مالي بعد الله غيركم...الله يرحم والدينكم لا تردوني...

[فـــــواز]

السلام عليكم ورحمة الله وبركاته

في الحقيقة هذا هو أول موضوع أكتبه في منتداكم المبارك

وعسى ان شاء الله ما تجدون منّي الا ما يبعث في نفوسكم الخير والسرور..

عندي سؤال

أنا أملك بليزر قديم مديله 79 قير عادي بدبل بمكينه حديثة مديل 91 حجم 305 ( طبعاً سست مو يايات وفيه لكّات حق كفرات قدام )

الموتر ما عليه كلام مع انه صارله شهر معي بس الا اني سافرت فيه الرياض ( انا من الشرقية )

وطعست فيه بالثمامة وطامرتبه بالبران...

يعني اللهم لك الحمد والمنة اللي دفعته فيه ماهوب خسارة

لكن اللي قاهرني حاجة وحدة واللي هي

اني لامني شبكت الدبل ودخلت منطقة تغريزية ناعمه يجلس الدبل يطامر بالموتر تقل تجي للموتر نفظه

والله العظيم يا شباب بأن شر البلية ما يضحك لكن بجد كنك راكب على حصان لامنك نزلت مع الطعس

أو مشيت وانت مشغل الدبل في منطقة شديدة التغريز تحصله يطامر .. وبالموت تثبّت عمرك على الكرسي

طبعاً واحد من الزملاء اتصلت عليه تلفون وعنده خبره بهالمواتر يقول شيّك رقم الكارونه حقت ورى وقدام

اذا انها مختلفه فخلها متطابقة ... قلتله وشلون قالي ما يحتاج تاخذها جديدة الله يخلي التشاليح ياخذون حقتك

ويركبونلك اللي تبي وياخذون عليك الفرق...

وفي شخص ثاني يقول انه يمكن من شفتات الدبل أو شفتات دفرنش قدام ..

( مدري اذا انه قال شفتات ولا قال حاجة ثانية )

الزبدة.... أنا ودي باللي يساعدني لأني وللأسف الشديد توني ناوي أدخله لورشة تصبغه فرن

ناوي استعمل بسويله تجديد كامل بإذن الله لكن عاد وش يقول الواحد ..

الوكاد اني ابزين الشغلات الميكانيكا اللي فيه أول وبعدين بفضي نفسي للشكلات من بويه ولون وغيره..

كل اللي ابيه منكم يا شباب

أنتو الحين عرفتو تقريباً وش موتري...

وعرفتوا العيب اللي فيه ..

لكن اللي ابي اعرفه وش تنصحوني اسوي...ووين اروح ..!؟

خصوصاً ان الورش كلها ابو هنود وهذولا يعرفون يصلحون الخربان ويركبون قطع جديدة بس

اما تشخيص حجم كارونه أو صفات الدبل مدري شفتات الدبل ما ظنتي يعرفون وين الله قاطهم...

وهل بتكلفني الشغلة واجد ..؟

وعندي سؤال ثالث أخير..!؟

في حالة أني ابي اغير كفراتي من حجم( شواهين 27.5 ) إلى ( 35 رفيعة وعريضه بنقشه عميقه )

هل بحتاج أغير الكارونة ..وعلى أي مقاس !؟


طبعاً أنا ليش سألت السؤال الأخير...

لأني ناوي اغير كفراته بعد ما اصبغه وانجّده وياخوفي ان تعبي يروح هدر اذا اني طابقت رقم كارونة ورى وكارونة

قدام وبعدين يتكسرون علي أو يطلبون مني تغييرهم لحجم أكبر..!!



والله العظيم يا شباب بأني ما سجلت بمكشات الا علشان هالسالفة فلا تردوني الله يخليكم

لأن صدري بالفعل ضايق لمن عرفت اني انغشيت بهالشغله

لكن الواحد وش يقول غير ( لا كامل الا وجه الله سبحانه )

بانتظاركم أحبابي واخواني وكل عام وانتم بخير....

[كشات]

http://www.geocities.com/hraaar_1/1100218787_starting_word.gif

هلا وغلا بك اخوي فواز

ومبروك على الموتر

كلام خويك الاول اتوقع هو الصحيح

رقم الدفرنش الامامي ما يتناسب مع الدفرنش الخلفي

مثال
الدفرنش الخلفي يدور الكفرات 100 دوره لكل 150 دورة عمود الكردان
الامامي يدور الكفرات 90دوره لنفس عدد اللفات

فيه فرق 10 لفات (( مثال فقط)) اللفات هذي وين بتروح اما ان الدفرنش الخلفي ينقص عدد لفاته او الامام يزيدها بالتالي الموتر يطامر لان الدفرنشات مضغوطه ولازم يفك الضغط او تنكسر تروس الدبل او احد الدفرنشات

وعشان اقرب لك اكثر تقدر تمسك عصا مكنسه بقوه من طرفيها وتفرها بايدينك باتجاه واحد بس من جهه تلف بسرعه وجهه ببطء طبعا بيحدث لك احدى امرين

اما ان العصا تفرط وتدور بوش من احد ايدينك

انصحك تروح للتشليح وهم يدبرونك
وان بغيت واحد فاهم

تلقاه بتشليح اسمه هجر مقابل مصنع الغاز اللي بالدمام واسم الرجال عدنان

واتمنى انك تشاركنا بمواضيعك بالمنتدى باستمرار

[الجيب الربع]

السلام عليكم ورحمة الله وبركاته

أخوي فواز

كلام اخونا كشات واللي سمعت من قبل صحيح ........... البعض يغير الكرونه الخلفية بوحدة تخلي الموتر يمشي بسرعه أكبر لكنها تسبب ماذكرت بالنفود وكان عندي ونيت قطع 10 فيه نفس المشكلة وغيرت الكرونه الخلفيه وسلك بعده

تحياتي

[SilverSniper]

حياك الله يا فواز..
مشكلتك في الكارونة الأمامية تختلف عن الخلفية..
كيف تعرف الرقم؟؟.. تفك الكارونة وتعد أسنان البنيون والطارة..
ان كنت راعي طعوس ركب كوارين 10/41 أو 11/41.. وان كنت بتاع كله.. ركب 13/43.. وان كنت بتاع خطوط. ركب 14/43.. وخل اللي ورا مثل اللي قدام..وشيك على العمود الواصل بين دفرنس قدام والقير لا يكون مطعوج والا مضروب..
بالنسبة للكفرات.. لا تركب 35 الا ان كنت بتسوي لفت ( رفع ) على الأقل 3 انش.. ان كنت بتركب كفرات كبار.. أنصحك بكفرات 33.. بس لازم تقص من الرفرف الأمامي الزاوية السفلية ( حول الزيق) والا يحك عندك.. قص خفيف وأي واحد يقدر يسويه..
بالنسبة للي يركب لك الكوارين.. عندك في الحاير.. تشليح كله بليزرات..في آخر الحاير .. اسم صاحبه أبوعلي..

[فـــــواز]

http://www.geocities.com/hraaar_1/1100218787_starting_word.gif

هلا وغلا بك اخوي فواز

ومبروك على الموتر

كلام خويك الاول اتوقع هو الصحيح

رقم الدفرنش الامامي ما يتناسب مع الدفرنش الخلفي

مثال
الدفرنش الخلفي يدور الكفرات 100 دوره لكل 150 دورة عمود الكردان
الامامي يدور الكفرات 90دوره لنفس عدد اللفات

فيه فرق 10 لفات (( مثال فقط)) اللفات هذي وين بتروح اما ان الدفرنش الخلفي ينقص عدد لفاته او الامام يزيدها بالتالي الموتر يطامر لان الدفرنشات مضغوطه ولازم يفك الضغط او تنكسر تروس الدبل او احد الدفرنشات

وعشان اقرب لك اكثر تقدر تمسك عصا مكنسه بقوه من طرفيها وتفرها بايدينك باتجاه واحد بس من جهه تلف بسرعه وجهه ببطء طبعا بيحدث لك احدى امرين

اما ان العصا تفرط وتدور بوش من احد ايدينك

انصحك تروح للتشليح وهم يدبرونك
وان بغيت واحد فاهم

تلقاه بتشليح اسمه هجر مقابل مصنع الغاز اللي بالدمام واسم الرجال عدنان

واتمنى انك تشاركنا بمواضيعك بالمنتدى باستمرار


تسلم حبيبي والله وما قصرت

أخوي كشات

أنا بجد عملت بنصيحتك واليوم رحت للأخ عدنان ( رجال حساوي مرّة حبيّب )

اللي تشليحه مقابل مصنع الغاز لكن اكتشفت ان تشليحه مب اسمه هجر

اسمه نجم الشرقية......

وشيك على الدبل والدفرنشات وهالشغلات يقول دبلك مزين منه

حليل وماشي ويقول ان قيرك .. قير ونيت مهوب قير بليزر لكن ماشي حاله بعد

وطلب مني اني اغير المساعدات واطلع فيه للهافمون بعدها عشان اجربه

لأن الدبل والدفرنشات والكوارين نفس المقاس

بدليل انه شبك الدبل وساقه يقول مافيه أي شي ....

وانا بالفعل شريت طقم مساعدات ( 4 ) وركبتهم وصار الموتر مطبّه مطب كابرس وحتى بالخط

ما قام يتخضخض لكن سالفة بر

ان شاء الله باكر الخميس بجربه وبرجع اعلمك واعلم الأخوان وش صار معي

[الحاتمي]

السلام عليكم ورحمة الله وبركاته
اخوي فواز
المطامر اللي بموترك
مر علي بسياره جمس صالون م94دفرنسين
كنت راكب مع واحد من الشباب وطلعنا للبر على الجمس
وبعد ماشغل الدبل قام يطامر بنا سالته انت عبثت بالسياره غيرت له شي
بالدفرنس او العمود اوالدبل
قال لي ابدا
السياره مشترينها وكاله ومالمسنا اي شي من اللي قلت
يعني الدفرنس والدبل والعمودشدبلد ومالهن دخل
غير المساعدات ووافنا بالنتيجه......

[فـــــواز]

مشكورين يا اخوان المشكلة راحت بنسبة 90 %

لكن مازلت

لامني نزلت مع القصوص القويّة

السيارة ترج فيني

زي اللي تقل واحد قاعد يمسك لها بريكات ويفك يمسك بريكات ويفك

مع اني دايس على البريك لمس

تتوقعون لأن الدبل دايم كذة

ولا لأن المساعديات هي اللي تسوي كذة ّ؟

[أبو أسماء]

السلام عليكم ورحمة الله وبركاته

في الحقيقة هذا هو أول موضوع أكتبه في منتداكم المبارك

وعسى ان شاء الله ما تجدون منّي الا ما يبعث في نفوسكم الخير والسرور..

عندي سؤال

أنا أملك بليزر قديم مديله 79 قير عادي بدبل بمكينه حديثة مديل 91 حجم 305 ( طبعاً سست مو يايات وفيه لكّات حق كفرات قدام )

الموتر ما عليه كلام مع انه صارله شهر معي بس الا اني سافرت فيه الرياض ( انا من الشرقية )

وطعست فيه بالثمامة وطامرتبه بالبران...

يعني اللهم لك الحمد والمنة اللي دفعته فيه ماهوب خسارة

لكن اللي قاهرني حاجة وحدة واللي هي

اني لامني شبكت الدبل ودخلت منطقة تغريزية ناعمه يجلس الدبل يطامر بالموتر تقل تجي للموتر نفظه

والله العظيم يا شباب بأن شر البلية ما يضحك لكن بجد كنك راكب على حصان لامنك نزلت مع الطعس

أو مشيت وانت مشغل الدبل في منطقة شديدة التغريز تحصله يطامر .. وبالموت تثبّت عمرك على الكرسي

طبعاً واحد من الزملاء اتصلت عليه تلفون وعنده خبره بهالمواتر يقول شيّك رقم الكارونه حقت ورى وقدام

اذا انها مختلفه فخلها متطابقة ... قلتله وشلون قالي ما يحتاج تاخذها جديدة الله يخلي التشاليح ياخذون حقتك

ويركبونلك اللي تبي وياخذون عليك الفرق...

وفي شخص ثاني يقول انه يمكن من شفتات الدبل أو شفتات دفرنش قدام ..

( مدري اذا انه قال شفتات ولا قال حاجة ثانية )

الزبدة.... أنا ودي باللي يساعدني لأني وللأسف الشديد توني ناوي أدخله لورشة تصبغه فرن

ناوي استعمل بسويله تجديد كامل بإذن الله لكن عاد وش يقول الواحد ..

الوكاد اني ابزين الشغلات الميكانيكا اللي فيه أول وبعدين بفضي نفسي للشكلات من بويه ولون وغيره..

كل اللي ابيه منكم يا شباب

أنتو الحين عرفتو تقريباً وش موتري...

وعرفتوا العيب اللي فيه ..

لكن اللي ابي اعرفه وش تنصحوني اسوي...ووين اروح ..!؟

خصوصاً ان الورش كلها ابو هنود وهذولا يعرفون يصلحون الخربان ويركبون قطع جديدة بس

اما تشخيص حجم كارونه أو صفات الدبل مدري شفتات الدبل ما ظنتي يعرفون وين الله قاطهم...

وهل بتكلفني الشغلة واجد ..؟

وعندي سؤال ثالث أخير..!؟

في حالة أني ابي اغير كفراتي من حجم( شواهين 27.5 ) إلى ( 35 رفيعة وعريضه بنقشه عميقه )

هل بحتاج أغير الكارونة ..وعلى أي مقاس !؟


طبعاً أنا ليش سألت السؤال الأخير...

لأني ناوي اغير كفراته بعد ما اصبغه وانجّده وياخوفي ان تعبي يروح هدر اذا اني طابقت رقم كارونة ورى وكارونة

قدام وبعدين يتكسرون علي أو يطلبون مني تغييرهم لحجم أكبر..!!



والله العظيم يا شباب بأني ما سجلت بمكشات الا علشان هالسالفة فلا تردوني الله يخليكم

لأن صدري بالفعل ضايق لمن عرفت اني انغشيت بهالشغله

لكن الواحد وش يقول غير ( لا كامل الا وجه الله سبحانه )

بانتظاركم أحبابي واخواني وكل عام وانتم بخير....
اسمحلي اخوي فواز والله مادري شلون نسيتك لاني مشغول بتجهيز سيارت رالي لاواحد من الربع موضوعك سهل لهو كارونه ولا بنيون لاله دخل فيهم
الدفع وردت الفعل للسيارة اذا دار التاير ينقل قوة الدفع وقاومته السيارة تحدث ردة فعل تنقل قوة الدفع الى هيكل السياره فيجب نقل الحركه الدافعه من التواير الموجوده في الجسر الامامي وعدم السماح للجسر الامامي بان يدور بتجاه معاكس لدوران التواير اذا كانت مستقله مع الجر الامامي (الدبل) في هذه الحاله يجب عليك انك تراجع نقاط التعليق في مجموعة الجر الاماميه لتامين التعليق القوي والجر المتساوي معا لكي تقوم بااعطاء اجزاء الدفع ورد العل وتشغيلها بالشكل الصحيح في هذه الحاله تكون نقاط تثبيت علبة السرع والدفرنشيال الامامي والجسر (على الهيكل او الصندوق ) وهي نقاط ربط هذه الاجزاء ونقاط نقل الدفع ورد القعل وانا انصحك ان تركب سبرنجات ومعونات (4) من نوع خاص وتقوم بجوله تحت السيارة وتشيك على جميع الكراسي وبالاخص كراسي الدبل كما انصحك انك تدور معاونات المصنوعه من الاميا نت او رومنز روسية الصنع تعمل على منع كثرة انضغاط وتمدده خاصة بالاهتزازات العنيفه ويجعل التعليق قاسيا 2- موضوع الاطارات ركب مافي مشكله وابعد عن الدفرينشيال واتركه بحاله وارجو لك التوفيق وشكرا