وش رايكم في ال أكسبلورر فورد الجديد

[عيوج لينه]

السلام عليكم ورحمة الله وبركاته وش رايكم في ال أكسبلورر فورد الجديد طبعاً من جميع النواحي تنصحون فيه ولا النحشه ........

[ارتست]

الموتر حلو لاكن يخدم صاحبة في داخل البلد والطرق السريعة لاكن في البر الموتر يبيلة واحد حنين مو شغل تكسير

[راعي الكيف]

الفورد فورد اهله .... >>>> على وزن الدوج دجو اهله

ما انصحك به اخوي ... ولو كنت ملزم على الامريكي لاتعدى الجمس ولا اليوكن

[الكونترولCONTROL]

لا تضيع فلوسك و انت تعرف ان فيه شي اسمه لاند كروزر و فيه بعد شي اسمه باترول !!!!!!!!!!!!!!!!!!!!
============================================
ترى الفورد ما يسوى قرش واحد
===================

[غالي]

اخوي الي اعرفه وسمعت واحد كان بيشتريه ويعرف ولد واحد موزع بالرياض لفورد
قال ابعد عنه القديم موديل 99 وتحت اقوى من الجديد
وهذا الله واعلم ولا ادري ماابي احط بذمتي شيء عاد هذا الي سمعت حبيت اقولك

[الأعصـــــار]

في واحد من الأهل ماخذ له واحد جديد وهذا هو يبي يرده للوكاله
الحين يقول كراسيه ماتصلح أبد وماهو مريح ...........

[الشاطر]

تبي الصراحة انا معجبني مره عندنا واحد 2003 فضي ....حلو مره وهو غرض الشخص ذو العائلة الصغيره ..يعني اذا كنت مانت راعي امطامر بهانفود وتبي تناطح النفود كل ماشفتلك طلعة حلوه فخذ هالموتر.

وانا اراهن ومتاكد بان تكون هذه السياره هي الافضل لشخص اللي يبي يجمع الراحة وجمال الشكل الخارجي ودعم الاماكن الصحراوية بشكل بسيط

وتبي الصراحة اني مليت من كثر ماشوف الاند كروزر والباترل ...قوه ضخمه ومتانه

لكن ماهو احتياجك !!!
انت راعي مقناص وتقطع اعروق ونفود وعر.......عليك بالاند او الجمس ولا...السيارات القوية
اما اذا كنت من الاشخص تحب انك لو رحت مع ام العيال وطفلين معك انك تدخل شوي وتبعد عن الخط وتبحث عن مكان زين مقد جلس فيه احد وقريب ...فخذ هالموتر وانت مطمن

ولو عندي عائله صغيره والله لاخذه وش ابي بالكراون فكتوريا ولا لاند كروزر هاذا اخذ اجمل المواصفات بينهم وتصدق اني لاشفته بشارع انه يروقلي امشاهده وجماله

وعلى فكره شفته انا كذا مره بالمصفر او بالغضا في بر عنيزه ...وش احلا من هالمناطق تاصلها لعائله

هاذا رائي ...وبشرنا وش ترسى عليه

[القماري]

حتى لا نظلم السيارة نقول الفورد أكسبلورر سيارة قوية وفخمة وسعرها معقول نسبيا ولها زبائن أيضا ولكن على نطاق أقل بكثير من الجمس والشفروليت عموما (كأمريكي)
أما بالنصيحة فالبعد عنها أفضل وذلك بسبب الأعطال وعدم وفرة قطع الغيار أحيانا .
زميل لنا لديه أكسبلورر موديل 2003 ومعتني به للآخر وواجه حتى الآن اكثر من مشكلة (منها عطل الجير ) رغم أن السيارة جديده من الوكيل

[بو خليفه]

جيد لكن قطعه غالية و هو مثل الأوروبي في سنته ثم يأتي استهلاك القطع فأنصح يوكون مستعمل 2005 بسعره أو باجيرو

[sultan8861]

جيب امريكي ماينفع خذلك ياباني نيسان او تايوتا