يا أهل الباترول عطونا تجاربكم...

[طخيمان]

بصراحة يا جماعة واحد من أخوياي ناوي يشتري باترول 2006 بس خائف من صرفية البنزين وودي أسألكم عن صرفيته
وكم يمشي خط وديرة (التانكيين) وكم تعبونه فل ؟؟؟ (السؤال عن الباترول من 2003 إلى 2006) ودمتم سالمين.

[هدهد سليمان]

أرى |ن البرادو 2006 افضل بكثير

[أبو أسامة]

السلام عليكم ورحمة الله وبركاته
أخوي يجيك حاتم ويعلمك العلم الأكيد بس للمعلومية ترى صرفيته أكثر من الفي أكس آر بشوي يعني تقريباً 30 كيلو تقريبا في الخط بس ترى ما أدري بكم تفلل تانكي السفاري أما الفي أكس آر نفلله بـ120 ريال .. أما داخل البلد ما أدري عن السفاري بس الفي أكس آر يمشيك داخل البلد تقريباً 500 إلى 600 كيلو على حسب دعستك على البنزين ..... أنا أتكلم عن 4800 الفي تك ...... ما أتكلم عن 4500 من السفاري .. الفي أكس آر اللي معنا بالطلعه كان موديله 2004 أما السفاري كان 2003 ....والفي أكس آر حق الوالد الله يحفظه عشان كذا أعرف مقدار صرفيته داخل البلد ... أم السفاري حق واحد من زملاء الوالد....
أخوي هدهد سليمان البرادو بدري عليه يجي حول السفاري يكفيك أن البرادو مرتفع أكثر من اللزوم يعني ما تقدر تلف على راحتك إلا إذا هديت مره والسفاري أعرض وأوسع منه وأقوى مكينه ....
وأخوي هدهد سليمان لا تزعل علي ترى أختلاف الرأي لا يفسد للود قضية ...

[حرباش]

انا لدي سوبر سفاري 2004 والمكينه فتك 4800

التعبيه120 ريال 85 للتانكي الكبير و 35 للتانكي الإضافي.

الممشى
داخل الديره 400 كيلو
في السفر 450-500 كيلو

مع العلم ان رجلي ثقيله شوي وفي السفر ممشاي 150-160 وعلى الموتر كفرات بالون

تحياتي لك ;)

[أبو أسامة]

أخوي حرباش موترك يشرب ماهو مثل اللي طلع معنا مشى تقريباً 650 وشوي في الخط بس في المدينه مدري والكفر اللي كان عليه كان وكاله ....

[b2005]

حرباش وانا اخوك ترفق ترا السرعه خطييييييييييييييييييره
وماشالله عليك

[طخيمان]

والله يا حرباش موترك يصرف صرف موب طبيعي ، أتوقع ان موترك فيه شيء ما أظن الباترول يصرف مثل هذا الصرف !!!
(معقولة تانكيين ولا يمشي الا 450 - 500 كيلو وخط بعد ) (الفي اكس ار يمشي 550 وفي الديرة بعد وفي الخط يمشي من 700 الى 740)؟؟؟

[غيّام]

اما انا فجربت التوانك لكن ما تعديت 120 ابد والله يالربع اني ما ازل عليكم انها مشتني 740 منها ديره ومنها خط هذا قبل ما اركب الفرارات والبوالين والحين ابجرب وارد لكم لكن على فكره اذا تعديت 120 تقول ان التانكيي مشقوق ياكافي خطر ما تشوف الامبير يتحرك

[path_poth]

السلام عليكم ورحمة الله وبركاته:

حرباش: موترك مو طبيعي وبيني وبينك شكلنا بنكره 4800


غيام:
حبيبنا الغالي موترك 4800؟؟؟؟؟؟؟

[patereot]

السلام عليكم ورحمة الله وبركاته
والله اخوي من ناحية صرفية البنزين
انا معي موتر جيب سفاري ربع فل كامل
نوعية المكينة 4500 :)
وموديله 2004
بخاخ
والله بيني وبينك اربعه وعشرين ساعة مدعس فيه يعني يا 180 يا 200 :D
بس بقولك شي اذا صرت امشي 200 يمشيني 350 كيلو او اقل :confused:
اما اذا كنت امشي 120 يمشيني 500 كيلو :p
مع العلم انه تانكي واحد الي معي يعني مو تنكيين
والفل حقه تقريباً بـ 71 ريال
مع العلم اني ما ركبت عليه لا هدرز ولا الخرابيط كلها الموتر من وكالته ما غيرت فيه شي
والموتر مشاء الله ما ادري اضاهر الله العالم الي صنعه شكله صانعه له وبلغلط جاء للسعودية
والموتر يطق 200 وبراحه ويتفتف بالخامس يعني مدري وش اقولك
وهذي صورة لطبلونه :cool:
http://dlooo3h.jeeran.com/KM.JPG
انشاء الله اكون قدرت افيدك

[الوافي4500]

السلام عليكم

انا عندي نيسان ربع 2005مكينته 4500 اذا كان فاااضي اعبيه ب 80 ريال ويمشيني 470كم اذا ما اتعدا ال130كم

وما اقول الا مشالله على موترك ياباتريوت انا حقي اذا جاي مع نزله والهوا وراي مايجيب الا 190كم واي طلعه تواجهني يرجع 170 او 180

[حرباش]

والله يا اخوان اني معبي من الجبيل فل التانكيين وحركت متجه للرياض

اول مادخلت الرياض ولعت اللمبه حقت البنزين وممشاي كان بين 160 - 180 :confused:

على الرغم من ان المسافات كالتالي

الجبيل - مفرق المطار 60 كيلو
مفرق المطار - المطار 25 كيلو
المطار - طريق الرياض السريع 10 كيلو
اول ماتمسك الخط تجيك لوحه الرياض 380 كيلو

والموتر مشالله عليه جديد وماشي 18 الف


وبالنسبه لأخوي باتريوت مشالله على موترك الصراحه يمشي ولا قد سمعت ان ربع جديد وشد بلده مشا المشي ذا

الله يعطيك خيره ويكفيك شره


تحياتي للجميع ;)

الله يعطيك خيره ويكفيك شره

[طخيمان]

غيّام
path_poth
patereot
الوافي 4500
حرباش
شكرا لمروركم والله خوفتوني من الباترول .

[القناص]

جدا جدا معقوله صرفية الفي تك 4800

معي 2005 سوبر سفاري

كفرات دنلوب مقاس شد بلد

650كم خط
550كم بلد

اعبيه فل ب 110ريال

الباترول الجديد رائع بكل المقاييس
اداء سعه وقوه جباره
280حصان تحت تصرفك
سلام

[القماري]

أخوي أبو الطواري
إذا كان خويك بيحسب حساب صرفية البنزين فالأفضل له شراء سيارة صغير
أما بخصوص السيارات الرباعية فمعضمها (تقريبا ) صرفه مشابه (إذا كانت القوة وعدد السلندرات وسعتها متشابهة وقد تكون الفروق في الصرف قليلة وغير ثابته)
البعض يركب له (فرارات) حتى يقلل من الصرف والبعض الآخر يغير في عمل البخاخ أو الكبريتر. لكن بالمجمل (الصرف سيكون كبير بن تلك السيارات الكبيرة الرباعية والصغيرة)
أما بخصوص صرف الباترول (فالشباب ماقصروا) وكل وضع إنظباعه حول صرف سيارته مع وجود الفوارق بين الجميع تقريبا.

[طخيمان]

القناص //// شكرا لمرورك وصرفية موترك زينة لكن الغريبة صرفية جيب حرباش !!!
القماري //// شكرا لمرورك وخويي ناوي باترول بس يبي يشوف أهم الاشياء اللي فيه ما وده يشتريه على عماها وشكرا مرة أخرى لمرورك.

[safari4x4ksa]

اسمع يا خوي
انا اعبي السياره فل ب 108 ريال ... سيارتي سوبر سفاري بخاخ 2001
واذا عبيتها في القطيف ورايح المدينة المنوره يروح التاني الكبير بس

واول تجربه لتحمل التنانكين عبيتها في المدينه النموره ومشيت عليها من المدينه على الخط القديم الى اول محطة بنزين على حط القصيم الرياض السريع اللي على شكل مظلات اللي يبيعون فيها كلجة القصيم والمسافة التقديريه اكثر من 550 كم

واما المرة الثانيه من المدينه الى القصيم على الحط الجديد وكانت السياره محمله عفش ورياح معاكسه فلم تقطع سوى 430 كم بالخزانين

هذا ما حصل لي

تحياتي للجميع

[القناص]

السلام عليكم
بالنسبه للفوارق يا اخوان في الصرف فهناك عدة اسباب
1. حالة الكفرات كلما كان ضغط الهواء مناسب والكفر بمقاس نفس المقاس الاصلي لكفرات السياره من المصنع كان الاستهلاك اقل.
2. تصفية المكينه يعني المكينه اللي بحاله ممتازه بواجي جديده فلتر بنزين جديد واسلاك بواجي سليمه وفلتر هواء نظيف اكيد بتصرف بنزين اقل.
3. نوعية القياده فالقياده العنيفه والدعس والتسارع الشديد يستهلك بنزين اكثر.
4. السياره المحمله ركاب وعفش وتطلع مرتفعات تصرف بنزين اكثر.
لكن عموما ان سقت سيارات دفع رباعي كثيره من اكثر من 20 سنه
واشوف والحق يقال ان صرفية السفاري مناسبه جدا
وان ما قيل عن صرفيته ورائها ملاك سيارات ثانيه يناصبون السفاري العداء بدون موضوعيه!
والسلام عليكم

[sultan8861]

ياخوي الصرف في الجيوب ماهو مشكله اهم شي العزم والقوه
اذا كنت بتشري اكسنت اسال عن الصرف

[عاشق الجبل]

طيب جاء دوري :)

عبيت ا التوانك الأثنين كل واحد 85 لتر ( ترهيم ) والسيارة باترول حوض عليه مكينة 4800

وحركت من الرياض الى الكويت عن طريق الصمان الساعة 7 صباحآ

الرياض .... الرفيعة .... الشيط ... طريق السعيرة .... حفر الباطن .... الكويت

وصلت الجهراء وقلطنا على الغداء الساعة 1 ونصف

عبيت 4 توانك بمسافة 920 كيلو والسرعة حدث ولاحرج :)


ولو مكينة الــ 4800 تمشيني 100 كيلو فقط مافرطت فيها من حبي لها لأنه فعلآ يبرد القلب ولا تعرف

الحرارة وتعطيك على كيفك وعسى الله يكفينا شر السرعة

[راعي الفزعه]

السلام عليكم ورحمة الله وبركاته ..

كيف حالكم ياشباب مكشات ان شاء الله زينين

انا عندي باترول سفاري موديل 91 كربريتر 4200 سي سي
اعبي التانكي كامل 80 ريال
داخل المدينة يمشيني 560 كيلو .. السرعة من 80-110كم
خارج المدينة يمشيني 600 كيلو .. السرعة 110-130كم
وانا ما احب السرعة اكثر من ذلك ..



ولكم تحياتي ،،،،،،،

[حـاتـم]

السلام عليكم

هلا وغلا اخواني الاعضاء

الباترول صرفيته طبيبعيه

بس سبحان الله توافيق

انا موتري بكفرات الدنلوب يمشيني حول ال750 وبالبالون يمشيني حول 620

بالفرارات

و عمي معه باترول مايمشيه ولا 300 التانكي الكبير وانا يمشيني حول 470 وفيها



اما من نواحي اخرى قوه وتحمل وسحب ومكينه صبووووووووره

للبر شيخ تحطه عل يمناك

واي استفسار انا حاظر

وشكرا


اخوكم / حاتم

[طخيمان]

safari4x4ksa
شكرا لمرورك
القناص
مشكور على المعلومات وبيض الله وجهك
sultan8861
شكرا لمرورك وبعدين ليش البنزين ماهو مشكلة لو البنزين ببلاش كان مافيه مشكلة لكن اللتر بـ90 هللة ويمكن يرتفع لا والله فيه مشكلة.
عاشق الجبل
مشكور على المرور ولكن انتبه من السرعة .
راعي الفزعة
ليت كل الناس يمشون مشيك .
حـاتـم
والله مشكلة اذا كانت حظوظ ولا فيه صرفية محددة هذي بلوى وليست مشكلة وبس أجل سيارة عالمية و عريقة صرفيتها تفرق بين سيارة وثانية ؟؟؟ ذاك اليوم مسافرين لأبها أنا و خالي أنا معي vx-r 97 وخالي معه vx-r 95 نعبي مع بعض ونمشي سرعة وحدة ونفس الصرفية يمشي 750 ما بين 120 إلى 140 ...