل تحت الحذاء , إذ لاظل إلا تحت القدم , والشمس لها وهج أحس أنه يحفر أخاديد نيرانيه داخل رأسي وجلدي , وقد ألقيت على وجهي غطاء رأسي , إذ بدأت الرياح تهب والرمال تلتوي كالثعابين من تحتي , ولو توقفت قليلا أو جثوت على الأرض لغطتني الرمال سريعا و فتلك الأراضي ذات كثبان متحركة ومعالمها متغيرة لا تستقر على حال.

وأثناء سيري كانت تغوص قدماي إلى الساقين مرة وأمر على كتل من الصوان مرة.

يقول : فلما بلغت الشمس كبد السماء , وبدأت الرمال تتخلل فتحات النعل أحسست أنني أخوض في نار , لا أدري ماذا كان شعوري ساعتها إلا أنني أرفع رجلا وأخفض الأخرى , وأجثو مرة, وأحبو على يدي ورجلي مرة , وأضع غطاء رأسي تحت قدمي , ثم أعود فأضعه تحت قدمي وهكذا , حتى جف ريقي , واحمرت عيناي , ولم أعد أرى جيدا , وصار لساني في سقف حلقي وكأنه قطعة من الجلد المتشقق , والخشب اليابس , وأصبحت شفتاي ممزقتين أتألم منهما , إذ حركتهما نزفتا دم , وأخذت أسير و أنا أنظر إلى أصابع يدي وقد تحولت إلى سوداء نحيفة, وبدأ شيء كالحمى يجتاح نفسي , وقد كنت في الساعات الأولى أتعرق , أما الآن فلا عرق , وإنما يفوح من جسمي لسان نار لافح.

وظللت في سيري , ولكنه سير الذي تملكه الأعياء والتعب , ولا يزال بعض معالم السيارة على الأرض إذ أن الرياح قد غطت معظمها , فكنت أسير مدة طويله فلا أكاد أقع على أثرها إلا أن الله وفقني إذ ظللت أسير متحسسا آثارها.

وكلما اكتشفت اثرا لها من صعود أو هبوط كأنني عثرت على ماء , إذ لايزال الأمل يحدو بي , يقول : فلما بلغ الظمأ مني مبلغه وأخذت أسير وأترنح والدنيا تدورأمامي , وقد مالت الشمس , ولمحت من بعيد اشياء وكأنها اشجار عالية ضخمة , ثم أراها بعد ذلك ترتفع في السماء , ثم أراها بعد ذلك كأنها على شكل شلالات وبحار تسبح , فعلمت أنه السراب الخادع , وقد تذكرت قوله تعالى:{والذين كفروا أعمالهم كسراب بقيعة يحسبه الظمئان ماءً حتى إذا جاءه لم يجده شيئا ووجد الله عنده فوفاه حسابه والله سريع الحساب}
سورة النور آية 39

يقول : ظل السراب امامي وأنا لا أتبعه بل أتبع آثارالسيارة , وبلغ الحال بي أنني أخذت أسير والتفت لعلي أجد عشبة تحتها أدنى ظل , فأضع شفتي تحت ظلها أستروح هواءها البارد فلم أجد , وأحسست بحريق في كبدي وأخذت أزحف على يدي ورجليّ , والرمال تملأ فمي , ولكنني لم أيأس من روح الله ورحمته.

وبنما أنا على هذا الحال غذ ألهمني الله كلمة :" ولنبلونكم ....ولنبلوكم " ثم وقفت و أخذت أستجمع فكري فإذا هي آية في كتاب الله تذكرتها جيدا:
{ ولنبلونكم بشيء من الخوف والجوع ونقص من الأموال والأنفس والثمرات وبشر الصابرين* 155* الذين إذا أصابتهم مصيبة قالوا إنا لله وإنا إليه راجعون*156* أولئك عليهم صلوات من ربهم ورحمة وأولئك هم المهتدون}
سورة البقرة آيه155_157

فما أن تذكرتها بقلبي ومرت بخاطري واستوعبها عقلي إلاّ و أحسست أن فرج الله مني قريب , وكأنني بين أهلي وولدي , وأن رحمة الله قريب من المحسنين , وواصلت زحفي فغذا بي ارى من بعيد نقطة خضراء....فقلت ويحي!!! أهي عشبة!!! يجب أن أسرع إليها وأضع رأسي تحتها وأموت عندها.

يقول : فلما اقتربت وحدقت بعيني الممتلئتين بالرمل الصحراوي , أذهلتني المفاجاة وتعجبت من إسراع الله إجابة دعائي , فإذا هي حبة من "بطيخ" قد سقطت من السيارة وهم لا يعلمون.

يقول : فأخذت أزحف واترنح وأجر نفسي حتى ألقيت نفسي عليها وأخذت أنفاسي , ثم كسرتها ووضعت وجهي عليها كي أحس ببردها, ولم أطق أكلها لشدة بردها كأنها الثلج المذاب , وبدأت أصرخ من شدة الألم , ولكن نزلت بعض القطرات في فمي و~أحسست بها كنزول الماء على الحديد المحمي , ثم أخذ لساني يلين قليلا , وتلين شفتاي , ويذهب الألم , وأعود أمرغ وجهي فيها , ويذهب الألم شيئا فشيئا.

يقول : حتى أخذت منها قضمة صغيرة أخذت تحفر لها طريقا في فمي حتى استقرت في المعدة فبرد اللهيب , فأغذت أغرف ممافيها وأشرب حتى ارتويت , فقد رزقني الله الماء والغذاء والحمدالله رب العالمين.

ثم أخذت ماتبقى من قشرها ووضعته على رأسي , ثم وضعت الغطاء عليه ثم وقفت وقد ارتويت وذهب الظأ وابتلن العروق وثبت الأجر , ثم أخذت نصفها الباقي وهو أغلى عندي من نفسي ومالي وأهلي وولدي ودنياي , وتذكرت ساعتها حب الله : أن يكون حبي له أكثر من الماء البارد على الظأ .

فقلت لابد أن يكون حبي لله أكثر مما لهذا النصف في هذا الجو العصيب من أثر وقيمة , وهذا ماأمرني به رسول الله إذ يقول صلى الله عليه وسلم :" خير الدعاء دعاء داوود: اللهم إني أسألك حبك وحب من يحبك, والعمل الذي يبلغني حبك , اللهم اجعل حبك أحبّ إلي من نفسي وأهلي ومالي ومن الماء البارد على الظمأ".

يقول وواصلت المسير بخطى ثابته أحمل بكلتا يدي نصفها , والنصف الباقي على رأسي , وقد مالت الشمس إلى الاصفرار وانكسرت واقترب الغروب بشفقه الأحمر ,وإذا بهم عائدون يبحثون عني في نفس الطريق , فوقفت أنظر إليهم وأنتظرهم فإنهم آتون فلما وصلوا قالوا: أحيّ أنت ؟؟؟!!!!قلت : نعم ...قالوا : وكيف ؟؟!!! قلت إن الحي الذي لايموت قد رزقني هذه البطيخه يوم أن أوشكت أن أموت , والله لايضيع حياة عبده.

فحملوني حتى وصلنا المعسكر واسترحنا تلك الليلة وتابعنا سيرنا بحمد الله ورحمته .........فيالها من نعمة

"تمت"

بالبريد

اخوكم حيمود

[رحال]

لاحول ولا قوة إلا بالله مين هذا اللي ينادي ومصحينا من النوم اووووووووووووووووووووف والله حاله
ايه هذا صوت عاشق المقناص قووووووووووم يمكن شاف الربع ولقاهم ياسلام ياسلام

ارسل ارسل ياعاشق المقناص ارسل معك الرحاااااااااال
تسمعني معك الرحااااااااااال
هات ماعندك من علووووووووم اسمعك ياعاشق المقناص
http://www.mekshat.com/pix/gallary/data/images/11111.jpg

[غنام]

أخاويكم بس تعطوني أرنب ولاني معلم عليكم

[السرحان]

الحمد لله يالحزين يوم الله فكنه من هالورطه ....... الحمد لله
يالله بالله عليك لا توقف ورى الغبره الي قدامنه ..........أخ هذا الرحااااال ......زين زين يوم الله جابه طيب اسمع يالحزين دام معاه ونيت نجدع ثلاجة الروبيان معه بالحوض ...ايه ايه ازين .
سلامة الاسفار وين الناس ...يالرحااااال والله انبسطنه يوم شفناك اخبارك اعلومك ...
ها عاينة احد من الشباب الهيثم تراه مضيع ويحوس من مده هنيه ...!!!
والمسفهل والهداد .....هذه طلعه تقدر تقول عليها المتياهه ما هي طلعه ؟؟؟
على العموم يوم لقيناك وهذا الحزين معنا خلاص هانت الامور ....
يالله توكلنا على الله .....الحزين وين ؟ ....رااااااجعين (( اقول الظاهر الرجال ما حس بالروبيان ...ايه خله خيرته يحس )) .......

[رحال]

هلا والله بالسرحان والحزين عاش من شافكم والله انا بخير وكيف حالكم وعساكم بخير ان شاء الله والحمدلله على السلامه هاهاهاهاهاها كيف طحتوا بهذي الحفره الكبيره اوه اوه اوه شفت الموتر كيف صار تعور راح فيها تكسر من الحفره . لكن معليش الواحد مايتحسف عليه موديل 80 يعني عادي

اتصدقون اني لي مده وانا ادور عليكم من مكان لمكان وقمت اراسلكم بالجهاز لكن رد علي الحزين وكان صوته يقطع !!!!!!!!!!
علامــــــــــــــــــــــــــــــــه ليش صوته يقطع ؟؟؟؟؟؟؟؟؟؟؟؟؟؟؟؟؟

لا والله ماشفت احد من الشباب غير عاشق المقناص وهو بعد راح يدور عليهم وبيني وبينه الجهاز .
وقبل كم ساعه كلمني على الجهاز لكن كنت انا نايم ويوم صحيت كلمته لكن مايرد علي .

حتى الهيثم بعد تايـــــــــــه كيف يقولون انه يعرف البر شبر شبر ولا كان كلام وطلع مايعرف شئ في البران :D :D :D الله يعينه .
اقول يالسرحان خلني اراسل عاشق المقناص ابي اطمنه واشوف ايش صار معاه .
ياعاشق المقناص ياعاشق المقناص

عاشق المقناص : ارسل يالرحاااااااااااااال
الرحااااااااااال : وين احدودك
عاشق المقناص : علامك يالرحاااااال توك ترد!!!!!!!!!!!!!!!!! لي ساعه وانا اناديك .
الرحااااااااااال : ياخي من التعب نمت ولا حسيت بنفسي .
عاشق المقناص : ايـــه انا قلت بعد كذا .
الرحااااااااااااال : على العموم اطمنك ترى السرحان والحزين تم العثور عليهم .
عاشق المقناص : بشرك الله بالخير.
الرحااااااااااااال : وانت بشرنا حصلت الجماعه ؟؟؟؟؟؟؟
عاشق المقناص : لا والله لكن ابشرك بغداك ترى توني الحين صايد ارنب
الرحاااااااااااال : ياسلام عليك وكيف صدته بالسلق ولا بالبندق ؟؟؟؟
عاشق المقناص : لا سلق ولا بندق انا قمت اراسلك عشان كذا ادور عندك سلق ولا بندق لكن مارديت علي قمت انا وطردتها وبتاير السياره خليتها تصقع والحمدلله صدتها .
الرحااااااااال : زين زين اجل انا الحين معي السرحان والحزين ترى بنجيك علشان نكبس على الارنب ومثلك عارف عدة الطبخ ماتنزل من الوانيت كل شئ جاهز .
عاش المقناص : ياسلام عليك يالرحاااااااااااال على طول انت راعيها خلاص انا انتظركم عند البير تعرفه .
الرحاااااااااااال : ايه اعرفه يالله حنا جايين .

اقول يالسرحان ترى عاشق المقناص صايد ارنب ونبي نتغدى عليها وش رايكم ؟؟؟؟ السرحان : الراي رايك يالرحااااااااااال وحنا معك وين ماتروح
الرحااااااال : وانت يالحزين معنا ؟؟؟
الحزين : اكيد معكم اجل بقعد هنيا لحالي يالله مشينا .

الرحااااااااال : وش هذا اللي حاطين لي في الوانيت؟؟؟؟؟؟؟؟ هذي ثلاجه لكن اووووووووووف وش ذا الريحه المعفنه اللي فيها بل بل بل اعوذ بالله هذا الروبيان اللي عندكم وجايبينه معكم بل بل بل ياخي خلاص انتهت مدته خاس من الحراره ولا فيه ثلج ولا شيئ اقول نزلوه من الموتر انا ماني عايف موتري .
انا اقول وش فيه الحزين امس صوته يقطع تراه من الروبيان الخايس راس الحزين قام يلف يلف يلف .
يالله مشينا لكن قبل لا نمشي نزلوا هذا الشئ المعفن من الموتر اووووووف كيف تحملتوها طول الطريق .



http://www.mekshat.com/pix/gallary/data/images/rahaal.gif
http://www.mekshat.com/pix/gallary/data/images/11111.jpg

[الموجه]

عسانا نلقى الربع ونلحق عليهم قبل مايعودون وتقضي كشتتهم ،،، ولا نستفيد من هالكشته ألا التعب والغثاء ‘‘‘‘‘ الله يعين

أحد ينطلنا بعيد ولا يعلمنا بالمكان الصحيح ـ الظاهر ان الدعوى مصافيط ما يعلمون ألا اللي يبون ـ

والآخر يتفاول علينا بالشر ـ الله يهدينا واياه ـ لين صادروا أجهزتنا وبغوا يدخلونا الغريفة ،،،، لاوزيدك من البيت شعر :row: يقولون بيغرمون كل واحد صادروا جهازه ألفين ريال ـ ياالله جمعناها بياخذونها ـ

لا لو تدرون من اللي بيأخذها كان انقهرتوا زود .

بيأخذها اللي مثل المنشار طالع واكل نازل واكل

حسبي الله عليهم ما فيهم رحوم

لكن أبشركم اللي تفاول علينا بأنهم ياخذون أجهزتنا على طريق القصيم خيب الله ظنه ولا قعد كل واحد منا يصيح عند كفر !!! أبشركم نعجبكم قعدنا نهاوشهم ونتطالب إنا واياهم == على قولتنا فحول بنغلبهم ==

لكن الحمد لله أبشركم رجعوا لنا أجهزتنا وقالوا: لاتعلمون أحد ، واللي ماصدق يسمع المراسلات التالية

وعساها تعجبه :::

كانت هذه المراسلات بإريل توجيهي صناعة وطنية
المراسلة الأولى بتاريخ: 21/6/1423 هـ (http://groups.yahoo.com/group/ch_146050/files/aflajslwa.ram)

المراسلة الثانية في الصباح بتاريخ: / /1423 هـ (http://groups.yahoo.com/group/ch_146050/files/aflj_rydh_khrj.ram)

وتقبلوا أطيب التمنيات

والسلام

[حيمود]

عاشق الصحراء

هلا والله وحياك ..اخوي

اغبرتك ..احلا من نسيم الصباح

وارق من الندى على الاوراق

حياك ..تصدق من طلعة من الخيمة في هالصباح الحلو ..واشوفك مقبل ..لقطة الرواق ابي ااشر لك من الفرحة بشوفتك ..

اما الاحداثيات ..فانا ..دقة قديمة .....الكشته اللي ما فيها حوسة ..ولا يتجمع الشباب فيها الا بعد جهد جهيد ما اسميها كشته ..:D

والله يحيك ..

وابشر بالفطور وحمسة الكبدة ..واللحيمات معها ..

تسند ..وعطنا سواليفك :good:

[الريــــــم]

مرحبــــــــــــاااااا...
الصراحه انا كان ودي اروح معكم بس مشكله كلكم شباب:( عشان كذا حبيت بس اقولكم الله يحفظكم ويستر عليكم ولا تبطون انا بستناكم هنا عشان تقولولي وش سويتوا.....بس لا تبخلون علي بالضبان والجرابيع:D مو عشان اكلهم لا عشان العب معهم وعلى العموم ....بنشتاقلكم ؟ودقو علينا عشان ما نحاتيكم..:( ...
اختكم الريــــــــــــــم....:heart:

[البدوي]

أنابعد أبستناكم . وخوذو راحتكم
انا والريم بنجلس نسنع المحل لين تجون .
جعلكم ماتشوفن شر.

[راعي الكشتات]

السفتي :وينك يا اقرب نداء؟

واحد مدري اش نداه : ارسل........ موقعك؟

السفتي: انا الان في المزاحميه انت وينك ؟

واحد مدري اش نداه: انا الان في القويعيه آمر!!

السفتي: مايامر عليك عدو يا الطيب بس ودي انشد ك عن شباب ؟؟؟

واحد مردي اش نداه: ارسلها؟؟

السفتي:لي ربع ادورهم في احد هالنفود ما سمعتهم ولا شي ؟؟؟؟

واحد مدري اش نداه:الا الا سمعتهم اعتقد ان به واحد منه نداه الهيثم ما شاء الله ارساله قوي

السفتي: وينهم تكفى ؟

واحد مدري اش نداه:امش .... بّتّل ... همين يمين بتل ..... تلاقيهم بوجهك واحد معاه موتر فورد ونيت والثاتي شاص استلمت ؟؟

السفتي: بيض الله وجهك طيب وشلون عرفتهم؟

واحد مدري اش نداه:انا راسلتهم كنت ابي منهم حاجه

السفتي: مشكور يا الطيب
ــــــــــــــــــــــــــــــــــــــــــــــــــ ـــــــــــــــــــــــــــــ

السفتي: السلام عليكم يا الهيثم كيف الحال وين الناس محد يدق ولا شي على العموم الحمد لله اني شفتكم

ملاحضه : السفتي نداي في الجهاز في جده!!!!
مبطين ما جانا جوابات وعلوم= عن صاحب حالت عليه المظامي

لعل ماش إخلاف واللوم مذموم=ولا انت مشغول إبقطف النوامي

[الريــــــم]

مشكور انك بتجلس معي نستناهم لاني بصراحه اخاف اجلس لوحدي ومن ناحية نسنع المكان انت اجلس ولا يهمك شي خذ راحتك بس وخل كل شي علي انت تامر بس....:) يوه نسيت اقولك:( اذا تبغى تروح معهم وبخاطرك الروحه روح ماعليك مني مااحب اكون ثقيله عليك:( طيب........

الريــــــــــــــــم..:heart:

[البدوي]

أبدا ما أروح ولا اتعدى هالمكان لو يجروني جر .
اصلاً انا ماأحب الروحات احب الجلسة فالمخيم :no2: :no2:

[الريــــــم]

مشكور البدوي ويشرفني اجلس معك ونستناهم ..:) يــــوه نسيت ماعاش من يجرك جر...:( ..

الريـــــــــــــم..:heart:

[الهيثم]

أرسل يالسفتي ارسل اسمعك
وراه مايرد لايكون حصل له شي لاقدر الله
يالسفتي ارسل وينك
يالسفتي كان تسمعني اطلع في مكان مرتفع علشان نسمعك يالغالي
ماشاءالله عليك يالبدوي يعني مارديت علينا لين لقيت الريم وماصدقت واحد يجلس قل اجلس معه أونسه , معصي والله ماتجلس لحالك ياتجي معنا بالرضى أو راح نجرك جر وانت عارف ان الكثرة تغلب الشجاعه وبعدين أنت مو مثل الريم قالت لك الصراحه كلنا شباب وهي مثلك عارف لو معنا عوائل كان أول من يطلع معنا هي وراح تشوف الطبخ اللي على كيفك لكن ماباليد حيله أما انت مالك عذر لو تموت ومن زين الوجه مسمي البدوي وانا اعرف ان البدوي ماله عن البر وطلعاته لكن انت غريب .

منهو ذا ؟ حيمـــــود !
ايـــه هين ياحيمود معليه هالحين جالس تاكل في الكبود والكلاوي وماعلمتنا ياربعك ماعليه محفوظة لك يابعدي إن ماعلمت شايبنا عليك ماكون الهيثم .
وين السمح ماعاد اشوفه عسى ماشر لا هو والشاعر الحزين شاعر المقانيص راعي العلوم الزينه وازيد من الشعر بيت شقران بعد وينه وين العضو الكشخه ؟

يامرحبا باللي جانا ومعه تيسه حياه الله مرحبا بعاشق الصحراء ياهلا اقلط اقلط حياك الله من ممشاك إلى ملفاك . وين القهوة ياشباب عجلوا وهاتوا القدوع"التمر" بسرعه والله الله في الشغل الزين , تولم يالسرحان نبي نروح نجمع بعض الحطب للتيس الليله لازم مندي لنا ثلاث أيام وحنّا ماغير غداء رز ولحم والعشاء بالمثل لاصيد ولاغيره ماغير السمح ضيع علينا الفشق هو والموجه شوفهم شجر الله المستعان يقولون ابشروا بالصيد ولا عيناه .
يالسرحان احفر البرميل للمندي الليله ونهار عندنا اليوم راح يطبخ لنا طبخه على الكيف .

[عاشق الصحراء]

عن اذنك يل حيمود انا ابي اروح مع الهيثم اساعده بتجميع الحطب .

مع انك يا حيمود ما انت مقصر عندك حطب , بس زيادة الحطب ما
تضر .
يالهيثم.... يا الهييييييييثم ....اصصصبر لي لين اجي معك بالموتر:)

وش رايك يالهيثم نروح على سيارتي .. و الا تدري خلنا على سيارتك
لان سيارتي ...بنزينه مصفر ...:(

[عاشق الصحراء]

شوي شوي يالهيثم ما شاء الله عليك تعرف تسوق مع البر ,بس
بس..اشوف تحب تسرع ...انتبه.. شف هالضب مفحط رايح لجحره
تكفى الحقه و حده عن جحره.....ايوه كذا يلعن ابو التفحيط..حده..
حده... ايوه ,,,,,,,هذا جحره سبقناه ..خلن اطب عند الجحر..
يا سلام ...يا سلام مسكته ,,,,مسكته.
ابشر به يالهيثم...
اههههه.....اههههه....حشرتنا غبرة الموتر .

يالله مشينا للحطب ....يا سلام ارض ما شاء حلوة!!!!!!!!

وقف ..وقف شف قصعة جربوع,,,خلنا نصيده

حول و اربط الضب بالسيارة.. و تعال ,,حط الشماغ على النفق هنا
و انا ابي اخلي الجربوع ينطلق يمك ....

هاه هاه جاك جاك امسكه ....عشت و الله جود الجربوع ,,و لا تذبحه
نبي اذا رجعنا لحيمود و الربع يشوفونه,,,,

[راعي الكشتات]

اسمعك يا الهيثم اقول مع اني منيب معزوم با ارمي وجهي عليكم (لانكم تستحقون)انا الان امامي وانيت فورد احمر وشاص ما ادري انتم هناك ؟؟

تسمعن يا الهيثم
لا والله الي قعد عماش= وجيوب نيسان خلنه
ينخا خوي النشاما شلاش=يشري له الزيت ويحنه
اللاندروفر تنك خياش=انظار الاجواد عافنه
قرنبع والعيون غراش= الى سرى ما يقيدنه
ليته يبيعه ولو ببلاش=ويقعد مع الربع بالعنه
احذرك تركب الانترناش=اللي يطبل تقل شنه
من صجته راكبه ينداش=ومن داخن الزيت يعمنه

شعر الامير المرحوم خالد بن احمد السديري
وسلامتكم

[الموجه]

الله يمسيكم بالخير يالربع يالنشاما ياللي قاعدين تسولفون على عماركم وتخيلون تحسبون ان هذا بيعشيكم والا بيجيب لكم عيشة

الشوف شجر يالهيثم ... هاه ..... الله يسامحك :p

وش دراك اني ألبس نظارات يا ابن الذين كفروا بالطاغوت وآمنوا بالله . :p
على شانك تقول (الشوف شجر) وانت ما تدري عن السالفة خذ ’’’’’’’ استلم هذا أول الصيد ‘‘‘‘‘ الله يعينكم على تجهيزه لنا وايا الربع وانا بنروح نجيب الباقي

http://www.mekshat.com/pix/gallary/data/images/AAA1.JPG

مع الاعتذار الشديد لصاحب الصورة

http://pix.mekshat.com/gallary/data/images/picture%20003%20004x.jpg

http://pix.mekshat.com/gallary/data/images/p3.jpg

عطوهم يا شباب اللي معكم ،،، على شان ما يقول المرة الثانية ( الشوف شجر )

http://pix.mekshat.com/gallary/data/images/p9.jpg


مع الاعتذار الشديد لأصحاب الصور


اخلصوا ...,,,,,’’’’ اخلصوا ’’’’ لا نجي الا انتم مجهزينه .

في أمان الله

[القرناس المهاجر]

الله يازمان كنا لاكشــتنا 00 نتغير من ( الصـنع ) من كثر مانصيد وناكل 000:D وكشتات هاليام راعيها

يضعف ومايرجع الا وهو يبي مقويات :p :p

ياحيمود 00ياخوي من يوم مشينا معكم في هالكشته وحنا ماشفنا لاقمري ولا حبارى 00 ماغير خاشين في

هالخيمة وطايحين سواليف ومقالب :D الله يستر :D

اقول يالهيثم انت رجال نفسيتك مرتاحه وشرايك تخاويني ترى الشعيب اللي هناك شفت فيه حجل وقماري 00

وترى السمح قدامنا خلنا نخـرب عليه الرصه هههههه :D :p

والله يعين اللي على الغصب صــبار 0000 صـبر الجمال اللي تشــيل الحمــولي

[الهيثم]

يامرحبا ياعاشق الصحراء الحي يحييك والميت يزيدك غبن , ياهلا فيك خوتك تنشرى ماهوب حيمود اللي جالس وحش في الناس يالله دخيلك من الكسل .
يامرحبا براعي الكشتات حياك الله ترى اللي يجي من دون عزيمه نفرح به أكثر الله يسلمك ماجاء إلا من غلاه وعلى فكرة ترى الونيت الحمر حق شايبنا مكشات والشاص لخوك عاشق الصحراء اقلط عندهم لين نجيب الحطب انا وعاشق الصحراء وعندك حيمود خله يسوي القهوة ويشب النار تراه ماسوي شي كود تقول له.

جعلك على القوه يالموجه والله إذا تحاول نسوي رحله جماعيه أنا ماعندي مانع وإن أول واحد يلبي الدعوه ويقوم معك بالتكاليف الهيثم ونعزم كل أعضاء منتدى مكشات وعلى راسهم مكشات والمشرفين واللي يجي معهم حياه الله ....... رحله من جد ماهو مثل ماقلت كلام فاضي .

وبعدين ماشاءالله عليك جايب صيد غيرك وتعطينا إياه علشان نقول الموجه صاد والله مانسويه وناكل منه إلا لين تجيب راعيه معك وعلى الشرط أنك أنت تسوي الاكل جزاء لك .

أبشر بعزك يالقرناس مالك إلا من يخاويك قدام والله انا ودي أخرب على السمح اللي شايف نفسه كن ماحد عنده بندق إلا هو والباقين الله بالخير تكفى عجّل بسرعه علشان ناصل قبلهم . وترى الموتر جاهز .

[حيمود]

الله يونسكم ..وجعل سعادتكم وضحكتكم ما تفارق خششكم ..(( الولد خشن :D ))

الصدق ان معرفتكم مكسب والله يديم هالكشته اللي عرفتنا بكم

يا حيل الله عاشق الصحراء ..والضيوف الكرام تو المكان ما تبارك بجمعة ضب وجربوع ..

لكن تعال ..خلنا نتراهن على طلقة الجربوع ومسكته ..

اما الضب فكني اشوفه محطوط في فراش الهيثم خل عكرته تدغدغ سيقانه تاللي الليل ..:D

===========

اقول يا القرناس المهاجر ..

يضعف ومايرجع الا وهو يبي مقويات ههههههههههه الله يضحك سنك

بس تعال ..تبي صيد ..ومعنا الهيثم .....هذا الله يهديه عليه كشه تذير الطيور اذا شافتها ..

موقفه عند الحلاق قبل ما نمشي قلت حلق والا ترانا بتطقنا الضعفة والجوع ...:D :D

===============

يا الهيثم فكني من شرك ...صاير لي نقير في هاطلعة ......اجل ذيك طبخة ..مطلع لنا قدور ما قد شفناها في العدة وكله علشانه دوري ..في كمين:good: المواعين ....

يجيبك ربي ويجي دوري ....لا اطبخ قشطة واحرقها عناد لك .....والوعد الساعة 6 المغرب ويا الله تخلص2 :D

[قتال]

هههههههههههههههههه :D :D :D

الربع رجعوا ولا بعد .. :D :D

الله يلعن بليسكم يا شباب .. عيشتوني بالجو صحيح .. :D :D

[أيمن]

يا حليلكم والله وطلعتكم ..
يالربع عطوني إحداثيتكم وجايكم على طول ..
بس هالحين أنتم توكم في الليل؟ ولا جا اليوم الثاني ولا وش القصة ؟

تحيتي

[معقد الشوش]

قلّت خاتمتكم وخليتوني ..... عوايدكم والله !!


لكن بسيطه روحوا وفالك ماهوب زين جوال أبو زناده معي وعندي أثبات أنكم آفة الحيوانات الفطريه !!


توّزون البنادق وألا ماتوزونها 000 يبي ينفضون سيارتكم يامخليّن أخوياهم !!:mad:


أنا معقد الشوش وكشتتكم يبي يعقدها الله :D

[naef1382]

السلام عليكم ورحمة الله وبركاته

[ذيب مجيرة]

كشته يا سلام
انا ما احب المكاشيت ولا الروحااااااات 00

انا ودي اقعد مع اختتتتتتي الريم واخوي البدوي 00 وان كان ود اخوي البدوي يروح يحطب ترا ما هيب شينه يبشر بمدحة الى تجمعوا العيال 00

وانا والريم نبي نجهز المكااااااااااااااااااان ونذبح العقارب والديباااااااااان 00
الله يستر عليكم يا عيال 00
ولا تنسون وصاة الريم 00

[شَعَّـاااال]

مرحبا شبااااااااااااااااب

شكل الخيمه مليانه

هو لي محل معكم مني جالسٍ بهالباب



هااااه عجلوا علي ولا مشيت

[ذيب مجيرة]

هلا يا برد الحماااااااااد

ما هنا شباااب العيال راحو للمقناص 000 والخيمة حوسة ولا تدخل 00

الحقهم والا شف خوينا البدوي يحطب خذ الحبل والحقه وجب لك غمر والا غمرين وخل عنك الدعسقة بالخياام 00

هماك تقول ان فجوجها للغانمين 00 الهمام يا ما العافية 000 وابشر الى ولمت القهوة و مالك الا من يناديك انت والبدوي 00

بعدي يالنشمي ايه ايه يا طيب الولد طيباه 00

[شَعَّـاااال]

سنايدي عوايدك والله ذيب أقول والله انك ذيب

أقو ل يالذ يب مشينا مايبي لها كلام . الدعو ى هلحين طردي

وش رايك هم هدوا ولا ماهدوا . يا ولد نعم الولد خلنا نلحقهم

لا ومعي شريط يهبل يشفقك على المقناص بزياده ......



ياما ضربت لقايد الريم ملقاف "=" وصدت العنود وشرّد الريم زهزوم
خطو أشقرٍ دايم على الجول مزهاف "=" فالجول هد وصاد من غير تعلوم
هذا هوى بالي ولا غيره أشفاف "=" وأنته عسى شملك بالاحباب ملموم

[حيمود]

السلام عليكم
:D
اخوي نايف
اخوي برد الحماد
اخوي ذيب مجيرة

حياكم الله ..وحقيقة ..نتشرف بمخاوتكم ..

لكن نوعدكم بطلعة ثانية ..ان شاء الله مع دخول الوسم باذن الله

واللي دعاني لرفع الموضوع هم الاخوة اللي شاركوا معنا ..وكان من فايدة الموضوع زوال شيء من الرسمية بيننا ..وكان من الواجب نطمن عليهم

لذلك كان فيه اثر باقي للضحك ..وبعض الكلمات في الردود
يعني بيننا عيش وملح..
:D
بعضهم صار مشرف وبعضهم ينشاف مثل اوخونا رحااااااااال وقتاااااااااال والقرناس المهاجر والسمح وشقران
وكل اللي ابيه اننا نطن عليهم ..ويا ليت كل واحد منهم يطمنا على احواله ..لان فيه كثير منهم ما عاد له شوفه ..
واذكر من اللي انقطعوا ..
:D

الحزين
راعي الكشتات
الهداد
السرحان
راعي عنيزة
الهيثم
الريم
البدوي
عاشق الصحراء
الموجه
معقد الشوش
غنام
ابو نجود

ويمكن نسيت اسماء بعضهم ارجو انهم يعذروني ونبي ا الجميع عن احواله
ونقول ..ترانا مشتاقين لكم
ولا تصيرون مثل نبت الربيع ..نبيكم دايم الدوم في المنتدى

وتحياتي للجميع

[الشـ9ــاعر]

أفـــــــــــــــــــا :mad: والله كبيرة كبيرة بحقي ياشباب.....
يعني الشاعر غاب يومين :( رحتوا الكشته وخليتوه بالرياض ....وين الصحبة وين الصداقة......

لكن وين بطيرون يعني ...... على طول يوم سمعت انكم طالعين شغلت ال(VXR) وراكم لين حولت عليكم مثل ما يحول الحر على الفريسة:bounce: ..........

وبعدين ...شفيكم كذا جالسين اللي يشوفكم يقول انكم في عزا ..... وين القهوه والشاي والقدوع .....

((يا حيمود ... حيمود .... أجلس وراك راقد ..... لوانك نايم في بيتكم احسن لك.....رح نزل العزبة من الجيب انا عامل حسابي زين..... وصدت لكم بالطريق 7 ضبان بنسويهم اليله كبسة .... ياسلام على كبسة الضبان لي سنة ما اكلتها امممممممم))....

شب النار يا قتال وانتبه لا تحترق ترى البزين خطير وبعدين تقووول احرقني الشاعر
:hot: .... حسبي الله على بليسك قلتلك لا تحترق شفيك صبيت البنزين مثل ما تصب الماء شباب طفوه بسرعة :D :D :D .......

نبغى جلسة منظمة يا شباب على ما تستوي الضبان واسمعوا منى هالابيات......


قم يانديبي حضر البن والهيل=وخل السمر ياسعود نار(ن) شعيله
وهات الدلال وهات معها الفناجيل=لاخير في مجلس خلا من فناجيله
نبغى نسامر بالسما نجمة سهيل=وننسى هموم(ن) بالضماير ثقيله
قلوا عسيرة قلت يسر وتساهيل=والحمد لله يوم صارت سهيلة
ما همني يا سعود هرج المهابيل=الهرج واجد والفعايل قليله
بين الكلام وبين فعل الرجاجيل=مسافة بالحيل عسرة طويله
والحر ما تصعب عليه المراجيل=يرقى بعيون الناس كسب الجميله
والا الردي حده مع القال والقيل=ولا يامن الزلات عند الفشيله

وسلامتكم .......... وشوفوا الضبان لا تحترق على النار


:D :D :D :D :D :D

[حيمود]

افـــــــــــــــــــــــــــــــا ما هيب هي
ما احد قالك ..العذؤر والسموحة ..بس يا اخوي طايح فينا تصريف قبل الكشته وجوالك يقول الرجال كاشت مع غيركم ..<========= ما يتسذب ابداًًًً


بعدين تقول راكد ..هداك الله لو كنت معنا وكلت هالمطانيج كان راسك زغرد من دوخه وبدال العصافير بتشوف فيله تطير ..ليتك معلمني كان موصيك على فكس ..وحبل اجود به نفسي عن هالمطانيج

والضببه وانا اخوك تخصص الهيثم ..وقتال انا تخصصي سمك ..صد لي في هالبر سمك وابشر بسعدك ((كسره ..عجااااااااااز )

لكن وانا اخوك ..جيت وجت سواليفك الطيبة حلالات انك معنا في اول الطلعة قبل ما يرجع بعض الشباب عز الله بنفلها اخر كيف
لكن الشباب رجعوا ..وما بقاء الا انا وكم واحد واللي رجعوا

ما عاد ندري عنهم ..يا ليت يطمنونا على انفسهم وانهم بخير وسلامه

تبيني اعدهم لك ..هاه شفهم في هالورقة ...( فوق )
وانا رجعت للمكان علهم يطمنونا عن انفسهم

اقول انتم توحون .......؟؟؟!!!!
ان شاء الله يكونون في صحة وعافية