استفسار عن كفرات ( يوكوهاما ) وينكم يا اهل القصيم

[شـهـاب]

بسم الله الرحمن الرحيم

السلام عليكم ورحمة الله وبركاته


طبعاً عندي سؤال عن كفرات يوكوهاما ما رأيكم بها
علماً ان اغلب هايلوكسات القصيم كفراته يوكوهاما

ولو ما عليكم امر كم سعرها في القصيم

طبعاً الكفرات مقاس 225/75 جنط 15

افيدونا اثابكم الله

[البرحه]

سلام عليكم

واحدن اعرفه انا معه هلي 88

وركب له جنوط هندا اكورد 15 <<( الي تجي لونها اسود وحديد)

المهم الرجال طق له طقم كفرات يوكوهاما جدييييده وتوه طاقها مبسوط

والرجال راعي شعبان وحصيان وراعي خطوووط يمشي في اليوم 160 كيلو

ما قعد الموتر شهرين الا وانصلخ واحد من الكفرات وفكه الله ما انقلب

ويروح ويطق كفر جديد يوكوهاما ..... ويوم جلس فتره وبدا واحد من الكفرات ينقص !!

ويوم راح به وناظره لقاه منخفس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المهم الرجال عصبت به ذاليوكوهاما يقول انها ليننننات وماعاد تتحمل غدت مثل الهانكوك

ويقول ان ذالتوالي ما عاد هيب ينشد بها الظهر !!

ونشوف اراء الشباب الي توهم مركبينها

وشكرا واسف على كثرة القرق

[أبوأحمد98]

اليوكوهاما ..والله معي على الجيب ممتازات

بالنسبه للهايلكسات ..أشوف أغلب الشباب يركبه ويمدحونهن رخيص وكويس

اما اذا كنت تقدر على اليوكوهاما فتمام التمام

[الوشاح]

وعليكم السلام ورحمة الله وبركاته

حياك الله ياشهاب...
الي اشوفه على الهايلكسات بالقصيم هو اليوكوهاما والهانكوك....الهانكوك لين يصلح
لنفود ولاكن مايصلح للحجر .........اما اليوكوهاما ....بتاع كله.... وأنا انصحك باليوكوهاما....

لاكن مانصحك بالمقاس225/70 لأنه كبير ويثقل على الموتر ......ولاتعداالمقاس 215/75 ...
الكلام هذا من واقع تجربه...

اخوك ......الوشاح

[أبو يوسف]

والله اليوكوهاما متتحمل تتسحل وتتمسح بسرعة خاصة للي ينسمها واجد

تببي نفس الليونة والسعر وأكثر جودة خذ تويو بس المشكلة الوحيدة الخط حقها سخيف ولا يصلح يظهر

اتمنى اني اكون أفدتك

تحيتي

[شـهـاب]

مشكورين يا اخون

بس الغريبه ان اكثر الناس يمدح اليوكوهاما لانها لينه وتصلح للحجر مثل ما قال اخوي الوشاح بتاع كله

واول مره احد يقولي انها تنسلخ بسرعه

لكن يا اخوان ما قلتو لي بكم سعرها

لان اذا كان سعرها رخيص فأنا ابي اجي من حايل للقصيم علشان اركبها ؟؟

فياحبذا لو تفيدوني عن السعر ..؟

[كبريت]

السعر حوالي 850-900

لاتدور غير اليوكوهاما 225-70

[البرحه]

سعرها في الرياض - الغرابي

840 بعد الخصم

[**( تلمي )**]

أخوي (( شهاب)) كل عام وأنت بخير .......................
والله اليوكوهاما كفر ممتاز مررره ولين وللنفود والرمل أفضل كفر لانه لين
أما للحجر فأنه لا يصلح لأن لينه أكثر من اللازم فلذلك يأثر على أجناب الكفر خصوصاً اذا كان الكفر ناقص هواه ,,,,
وهذي الكلام من واقع خبره ( خمس سنوات ) وانا مع الهايلكس ولا أركب إلا كفر يوكوهاما ,,,,,,,,,,,,,

أما سعرها آخر مره ركبت كفرات (قبل سنه) من محل الدوسري بعنيزة وكان سعر الكفر ( 205 ) ريال ورأيي أنه ارخص محلات الكفرات بالقصيم ..........

وتحياتي لك ,,,,,,,,,,,,,,,,,,,

[شـهـاب]

اخوي ابو محمد :
شاكر لك من اعماق قلبي مرورك وافادتي لا حرمك الله الاجر

----


اخوي البرحه
شاكر لك عودتك ومروك لا حرمك الله الاجر

[شـهـاب]

أخوي (( شهاب)) كل عام وأنت بخير .......................
والله اليوكوهاما كفر ممتاز مررره ولين وللنفود والرمل أفضل كفر لانه لين
أما للحجر فأنه لا يصلح لأن لينه أكثر من اللازم فلذلك يأثر على أجناب الكفر خصوصاً اذا كان الكفر ناقص هواه ,,,,
وهذي الكلام من واقع خبره ( خمس سنوات ) وانا مع الهايلكس ولا أركب إلا كفر يوكوهاما ,,,,,,,,,,,,,

أما سعرها آخر مره ركبت كفرات (قبل سنه) من محل الدوسري بعنيزة وكان سعر الكفر ( 205 ) ريال ورأيي أنه ارخص محلات الكفرات بالقصيم ..........

وتحياتي لك ,,,,,,,,,,,,,,,,,,,

اخوي تلمي رد شافي وكافي


لكن ياليت لو توصف لي مكان المحل وان حصل رقم للمحل يكون افضل لكي اسئله عن سعرها الحالي وهل هي متوفره لديه ام لا
لاني سوف اقطع قرابة 350كم ولا اريد ان اقطعها ولا استفيد


قد يسألني البعض لمذا لا تركب من حايل اقول حايل سعر الكفر هنا 240 ريال
يعني يمكن بركبها بـ 900 وشوي فرق 100 ريال
وللمعلوميه مالقيت الا محلين في حايل الي عنده يوكوهاما نفس المقاس الي ابي

بعدين الـ 100 تكفيني بانزين وتمشي بالقصيم :D

انتظر ردك اخوي التلمي

[**( تلمي )**]

أخوي ( شهاب ) أبشر بسعدك ............
ان شاء الله الليله أمر المحل وأرد لك كم سعرها بالضبظ أذا قدرت أسئلك بعد بمحلات بريدة .........
أما بالنسبه لوصف المحل ,,المحل معروف بعنيزة بالصناعية لو تسأل أي واحد بعنيزة يدلك عليه ,,,,,,,,,,,,
وتحياتي لك ......
وأذا بغيت تجي راسلني وأبشر باللي يرضيك ,,,,,,,

[الشمطري]

السلام عليكم ورحمة الله وبركاته

اخوي شهاب اهم شئ قبل ما تركب الكفر تأكد انه جديد الصنع

حق هالسنة

تحيـاتي

[الاباتشي]

السلام عليكم
انصحك تاخذ بكلام اخوي الوشاح
ولا تركب غير 215 لانهن افضل شي للهايلكس واذا دخلت بالحصى لايقل هواء الكفرات عن 35 عشان مايجيه شي
وتراي مجرب هالشي بالشتاء طال عمرك وبوقت الضبان

[شـهـاب]

الله يجزاكم خير


ننتظرك التلمي

[شـهـاب]

اخوي التلمي اذا عليك كلافه

بس اعطني رقم المحــل .؟

[**( تلمي )**]

أخوي شهاب أأأأأأأأأأأأأأأاسف جداً على التأخير وعدم الرد وذلك لضروف خارجه عن أرادتي ,,,,,,,,,,,,,,,,,

لكن غداً صباحاً أن شاءالله راح ارسلك رقم المحل وكامل التفاصيل ,,,,,,,,,,,

وأكرر أعتذاري ,,,,,,,,,,,,,,,,,
تحياتي لك ........

[شـهـاب]

اخوي تلمي مقدر لك عذرك
وشاكر لك هذه النفس الطيبه الصبوره

اخوك شهآبـ

[**( تلمي )**]

أخوي شهاب مساك الله بالخير وأسف على التأخير ,,,,,
سألت لك عن الكفرات بمحلات العقيل ببريده وقالولي سعرها (230) ريال
وموقعهم على شارع الخبيب بجوار عمارة عويضه وسط بريدة وتلفونهم (063250635)
أما محلات الدوسري بعنيزه فأحاول الليلة أجيبلك خبره ورقمه ,,,,,

تحياتي لك ......................

[شـهـاب]

اخوي التلمي الله يجزاك خير

شكلي اشغلتك

لكن تحملنا ومشكور على الافاده

اسئل الله ان يجعلك ووالديك في علّيين

[الوشاح]

السلام عليكم ورحمة الله وبركاته
مريت اكثر من محل ولقيت السعر واحد
الـ225بـ240
و215بـ230

اتمنى اني افدتك......لاكن ماقلتلنا بكم عندكم؟؟

[شـهـاب]

اهلا وسهلا الوشاح

اشكرك ولن اوفي حقك بالشكر بهذا المجهود الذي قلته

سراحتن احد الاخوان قالي يمكن بالقصيم بـ 205 واستانست

لكن انت تقول 240 وكلامك اكيد 100%
اذا مافيه فرق عن حايل

حايل السعر 250

شاكر لك مرورك وافادتي اخي الوشاح

اخوك شهآبـ

[حر اليدين]

السلام عليكم جميعا
اخوي شهاب انا من واقع تجربتي انا كنت مركب يوكوهاما حقت هلوكس وكالة على ددسن185/75/14 والله انها تتحمل واني احط عليها اللي ماينحط جبال ورمال وخطوط


والان معي ددسن دفرنسين مركب لها يوكوهاما 235/75/15 والله انها لينه وحلوة لكنها ثقيلةحبتين

بما انك تسال عن الجودة والتحمل ركب ولا يهمك



اخوك حر اليدين

[شـهـاب]

الله يجزاك خير اخوي

واشكرك على هذه المعلومات

اخوك شهآبـ