المساعد الشخصي الرقمي

مشاهدة النسخة كاملة : وش رايكم واير او سبته


jenaih
05/02/2011, 02:38 AM
يا اخوان
احب اسأل عن الأفضل للسحب الواير (الحديد) أو السبته (القماش)
وكم الطول المناسب وقوة التحمل
سيارتي لاند كروزر 2004

:c:c:cالله يجيب المطر والغيث المبارك:lr:lr:lr
:f ;):);) :f

:good2::good2::good2::good2::good2:
الخالدي..
05/02/2011, 02:49 AM
بالنسبه لي يالغالي السبته لنها مرنه في التخزين ولا تاخذ مكان

والطول من 20 متر وفيها بس دور العريض لا تاخذ السخيف
عارف الشمري
05/02/2011, 03:26 AM
السبته حلوه وخفيفه

لاتنسى اذا نويت تسحب سياره خلها مبلوله بمويه من تجربه ^_*
xp.vip
05/02/2011, 07:07 AM
السلام عليكم
الا والله سبته ولسهولة التخزين
والله يا عند العليان سبته مو اي سبته
اقرب ما لها اللى يربطون فيها التريلات حمولتهم
وتجي الوان وطولها جدن مناسب وعرضها تقريبا 10 سم
واطرافها شناكير على شكل استفهام
اوصي جدن بشرائها
تمت تجربتها بسحب سيارة ولمسافة 120 كيلو وبسرعه 130 ولا صار فيها شي ولله الحمد
دمت بود
كديان
05/02/2011, 07:50 AM
الامان سبته و الاهم ان الشناكير تكون اصلية + سماكة السبتة

قوة تحمل و متل رقم 1 >>> سلسلة
لكن الناس تخاف منه انه تنطلق على القزازة
ميزة السلسلة انك تاخذ 4 او 5متر و تضعها بين يديك و لا تاخذ حيز بالسيارة ابد
و الاهم ان السلسلة و الشناكير اصلية درجة اولى اخبر سعر المتر ب25ريال

الواير لا تقربه ابد ياخذ حيز بالسيارة و متعب بالتسفيط و غالبا الكبس اللي براس الواير
يفلت منه الواير من كثر المتل

كل ماطالت السلسلة او السبتة فانه يعطي قوة سحب اضافية لكل متر اضافي
و انصحك ان لا يقل الطول عن 4متر
و اهم نقطة ان راس السبتة او السلسلة (الشنكار) لازم يكون اصلي اصلي فانتبه



السبتة مع كثر العمل عليها و المتل تنقطع
لكن ميزتها لو غرز الموتر اللي يجر
و كانت السبتة مشدودة و ما قدر الموتر يرجع فانه باقرب سكين معك تقطع السبتة
و ايضا الواير ينقطع
و اللي اثبتت جودتها و تحملها هي السلسلة فقط



أسلاك أو حبال السحب - منتديات مكشات (http://www.mekshat.com/vb/showthread.php?t=8601)



من ترشح : السلسة أو الواير أو السبته ؟ ولماذا ؟ - الصفحة 11 ... (http://www.mekshat.com/vb/showthread.php?t=179810&page=11)



أفضل مكان لوضع الواير أو الشنكار في الخلف عند السحب ؟؟ - منتديات ... (http://www.mekshat.com/vb/showthread.php?t=196418)



هنا افضل واير سحب على الاطلاق - الصفحة 2 - منتديات مكشات (http://www.mekshat.com/vb/showthread.php?t=326790&page=2)


تحذير لمن يستخدم الحبل أو الواير أو السلسلة لسحب السيارات ... (http://www.mekshat.com/vb/showthread.php?t=194630&page=9)



إذا انشدت السلسلة في السحب .. وش الحل ؟ - منتديات مكشات (http://www.mekshat.com/vb/showthread.php?t=25453)
كديان
05/02/2011, 08:15 AM
السبته
أفضل شي لأنها ما توجع الموتر في السحب وخفيفه
قد سحبت بواير بغى يطلع الشاص عن البدي حرمت عقبها
بس لا زم يكون معك أكثر من وحده أضمن




السلام عليكم ورحمة الله وبركاته

لكل واحد منهم باعتقادي استخدامات خاصة فيه

بالنسبة لاستخدامي لها (استخدامات برية) ما فيه افضل من السبتة ولا تقارن مع السلسلة والواير

واهم ميزتين:
1- عند سحب سيارة ثانية ممكن الواير والسلسلة توهقك وتثبت السيارتين كلهم لكن السبتة لو حدتك الظروف بسهولة تقطعها

2- النتل بالسبته مريح جداااااااا ... ولا تحس باثرة لانه فيها مرونه على عكس السلسلة والواير اذا نتلت تحس انك مصدوم

اخوك عبدالرحمن





السبتة
ثم السلسلة
لالالالالالالا للواير (خطير جداً







أرشح السلسله وبقوه

بس مو أي سلسله اللي عندي شاريها من شارع الريل صناعتها يابانية وطولها ستة متر

مكلفتني 300 ريال لها تسع سنوات عندي استعملها في جميع الأغراض سحب السيارات الكبيره سحب السيارات المغرزه

مفصل لها شنطه من الشراع احطها فيه

ميزاتها سهلة الحمل لكن اعتقد فيها خطوره لو تنطلق لكن الواحد يكون حذر

بالنسبة للأخوه اللي يقولون انه لو تعلق المسعف السبته يقطعها

انا أقولكم بعد السلسله فيها بالشنكار يوجد خابور تفكه وتطلع السلسله وحصلت معي

وشكراً لصاحب الموضوع





........................................
برق البطين
05/02/2011, 09:00 AM
السبته اكيد اقوى ولاتضر لاقدر الله لو انقطعت اما الواير والسلسلة عن تجربة خطيرة على السيارة ودايم تتقطع
الرسيفر
05/02/2011, 10:34 AM
أنا أقول خذ سبته ولا تشاور لسببين :
الأول وهو الأهم : أصح للسيارة إذا سحبت سيارة تجي معك بمرونة ( يعني كأنها مطاطية ) وهذا يقلل من الأخطار على السيارة أما الحديد بعنف وهذا طبعا يضر القير . ( أتمنى أن تكون فهمت ما أقصد )
الثاني : أخف وأقل مساحة
ولو يحصل إنك ما تسحب أحد أحسن لك والله أعلم
عاشق السيل
05/02/2011, 02:03 PM
الامان سبته و الاهم ان الشناكير تكون اصلية + سماكة السبتة

قوة تحمل و متل رقم 1 >>> سلسلة
لكن الناس تخاف منه انه تنطلق على القزازة
ميزة السلسلة انك تاخذ 4 او 5متر و تضعها بين يديك و لا تاخذ حيز بالسيارة ابد
و الاهم ان السلسلة و الشناكير اصلية درجة اولى اخبر سعر المتر ب25ريال

الواير لا تقربه ابد ياخذ حيز بالسيارة و متعب بالتسفيط و غالبا الكبس اللي براس الواير
يفلت منه الواير من كثر المتل

كل ماطالت السلسلة او السبتة فانه يعطي قوة سحب اضافية لكل متر اضافي
و انصحك ان لا يقل الطول عن 4متر
و اهم نقطة ان راس السبتة او السلسلة (الشنكار) لازم يكون اصلي اصلي فانتبه

السبتة مع كثر العمل عليها و المتل تنقطع
لكن ميزتها لو غرز الموتر اللي يجر
و كانت السبتة مشدودة و ما قدر الموتر يرجع فانه باقرب سكين معك تقطع السبتة
و ايضا الواير ينقطع
و اللي اثبتت جودتها و تحملها هي السلسلة فقط



مؤيد لكلام أخوي كديان إلا في نقطة واحدة ( أداة السحب مهما كانت كلما كانت قصيرة كلما كانت أقوى ) !!

أفضل شي سبتة عريضة وقوية وطولها 5 متر وشناكير كبيرة وأصلية ....
alcobra2000
05/02/2011, 07:13 PM
مرحبا اخواني الكرام انا عندي هالواير هذا ماشألله عليه ماعليه كلام سحبت فيه كذا مره ولا عليه خلاف وبصراحه جاني هديه من احد الاخوان بعد ما انقطع واير السحب الي شريته من عند العليان ب 160 ريال وبصراحه مايستاهل وخساره وجربت من عندهم ثلاث انواه وكلها فاشله لكن اذا تبي نفس الي بالصوره تلقاه موجود عند برق الحياه الي على طريق الميه مخرج 15 وانت جاي من شرق متجه للغرب
وتقبلو وافر تحياتي


http://dc14.arabsh.com/i/02635/cja5e9jc589t.jpg

http://dc14.arabsh.com/i/02635/ghpfer00l7yt.jpg

http://dc14.arabsh.com/i/02635/x1k4dtjce2hd.jpg
jenaih
07/02/2011, 09:26 AM
اشكر الجميع
ما قصرتوا وجزاكم الله خير

سأشتري ان شاء الله سبته
عشة صغير
12/02/2011, 12:24 PM
اخوي انا اشوف السلسه افضل شي 7ملم حلوة جدا وخذ 10 متر يكفي بس احرص على المخالب تكون اصلية انا من عشرين سنة وهي معي
اخوكم ابو سفيان
ابن الاصيل
12/02/2011, 12:52 PM
عليك باسبته افضل شي