المساعد الشخصي الرقمي

مشاهدة النسخة كاملة : وش رايكم بالتاهو 2001 مكينتة ls


الاطلسي
06/02/2011, 01:49 PM
السلام عليكم ورحمة الله وبركاته

وش رايكم بالتاهو 2001 مكينتة ls استعمال امريكي وماشي 180 الف ميل فل كامل الا الفتحة وبدون زعانف هل هو عملي
ومحركة عملي هل مكينته فورتك لان في ناس خوفتني من 2001 و 2002 يقولون مو عملي وكثار خرباته هل في فرق بينه وبين اليوكن من نفس الفئة وايهما افضل مواصفات ومحرك .
تناهيت
07/02/2011, 10:40 AM
هلا بك اخوي

مكينه ال اس هذي خاصة بالكوابرس جعلك تسلم

والجموس عليها مكينتين كلها فورتك

5300
و
6000
وكل مكينه تقول الزود عندي ومككاين الجموس من عام 2000 تعتبر افضل مكاين نزلت في تاريخ الجموس من ناحيه قله الخرابات والصرفيه والاداء ايضا

والارجح ان مكينه التاهو الل يتقصد هي الاولى اذا كان حجم 1500 وعدد مسامي رالجنط 6

اما اذا كان 2500 فمكينته الثانيه وتعرفه من خلال عددد مسامير الجنوط وتجي 8 مسامير

ومشاكل هالموديلات تنحصر في طرمبه البنزين وحساس الدبل وعدادات الطبلون وكلها تعتبر مشاكل محلوله وسهله اذا ما وصلت المشاكل الميكانيكيه وهنا الأهم
فهذي الموديلات معروفه بقوة الميكانيكا فيها ونادر مثلا تخرب قيروها او مكاينها الا من سؤ الاستخدام

ارجو ان اكون افدتك
الاطلسي
08/02/2011, 08:54 PM
شكرا اخوي تناهيت على مرورك وتوضيحك
وجزاك الله الف خير على المعلومة القيمة وانا كنت اقصد ls انه مواصفات السيارة
بس ايهم افضل مواصفات التاهو او اليوكن من موديل 2000 الى موديل 2006
وماهي اسعارهن
تقبل تحياتي : اخوك الاطلسي .
محمد باحاج
08/02/2011, 09:16 PM
مرحبا أخي الأطلسي


المحركات هي نفسها والاختلاف في الديكورات فقط وبعض التعديلات في التاهو
وكما ذكر الأخ تناهيت كلها محركات جبارة والأفضل للمستخدم محرك 5.3cc والمكتوب على الباب 1500
كما يسمى 350
والتاهو بدون كتابة
بالنسبة للسعر في السوق حسب النضافة
أنا لي شهر وانا أبحث في الحراج والانترنت وكنت ناوي على 2005 ولكن سعره من 55000 إلى 67000
ولقيت لي لقطة والحمد لله يوم الخميس في حراج الطائف موديل 2000 نظيف جدا الله يعوض راعيه ويرزقه خير
ساموه في الحراج 29000 وطلب 35000 وكتبه الله لي ب 30000
صرفت عليه 700 ريال من جلد بلوف ووزنيات فرامل فقط وفحصته من أول فحص واللهم لك الحمد حتى كفراته تمشي كم شهر


أتمنى لك التوفيق في بحثك
الاطلسي
09/02/2011, 09:33 PM
اولا ً : شكرا لك اخوي محمد باحاج على الاضافة الجميلة والمفيدة
ثانياً : الف مبروك السيارة الجديدة ويطعمك من خيرها ويكفيك شرها .

تقبل تحياتي اخوك الاطلسي .