المساعد الشخصي الرقمي

مشاهدة النسخة كاملة : وزن العزبه لها اثر على السيارة


بليزر
06/02/2011, 02:49 PM
اخواني احب منكم اثراء الموضوع بأرائكم وتجاربكم لما للموضوع عندي من حساسية وودي اقطع الشك باليقين و إعطائي حلول للموضوع
عندي شاص 2010 وانا والله حريص عليه واعتبره المطيه في كل احوال سفرياتي للمدن والبر وشغلة العزبه وترتيبها بالشاص متعبه وتحتاج لجهد عضلي ووقت ليس بالهين فقلت ليش ما اخلي العزبه بالسياره على طول كل ما نويت المشية دق سلف وتوكل على الله لكن يا اخواني لو جيت احسب وزن العزبه كامله حصلت وزنها ليس بالهين وممكن اتوقع مع مرور الزمن تأثر على السياره فما هو رأيكم في الموضوع وما هي الحلول المناسبة ...وجزاكم الله كل خير
صقر مبرقع
06/02/2011, 03:55 PM
كم بيكون تقريباً وزن العزبه عشان تأثر علي السياره
اتوقع اذ كانت من العزب العاديه مثل عزبتنا لايوجد اي تأثير بأذن الله
وتقبل مروري
بليزر
06/02/2011, 04:46 PM
عند عزبة القهوه و الشاي والطبخ والخيام وخزان الماء والرواقات اتوقع الجميع ياصل ال 600 كيلو غير الصندوق الي ما يشيله الا ثلاثة رجاجيل
وجزاك الله خير على المرور
* ابو باسل *
06/02/2011, 05:43 PM
اتوقع اذا وزنها على ماقلت 600 كيلو اكيد انها مضره على السياره وانا خووك وخاصه اذا كانت السياره واقفه وكل هالوزن في الحوض واذا اقل شي الضرر على الكفارات اكيد تبي تبدأ تتشقق من كثر الوزن عليها .
بليزر
06/02/2011, 06:30 PM
والكفرات سعرها ماهوب بسيط
الله يجزاك خير لمرورك
شلفا تبوك
06/02/2011, 06:46 PM
عزبتي فوق 400 كيلو ماعمرها نزلت
الموتر gxr 2010 ويالله لك الحمد
مركب ياي استرالي خلفي مقاس 723
ولافيه اي مشكله
الصيهد.......
06/02/2011, 07:15 PM
الله يستر عليك
ترا 600 كيلو واجد انتبه على السياره
Ra3i.mekshat
06/02/2011, 07:16 PM
توكل على ربك وحطها
انا موتري هايلكس دبل عليه شد اذا جا موسم الطلعات والشتاء حملت كل عفشي والعفش واجد عزب وتوانكي ومفارش وماطور ووو الخ والحمد لله
بس تأثر بالعزم شي بسيط ونزل شي بسيط ورفعته بجلب على السست وان شاء الله اذا جا الصيف نزلت العفش في البيت

تقبل مروري
أخوك : فتى الخوالد
أبوجهاد التبوكي
06/02/2011, 07:40 PM
ننتظر أهل الخبرة
بدوي جنوبي
06/02/2011, 07:51 PM
اذا الوزن من 500 الى 600 ك
ان شاء الله ما فيه مشكله
وزن 600 ك كأنك محمّل 6 أكياس شعير
وتعرفون الشاص ما شاء الله يأخذ دبل ثري :)
أنا الذي...
06/02/2011, 08:32 PM
لا تخاف
معنا في البلد أصحاب شواص يحملوه تانكي ماء حوال 600 جالون ويترزقزا عليه ، هذا يتصلبهم ويودوله ماء ، وهذا يريد ماء لعزبته الي فيها الحلال ومارات يطلعوا الرمال ( النفود) لتوصيل الماء للعزب البعيده وما جاه ضرر
منصور القريشي
06/02/2011, 08:55 PM
في ظني انا ان لها تأثير وتنويه على اخوي بدوي جنوبي تقل انك شايل في حوض موترك 12 كيس شعير
واذا الموتر يوقف دايم اكيد بتاثر على كفراته بس خفف من حمولته شوي والله يقنعك بركته انشالله
تحياتي لسمووووكـ..
قناص*07
06/02/2011, 10:36 PM
حمولت الشاص اكثر من طن وهذا تصميمه من الشركه وتقدر تقراء الكتلوج وتتأكد
فلا تخاف 5. طن ما يضره ابد
ابن الاصيل
06/02/2011, 11:10 PM
مافي اي مشكله اخوي توكل على الله بس وستانس
كم كيلو باقي
07/02/2011, 12:56 AM
طيب اذا انت ملزم مرره .. خفف من وزنها شوي

يعني التوانك ركبها وهي فاضية لاتعبيها .. والصندوق اللي ذكرته لاتركبه الا وقت الكشتة فقط

والله يهنيك بمووترك ويطرح لك فيه البركة يارب
مكشاتي مغترب
07/02/2011, 01:41 AM
والله طير شلوى ماشاءالله تبارك الله صبور

لكن مع كثر الوقفة تضر

لكن نصيحتي خل عزبة الطبخ والقهوة والفراش بالموتر

اما الباقي ماله داعي المنوقل
عبدالرحمن السالم
07/02/2011, 08:53 AM
لو تشوف إلى يقنصون الربع الخالي تدري ان موترك حمولته ماهو شى
جراكل بنزين غير الخيام والحطب وغيره وغيره ، بأذن الله ماعلى موترك خلاف توكل على الله ورح واستانس وامبسط والله يعطيك من خيره ويكفيك شرهه
بليزر
07/02/2011, 01:43 PM
لا عدمناكم يالمكاشيت شور طيب من وجيه طيبه واخوان نعتز بهم و بصحبتهم
وجزاكم الله خير
ابو ماجد vtc
07/02/2011, 05:36 PM
السلام عليكم
شوف اخوي اذاهو بريمي ابو 11 ريشه شيل ولا يهمك الناس تحمل على الجمس الصالون طن ونص في السفر ولا شي ماهو جيب مخصص للحمول الثقيله حنا معنا بواترل ونشيل الي ال 300 كيلوا من غيرالركاب ولا شي بس الياي استرالي وسط ولا ردح رلا مطب وممتاز جدا.
الشيخ البدراني
07/02/2011, 05:41 PM
لايوجد اي تأثير بأذن الله
نجم000الشمال
07/02/2011, 06:20 PM
والله انا حنين على الموتر .......... كشتة ولامقناص اسبوع اسبوعين -----> شهر معليش 600 كيلو على طول بتأثر على الموتر مع مرور الوقت (قير ومكينة وسسة ) الحمولة تأثر حتى على صلاحية الزيوت واستهلاك الوقود ! وانت ابخص . الله يبارك لك فيه
التعـ King ـديل
07/02/2011, 08:28 PM
تقول 600 كيلو + الصندوق اللي مايشيلها الا ثلاثه رجاجيل .. نصيحه هالوزن يأثر على السياره والمحرك لانه يزيد من استهلاك البنزين وحرق الزيت وامور كثيره انت في غنى عنها

والاكيد انك ساكن في بيت منت ساكن في البر يوم تخلي هالاغراض كلها بالموتر .. خلها بالبيت ووقت الحاجه ركبها تعب ساعه ولا خساره الموتر
قطب 999
08/02/2011, 12:55 PM
يا حامل الأثقال خففها شوي ذا حمل ما ينشال
عاد النجد قدامه سهول وجبال يا مصعب مناله

http://www3.0zz0.com/2010/05/17/14/411084611.jpg
ابونبيل
08/02/2011, 02:35 PM
الشاص ما اظن يظره بس الكلام ان الحموله تزيد صرفيت بزين وتثقل الموتر بالديره

نصيحه نزل الاشياء الثقال مثل عواميد خيمه وتوانك ماء
البواردي...
08/02/2011, 04:05 PM
يعطيكم العافية
.أبوعبدالرحمن
08/02/2011, 05:47 PM
السيارة شاص ما شاء الله تبارك الله

بالنسبة في الشتاء ما به ضرر وبالصيف أكيد إنك بتختصر من العزبة شي كثير

فأشوف إن شاء الله ما به الا الزين
تسعه وتسعين
09/02/2011, 04:05 AM
اهلا اخي بليزر
والله انا ودي افيدك وطبعاً وجهة نظر انا اقول مافي مانع عزبة الشاي والقهوه والطبخ تكون بالموتر خصوصاً اذا انك مركب طبق وتوانك (طوايف) اما الخيمة منت طالع طلعه بها بنا خيمة الا بالشهر مره بالكثير فيفترض انها تكون بالمستودع ويكتفى بالذرا (التيزار) وزنه خفيف لك وللموتر000
تقبل مروري
ابوصالح77
10/02/2011, 12:21 PM
هلا بك أخوي
إختصر عزبتك وأنا أخوك
تانكي الماء لا يزيد عن 200 لتر إذا كان شاص
وخل معك عزبتين = قهوة + طبخ
والخيمة خلها في البيت
وأغلب العالم عزبهم ما تنزل من الموتر شتاء صيف
مكونة من عزبة القهوة والطبخ وتانكي الماء وماطور هواء وعدة المكانيكا
وأما الباقي فيقتصر عليه عند اللزوم
تقبل مروري
بليزر
10/02/2011, 02:31 PM
بيض الله وجيهكم والله انه ما هوب غريبه منكم الفزعه والمشوره لا حرمناكم يالمكاشيت
وجزاكم الله خير
حجر بحري
10/02/2011, 03:16 PM
ترى الشاص باص ركاب ومهما تحمله اشخاص ماتخاف
حجر بحري
11/02/2011, 01:29 AM
استخدمت شاص 93 فوق الخمس سنوات عليه تانكي ماء 600لتر قواعده من حديد ماينزل منه ابد وماطور لسحب الماء وليات ثقيله وطويله اطلعبه جبال واعقّبه سيول وامشيبه رمال ووديان والتانكي مليان وما قال آه!

عزتي للشاص لوبدّل اليابان موديله من سست ليايات إللي تبي يشيله