أستطلاع : هل المفخرة 6 سلندر يبيض الوجه؟؟ [الأرشيف]

fof6666

11/02/2011, 08:47 PM

قائد السريه

11/02/2011, 08:58 PM

اذا كان قير عادي اتوقع انه حليو بس لاتطمح للكثير علشان ماتنصدم

والافضل انك تستاجر واحد وتجربه

m3ax

11/02/2011, 08:59 PM

انا مع قائد السرية وأشوف بالنسبة لحجم اللاند كروزر للأسف 6 سلندر صغيرة عليه

بدوي جنوبي

11/02/2011, 09:08 PM

النبع الصافي

11/02/2011, 09:24 PM

القير التماتيك أقل من العادي في الجي اكس ار
التماتيك يصلح ثمانية أما الستة أنشط خذ عادي
موفق

أبوحمد 505

11/02/2011, 09:30 PM

أذا كان عادي ينفع
وبعدين هي على السواق

عبدالعزيز بن احمد

11/02/2011, 09:32 PM

تم التصويت والله يوفقك

الخفووق

11/02/2011, 09:52 PM

ترا ما يبيض الوجة في البر وغير البر خذ تمتيك افضل

سبتان

11/02/2011, 10:05 PM

للبر العايدي أفضل و لاند كروزر 2006 جي إكس آر مجربه ولافيه كلام ، ولكن لكل وجهة نظر

سامر عبدالله

11/02/2011, 11:14 PM

وانا اخوك خذ توب ترونيك

ويبيض الوجه

الكلام على السواق

سيف الظفير

11/02/2011, 11:19 PM

AbdulAZiz M

11/02/2011, 11:25 PM

اسمع العلم يالقرم

انا بايع جكسار 2009 ممشاه 66000 قير عادي

والله مامن علوم

ضعيف مرررة ولا يقارن بالسابق الاول احسن منه الف مرة لانه رأسين

ما جلس معي الا 4 شهور وبعته وخذيت لي 8 سلندر فل الفل ولله الحمد 2009

وتوي اسوق الجيب يوم جربت الـ 8V

لمعلوميتك يا أخوي

محرك 6 سلندر لموديلات 2008 وطالع أصبحت رأسين بعكس المحركات القديمة رأس واحد

ثانياً المحرك الجديد 1gr-fe أنشط وأفضل من المحركات السابقه وهي نفسها المعتمده في البرادو والإف جي من 2009 وتحت وحالياً اعتمدوها في الربع والشاص لموديلات 2010 يعني تطوير للأفضل وليس للأسواء

ميزة المحرك القديم إنه أهدأ من المحرك الجديد ( الرأسين )

بالنسبة لخوي صاحب الموضوع
أنا اقولك إن المكينة من ناحية الأداء ممتازة مره لكن سبب ضعفها على اللاند لأن وزن اللاند ثقيل لكن أشور عليك بالعايدي أفضل من القير الأوتو خصوصا في اللاند كروزر

كاشت وحداني

11/02/2011, 11:49 PM

بكل صراحة انا اعيب على تويوتا صناعتها لل6 سلندر في اللاند كروزر
حجم الموتر يحتاج له مكينة قويه
لكن دامك نويت
خذ لك جي اكس ار 8 سلندر
والله يبارك لك

النايف999

11/02/2011, 11:58 PM

انا جربت 2008 اسبيرين وونش 6 سلندر اوتوماتيك وماشاء الله ماشفت منه شي لا سفر ولا من بر مع العم انه في الشتاء على بوالين والبوالين تثقل السياره
والحين معي جي اكس 2010 6 سلندر اوتوماتيك وعليه بوالين والحمدلله ماشكين منه
وطبعا مافيه مقارنه الشكل الجديد اقوى وانا اقارن الـ6 سلندر بالــ8 سلندر الشكل القديم
كان معي جيب لكزس 2002 واشوف فيه فرق بينه وبين ال 6 سلندر

صقر مبرقع

12/02/2011, 09:10 AM

الثمانيه اريح لك بالخط وبالبر وفرق كبير بالقياده سواء بالمديل الجديد او القديم
اما من ناحية القير التمتيك والعادي هاذء علي حسب استخدامك اذ كان بالبر دائمن اخذ عادي واذ بر بالمواسم وخفيفه خذ تماتيك افضل لك
مجرد راي
وتقبل مروري

ابوحميد122

12/02/2011, 09:16 AM

شف مثل ما قال احد الاخوان
رح لمحل تأجير سيارات واختار نفس السيارة اللي في بالك
وجربها ...

وبخصوص السيارة في النفود
اخي والله كنت في السابق سيارتي هايلكس ومخلي مقاس الهواء في الكفر 15 اقصد الضغط
وتتمشى في النفووود باحسن ما فيه
والسيارة من سواقها

وتم التصويت

ابو انس111

12/02/2011, 10:25 AM

أنصحك تبعد عنه لأنه فاشل جدا
والله مجربينه لا وقير عادي بعد في الرمله يجيب الهم
و بالنسبه لل8 سلندر يطربك
أرجو اني افدتك
لا تنسى الاستخاره

fof6666

12/02/2011, 01:27 PM

بيض الله وجيهكم يالنشاما وماقصرتو
شكلي أبجزم على الثمانية سلندر

آبونآصر

12/02/2011, 02:56 PM

إذا قير عادي توكل على الله وخذه وإن شاء الله يبيض الوجه

وترى صرفيته حليوه بالنسبه للفتك

كثير اللي معه لاند G وكلن يمدحه ويسمونه الـ [ الهدد ]

وتراها تقاس على السواق يعني تقدر تطب النفود بـ هايلكس وتتمشى مثل ماقالوا الأخوان

وإذا تقدر على الثمانيه سرندل بيطربك في النفود :good2: :eek:

دل البحار

12/02/2011, 05:26 PM

اخوي ال 6 سرندل افضل قير عادي

النجم الطائر

12/02/2011, 05:48 PM

والله انا جربت 2009g
جو المدينه فيه حنه عند التغير يعني لما تكون واقف عند الاشارة مايلقم بسرعة وتغيراته لك عليه ؟
وكل نفس وما شتهت وعلى قد فلوسك اركب سيارتك

شيخ المواتر

12/02/2011, 09:22 PM

على القديم 6 سلندر قير عادي اشوفها كافيه و 8 سلندر زيادة صرفيه ,,,الا كانك راعي طعوس و مراقى شي ثاني ...يفيدونك رواعي الطعوس.

هذا رأيي و تقبل مروري

سيف الظفير

13/02/2011, 11:22 AM

النايف 999

على حد علمي يالغالي ما يجي الا سبير علاق او لكزس بالـ 6 سلندر

الاسبرين يجي على الثمانية سلندر

اما بالنفوذ

والله 8 سلندر طرررررررب بالتب ترونيك

العريفي 1

13/02/2011, 11:40 AM

الثمانية سلندر : يصلح للي روحاته للبر قليله والسواقه لك عليها ( بيسنعه الثمانية )
السته سلندر : لراعي البر المتمرس اللي يعرف ويقيس على سيارته

أطلال نجد

13/02/2011, 11:50 AM

تم التصويت

إذا بتأخذ g القير عادي فهو يبيض الوجه إن شاء الله لأنه خفيف
وفي النهاية مثل ما قالوا الأخوان المسألة أولاً وأخيراً ترجع للسواق

وإذا تماتيك لا تأخذ إلا v8

موفق للخير

هارون97

13/02/2011, 04:35 PM

انا معي 6سلندر قير عادي تمام التمام 2008

أبو الحارث 4

13/02/2011, 04:45 PM

انحش عن 6سلندر
اسأل مجرب لا تاخذه ولا بريال
عندي 2007 وكالة بعته بسبب ضعف عزمة

يريور عيمان

13/02/2011, 05:06 PM

المفخرة الاوتوماتيك ستة سلندر للاسف فاشل و السيارة تحسها ثقيلة و تتحرك بصعوبة و تسمع صوت المكينة و هي تحن
و الكلام هذا من تجربة للقير الاوتو
اما بالنسبة للعادي فما جربته

باسل نجد

13/02/2011, 07:00 PM

انصحك ب8 سلندر

ahmed8883

13/02/2011, 11:18 PM

انصحك 8 سلندر
عادي او اتوماتيك

مع واحد من الشباب
VXR 2009
8 سلندر اتوماتيك دفلوك
ممتاز في البر :good2:
ومجربينا في الصيف وصادفتنا كثير رباضات زي الحلاوه يطلع مع الدفلوك
وزي ماقلنا على السواق
و بالتوفيق ان شاء الله

YUKON_GMC

14/02/2011, 01:51 AM

ال gxr ممتاز في الطعوس خصوصاً القير العادي لكن يبي سواق ..

لأن الموتر إذا نزلت فيه الغراز بدون تخفف الهواء على 20 تضر الموتر والقير وتكسره بالمطبات

بالاضافه لوجود الدفلوك هام جداً ونوعية الكفرات

جمرة ارطى

14/02/2011, 02:04 AM

انا معي جي 2008 تماتيك كفرات بوالين وجنوط هلل
الموتر تغير علي بالبر ممتاز بالبوالين اما بكفرات دنلوب وجنوطه العادية طبلة
وداخل الديرة ماعلية كلام اذا انت راكد اما ان كنت راعي كتل فتراه مايصلحلك خذ 8 سلندر
والله يوفقك

بدر البلوي

14/02/2011, 04:58 PM

يبيض بالنفود وبالخط

.أبوعبدالرحمن

14/02/2011, 05:54 PM

من واقع سماعي لكلام ناس مجربين تماتيك وعايدي 6 سلندر والعايدي موديل 2009 والتماتيك 2011

والله كلهم يمدحونه قايمين قاعدين وهم أهل بر وطلعات ونزلات وسحب والسيارات ما شكوا منها أبد

انت أسأل ناس مجربين ولا تسأل ناس يتوقعون او إنهم سمعوا ناس يتوقعون الله يرزقك باللي يرضيك

ب د س

15/02/2011, 02:22 AM

مآيحتآج نتكلم عنه و خآصة آلهدد آللي يسمونه جي آكس

بن سليمان

17/02/2011, 02:35 PM

كنا كاشتين بسيارتين وحدة فورد اكسبدشين والثانيه جيب لاندكروزر 2008 6 سلندر قير تماتيك الجيب عجز يمشي دروب الاكسبدشن رغم التنسيم طبعا الفورد 8 سلندر و 300 حصان
انصحك تاخذ 8 سلندر غير القوة فيه عندك صوت المكينه يكون اريح في الثمانيه وخصوصا في السفر

غازي المحمادي

17/02/2011, 02:47 PM

تم التصويت بارك الله فيك

r.juve

17/02/2011, 03:01 PM

ابد خذ قير عادي وماعليك

معاذ.

17/02/2011, 03:05 PM

~ من تجربة عزيزي ..

~ انحش عن 6 سلندر ..

قناص مزاجي

17/02/2011, 03:40 PM

تم التصويت بنعم

اسئل مجــــــــــــــــرب ولا تسئل طبيب

المفخره 6 سلندر مخصص للبر وزود على هذا فيه فخامه يعني 2 في 1

عملي قليل الصيانه استهلك اقل للوقد شيك وقت اللبيع

سيارتي المفضله هي الاند كروزر 6 سلندر

مواصفات

ونش + دف لوك + قير عادي + فتحه + مكيفين + شاشتين + ثلاجه +شنطه

هناك من يرغب السبير العلاقي

لاكن انا احب ان يكون سبير واحد

اي شخص راعي بر وطلعات

نصيحه لا يشتري الا قير عادي التوماتيك لا انصح فيه وخصوصا لمن يحبون البر والمغامرات

المفخره 6 سلندر يفضل القير العادي

وهي السياره المطلوبه وقليل تجدها في السوق واذا وجدتها سعرها عالي لكثر الطلب عليها

وهناك مقوله شوف اليماني ماذا يشتري وشوف البدوي ماذا يشتري وشتر زيه

المفخره 8 سلندر يفضل القير اوتماتيك

تحياتي

M Fox

18/02/2011, 03:52 AM

GXR سته سرندل عادي .. بالنفود أفضل من الثمانية سرندل تماتيك .. ومايمنع تجرب ..

ودب 7

18/02/2011, 02:18 PM

تم التصويت

مغرم بالفتك

18/02/2011, 02:21 PM

التويوتا كله لايهمك خرااااابيييييييييط
خذلك فتك نشاط وكده
وشكل وقيرين

fof6666

15/03/2011, 09:08 AM

بيض الله وجيهكم
وبانتظار المزيد

بحيران

15/03/2011, 09:21 AM

اخوي انا عندي gxr 2009 قير عادي وكان عندي قبلها 2003 تماتيك لا والله القير عادي نشيط في البر ولا تلقىاطيب منه لكن عيبه في المدن والزحمه واذا ماخذه للبر خذ ولا تشاور

سيف الظفير

15/03/2011, 12:59 PM

ودي تجربون 8 سلندر وتعرفون الفرق وبالذات لا فكيت دبات التلووووث

ابو ســــاره

15/03/2011, 06:23 PM

تم التصويت لv6. قير عادي عشانه موتري ومن عام 2008 وماشي 133000 والحمد لله ما فيه إلا العافية.
وتراي قبل اشري استاجرت تماتيك وجربته يومين وعدلت رائيي عن التمتيك ثقيل شوي بالنفود ولا اتراه اريح من العادي .
بعدين وانا اخوك الشغلة على حسب حاجتك وعلى حسب كثر دراهمك .
لو الدراهم واجد كان ما ركبنا إلا VXR .

path_poth

15/03/2011, 06:59 PM

8
8
8
إتفق معك ، ربعي كانوا يتناقشون ، اللي جرب ال8 واللي كان معه 6
طلعوا من النقاش بإتفاق إن التويوتا الجديد يا 8 سلندر ، يالاتضيع دراهمك ع الفاضي وخذ لك دامك تبي 6 فتك

ذا كلامهم ، ماجبت من جيبي شي

تحية

مجنون عسل

18/03/2011, 02:01 PM

يا جماعه 6 سلندر و8 سلندر فيهم فرق شاسع 8 اهداء وعزم جبار لانقاش بس صدقوني البر لو ان معك سياره صغير وما تتصور انك تتدخل راح تغرز بس السواق فنان عز الله انك راح تطرب لاشفت لاند والا اي جيب مغرز والسيارة الصغيره تمر من عندك ولا تغرز ...
نصحيه لكل هواة البر قبل ما يدخل للبر ان يتعلم كيف يكون سواق محترف داخل البر
تقبلوا فائق احترامي وتقديري

برق السنا

18/03/2011, 03:47 PM

والله استفد من نقاشكم مع اني ما عندي جيب

زمزم 100

18/03/2011, 09:24 PM

لاو الله يسود الوجه

8 و إلا لا تشتري

النجم الطائر

18/03/2011, 09:57 PM

8 و إلا لا تشتري

السالمي

19/03/2011, 12:11 AM

المفخرهـ طيـــــبٍ تقدمه يمنــــــاك
يرفع سهمـك وسهم غيــرك يوطيه

راعي الجنوب

19/03/2011, 07:36 PM

ممممممتتتتتتاززززززززززز

fof6666

25/03/2011, 08:36 PM

بيض الله وجيهكم وبانتار المزيييييد

مركزالعبد

25/03/2011, 09:21 PM

والله مايسوى ولا قرش ،، انا اتكلم عن V6 القير العادي
خايب بقوة ولا فيه عزم ابد والمكينة فيها صوت قربعه من الوكاله..

ابعد عنه ولك رزق الطير ان شاء الله

التماتك حلو انا جربته سواء 6 او 8 سلندر

منتاز

من شمر

25/03/2011, 09:33 PM

الصلاة خير من النوم00000000000000 بدون شك الثمانيه بالسماء عالي 00 يكفيك صوت دقة سلفه 000000000

الشاطر11

26/03/2011, 01:05 AM

هل فية 8 سرندل قير عادي وكيف نضام الدبل في الاندكروزر الجديد هل هي كلها دفع رباعي مستمر ارجو التفصيل من اهل الخبرة

fof6666

26/03/2011, 12:56 PM

8 سلندر مايجي الا توماتيك

ابو سعود4500

26/03/2011, 09:56 PM

http://www.mekshat.com/pix/upload/sign/images/mk189429.gif

sgl2002

27/03/2011, 01:27 PM

8V هو الجيب وبس ولو تستخدم 6v بيقهرك خصوصا إذا جيت تطوف والهوا في وجهك يالله يمشي ...

المسنلم

28/03/2011, 11:15 AM

باختصار شديد حق كشخه وخطوط وغير كذا ماينفع لابر ولا طعوس نهائي:no2::no2::no2:
واللي جربوه بالبر يعرفون هالمعلومه زييين ودمتم

ابو سمسم

28/03/2011, 11:30 AM

ودي تجربون 8 سلندر وتعرفون الفرق وبالذات لا فكيت دبات التلووووث

ياليت لو تفيدنا عن الدبات حقت التلوث وشلون نعرفها وطريقة فكها

وهل الفرق واضح عن فكها ارجو الافاده لاهنت

محمد بن سعيد

28/03/2011, 11:36 AM

اللاند إذا قير عادي خذ 6 سلندر

إذا قير تماتيك عليك بالجي أكس 8 سلندر

مواسي الطعوس

28/03/2011, 02:14 PM

لاتقرب ال 6 سرندل .............مايمدحه الا اللي ماجرب ال 8 .موتر تحس انك تسحبه .

فلر

28/03/2011, 07:07 PM

معي لاند كروزر2008 6سلندر قير عادي
السياره تمشي الحال
ان كنت راعي نفود ومغرم با التطعيس وقص عروق فلا انصحك به
اما ان كنت مثلي وسط اكشت واطبخ وتمشي ونفود بدون تحدي فهو ممتاز جدا
وعلى فكره الاستطلاع ينقصه الوسطيه لان رائي با السياره وسط وانت طالب في الاستطلاع يا ابيض يا اسود
وسلامت عمرك والمتصفحين

الطرس ممدوح

28/03/2011, 07:39 PM

تم التصويت والله يوفقك

حفرآآوي

28/03/2011, 07:45 PM

شوف اخوي الـ6V تغير عن قبل

قبل من موديل 98 الى 2007 كان 4500

الحين 4000
ومع الوزن الجيب الثقيل

المشكلة ما يتوفر 8v قير عادي

ولو تبي تشتري يالشكل القديم ولا اشتر فتك 4800 وقير عادي وعيش حياتك

رزيم الرعد

30/03/2011, 08:36 AM

مادام قسم الله وشريت , اشر الـ 8 سرندل ..

الحزوبر

30/03/2011, 06:13 PM

ماينفع لاعادي ولاتماتيك

العادي في البر لازم تحبس الكلتش علشان مايطفا في القومه تقول هايلكس ولا اردى.

fof6666

08/04/2011, 12:46 PM

الله يعطيكم العافية
يعني تتوقعون الفرتشنر اللي معي (2009 4سلندر) أصرف لي من اني تزود 50 الف على لاند؟؟؟؟؟

S3llo

09/04/2011, 11:56 AM

الموتر ليته على مكينته الأوله انتسان علوم
اما هالراسين ما عندك احد
واسئل مجرب
واعرف راحد دايمن بالنفدان ويجلد جلد الويل بس معه شاص
يقول الجدد ما ينفعن ابد الهن الراسين
والسلام عليكم............................................. ...........................

ابو نورة 9

10/04/2011, 11:52 AM

أنا أنصحك بالـ 8v
رأيي مافيه مقارنة أبد أبد
والله يكتب لك مافية الخير يارب
بالتوفيق

ملك الإحسآس

13/04/2011, 06:02 AM

اللي يسمعكم الفرق بين الثمانيه والسته 500 حصان ههههههههه
ترى الفرق 40 حصان
الاند خذ فكسار المكينه الجديده والا خل فلوسك عندك نصيحه ..

ALMQROOD

13/04/2011, 09:35 PM

السلام عليكم ورحمة الله وبركاته ...
بالنسبه للأثنين كلهن بهن الخير والبركه ...وترا مافي فرق شاسع من ناحية العزم بالنفود ..الفرق ياطويل العمر بالمكاين الجديده 5.7 هنا تفرق...
بالنسبه لي انا معي V6 اوتوماتيك ومايقصر بالنفود اذا راعي تمشي ولا انت راعي تحدي شرررط يطربك دامك منسم الكفرات اما غيره يتعبك لو هو جيب لكزس ..والجيب نصيحه سواء 6 او 8 الدفلووك مهم جداً..حسب رأأيي انه كفوو ويبيض الوجه

fof6666

29/04/2011, 02:02 AM

الله يجزاكم خير
شكلي أبحول للفتك وبس

HCW

29/04/2011, 02:50 AM

اذا تبي قير عادي ماتفرق فتك او لاند 2007 كلهم فيهم البركه طبعا الفتك انشط
و اذا قير اوتوماتيك عليك بالفتك يبرد قلبك بالديره و البر.

صافي المشرب

29/04/2011, 03:05 AM

سؤالك يحكمه شي واحد بس ====== هو القير

اذا تبي عادي مالك الا السته وبما انه موتري فانا اقول انه نشيط جدا ويطرب ولله الحمد ويقطع بالرابع بعد

واذا تبي اوتو لا تعدى ال5.7 وجهة نظر مجرب 2006 auto ثقيل جدا

2010 عادي نشيط جدا

ابو منور 93

30/04/2011, 01:25 PM

ياخوي تنازل وخذ الشكل القديم يعني2006ونازل تدعيلي تقبل مروري

fof6666

06/05/2011, 11:27 AM

لللرفع رفع الله قدركم

الصامل1

06/05/2011, 12:55 PM

8سلندر ولا تشاور

راس المزن

06/05/2011, 03:01 PM

,وانا خوك 8 سلندر ولا تشاور
حتى البنزين ما يصرف واجد
مجررررررررب

Abusliman

08/05/2011, 06:20 PM

اذا قير عادي ايه وبقووهـ بس اذا تماتيك حلو بالخط وكويس لاكن بالنفود لك عليه
لا تنسى ان العالم طايحين بالـ GX وهو اثقل من الـ G ويمشي بالنفود ويطاعس وقوي واسال عنه ان بغيت
انا من ناحيتي لو معي قيمته طقيته بدون لا افكر ببدييل
موتر جبار بصراحة بس لو تاخذ هدد الي هو GX افضل بكثير فيه مميزات حلوهـ اكثر
ولا تنسى الاستخارة

_دربيل_999

09/05/2011, 12:36 PM

اخوي السيارة الجديدة زينة 6 او 8 سلندر..
المفخرة لـ8 سلندر جربته خذ نشاط لاصار ماعليه حمل..
لكن لو ركب فيه 7 اشخاص تلاحظ انه يفقد خفة نفسه وتشعر بالثقل..
على العموم كلها سيارات طيبة ورغبتك هي من سينتصر في النهاية..

بارك الله فيك

الحيا

09/05/2011, 09:08 PM

الـ 6 سرلند تماتيك مايصلح:
لا للبر .. لاتعليييييق
ولا خط .. عزمه ردئ بالحيل أثناء السفر وإذا كنت مسافر ومعك عائلة, إلا إذا كنت ماتتجاوز 130
ولا ديرة .. ماهو بهاك الزود ويصرف بنزين أكثر من الـ 8 سرلند

بإختصار الـ 6 سرلند دبشة لأن بدي الاند كروزر ثقيل وضخم لذا كل دول العالم ماتستورد غير 8 سرلند.

للتوضيح , سبق سافرت بــ 6 و 8 سرلند.

موفق, والله يكتلب لك الخير.

fof6666

12/05/2011, 12:49 PM

والله اني احترت
الستة سعره معقول إلى حد ما لكن الثمانية قرب لل200 الف

سطام الدرعية

13/05/2011, 03:06 AM

للقوه والعزم 8 سلندر واريحلك في الخط .

fof6666

15/05/2011, 01:19 PM

طيب كيف تكييف الموتر للمرتبة الأولى والثانية ؟؟؟؟

نبع الكرم

15/05/2011, 03:55 PM

وعليكم السلام ورحمة الله وبركاته...........

اذا جاك قير عادي فهو تماااااااااااام التماااااااااااااام.

ع العمرو

15/05/2011, 06:32 PM

انصحك ب8 سلندر

مرور الكرام

15/05/2011, 08:02 PM

الله يعينك على اختلاف الآراء
كلن يسوق لبضاعته

مافي شك أن 8 أقوى من 6

يعني شي بديهي بالعقل

لكن السؤال هل الستة قوي ؟ بدون مقارنة مع 8

الستة القديم محرك 4700 بقوة 221 حصان
أما الستة الجديد محرك 4000 بقوة 240 حصان

وهو نفس المحرك على الفورنتشر والبرادو والأف جي قبل 2010

يعني مجرب ومعروف

محرك 8 حجم 4700 سي سي بقوة 271 حصان
وهو المحرك المستخدم على الفي أكس آر القديم
يعني لم يتطور المحرك
حجم كبير و 8 سرندل وبالنهاية 271 حصان تعادل تماماً قوة البرادو 2011 نفسها 271 حصان والبرادو 6 سرندل

يعني الفرق 31 حصان فقط بين الستة والثمانية

إذا تبي المحرك الصدقي خذ الجديد 5.7 نفس اللكزس

الستة قوي ويجمل ومدحوه مجربين بالسفر والبر

اذا كان عمرك فوق 35 بتحس الموتر مناسب جداً

إذا كنت بعمر المراهقة ومتعود على المقاومات

وسوالف تعداني بعامود وشطفته وكبست له وجبت طبلونه ومن هالحكي

ماراح يجوز لك حتى لو معك 12 سرندل ...

أخيراً لو الموتر زي مانسمع ضعيف

ماشفته منتشر وماتلقاه إلا بالحجز وارتفع سعره

ومازال يورده ابوجميل من عام 2008 الى الآن 2011

ولاتنسى انه الستة والثمانية كلهم نفس المواصفات تماماً

ماتفرق إلا المكينة فقط وفرق السعر 11000 ريال

الله يوفق الجميع ////

fof6666

15/05/2011, 11:27 PM

الله يعافيكم ياأخوان
وتراي منب راعي حركات المراهقة
لكني راعي مكاشيت نفود ومطامر لكن وودي بشي يبيض الوجه

PATROL

16/05/2011, 05:27 AM

فيه اثنين من اخوياي طاقين GXR موديل 2010 بس واحد ثمانيه سلندر والثاني سته سلندر
اللي معه ثمانيه يمدحه حيل بالبر والطعوس اما ابو سته سلندر يسبه راعيه ويقول عزمه ردي وهالحين عارضه للبيع وسيم منه 100 وهو شاريه 130
ارجو اني افدتك

رسيس نجد

16/05/2011, 05:29 AM

لقير العايدي سته سرندل افضل في البر والنفود 0

مرور الكرام

16/05/2011, 10:09 AM

الله يعافيكم ياأخوان
وتراي منب راعي حركات المراهقة
لكني راعي مكاشيت نفود ومطامر لكن وودي بشي يبيض الوجه

إذا تقدر على 8 خذه وبدون ما تشاور

بس دامك طلبت المشورة فمعناه واحد من أثنين أما أنك ما لقيت 8

أو ما تبي تدفع مبلغ زيادة ( وهذا التفكير السليم ليش تدفع زيادة على شي ما تحتاجه بغض النظر عن المبلغ )

الله يكتب لك الي فيه الصالح ..

فيه اثنين من اخوياي طاقين GXR موديل 2010 بس واحد ثمانيه سلندر والثاني سته سلندر
اللي معه ثمانيه يمدحه حيل بالبر والطعوس اما ابو سته سلندر يسبه راعيه ويقول عزمه ردي وهالحين عارضه للبيع وسيم منه 100 وهو شاريه 130
ارجو اني افدتك

أتمنى تزودنا بمواصفات الستة الي مع خويك ؟؟

لأن بصراحة السعر خيالي ولا سعر برادو 4 سرندل 2010 يجيب أكثر من كذا ..

أخوي أنا دايم أمر المعارض وعارف أسعار المستعمل طاير بالسماء اللاند بكل أنواعه ..

الي ساموه بــ 100 ما يخافون الله .. ومشتراه بــ 130 برضو رخيص مره ..

أنصح خويك لا يفرط بالموتر ما راح يلقى بهالأسعار نهائياً ..

وعلى فكرة 8 المستعمل تعدى 205 آلاف وممشاهم أكثر من 10 آلاف ..

والستة أقل بشوي حسب الممشى والنظافة ..

تحياتي للجميع ،،،

ابن عكاش

17/05/2011, 11:39 PM

شف يالغالي السته سلندر الجديد انا اعتبرها غلطة تويوتا في اللاندكروزر والشاص لأنها 4000ألاف راسين احصنه عاليه عزم او مايسمونه بالتورك ضعيف خصوصاً في التحميل والطلوع والسحب
المكينه القديمه مجربها قير عايدي لراعي البر عز الله انه ينشد بها الظهر قوة وعزم في التحميل والسحب والطلوع
صح الجديده انشط في الخط لكن وش ابي بالنشاط اللي ماينفعني في البر لو ابي موتر خط خذت لكزس ابركلي
الـ 8سلندر مافيه شك افضل لكن للأسف ماتجي قير عايدي وكان في الموديل السابق العايدي فيها فاشل
تقبل مروري

فارس الحربي1

19/05/2011, 01:45 AM

السلام عليكم
ياأخوان انا ناوي على جي 2008 قير عادي
بس السؤال هل الموتر يبيض الوجه بالنفود والخط ؟
لأاني جربت لاند 206 تماتيك وما أعجبن أبدا لدرجة أن موتري (فورتشنر 4 سلندر عادي) يروح ويخليه بالنفود
هل الجديد انشط من 2006 ولا طبلة مثله ؟؟؟ وسلامتكم

السلام عليك بالخير وشلونكم حدى هالايام
اذا تبي رائي وانا اخوك اطلع للامارات وماجاك عندي عمي طالع للامارات هو ويا خويه
وشاريله جيب 2006اللون اسود 8سلندر فل ابشن تماتيك فتحه شنطه سبير تحت البدي نظيف
وماشي 100الف او 120الف اذا ماني واهم وكلف كله مع الجمرك 92الف ريال سعودي
وعلى طول يجي هو ويا عمي ويطببونه حراج النسيم بالرياض ويجيبله 128الف كاش
وجابي معه هايلوكس دبل 2010 glx بــ32 نظيفه ماشيه 60الف
طببها النسيم بعد اسبوع جابتله اذا ماني واهم حوالي 60الف او ازود بس ماني متاكد الا من سعر الجيب

الشنه

19/05/2011, 01:37 PM

توكل على الله وخذ قير عادي

نجم النهار

19/05/2011, 02:00 PM

fof6666

21/05/2011, 08:22 AM

والله اني احترت
والقهر الثمانية فوق الميزانية بواجد !!!

الشمال الغربي

21/05/2011, 06:41 PM

لا تحتار ولا شئ استخير وتوكل على الله
انا معاي جي 2009 قير عادي ماشاء الله عليه يماشي الثمانيه سلندر في الخط وفي البر يتميز عنه لأن قيره عايدي
200 يمشيها بالراحة وفرق كبير عن 2007
له معاي اكثر من سنتين والحمد لله ما اشتكيت من شئ الا الكفرات الحجرية شد الوكالة كانت تطلع صوت وغيرتها بنوع ثاني .
صرفية البنزين قليلة مرة بحيث يمشيك 800 كيلو اذا كان مشي رايق معتدل في الخط بعدين لاتنسى قيمته بالنسبة للثمانية ارخص واجد
وأي استفسار انا حاضر

fof6666

29/05/2011, 09:33 PM

الله يعافيكم
ماقصرتو

sahir1

30/05/2011, 10:09 AM

الله يوفقك ويرزقك

انا وجهة نظري انك لا تقارن 8 سلندر بـ 6 سلندر في جميع الاحوال
لانه المقارنة فيها مفارقات كبيرة وكلها لصالح الـ 8 سلندر
لكن لا بغيت تقارن وتاخذ اراء الناس حدد لك على حسب فلوسك اول شي
ثم بعدها قارن اما 8 سلندر مع 8 سلندر او 6 سلندر مع 6 سلندر
المهم
اذا انت ناوي تشتري 6 سلندر ترى القير العايدي افضل لك في البر
اما اذا انت طلعاتك للبر قليلة ومعظم مشاويرك بالخطوط فعليك بالاتوماتيك
وفي الاخير ترى السواق له دور كبييييييييييييييييير ( ركز الله يخليك ويحفظك على كلمة السواق وحط تحتها خط وعلم عليها بالاحمر )
واخيرا عليك بصلاة الاستخارة والتوكل على الله ولا تحير نفسك
ودراهمك تحكمك

والله يرزقك السيارة اللي تطيب خاطرك

رمز العطاء

23/07/2011, 12:26 PM

الغالي الأفضل أن تشتري 8 سلندر لأن 6 ضعيف حتى القير العادي لاني معي قير عادي وضعيف وثقيل ويقال ان التماتيك اقوى والله أعلم بس بالنسبة 8 افضل بكثير

مشاري22

24/07/2011, 09:02 AM

نصيحه خذ 8 سلندرل اقل استهلاك في النزين لا صوت مكينه في الخط .

6 سلندر ابتعد عنه .

من انت

25/07/2011, 12:34 AM

يارجال وش تبي بموتر مافيه حيل

مافيه مقارنه بين السته سلندر والثمانية سلندر

والله ان كل ماقابلت واحد معه 6 سلندر انه يسبه

انا معي فكس ار 2004 والله ماشاء الله

انه كفو

نصيحه خذ ثمانيه سلندر

ذيب الفاو

02/08/2011, 02:47 AM

لامايبيض الوجه

الفارس 2004

02/08/2011, 02:52 AM

لا مايبيض الوجة

بدر00

12/09/2011, 08:19 AM

اذا تبي العلم الطيب خذلك تاهو او يوكن افضل من ناحية الرساوة بالخط والقوة والراحة و8 سلندر والله ماتسمع
صوت المكينة
وهذا رائي وانت طلبت الرائي
ودمت بود

دل البحار

12/09/2011, 08:28 AM

من متابعتي لمظاهرات الثوار الليبين اثبتت تويوتا انها افضل من المدرعات وناقلة الجنود والدبابات
يعين لو فيه طياره تويوتا اش بتسوي في العالم

الدوسري 111

12/09/2011, 09:03 AM

8 وبس من تجربه

almertah

12/09/2011, 09:07 AM

اخوي انا جربتهن كلهن 6 سلندر تماتيك ما ينفع بالمره اما عادي فانا قنصت في سوريا عليه 2008 والله اطرد عليه القطا والله مايروح والثمانيه سلندر كانك راعي بر وطرد ما ينفع لاعادي ولا تماتيك لان المكينه ثقيله وتعدم لك الهيئه الاماميه والكمر هذا حسب تجربه والله يوفقك

الرحاااال12

12/09/2011, 10:02 AM

السلام عليكم اقول انا من واقع تجربه اشتر وانت مغمض بالقير العادي خفت نفس ما شاء الله

ويطرب بالخط وبالنفود واللي جرب مهوب مثل اللي سمع

ماجد الثبيتي

14/09/2011, 02:57 AM

دل البحار شطحه حلوه منك هههههه
أخـــس يا السياسي قال لمظاهرات ( الثوار اللبيين ) شكلك متأثر بالمتابعه مدقيق في الاخبار أثبتت تويوتا

مهوووي

21/09/2011, 03:55 AM

سلام عليكم اخوي يقول المثل اسأل مجرب ولا تسأل طبيب ..... انا جربت 6 سرندل عادي وتوماتيك تصويتي افضل العاادي وبقووه , وجربت الثمانية سرندل نفس السته اتوماتيك بس اثقل وراايي افضل السته عاادي والله يوفقك

SaMi83

30/09/2011, 01:52 AM

اذا كنت تسافر واجد ووتمشي بسرعات عاليه وراعي بر وماعندك مشكله بالبنزين انصحك ماتشتري ست سلندر

واذا كان كل هالاشياء ماتهمك توكل على الله وخذ ست سلندر

SaMi83

30/09/2011, 02:01 AM

والله اني احترت
والقهر الثمانية فوق الميزانية بواجد !!!

يارجل وش يحدك على الثمانيه والميزانيه مو بالحيل

اترك الثمانيه سلندر وطق الست وتوكل على الله كل واحد حسب ميزانيته ولاتوهق نفسك

والست يمدحونه واجد

الله يوفقك اتمنى ان تختار اللي تبيه انت

تحياتي لك

عاشق هدد 6

04/01/2012, 11:54 AM

والله اشوف انك تشري 8 سلندر احسن من جميع النواحي

sgl2002

04/01/2012, 12:07 PM

والله انا اشوف ان الموضوع قديم

لكن شوري انحححححش خلاص انكشفت الامور
ارواحنا ماهي فداء لتويوتا

لاندكروزر11

04/01/2012, 01:08 PM

سعره غالي والمكينه ماهي قويه
ولاكن انصحك بتفكير بسيكويا مكينته 5700 .381 حصان والاندكروزر 6 سلندر مكينته 4000 ,240 حصان و8سلندر 4800 ,271 حصان اسعار الاندكروزر غاليه ولاكن السيكويا افضل مواصفات واقل سعر الله يكتب الي فيه خير

صياد الجبل

21/04/2012, 08:27 PM

تويوتا كل ابوها عز

اخوي جرب الثمانيه ممتاز

وان كان بتاخذ عايدي السته ممتاز

ابو ناصر2020

22/04/2012, 11:06 AM

انا معي 2011 قير عادي 6 سلندر
الموتر ماشاء الله تبارك الله
عزمه ممتاز والاداء رائع

تميم2222

22/04/2012, 07:33 PM

والله يا بعدي كلهن حلزونات لا 6 ولا 8 .. واللي جرب الدينالي والباترول 400 يعرفون معنى كلامي زين

abohmad

25/04/2012, 11:43 AM

العزم لك علية شوى

hamad4499

26/04/2012, 01:29 AM

القير عادي زين بس بالقومه اضعف شوي من الول بس ليا مشى مترده افضل من الول بس العيب الوحيد هو القومه من صفر لين خمسه كيلو متر

تمنيتك لي

26/04/2012, 03:58 AM

خذ لك 8 سلندر هو اللي يبيض الوجه

اللي لاعطيته عطآك مكينتة 5.7

اهاهاها

27/04/2012, 03:53 PM

يا شباب على فكرة موديلات ٢٠١٢ طورو جميع مكاين الاندكروزر

السته سلندر صارت قوته 4000 ٢٧١ حصان ٣١ حصان اكثر من موديلات ٢٠١١ اللي كانت ٢٤٠ حصان
يعني السته سلندر ٢٠١٢ قوته الحصانيه نفس قوة ال٤٧٠٠ ٨ سلندر ٢٠١١ وتحت لكن العزم اقل شوي وعلى حسب كلام الشباب انه قريب من قوة الثمانيه سلندر ٢٠١١ وتحت
وال٨ سلندر اللي على الجكسار والفكسارات اللي مهيب ٥.٧ اصبحت مكاينها ٤.٦ لتر... عزم اقوى وقدرة حصانية اكبر ٣٠٤ صان وقير ست سرعات تماتيك
والملك ٥.٧ نفس الشي ماتغير ٣٦٢ حصان
يعني حبيت اخبركم السته سلندر صار افضل بكثييييييير من اللي فموديل ٢٠١١

مع العلم ان الشاص مكينته للحين ماطوروها ونفس مكينة الاند ال٢٠١١ وتحت

باترولي

27/04/2012, 05:48 PM

باختصار اذا انت حق كشخه عليك بالمفخره واذا انت حق بر وطعوس وصيد عليك بذيبان الفتك VTC 4800 يبيض الوجه واسال مجرب . %100 وحتا الفتك ماعليه خلاف كشخه وخط ماشاء الله تبارك الله

تميم2222

28/04/2012, 04:07 PM

الله يوفقك بالسلعه الي تطرب خاطرك

جي تي

29/04/2012, 08:19 PM

شف اغلب الصفحات ما قريتها فما ادري احد قد طرح الفكره قبلي

الي هي

لو تبي موتر حلو ونشيط خذ لك فورتشنر 6 ولا برادو 6 ولا فتك لان الاند 6 حلو بس ما يشيل اسم اللاند تقدر تقول حق الي بيطلع بر على خفيف بس يبي اسم اللاند واذا تقدر على 8 خير وبركه هذا من وجهت نظري ولوني مكنك خذت الفتك قير عادي
ودمت بسلام والشور الاول والاخير لك

ابوكشتات

30/04/2012, 11:39 AM

تم التصويت ب ( لا )

hdm

30/04/2012, 12:44 PM

والله يااخوان ان مكينته ماهي سهله
لكن المشكلة من التروثل مايفتح معك صح إلا اذا ارتفع الاربي ام لضغط معين وإلا المكينة حلوة طبعاً من واقع تجربة لكن تبقى مكينة 1fz له وضعه الخاص

MماونشيM

11/06/2012, 01:00 PM

أن جربت الجي الجديد 2012 ستاندر مافيه أي شئ حتى التكايه مهب فيه مخفف
العزم طيب على كلام أخوي hdm وانت داعس فيه شئ يفك يصير طياره ما أتوقع يصف معه الفتك ابد
بس له طريقه يعني لو دعست الدعسه مره وحده مايروح

بآوزير

11/06/2012, 01:24 PM

شوف يا عزيزي .. اذا بتشتري لند لاتفكر تشتري من وارد السعودية .. اشتر بريمي ولا من قطر ولا اليحيى .. ثانيا : واحد من الي يقربولي من قطر شرا واحد 8 بعدين باعه وشرا 6 وللحين عليه .. يقول مافي فرق الا فرق العلامة الي ورا : v6 ،v8

تقبل مروري

تميم2222

11/06/2012, 04:51 PM

التويوتا كله ثقيل بالنفوذ ...لكن نقول لاند 8 سرندل وكذلك الفورشنر 6سرندل يمكن هو افضلهم .. ولك التحيه

أبن ثعلي

11/06/2012, 11:04 PM

يقول لك اسأل مجرب لا تسأل طبيب

اسمع يالغالي الجكسار 2007 قير عايدي ممتااااااز وقوي واشهد انه يطربك

لاكن 2008 وطالع انحش عنه عادي او تماتيك يعلق حساس الدبل والثقيل مب ولابد وفالغراز ما يطربك

ماش مب اللي موتر خط وبالنسبة للمفخره على قولتكم نزل وقت دعايته وكان سته سلندر اذا تذكرون بداية الدعايه قبل 8 سنوات او 6 سنوات اذا ما اخطيك

اعيد وقول انا موتري عادي ومعجبن وااااجد ولاب مثل التماتيك الثمانية وكلهم مجربهم

لاكن الثمانية القير عادي ممتاز لاكن يقولون قيره وقير السته سلندر واحد فما فيه توافق بين المكينه والقير

فالناس وهل البر يرغبون السته اخف مكينه واقوى تحمل وقليل عكاسها

والله اعلم

موفق يالغالي

ابوناهض.

15/06/2012, 02:35 AM

اسمع اذا القير عادي خذ 8 والتماتيك 6 ومايفرق بعد اذا اخذت تماتيك 8 الزبده بيطربكك اذا قيرعايدي8 وال6 مانصحك فيه

مكروف بالدوام

15/06/2012, 07:22 AM

والله السواق سواق لو على ددسن 85 يقطع النفود ولا يهمه

sgl2002

28/06/2012, 10:04 PM

٪^^

انا معك السواق له دور

لكن الموتر له دور بعد

والا كان ماحصلت اهل التطعيس يرهمون مواترهم

قمة افرست

29/06/2012, 05:05 AM

الموضوع قديم بما انكم رفعتوه

السيارة ماعليها كلام ممتازة جدا واخف من الموديلات القديمة بالقومه والخط

والجيب طول عمره 6 سلندر من 98 عرفنا ال 8

الجديد يعادل قوة 8 سلندر قديم

نواف685

03/07/2012, 03:51 AM

يبيض الوجه وبقوه

خيال المفخره

02/08/2012, 05:26 PM

يارجال سلامات فورتشنر افضل ولا 4 سلندر بعد

مشكله الاند كروز وخاصه من 2007 وتحت مو اي واحد يسوقه بالر لازم يكون متعود عليه

اما الجديد اذا كنت بالبر كأنك بداير الشرقي

جزاء الشمري

02/08/2012, 05:55 PM

رحنا للجنوب فيفا ومحافظة الريث على جيبين واحد موديله 2010 6 سلندر والثاني 2011 8سلندر ..... وأنا راكب على ال 6 سلندر بالنسبه للطلعات اللي يسمونه العقبات عدكم الله يعزكم راكب على حمار مافيه عزم أبد . ولياشفنا السياره ناطحتنا وحنا نبي نتجاوز اللي قدامنا ننقل هم من ضعف عزمه . أما مع الطرق المستويه فهو زوين .

sniper-

12/08/2012, 01:20 PM

انصحك خذ vxr موديل 2006 و تحت

ب ن ن 4363

14/08/2012, 05:14 AM

اذا كان قير عادي يبيض الوجه إلانك انت الآي تتحكم بالقوه

كومبو

11/12/2012, 11:28 AM

٪^^

انا معك السواق له دور

لكن الموتر له دور بعد

والا كان ماحصلت اهل التطعيس يرهمون مواترهم

عفوا أخي اللي يراقي غير اللي يطعس
المراقى هو اللي يحتاج ترهيم أما التطعيس العادي فما يحتاج

اكسير الحياة

12/12/2012, 03:48 AM

موضوع شيق من بدايته لنهايته بدأها صاحب الموضوع عن السؤال وانتهى ان الجميع يضعون عصارة خبرتهم .... المهم انا نويت ابيع موتري الاف جي وابادل لاندركروزر 2008 6 سلندر قير عادي ... جربت الموتر بس ماش ما أطربني نفس الاف جي الاوتوماتيك ... والله احترت وقلت اقعد على موتري

غازي الاسمري

12/12/2012, 04:24 AM

آييييييييه يَ حزززم الضامي ..

ابي اعرف الـ ٥٠٠ اللي صوتوا ب لا ،،، هل امتلكوا قير عادي وجربوه !!

شي معروف اللي بياخذ عادي فهو هاويه ،،
اما اللي بياخذ ٦ سلندر و تماتيك هذا مدري وش يحس به

لاكن على كلامكم حسيت الموتر بقره ولا يشيل عمره !!!

انا و اكثر من واحد من الشباب معنا جكسارات و جكس قير عادي

ومافيه احد صراحه اشتكى ،،،

بالعكس احس اني راكب موتر ما يقول لاء ،،،

واللي هاوي القير العادي و يبي قوة زياده
يدفع ٢٥ الف سوبر تشارج بملحقاته ،، وهي نفس قيمه الفرق بين الـ ٨ و الـ ٦

ويبشر بموتر طياره لا فكسار ولا لكزس يجيبونه *_^

وانا قبل اشتري لو اني داخل الموضوع ذا كان هونت ،، بس الحمد لله ما دخلته
هههههههههههههههههههه

ابو جووود

15/12/2012, 04:11 AM

أب رحي

16/12/2012, 01:44 PM

يااخوي معضم الناس ماتنصح فيه الكل يقول الـ6 الجديد تعبان
وبالمقابل عندك الـ8 الجديد الكل يمدحه مابه عيب

واتمنى لك التوفيق

كومبو

04/01/2013, 12:01 AM

السلام عليكم انا معاي 2012 6 سلندر قير عادي سراحه ماعليه كلام ولله الحمد والله اني اماشي الثمانيه سلندر ميزة الثمانيه بالفزه يطلع وبعد استواء الخط يصر ممشاهن واحد كلهن يفصلن على 200كم والله الموفق

مالك لوا
لكن تماشي ثمانية سلندر صعبه
صحيح إني ما قد جربت جيب 6 سلندر في حياتي كلها
كل اللي جربته 4 سلندر و 8 سلندر بس القوة تفرق مهما كان