وش هي المدامع

[غاوي تعب]

نسمع عن مواصفات الطير الحر ويقولون انه عيونه صافيه من غير مدامع وش معنى مدامع ووين موقع هالمدامع بعيونه ووشلون نميزها ارجو ممن عندة الجواب الوافي انه ينورنا الله ينورة

[السمح]

حياك أخوي غاوي تعب .. بس ليش غاوي تعب :D أكيد ما دام معك طير فأنت غاوي تعب تدليه وتطليق حمام ودعو الله يعينك على التعب ..
حبيبي المدامع هي خطين من الريش مثل الشوارب نازلة على خدود الطير وليس عيونه .. وتكون واضحة جداً عندما تنظر إلى وجه الطير ..
وهي عيب في الطير .. وغير مرغوبه من قبل الصقاقير ..
أرجو أن أكون قد أفدتك وأجبت عن سؤالك ..
ولكن عاد أبسألك وش القفول بالطير وأين توجد ؟؟ سؤال بسؤال ما هنا شي بلاش ولا يخدم بخيل .. تراي أعرف الإجابة .. بس أبيك تجاوبني اشوف ؟؟ ( والله الغثيث ) :D :D

تقبل تحياتي ..

[المري]

كفيت ووفيت يالسمح بس ويش القفول ؟؟؟


والله اني صقار من وقت قديم ولا بعد مرت علي ذا الاسم ؟؟؟ارجو التوضيح باسرع وقت؟؟


اخوك : المري

[السمح]

هلا بك المري ومرحبا بالمرة كلهم علشانك يا مميز ..
أردنا شقرا وأراد الله ضرما :D :D
وعلى كل حال يالغالي القفول إن كل ريشة من ريش الجناح فوقها ريشة صغيرة وهالريشة الصغيرة تسمى قفل لأنها إذا سقطت تسقط الكبيرة .. أو بعبارة أخرى إن الصقاقير يعرفون إن النايفة أو الموس أو أي ريشة أخرى في طريقها للسقوط ( بعد يوم أو يومين ) وقت القرنسة إذا سقطت الريشة الصغيرة التي فوقها ، ولذلك تسمى القفول ..

تحياتي ..

[المري]

السمح حياك الله وكيف حالك

القوافل هذي عندنا تسمى الزوايد .

والله اني احترت يوم مر على الاسم ماعرفته والحمد الله انك ماخليتني احتار واجد.


شكرا لك

[غاوي تعب]

لا يابعد عمري يالسمح دايم متميز ومبدع والصحيح انا احسدك على اسلوبك بالرد على المشاركين والله تستاهل أنك تكون اكثر من مشرف

[said_fares]

:confused:

[خشف.]

ما قصرو اعضاء الخيمه

[ابو عايد]

موضوع قديم :confused: :confused: