المساعد الشخصي الرقمي

مشاهدة النسخة كاملة : عيوب جيب مازداCْx-9


أبوعسكر
08/02/2011, 09:58 PM
السلام عليكم
اخواني الله يجزكم خير ابغا اعرف عيوب ومميزات واسعاره مستعمله 2009 _2010
السومر
08/02/2011, 10:32 PM
يفيدونك اهل الخبره
alghassan
13/02/2011, 06:52 PM
أخي العزيز

بالنسبة لسيارت مازدا cx9 ماشاءالله عليها السيارة روعة ومافيها عيوب غير انها تفصل عند سرعة 160
اما من ناحية الرساوة والهدوء والرفاهية فهي ممتازة جداَ.

والله يوفقك ان شاءالله
القرش الابيض1
13/02/2011, 07:19 PM
باتوفيق يارب تحياتي...
njem
12/04/2011, 10:55 PM
هل هي عمليه في الطعوس والصحاري
زمزم 100
22/04/2011, 02:20 PM
موديل 2008 فيه بعض العيوب مثل : تقشر في لون الديكور الداخلي - أصوات في الطبلون .

و تم تلافيها في الموديلات اللاحقة .
moon9
07/05/2011, 12:45 AM
سبحان الله وبحمده سبحان الله العضيم
hamad1401
07/05/2011, 03:29 AM
السياره جميله جدا
بس ماهيب حق طعوس ومافيها دبل

ونازله مره ودفع رباعي مستمر بس تعتبر من احسن السيارات اللي بفئتها وشكلها وتصمبمها رايق
ديفون
11/10/2011, 12:23 AM
مازدا معروفة مكينتها تخبط بعد 150 الف اسئل اي ميكانيكي وشوف
الرياض111
06/02/2012, 12:23 AM
السياره جميله جدا
بس ماهيب حق طعوس ومافيها دبل

ونازله مره ودفع رباعي مستمر بس تعتبر من احسن السيارات اللي بفئتها وشكلها وتصمبمها رايق

يعني تآكل مطبات؟
الرياض111
06/02/2012, 12:24 AM
مازدا معروفة مكينتها تخبط بعد 150 الف اسئل اي ميكانيكي وشوف
ياليت توضح أكثر كيف تخبط؟
ديفون
15/02/2012, 03:13 PM
مازدا معروفة مكينتها تخبط بعد 150 الف اسئل اي ميكانيكي وشوف

يعني بعد 100 الف كلم المكينة يبيله توضيب
أبوباسم455
26/02/2012, 11:22 PM
أهـم عيب فيه إن وكيله واحد يعني قطع غياره مع الرقبه وغصب تشتري منه وعادي تبغى قطعه وماتحصلها عنده وتوقف سيارتك اسبوع لحد مايأمن لك القطعه هذا أهم عيب بأي سياره يكون وكيلها واحد وأنا انكويت من الموضوع هذا يعني شيروكي وميتسوبيشي وسوزوكي ومازدا .. لايقربونك !!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)
همس القلوووب
20/04/2012, 06:13 AM
سمعت ان النوع هذا صعب صيانتة واذا خرب الله يخلف علي راعية صعب اصلاحة بسبب التعقيدات في تصنيع المحرك


Sent from my iPhone4 using Tapatalk
لسان الحقيقة
20/04/2012, 01:03 PM
ادخل منتدى مازدا فيه قسم خاص بهالسيارة ..
وعني انا ما انصحك بها ..
البعير المغوار
23/04/2012, 10:57 PM
نصيحة،

لا تقربها، مكلف تصليحا نوعيا، ومهيب ذيك المتماسكة كنت أسمع صوت طقطقه، وعزلها مو ذاك الزود في الطرق السريعة وتشرب بنزين.
القارات
07/05/2012, 01:56 PM
انا بحاول افيدك بالموضوع هذا بكل اللي اقدر لان الصراحه مازدا تستاهل اكثر بس لو الناس تعرفها لتترك تويوتا ونيسان.

انا اول سياره ليه مازدا وثاني سيره ليه برضه مازدا وسيارة اخويه مازدا cx-9 يعني عارف كل شي فيها ..

اول شي انا بقلك معلومات عامه عن المازدا وبعدين بقلك عن المازدا الcx-9 , ومن ناحيت ان مكينتها تخبط ترا اول مره اسمعها .!! ووكيلها مو ذاك السئ يعني يمشي الحال
, اول شي ما شاء الله كان معانا فان مازدا مشى 200الف ووالله كارفينه كرف ولا قد خرب علينا ولا المكينه جاها شي ,
وترا جودة المازدا بجودة تويوتا اذا ماكانت افضل , وقطع غيار مازدا سارت بسعر قطع غيار تويوتا

والcx-9 الصراحه سياره ولا اروع , اول شي سياره مريحه جدا فالخط ومكينتها مرره قويه وسواقتها جميله
, وترا ترفيعتها ممتازه لايغرك ان شكلها مهبط لان ارتفاعها بارتفاع الاكاديا او اعلى ويمديك تتطلع بها ارصفه مو بس مطبات.!!

وثاني شي تراها دفع رباعي مستمر , وفالبر والله سياره ما تخذلك ماشاء الله ما بتتوقع قوتها , وكمان لو تنسم الكفر ما عاد توقف ,,

مشكلتها صح فيها صوت طقطقه فالديكور هذا فموديل 2009 مدري عن اللي بعده وشوية صوت تنسيم لاكن غير كذا كلش تمام

واي سؤال انا حاظر

ويفضل لو انك تزور منتدى مازدا الشرق الاوسط عشان تاخذ كل العلم

بالتوفيق,,
باجا
25/05/2012, 01:59 AM
كلام غير صحيح انا لدي جيب مازدا cx ماشاء الله جميل جدا الفين وثمانيه ومشيت فيه اكثر من 220الف كيلو زي الفل اما من ناحية الاحتكار للقطع فبالوقت هذا اكثر الشركات محتكره مثلا الجميح هوندا هونداي كيا حتى بعض سيارات تويوتا ماتحصل لها بعض قطع غيار زي الفحمات وغيره مثل سيارات اوريون والكامري من موديلات الفين وعشره وطالع
باجا
25/05/2012, 02:07 AM
ابغاك تقولي سياره من موديل الفين وخمسه ماهي معقده اصلا التكنلوجيا اللي دخلت في السيارات الحديثه زادتها تعقيد لابد تفحص عن طريق الكمبيوتر والا ماتعرف الخراب اغلبها كذا بعصرنا الحديث
الرياض111
08/08/2012, 06:08 AM
ابغاك تقولي سياره من موديل الفين وخمسه ماهي معقده اصلا التكنلوجيا اللي دخلت في السيارات الحديثه زادتها تعقيد لابد تفحص عن طريق الكمبيوتر والا ماتعرف الخراب اغلبها كذا بعصرنا الحديث

وودع سيارتك الحديثة إذا مسكها سواق مايعرف الخمسة من الطمسة!!
Honeye
01/02/2015, 02:45 AM
اخوي القارات الله يجزاك خير
السلام عليكم ورحمة الله وبركاته

ممكن طلب لو سمحت ياخوي
ابغى أنوار أمامية للمازدا cx9 2008
هل عندك خبرة بهالشغلات بما انك تقتني مثل هالسيارة
موجودة عند الوكيل و لكن مشكلتها غالية-
ودي بحل بديل الاصلي لو فيه عزيزي
والاخوان لا هانوا ولا هانوا الحاظرين...
يزيد عثمان
21/01/2016, 12:02 PM
السياره في الطعوس كويسه انا جربتها نقص الهواء على 20 وتمش في الطعوس من احلا مايكون بس انتبه وجهيته نازله شوي
يزيد عثمان
21/01/2016, 12:06 PM
الي معي 2015 ماشي 14000 cx9 العيب تفصل 160 والكفرات برجستون قاسي ومزعج
نعم وش تبي
01/05/2016, 08:16 AM
جيب مازدا
cx9 فل كامل موديل 2016
هل تنصحون فية ​
يزيد عثمان
28/08/2016, 11:23 AM
السلام عليكم ورحمة الله وبركاته
انا معي cx9 2015 السياره جميله في الطعوس انا مجربها نقص من هواء الكفرات ومن اروع مايكون فيها عيب واحد اذا انت ماسك طريق طويل وقفت تعبي بنزين يبغالك ساعه لين تعبيه فل
فيها مشكله في خط الراجع للهواء والوكيل سيى جدا دخلتها الوكاله صيانة عشر الاف ولا حلو المشكله والان اسمع صوت اذا حطيتها في n صوت غريب والوكيل يقول مافيها شي وناوي ارفع شكواء
للتجاره لعلهم يحلون المشكله
ابوحاتم77
10/01/2017, 06:09 PM
مازدا من افضل أنواع السيارات بالسوق الان

يابانيه كل قطعها

انا من ملاك السياره

اترك عنك وكالة يقولون
sahar-ali
10/01/2017, 09:11 PM
مازدا 2017 (https://saudiauto.com.sa/%D8%A7%D9%84%D8%A3%D8%AE%D8%A8%D8%A7%D8%B1/%D8%A3%D8%AE%D8%A8%D8%A7%D8%B1-%D8%B9%D8%A7%D9%84%D9%85%D9%8A%D8%A9/%D9%85%D8%A7%D8%B2%D8%AF%D8%A7-6-%D9%85%D9%88%D8%AF%D9%8A%D9%84-2017-%D8%AA%D8%B8%D9%87%D8%B1-%D8%A3%D8%AE%D9%8A%D8%B1%D8%A7%D9%8B-%D8%A8%D8%AA%D8%AD%D8%B3%D9%8A%D9%86%D8%A7%D8%AA-%D9%83%D8%AB%D9%8A%D8%B1%D8%A9) للعام القادم حقيقي اعجبتني خاضة انها مميزة للغاية وبامكانيات كبيرة نتظرها فى المملكة العربية السعودية
عضو مشارك
10/01/2017, 10:19 PM
هذه الفئة تسمى out back ولا تسمى جيب وهي بديل عن البكس قديما :D