المساعد الشخصي الرقمي

مشاهدة النسخة كاملة : ياشباب شوركم أبيع الشاص والا لا؟


sgl2002
09/02/2011, 03:03 AM
ياشباب أنا من عشاق الشاص مع ان ماني راعي بر كثير ولا راعي نصب وخرابيط .. بس أحبه ... وشريته قبل شهرين والآن أفكر أبيعه بعد ماطاح اللي في راسي ... وأبي أشتري ربع 2010 رفارف ...

هل يفرق الربع عن الشاص في الراحة ؟

يعني يستاهل الواحد يبيع الشاص عشان الراحة في الربع ،،، مع ان الشاص ماهو متعبني مره لكن ودي بالوساع شوي وبالخفه في اللفات ... وش تشورون لأني أخاف أبيعه واتحسف مع العلم ان الشاص اللي معي رفارف بريمي 2009 ؟
((ابوملاك))
09/02/2011, 04:13 AM
طبعا ياخوي يفرق صدقني جربت الربع والشاص والربع رااااااااااحه فرق تقدر تقول زي الهايلكس

اما الشاص عز الله انه كسر ظهري
مدمن فتك
09/02/2011, 06:34 AM
تبي الراحه اجل بع الشاص مع ان الربع مايفرق عنه واجد
SGL
09/02/2011, 07:34 AM
شوف يالغالي
روح دور مكتب تأجير سيارات يأجر ربع وستأجره وجرب
تقبل تحياتي
sgl:f
دب حساس
09/02/2011, 08:58 AM
طيع شوري وخل الشاص
أنا الذي...
09/02/2011, 09:23 AM
خلك على الشاص
تكفيك هيبته
ولما تريد تحمل عليه يغنيك عن حاجة الناس
kbobe
09/02/2011, 10:03 AM
خذه من انا جربت الشاص 2006
والحين معي ربع 2010
الربع والشاص من 2010 وطالع الين من الاول يعني لين مطبه ولاكن به مطب

مميزات الربع صغير قوي خفيف ما تبلش بمديور ولا يعوقه شي

ولاكن تبي تحسف ان بعت الشاص
وهذا رايي
البعية
09/02/2011, 02:31 PM
والله العظيم لتتحسف في بيعه موديل الشاص اللي معك احسن من الربع2010و2011
الشاايب
09/02/2011, 03:53 PM
كانك تبي شوري
كانك منتب راعي حلال وتحميل وماتحتاج الشاص واجد بيعه

ولكن عندي انه ارحم من الربع مع انه اقسى بالمركب

الربع هذا منب اواطنه ومستحيل اثق فيه صحيح انه قوي والسبب خفة وزنه وقوة المكينه

لكن مشكلته الخفة الزايدة وصغر الحجم وعدم الرساوة والراحة
وياما وياما ماتو بسبته ناس بسبة الزلاق بالمطر او الانقلاب بالطعوس والخطوط
وفوق هذا بعد السعر الغالي المبالغ فيه اجل فوق 120 الف ريال على صندقة صغيره فيها مكينه !!!!!

سعر مبالغ فيها جدا وموتر مايستاهل مع احترامي لاهل الربع
ابومحمدالبري
09/02/2011, 08:54 PM
افا ياالشاص
sgl2002
10/02/2011, 02:12 AM
كل ماشفت عيون الشاص وفي محجرها دموع الفراق ، ماهان علي بيعته خصوصا اني انتظرت 15 سنة الين ماقدرني الله على شريته
ياوجودي999
10/02/2011, 02:40 AM
لاتبعها وإن ساوموك بالذهب ..أترى لو فقأت عيناك وأبدلتهما بجواهر.. هل سترى؟؟



وبالعاميه .. سلعتن ثمينه للرجال الثمينين ...راعي الولع يشريه لو باع ثوبه.


لاتبيع الشاص يكفي وقفته عند باب البيت ...
ابوصالح77
10/02/2011, 11:27 AM
أتستبدلون الذي أدنى بالذي هو خير
الشاص اللي معك بريمي أبورفارف وجنوط مريح
ولا فيه فرق يذكر مع الربع
إلا الصغر والخف
تقبل مروري
مانسيتك
10/02/2011, 07:57 PM
شوف يالغالي
روح دور مكتب تأجير سيارات يأجر ربع وستأجره وجرب
تقبل تحياتي
sgl:f
كلام صحيح :good2:
طير بيروت
10/02/2011, 08:03 PM
لالالالالاانتبه تبيع الشاص يصيرلك زي اللي صار لمرزوق هذا ذيب الصحرى مايبيعه كود مردي النصيب
سفاري959
11/02/2011, 08:49 PM
كانك تبي شوري
كانك منتب راعي حلال وتحميل وماتحتاج الشاص واجد بيعه

ولكن عندي انه ارحم من الربع مع انه اقسى بالمركب

الربع هذا منب اواطنه ومستحيل اثق فيه صحيح انه قوي والسبب خفة وزنه وقوة المكينه

لكن مشكلته الخفة الزايدة وصغر الحجم وعدم الرساوة والراحة
وياما وياما ماتو بسبته ناس بسبة الزلاق بالمطر او الانقلاب بالطعوس والخطوط
وفوق هذا بعد السعر الغالي المبالغ فيه اجل فوق 120 الف ريال على صندقة صغيره فيها مكينه !!!!!

سعر مبالغ فيها جدا وموتر مايستاهل مع احترامي لاهل الربع

اوافقك الرأي وبقوه اذا المقارنه بين الشاص والربع لا والله الشاص افضل من كل النواحي مع احترامي لملاك الربع شف اعمار الي يركبون الشاص وشف اعمار الي يركبون الربع وهذا بحد ذاته يكفي من وجهت نظري واذا انك منتب راعي بر نصيحه انحش عن الجيوب كلها بنص قيمتها تشري صغيره اخت الجديده اريح واخف واقتصاديه بالبنزين الله يكتب لنا ولك الي فيه صالح وخيره تقبل مروري
سعود الحربي
11/02/2011, 08:57 PM
معي لاند كروزر واحبه لكن عندي ولد عمره 6 سنوات يقول يابوي ابي شاص والله كل ماشفت الشاص قلت والله ان عاش راسي لشريه لك خلك تكبر يابو حميد


ياخوي الشاص هيبه
والربع خيبه مع احترامي لهل الربع
كم كيلو باقي
12/02/2011, 01:04 AM
ياخي دامه طاح اللي براسك

وما انت براعي بر ولا راعي نصب .. وش تبي بالجيوب ؟

خطر وصرف بنزين وقسااااوة

اشتر لك لكزس is ولا افالون ولا فورد فيوجن والحمدلله ..

سؤال بسيط وما ابي اجابة فكر انت مع نفسك .. اذا بغيت تتزوج بتخلي الشاص ولا تشري صغيرة ؟
اذا جاك عيال بتخلي الشاص ولا تشري صغيرة ؟
الحويطي 2010
12/02/2011, 06:35 PM
ياخي والله انا جربت الشاص والربع تجربه كلهافي البر سنين والله ماتريح اذا ماكان عندي واحد منهم وكل واحد له ميزه الشاص ذيب الصحاري عز الخوي لصار ودك تحمل والا ترحل قرب الشاص واما الربع يالبيه لصرت ساري من ميه وخمسين كيلو كلها صحراء طعوس وجبال وانت عجلان عزالله مايصلح لها غير الربع 0
بواردي الدلم
12/02/2011, 06:48 PM
كانك تبي شوري بعه وإشتر لك ربع نيسان أخف وأوسع وأرسى ومابه مطب يايات يالله لك الحمد

وسعره رخيص بالنسبه لربع التايوتا
aboeyade
12/02/2011, 06:57 PM
إشتر لك جمس غمارة ونص

كأنه عندك ربع وشاص
sgl2002
13/02/2011, 01:15 PM
ياشباب أشكر مروركم ...

أنا ماقلت أني ماني براعي بر ...
أنا رجال إذا ماسقت جيب والا ماسوق ... أجل تبيني أركب سيارة رجلي عند الزفلت لا مشيت ...

كل السالفة أن ودي أجرب الربع لأنه أوسع ويمكن يكون أريح هذا هو المضمون ...
وأنا مشاويري في الديرة وفي البر يعني أبي سيارة كذا وكذا ... وغير الياباني مايصلح لي ..
سامي900
13/02/2011, 01:42 PM
لااااااااااااااااااااااااااااااااااااااااااااااااا ااا
تفرط بالشاص كانك مقتنع فيه
أبوجهاد التبوكي
13/02/2011, 02:20 PM
للرفع......
يريور عيمان
13/02/2011, 05:13 PM
حرام عليك تفرط في الشاص علشان صندوق
الشاص هيبــــــــــــــــــــــة
أبو سعران
13/02/2011, 05:39 PM
يا طويل العمر الشاص عز

والله انه في خاطري له سنين بس ما الله كتبه

اذا لك شف في الامريكي جرب جمس الحوض والله ياهو عز ومعزه من غير مهونة فيه وفي الشاص
غاوي قهاوي
13/02/2011, 07:32 PM
لا تبيع لا تبيع لا تبيع
أبو عقيل النجدي
13/02/2011, 10:57 PM
اذا تبي موتر بر خلك على الشاص

يارجال الاسبوع اللي فات دخلنا الدهناء 90 كم ونمشي على 120 وقدامي هلكس يهج به الموتر على خفيف مع انه محمل عفش الدنيا

وحنا بالحوض سست ومساعدات قويه الموتر مايلعب معك زي اي موتر ثاني وخصوصا الجكسار او الفكسار مع احترامي للملاكه
sgl2002
25/12/2011, 06:24 PM
ايييييييه يالبا الشااص

فتحت الموضوع هذا القديم يوم كنت افكر ببيعة الشاص
وشفت ردود الاخوان اللي يقولون بتتحسف اذا بعت الشاص


وهذا انا اقولها لهم متحسف جدا

مع ان الباترول الربع مطربني اكثر منه بالبر وبالديرة لكن مالي عن الشاص غناة

يالله تجربة وان شاء الله في الصيف واحد جديد نشوف وش فرقه عن الاول
عشق البر
26/12/2011, 02:54 AM
ايييييييه يالبا الشااص

فتحت الموضوع هذا القديم يوم كنت افكر ببيعة الشاص
وشفت ردود الاخوان اللي يقولون بتتحسف اذا بعت الشاص


وهذا انا اقولها لهم متحسف جدا

مع ان الباترول الربع مطربني اكثر منه بالبر وبالديرة لكن مالي عن الشاص غناة

يالله تجربة وان شاء الله في الصيف واحد جديد نشوف وش فرقه عن الاول

خيره وانا اخوك
((ابوملاك))
26/12/2011, 02:56 AM
انا دخلت الموضوع وضفت ردي كنت احسب موترك زي موتري ١١ سسته

اذا موترك ٨ سست نصيحه لا تبيع ترا الربع ٦ سست مافيه فرق بس المراتب الي ورا


الا ليه ماتفكر ترهم نص غماره ورا كذا انت جمعت بين هذا وذاك
ابونبيل
26/12/2011, 04:44 AM
نصيحتي لا تبيعه
انت لو بعته بتزود عشان تاخذ الربع الفلوس الي بتزودها حطها بكورلا ولا كامري تستفيد من الثنين
أبو أسامة
26/12/2011, 04:56 AM
الرجال باع ........ الله يعوضه خير ويبارك له في ماله .......... و إن شاء الله ربع النيسان ماهو مقصر معه دوم .........

بعض الشباب حبايبنا ما يقرووون الردود ولا حتى تاريخ الموضوع ........ تراني ما أقصد أحد هههههههههههه