المساعد الشخصي الرقمي

مشاهدة النسخة كاملة : سعر خزان الوطني يقفز 50 ريال


نومـ11111س
03/02/2011, 01:05 AM
السلام عليكم ورحمة الله وبركاته

لي فترة وانا ادور واقارن بين الخزانات ، واخيرا قررت اركب خزان الوادي بحكم ان سعره يتراوح مابين 190 و200 ريال


اتصلت اليوم على فرعهم اللي على طريق خالد بن الوليد واستفسرت عن خزان 90 لتر واقف وقال لي انه بـ 250

قلت يابو الشباب وين جت منه الخمسين ذي انا خابره بـأقل

قالي : هذا كان عرض وانتهى


تتوقعون يعد شهر بينتهي بعد هالعرض ويصير بـ 300 !!!!


ليش لا .... فأنا أثق في وزارة التجارة خخخخخخخخ
6ariq
03/02/2011, 02:15 AM
وعليكم السلام ورحمة الله وبركاته

شوف وانا اخوك

من واقع تجربه

انا اشتريت خزان الوادي واقف 150 او 145 ل من برق الحيا اول مانزل

الصراحه نسيت بكم اشتريته

المهم عبيته وكشت فيه يوم وصلت وجيت بنزل فرشتي حصلت طرف الفرشه رطب

وحسيت انه فيه تهريب (يندي تنديه خفيفه)

هملت الموضوع وبعد سنه تقريبا قلت خلني اتصل عليهم خصوصا ان رقمهم مختوم على التانكي

اتصلت وقلت لهم السالفه قال خلاص يجيك المندوب لحد عندك

وفعلا جاني واحد مصري عند بيتي واخذ التانكي وقالي بنكشف عليه وبكرا نرد لك خبر

اذا كان يمكن تصليحه نصلحه لك واذا كان خلل مصنعي بنجيب لك واحد جديد

وبعد يومين اتصل علي وقال حصلنا فتق بسيط جدا وصلحنها واللحين التانكي تحت الاختبار وبكرا بنجيبه لك


والتانكي الى اللحين عندي (ماشاءالله تبارك الرحمن) كارفه كرف

وانا انصح فيه وبقووووووووووه

وسعره رخيص حتى لو قالك بـ 300

بالتوفيق,,,
كومبو
03/02/2011, 02:18 AM
الزيادة عشان عليه طلب زايد
ابو محمد 2011
03/02/2011, 02:26 AM
غرررررررررررررررررررررررررررريبه
ملك الفكتوريا
03/02/2011, 07:52 AM
اللي يزيد سعره قاطعوه وخلوه الله يمحقه هو وبضاعته
exsoskeleton
03/02/2011, 09:50 AM
أنا عندي خبره انه بيزيد من شهر ونص لأني رحت القصيم يم فرعهم الى قريب الدائري عند عروق الشمال
وشريت خمس توانك 95 لتر وأثناء حديثي مع أبو عبدالملك بلغني انه راح يزيد نظرا " لعدم وجود منافسه حاليا "
نومـ11111س
03/02/2011, 11:23 AM
رحت قبل شوي لفرعهم الي على طريق خالد بن الوليد (انكاس) ابجرب الواقف 90 لتر يركب على الباثفندر ولا لا

طبعاً صار مايركب بسبب الفخوذ الداخلية للرفارف


البائع مايدري اني متصل عليه ومسعر ، ولذلك سألته عن سعره وقال 220


استغربت وشلون في التلفون سعر وفي المحل سعر
جبل خزة
03/02/2011, 03:23 PM
يا أخوان انا دار بيني وبين المسوق لخزان الوطني نقاش حاد حول الاهتمام بالعميل ويمكن اني استأت من تعامله مع استفسارات .
بس الحقيقة ان الاخ صاحب معرف خزان الوطني وضح في موضوعه ان الأسعار الحالية هي عبارة عن تخفيضات راح تستمر حتى نهاية شهر يناير كدعاية لمنتجهم ومع بداية شهر فبراير راح ترجع الأسعار لسابق عهدها والزيادة اللي شفتوها هي أسعار الخزان الحقيقية . وأنا أعتبر الاسعار الحالية معقولة ومقبولة .
قرم العيال
03/02/2011, 04:03 PM
حنى الي نرفع السعر كعملاء المفروض على طول مقاطعه

هم شافو المدح والطلب قال ارفع ...
التعـ King ـديل
03/02/2011, 05:01 PM
اكيد راح يرفع 50 وبعد شهر 50 ثانيه

لانه عارف الطلب زاد عليه بعد فضيحه خزان الوادي وابشرو بالخمسينات لين يطق 1000 ريال
K.S.A.A
03/02/2011, 05:07 PM
أخوي نوماس التانكي اللي أنت شفت مو تانكي الوادي
هذا تانكي الوطنية . تانكي الوادي تحصله فوق ال 500 وضمان 5 سنوات
اما تانكي الوطنية فهذا سعره ب 200 او ب 220 وضمانه سنتين
وانا عن نفسي جربت تانكي الوطنية وشاريه من أم رقيبة 95 لتر ب 200 ريال
والتانكي ممتاز ويوجد به قواطع لمنع صوت الماء .
اوإن كان رفعوا سعره فما أقول إلا حسبنا الله ونعم الوكيل .
سيف خنذف
03/02/2011, 05:18 PM
بالفعل هو عليه عرض وانتهى
وليش تزعلون .؟؟

العرض وانتهى ..الي يبي يشريه دربه خضر والخمسين اظنها ماتفرق
تسعه وتسعين
04/02/2011, 03:40 PM
ههههههههههههه الله يرحم والديك عندنا محل يبيعه بـ 400 ريال يعني دبل السعر وبعدين تراك لحست عقلي بالعنوان تقول الوطني وبالموضوع تقول الوادي والوادي سعره 500 ريال90 لتر وشكله غبر
وانا اقصد بـ200 خزان الوطني وفعلاً كان عليه عرض وانتها وزين اللي زاد 50 فقط وانا برضه واثق بوزارة التجاره وحماية الهلكان(اقصد المستهلك)
تقبل مروري