داخل على الله ثم عليكم ياذيابة مكشات.

[عاشق القرى]

السلام عليكم ورحمة الله

هلا بالذيابة الأشاوس رجاجيل مكشات هلا والف هلا ..

عندي الوالد بيشتري هايلكس دفرنسين بريمي 2011 ولقيته ب84 الف شامل كل شي

وبسألكم وش أرخص معرض يبيع هايلكس دفرنسين بريمي وهل فيه إمكانية القى ارخص من كذا ..


فمان الله ..

[هاوي موتري96]

الله يوفقك تحصل مبتغاك

[راع الوله]

الله يكتب لك كل مافيه خير

ان شاء الله تحصل مراادك

تقبل مرووري

[فرخ العقاب]

( داخل على الله ثم على والديكم )



يا خوي قوية الكلمة هذي



اللي يشوفها وده يقول ابشر بعزك ، لكن بعد ما يشوف الموضوع يعني صعبة ( انت تنخى كل من يقرا الموضوع ) والنخوه ماهي سهله ، الواحد ما ينخا أحد إلا إذا انقهر ، أو عنده أمر عظيم ، الله يجيرنا من القهر والظلم ، ويستر علينا وعلى المسلمين من كل امر عظيم ، ويكفينا شر بلاوي الدنيا .



الله يسهل دربك ، وتحصل مرادك ، ويجنبك الشريطية والنصابين .

[طفران بس بطران]

ودنا ننفعك لكن يجي من يفيدك

[Abo gssar]

ههههههههههههههههههههه

والله اني انفجعت اول ماشفت الموضوع قلت الله يقدرني افزع للرجال
توقعت شي كايد ....
لكن دام السالفة سؤال ان شاء الله الشباب في مكشات يعطونك الاجابة الشافية والكلمة الوافية
وفقك الله

[هلي--2007--]

عندك معرض الشنيفي في الشفا ممتاز واسعاره حلوه