المساعد الشخصي الرقمي

مشاهدة النسخة كاملة : استفسار يالاجاويد عن كفرات هانكوك


عاشق الأطلال
03/02/2011, 10:58 PM
السلام عليكم ورحمة الله وبركاته

مساكم الله بالرضا والعافية اعضاء منتدى مكشات الغالي

اخواني الله لا يهينكم حبيت اسأل عن كفرات (تكرمون) هانكوك دعسة شاهين سمعت انها مريحة جداً من ناحية المطب فهل هذا صحيح .
والشي الثاني يقولون فيه انواع شي نقشة قديمة وشي جديدة فياليت صورة للكفرات المعروفة شاهين . لأني رحت اسأل في محلات الكفرات واحترت الصراحة كل محل يعطي نوع .
الشي الثالث هل هذه الكفرات تصلح للنفود والشعبان والمدينة ولا هي مخصصة لشي معين .
واسعارها كم ؟
وهل هي نفس مقاسات شد البلد
موتري جي اكس ار 2006 مقاس 16

وأخيرا حبيت افيدكم بالنسبة لكفرات الدنلوب لأني مركبها
ركبتها وجلست معي ثلاث سنوات الصراحة الكفرات جبارة وقوية وتتحمل بشكل رهيب لكن عيبها قاااااااااااااااسية . طبعاً اقصد وارد بن زقر الياباني

والله يعطيكم العافية
عاشق الأطلال
04/02/2011, 12:08 AM
وهل هذا النوع هو نفسه البالون

الصراحة انفقع راسي
واحد مبسوط
04/02/2011, 11:07 AM
كفرات هانكوك لايعلى عليها
انا جربتها في شاص معي
نقشة شاهين 10 غاط
ماشاء الله عليها
رسمال
04/02/2011, 11:35 AM
انا جربتها مرتين
كفرات مريحة ولينة .....لكن
تتقادم بسرعة عجيبة بعد سنة كانك مركبها قبل سنتين
ما تستاهل سعرها
ملاحظة
انا جربت على لاندكروزر وفتك
ربما مناسب للسيارات الخفيفة الصغيرة اكثر
عاشق الأطلال
04/02/2011, 03:35 PM
الله يعطيكم العافية وماقصرتوا
الطمره
21/03/2011, 04:04 AM
السلام عليكم ..
أنا معي لاندكروزر مركب عليه كفرات هانكوك 17 ماشيه معي لها حول السنتين في نفود والجلد والخطوط <<حلوه ولينه بس عيبها تتقطع بسرعه :p
بيالة زنجبيل
21/03/2011, 04:13 AM
أتفق مع رسمال
طيرالوله؟
07/08/2012, 08:33 AM
اخوي انا ركبت الشاهين على الشاص وكانت ممتازه جدآ في البر والسفر
وبعد مابعت الشاص وشريت جيب جي اكس ار صالون وركبت له الشاهين سعر الكفر مو متأكد 730 اغلب الضن وللاسف انصدمت منها ضرب معي كفرين وانا امشي بالمشي المعقول والحمدلله قدر الله ولذلك انصحك بعدم تركيبها لانها تصلح للسيارات الشاص فقط والسيارات الخفيفه وان كنت تريد كفرات للبر وللقنص انصحك بالبالون 900 تعجبك من بعد الله بالبر وعيبها في الزفلت ترج ع80
وكفر الشاهين لو بحثت عن مستعمل لاتجده نهائيآ وحتى الجديد لاتجده الى في بعض المحلات احيانآ
وسلامتك
.أبوعبدالرحمن
07/08/2012, 10:49 AM
وعليكم السلام ورحمة الله وبركاته


أخوي الغالي أهم شي تأكد من مواصفات الكفر أول شيء هل هو يتحمل الحرارة


معدل الإحتكاك والتراكشن ... إلخ


حسب نظرتي بعد ما قريت عن الكفر وسمعت ناس يتكلمون عنه ( مع العلم أني ما جربته ولا راح أجربه )


الكفر اللين دائما ما ينفع للشعبان وهذا الكفر إللي ذكرته لين جدا ولا يتحمل الحرارة الزائدة


أيضا الكفر يزلق مع الإستخدام تضرب فرامل فجأة تجد الكفر ليس له أي إجابة وهذا يعود لإنسيابية الكفر


بشكل مبالغ فيه وكذلك نوع الكفر التراكشن فيه ضعيف



وأترك منك الميشلان والهانكوك والدنلوب وغيره أهم شيء مواصفات الكفر


ولو بحثت في المنتدى ستجد إن شاء الله مواضيع كثيرة تفيدك في أهم مواصفات الكفر



والله يرزقك باللي يرضيك


وهذا أحد الروابط المفيدة


قبل ما تشتري أو تغير كفرات السيارة تعال أعلمك (http://www.mekshat.com/vb/showthread.php?t=413561)