رفع شباب حائل بدون كفرات من جهة اليسار ( فك الكفرات وهو يمشي على كفرين) فيديو مو صور [الأرشيف]

((ابوملاك))

12/02/2011, 02:07 AM

لا تويق من برا ادخل وشف الموضوع ^_^
^
^
^
^
^
^
^
^
^
^
^

السلام عليكم يا شباب

اكيد يمكن نصكم شافو ذا الموضوع

http://www.mekshat.com/vb/showthread.php?t=368595

ونص الموجودين انكروا لانهم مو داخله بعقوله وكلن قاعد يطلع فبركة بالصوره والحقيقه مافي اي فبركه بالصورة

والطريقه طبعا يرخون الصواميل قبل ما يرفعون (شوي بس) وما يكثرون الصواميل يعني ثلاثه بالكثير

وبتقولون كيف طلع من السيارة وشلون يدعس بنزين بقولكم هو ماسك الدركسون والراكب حاط يده على البنزين واصلا بعد ماتعرف وزنية السيارة تقدر تسوي فيها اللي تبي وانت رافع

ومو مصدقين !

لكن ذا المره فيديو
شلون بيكذبون ؟

ملاحظه:المقطع فيه موسيقى اكتموا الصوت

http://www.youtube.com/watch?v=3OztZQ0ywgU&nofeather=True

هاهـ ؟

وش قولكم ذا المرة الفيديو مفبرك :D

ماتقدرون تقولون ايه عاد :p

ابومحيميد

12/02/2011, 02:15 AM

كنت بانتظار الفيديو ..

حتى يتبين الأمر اكثر بس شكل الجيب خرافي وهو يمشي بدون كفرين :)

على فكرة سواها واحد اجنبي قبل كذا اذكر اني شفت المقطع من فترة ع اليوتيوب والظاهر ياباني الجنسية وقدر يفك كفر واحد بس ..

انا اتمنى من راعي الجيب يجرب نفسه ويدخل موسوعة غينس في أطول مدة في السير على كفرين بالسيارة اتوقع هو قدها ويقدر عليها باين عليه محترف ..

شكراً لك ..

مريقب العيفار

12/02/2011, 02:36 AM

الله يهديهم

مخطرين بارواحهم جدا

لو الواحد تزل يده ويقع على الارض لعرف انه كان مستهتر بحياته

((ابوملاك))

12/02/2011, 02:43 AM

كنت بانتظار الفيديو ..

حتى يتبين الأمر اكثر بس شكل الجيب خرافي وهو يمشي بدون كفرين :)

على فكرة سواها واحد اجنبي قبل كذا اذكر اني شفت المقطع من فترة ع اليوتيوب والظاهر ياباني الجنسية وقدر يفك كفر واحد بس ..

انا اتمنى من راعي الجيب يجرب نفسه ويدخل موسوعة غينس في أطول مدة في السير على كفرين بالسيارة اتوقع هو قدها ويقدر عليها باين عليه محترف ..

شكراً لك ..

http://www.youtube.com/watch?v=wIocIcW7wns&nofeather=True

تقصد هذا ؟

ركز لي على لبسه

مو شماغ وثوب

((ابوملاك))

12/02/2011, 02:46 AM

الله يهديهم

مخطرين بارواحهم جدا

لو الواحد تزل يده ويقع على الارض لعرف انه كان مستهتر بحياته

مافي تهور مافي تطور

لكن شف الامريكان لو يبي يسحب جلنط لبس اللي مالبسناهـ بالدباب الكفرين

عناز الحره

12/02/2011, 03:14 AM

لاحولا ولاقوة الا بالله

((ابوملاك))

12/02/2011, 03:23 AM

^^^

ليه ؟

للمعلوميه تكتب ( لاحول مو لاحولا )

_دربيل_999

12/02/2011, 03:31 AM

أخوي بنوقف مصفقين لهم لو كانت هذه الطاقات اللي في الشباب في غير هذا الموضع الخطير والمهلك..
بنحطهم فوق رؤوسنا لو كانوا مخترعين لنا شيء ..
في مثل هذه الحالات ندعوا لهم بالهداية..

هذه الطريقة طريقة فيها هلاك لهم فإن شجعناهم صرنا مؤيدين لهلاكهم.!

بارك الله فيك ..

الروقي

نفود حائل

12/02/2011, 03:39 AM

من حقك أن تثبت أن الصورة ليست مزورة بل حقيقة

ولكن يجب أن نلوم هؤلاء الشباب ولا نشجعهم

لأنهم لم يخترعوا شي مبهر ومفيد يخدم البلد :(

كلها بسبب الفراغ والبطالة وهذا ليس مبرر بل السبب الرئيسي هي الثقافة وطريقة تربية الأبناء من الصغر

وادعو لنفسي أولا ثم لهم بالصلاح

أرجو أن تتقبل كلامي بصدر رحب

وأن لا تجد أخطاء إملائية بردي ... لأني شايفك صاير مصحح لغوي :p

رحّال 9

12/02/2011, 03:59 AM

الله يهديهم ويصلحهم

عناز الحره

12/02/2011, 04:04 AM

^^^

ليه ؟

للمعلوميه تكتب ( لاحول مو لاحولا )

لاحول ولاقوة الا بالله

((ابوملاك))

12/02/2011, 05:30 AM

أخوي بنوقف مصفقين لهم لو كانت هذه الطاقات اللي في الشباب في غير هذا الموضع الخطير والمهلك..

بنحطهم فوق رؤوسنا لو كانوا مخترعين لنا شيء ..
في مثل هذه الحالات ندعوا لهم بالهداية..

هذه الطريقة طريقة فيها هلاك لهم فإن شجعناهم صرنا مؤيدين لهلاكهم.!

بارك الله فيك ..

الروقي

صحيح كلامك

لكن ماتنكر انه موهبه

بس يبي لهم مكان يستغلون فيه الطاقات اللي فيهم مع شرط وجود لبس امان كامل واسعاف حاضر

وصدقني بيبدعون

((ابوملاك))

12/02/2011, 05:32 AM

من حقك أن تثبت أن الصورة ليست مزورة بل حقيقة

ولكن يجب أن نلوم هؤلاء الشباب ولا نشجعهم

لأنهم لم يخترعوا شي مبهر ومفيد يخدم البلد :(

كلها بسبب الفراغ والبطالة وهذا ليس مبرر بل السبب الرئيسي هي الثقافة وطريقة تربية الأبناء من الصغر

وادعو لنفسي أولا ثم لهم بالصلاح

أرجو أن تتقبل كلامي بصدر رحب

وأن لا تجد أخطاء إملائية بردي ... لأني شايفك صاير مصحح لغوي :p

مثل ما قلت بردي اللي فوق

ومضه : ما شاء الله ما عندك ولا خطأ وللمعلوميه انا بعيد كل البعد لأكون مصحح لغوي :D

ابو حسان الجنوبي

12/02/2011, 09:36 AM

ماشاء الله
لو إحتوينا مثل هؤولا الشباب لوجدنا منهم عدة إبداعات
ولكن ضمن ضوابط معينه وأماكن وأزمنه معينه وتحت إشراف من قبل جهات مختصه
تقبل رأيي بصدر رحب ودمت بخير

مخاوي العشه

12/02/2011, 09:58 AM

تدرون وش مخالفة اللي يرفع
عندنا بالسعوديه

(محاولة طياران)

هههههه
طبعا سمعت

==========

والمستحيل مبدع ماشاء الله عليه

بس لو يحطون اماكن
لشباب يسوون اللي يبون بالسياره
مع أدوات السلامه

زي الامارات

مكان مساحه كبيره
يخمسون فيه ويرفعون فيه
ولا بعد الشركات تدعمهم
وفيه جوائز قيمه وكؤوس
وتغطيه من قنات قير ون

ماشاء الله عليهم

والله يعطيك العافيه ياخوي جهول666

ولد الأجاويد

12/02/2011, 10:15 AM

طيب عندي سؤال

وش استفادوا من هالحركات ؟؟؟؟؟!!!!!

أمر آخر تخيل رجال معه عائلة ولا راعي حلال ولا أي شخص آخر ماشي بطريقه وبأمان الله ما يحس إلا هاللي طالعله في طريقه ويمكن يصير فيها وفيات من الطرف اللي ماله علاقة بتهور هالشباب ؟؟؟؟؟

أنا أقول والعلم عند الله أن هذا ممن لم يعطي الطريق حقه وقد يدخل في أذية المؤمنين وترويع الناس

الله يهدي شبابنا ويصلح قلوبهم

الله يوفقهم لكل خير في الدنيا والآخرة

ابو انس111

12/02/2011, 10:15 AM

احتراف مو طبيعي
ما شاء الله تبارك الله

عاشق السيل

12/02/2011, 10:17 AM

ولا تلقوا بأيدكم إلى التهلكة !!!!

هذا الانتحار بعينه يعني لو طاح الجيب والكفرات مفكوكة تتوقع بيسلمون اللي رازين أنفسهم على الرفارف ؟؟؟

وعرض الشيشة قدام العالم ماتسميه مجاهرة بالمعصية ؟؟؟

قل آمين : الله يهديهم ويقر عيون أهلهم بصلاحهم ويجعلهم ذخر للوطن ويكفيهم شر الشيطان وأنفسهم !!!!

مغرم بالفتك

12/02/2011, 10:22 AM

الله يهديهم

الصمان 2

12/02/2011, 10:29 AM

حركة خطيرة جدا

الله يهديهم .

.

((ابوملاك))

12/02/2011, 01:09 PM

ماشاء الله

لو إحتوينا مثل هؤولا الشباب لوجدنا منهم عدة إبداعات
ولكن ضمن ضوابط معينه وأماكن وأزمنه معينه وتحت إشراف من قبل جهات مختصه

تقبل رأيي بصدر رحب ودمت بخير

هذا اللي انا باوصله ليتفهم يفتتحون عندنا في كل دينه من المدن الرئيسيه يوجد حلبه كبيره مزفلته

مثل الموجوده بالامارات

وجود جماهير ومدرجات ومسااحه كبيرة مع وجد شبك لحماية الجماهير

وتنظيم ولا اروع

((ابوملاك))

12/02/2011, 01:10 PM

تدرون وش مخالفة اللي يرفع
عندنا بالسعوديه

(محاولة طياران)

هههههه
طبعا سمعت

==========

والمستحيل مبدع ماشاء الله عليه

بس لو يحطون اماكن
لشباب يسوون اللي يبون بالسياره
مع أدوات السلامه

زي الامارات

مكان مساحه كبيره
يخمسون فيه ويرفعون فيه
ولا بعد الشركات تدعمهم
وفيه جوائز قيمه وكؤوس
وتغطيه من قنات قير ون

ماشاء الله عليهم

والله يعطيك العافيه ياخوي مجهول666

هذا والله الي المفروض يصير بس البلديات عندنا ما يعرفون الا كرة القدم

ولحد يقولي زين منهم

هذي شغلتهم فيه كثير من الهوايات وهم حاطين اللي معجبهم

((ابوملاك))

12/02/2011, 01:12 PM

طيب عندي سؤال

وش استفادوا من هالحركات ؟؟؟؟؟!!!!!

أمر آخر تخيل رجال معه عائلة ولا راعي حلال ولا أي شخص آخر ماشي بطريقه وبأمان الله ما يحس إلا هاللي طالعله في طريقه ويمكن يصير فيها وفيات من الطرف اللي ماله علاقة بتهور هالشباب ؟؟؟؟؟

أنا أقول والعلم عند الله أن هذا ممن لم يعطي الطريق حقه وقد يدخل في أذية المؤمنين وترويع الناس

الله يهدي شبابنا ويصلح قلوبهم

الله يوفقهم لكل خير في الدنيا والآخرة

ملاحظه الشوارع اللي يرفعون فيها شبه مهجورة

ان صار فيه احد الشارع بس هو وتعزيزه

((ابوملاك))

12/02/2011, 01:13 PM

احتراف مو طبيعي

ما شاء الله تبارك الله

ما شاء الله عليهم بس مرة مهملين لبس السلامه بظنهم عيب

لامنه قلب هو بيقلب مو اللي يراعون له

((ابوملاك))

12/02/2011, 01:14 PM

ولا تلقوا بأيدكم إلى التهلكة !!!!

هذا الانتحار بعينه يعني لو طاح الجيب والكفرات مفكوكة تتوقع بيسلمون اللي رازين أنفسهم على الرفارف ؟؟؟

وعرض الشيشة قدام العالم ماتسميه مجاهرة بالمعصية ؟؟؟

قل آمين : الله يهديهم ويقر عيون أهلهم بصلاحهم ويجعلهم ذخر للوطن ويكفيهم شر الشيطان وأنفسهم !!!!

طبعا لو انقلبوا بشورهم هم اللي مشتهين

محد غصبهم وربطهم على الكفر

((ابوملاك))

12/02/2011, 01:16 PM

حركة خطيرة جدا

الله يهديهم .

.

الله يهديهم

آمين

........

rigidman

12/02/2011, 01:21 PM

هذا اللي انا باوصله ليتفهم يفتتحون عندنا في كل دينه من المدن الرئيسيه يوجد حلبه كبيره مزفلته

مثل الموجوده بالامارات

وجود جماهير ومدرجات ومسااحه كبيرة مع وجد شبك لحماية الجماهير

وتنظيم ولا اروع

اخي الكريم فتح حلبة او حلبات يعني ما يلي :

تبذير في استخدام الاسفلت بينما دول فقيرة بأمس الحاجة اليه
استهلاك لاطارات السيارات بدون داعي وتقصير متعمد لعمر السيارة .. اسراف في غير محله وحكمه التحريم

اثم يلحق ولي الامر من رئيس البلدية او الامانة ونحوهم بهدر الاموال التي هي في الاصل امانة في اعناقهم .

وكذلك وجود مدرجات هي دعوة لتشجيع هذه الموهبة المحرمة وما ينتج عنها من مشكلات

نقطة : لا يعني وجود هذه الساحات في دول مجاورة انها مباحة

اطيب تحية

ابن الاصيل

12/02/2011, 01:22 PM

الله يعطيك العافيه

((ابوملاك))

12/02/2011, 08:03 PM

الله يعافيك

((ابوملاك))

12/02/2011, 08:06 PM

اخي الكريم فتح حلبة او حلبات يعني ما يلي :

تبذير في استخدام الاسفلت بينما دول فقيرة بأمس الحاجة اليه
استهلاك لاطارات السيارات بدون داعي وتقصير متعمد لعمر السيارة .. اسراف في غير محله وحكمه التحريم

اثم يلحق ولي الامر من رئيس البلدية او الامانة ونحوهم بهدر الاموال التي هي في الاصل امانة في اعناقهم .

وكذلك وجود مدرجات هي دعوة لتشجيع هذه الموهبة المحرمة وما ينتج عنها من مشكلات

نقطة : لا يعني وجود هذه الساحات في دول مجاورة انها مباحة

اطيب تحية

الاسفلت من حقنا وحنى مو مسؤلين عن دول فقيره ما وصل لها الازفلت عجيب منطقك ! :eek:

مانكد على عميان ياخي فلوسنا وحلالنا وحنى اولى به

تدري خلاص نرفع ونفحط بالطريق ونصدم عوائل ونيتم اطفال

علشان الازفلت ما يروح لنا لانه من حقنا لازم يروح لفلان ( وعلان ) هم اولى بحلالنا منا

حتى الشوارع مهي زي الناس والله يا ان شوارع حائل ان الردميه ازين لسيارتك وقسم بالله بدون مبالغه اللي بحائل يعرف معنى كلامي تمشي ماتدري الا طايح موترك بحفره والمطبات يتفننون باخفائها يعني ما يحطون عليها خطوط ولو لوح قبل المطب والمطب ارتفاعه متر وطوله من الامام ربع متر علشان يعدم موترك على اصول ملاحظه ( مساعدات موتري كلهن يبيلهن تغيير من الشوارع الرائعه )

انا اقول ليه اثاري كل هذا اقتصاد في الزفلت علشان الاردن ( والشله ) يكون عندهم شوارع كويسه

وخل الحوادث تكثر ازين من نخسر ( شوي زفلت ) الدول الثانيه اولى من رجال وكم عائله يروحون فداء للدول الثانيه

alwssam6

12/02/2011, 08:09 PM

الله يهديهم مخطرين بارواحهم

((ابوملاك))

12/02/2011, 09:47 PM

الله يهديهم مخطرين بارواحهم
فعلا بدون لبس امان

abuhana

14/02/2011, 09:09 AM

الله يهديهم ما الفائده من هذا العمل لهم ولغيرهم

ابو حسان الجنوبي

14/02/2011, 09:13 AM

هذا اللي انا باوصله ليتفهم يفتتحون عندنا في كل دينه من المدن الرئيسيه يوجد حلبه كبيره مزفلته

مثل الموجوده بالامارات

وجود جماهير ومدرجات ومسااحه كبيرة مع وجد شبك لحماية الجماهير

وتنظيم ولا اروع

هذا هو الحل ولا وش مغلي فريق بايسن ورد بل وباور هورس لانهم اجانب ولا ابن البلد خبل مجنون ومتهور

((ابوملاك))

14/02/2011, 10:11 AM

الله يهديهم ما الفائده من هذا العمل لهم ولغيرهم
مجرد استعراض :)

((ابوملاك))

14/02/2011, 10:12 AM

هذا هو الحل ولا وش مغلي فريق بايسن ورد بل وباور هورس لانهم اجانب ولا ابن البلد خبل مجنون ومتهور

صراحتن عجزت لا اثبت انت تسبنا حنى يالمواطنين ولا تسب بايسن ورد بل وباور هورس

دايم شمالي

14/02/2011, 10:41 AM

فن ولكن على الفاضي

شكرا لك

((ابوملاك))

14/02/2011, 02:41 PM

فن ولكن على الفاضي

شكرا لك

ووش وراهم عاد !

ابو حسان الجنوبي

14/02/2011, 02:58 PM

صراحتن عجزت لا اثبت انت تسبنا حنى يالمواطنين ولا تسب بايسن ورد بل وباور هورس

ياخي الكريم انا هنا لا اسب ولا اشتم ولكن إذا استضيف فريق من الخارج قالو مهارات وإذا بدع واحد من البلد بلغو وقالو متهور وجنون وبيذبح عيالنا

وليش ما ندعم ونسوي للشباب مناطق تجمع بكل منطقه إدارية تحت ظوابط معينه وازمنه معينه .
يالله لك الحمد كلها ارض فاضيه وزفلت وشبك على الساحه واسعاف وسيارة دفاع مدني ودوريتين وخل الشباب يفرغ طاقاته المكبوته بالساحه ولا يذي الناس بالشوارع .
إنشاء الله وصلت المعلومه

((ابوملاك))

14/02/2011, 06:44 PM

ياخي الكريم انا هنا لا اسب ولا اشتم ولكن إذا استضيف فريق من الخارج قالو مهارات وإذا بدع واحد من البلد بلغو وقالو متهور وجنون وبيذبح عيالنا

وليش ما ندعم ونسوي للشباب مناطق تجمع بكل منطقه إدارية تحت ظوابط معينه وازمنه معينه .
يالله لك الحمد كلها ارض فاضيه وزفلت وشبك على الساحه واسعاف وسيارة دفاع مدني ودوريتين وخل الشباب يفرغ طاقاته المكبوته بالساحه ولا يذي الناس بالشوارع .

إنشاء الله وصلت المعلومه

يا سلام عليك ما شاء الله كذا الكلام

فعلا لا جابوا فريق من برا قالو فن وابداع وتهور

لو ابدع واحد عندنا قالوا مجنون ومو صاحي والسبب انه ماتربى بيذبحنا هذا ويسبب لنا حوادث ثما خر شئ يقولون تهور شباب وعساهم يعقلون

المفروض يسوون زي الامارات ساحه كبيره مزفلته

عليها شبك ومدرجات للجماهير

واسعافين ودوريه وسيارة دفاع مدني

ويشترط عليهم لبس

لبس امان كامل

ووجود قفص داخل السيارة في حالات الانقلاب

ويسوون اللي يبون لو يبون يمشون على كفر واحد

اورنس الشرق

14/02/2011, 06:57 PM

هذا اسمه سربته على اصول

ليش نلف وندور وندور لهم مبرر ونخليهم مشاهير هبال

الخطاء يجب ان نقول عنه خطاء

كان حياتهم رخيصه عندهم لهدرجه ترى جده بحاجت منقذين والدفاع المدني يستقبلهم

تحياتي لناس العاقله

فهودي جدة

14/02/2011, 08:58 PM

لا اله الا الله

((ابوملاك))

14/02/2011, 09:06 PM

هذا اسمه سربته على اصول

ليش نلف وندور وندور لهم مبرر ونخليهم مشاهير هبال

الخطاء يجب ان نقول عنه خطاء

كان حياتهم رخيصه عندهم لهدرجه ترى جده بحاجت منقذين والدفاع المدني يستقبلهم

تحياتي لناس العاقله

لو كانوا من برا البلد تغير كلامك 180ْ

((ابوملاك))

14/02/2011, 09:07 PM

لا اله الا الله

محمد رسول الله

تسعه وتسعين

15/02/2011, 01:53 AM

والله انا شفته صور ومصدق وقلتها والله هذولا فاظين ....
لكن بصراحه مبدعين
تقبل مروري

ب د س

15/02/2011, 02:23 AM

بصرآحة شي مهبوووول شي خرآفي عندنـآ مهآرآت و حركآت بس مآندري وش نسوي فيهـآ

binamerah

15/02/2011, 02:54 AM

حركة خطيرة بس حقيقة فنااااااااااان

((ابوملاك))

16/02/2011, 08:54 AM

والله انا شفته صور ومصدق وقلتها والله هذولا فاظين ....
لكن بصراحه مبدعين
تقبل مروري

فعلا اكثر الناس انكروا حتى خويي وريته الفيديو قال مهو صدز ملعوبن فيه

واقول شلون ملعوب فيه يقول مدري بس ملعوب فيه
اصلا هالشئ مو مستوعبه عقله فا انكر

((ابوملاك))

16/02/2011, 08:55 AM

بصرآحة شي مهبوووول شي خرآفي عندنـآ مهآرآت و حركآت بس مآندري وش نسوي فيهـآ

اي صدقت

مهارات بس ماندر وش نسوي فيها باي مكان قالوا خطر على الناس وارهاب شوارع !

طيب سوو لنا حلبات ونفككم

((ابوملاك))

16/02/2011, 08:56 AM

حركة خطيرة بس حقيقة فنااااااااااان

فعلا فنان
.
.
.

no fear 78

16/02/2011, 09:06 AM

الصراحة فنانين بس لو كان عندهم عرض يشاركون فيه في المهرجانات يعني يحترفون اشوي اتوقع ان محد بيقول عنهم مجانين او مخاطرين بس اتمنى ان يصقلون مهاراتهم بالاحتراف تحياتي و الله يحميهم

((ابوملاك))

16/02/2011, 09:14 AM

الصراحة فنانين بس لو كان عندهم عرض يشاركون فيه في المهرجانات يعني يحترفون اشوي اتوقع ان محد بيقول عنهم مجانين او مخاطرين بس اتمنى ان يصقلون مهاراتهم بالاحتراف تحياتي و الله يحميهم

حقيقه جاء المستحيل بالمغواة

مرة بجيب ربع ومره اف جي

وما عقبه

وهذي صارت بسنه وحده مره

وما فيه غيره والباقي بالشارع

الثويرات

16/02/2011, 11:54 AM

ها الحين الكفر ماتقوى تشيله وانت على الارض. وذا شايله وهو فوق السيارة.

اقول الله يعز الردامه الي من الجنب الاخر للسيارة . على غيرنا يالغالي

((ابوملاك))

16/02/2011, 01:43 PM

ها الحين الكفر ماتقوى تشيله وانت على الارض. وذا شايله وهو فوق السيارة.

اقول الله يعز الردامه الي من الجنب الاخر للسيارة . على غيرنا يالغالي
اولا ياخي اذكر الله

شكلك مابك حيل ابد

ياخي ترا كله كفر ربع

انا اشيله على ظهري لو تبي

ووش الردامه ؟

YUKON_GMC

16/02/2011, 02:10 PM

الفنون جنون وتعريض النفس للهلاك محرم شرعاً

شكلهم ماشافو راعي المقطع هذا

v3EQ66xTLq0

أبوجهاد التبوكي

16/02/2011, 02:19 PM

طاقات متفجره لكن وظفت في الخطأ أنصح الجميع بشريط اسمه توظيف الطاقات....
فهو جدير بالاستماع

((ابوملاك))

16/02/2011, 05:35 PM

طاقات متفجره لكن وظفت في الخطأ أنصح الجميع بشريط اسمه توظيف الطاقات....
فهو جدير بالاستماع
ان شاء الله يسمعون له الشباب

((ابوملاك))

16/02/2011, 05:36 PM

الفنون جنون وتعريض النفس للهلاك محرم شرعاً

شكلهم ماشافو راعي المقطع هذا

ولو اني شفت الفيديو بس نسيته

واظن الدعوى تمثيل لكن تمثيل حقيقي مقارب للواقع

شكرا على اضافتك :)

فارس العيون

17/02/2011, 09:11 AM

اول شي ندعو للشباب اجمعين باالهدايه

ثاني شي..
الحين ماأحتويتوا الشباب وتسبونهم وتكلمون عليهم ؟؟؟
اي تناقض نشوفه قدام عيوننا؟؟
لم يتم احتوائهم وعمل اي شي من شانهم وبالأخير يقال عنهم انهم طايشين ومتهورين ؟؟
هذي فتره شباب وفيها طاقات ان ماتم تفريغها بالاشياء الطيبه والنافعه سيتم تفريغها باأعمال مشينه ...

وبالعكس هذا فن وفيه مقطع لنفس راعي لجيب يرقى جبل بوسط حائل وهو رافع ..
وللمعلوميه
قبل كم سنه طاحوا الشباب بحركه وهي انهم يطلعون ويتزحلقون على الأسفلت وهم يمشون 160 ...
طبعا قيل عنهم متهورين ومن الكلام اللي ماله داعي...
فيه برنامج بريطاني على ماأذكر حاولوا يطبقون زي الشباب السعوديين بتجارب الى ان فشلوا واثبت فشلهم ...

والمفروض فيه مضامير للرفع ومضامير تخميس زي الأمارات ...وفيه ادوات سلامه ودفاع مدني واسعاف...
واللي يقولي الأسفلت مفروض نعطيه دول فقيره ... الله يجزاك خير نص خطوط السعوديه تحتاج لزفلته من جديد
خط حفر الباطن رفحاء من 10 سنين وهو كل مامريته ماسكين مسار ويجددون الأسفلت وشهر وتلقاه محفر؟؟

اعتذر عن الأطاله فأن اصبت من الله وان اخطأت فمني ومن الشيطان

((ابوملاك))

17/02/2011, 10:50 AM

^^^

هذا اسمه ابو يزيد وبرضه من حائل

http://www.youtube.com/watch?v=fX0OUUViDwo&nofeather=True

وهذا المستحيل على جهة السواق

http://www.youtube.com/watch?v=Ld7nsr6uYkw&nofeather=True

وهذا مقطع ثاني

http://www.youtube.com/watch?v=UubJwUTfNK0&nofeather=True

اي واحد يقول شباب طايش والله مجنون وما فيه عقل

هذا والله فن

ردك كامل والكامل الله سبحانه

وهذي الفيديوهات اضافه

واكتموا الصوت ترا فيه موسيقى

((ابوملاك))

19/02/2011, 07:38 PM

up

............

المهاجر انا

19/02/2011, 09:40 PM

العقل نعمة عظيمه يمن الله بها على خلقه فهي تستحق الشكر من المخلوق للخالق نسأل الله العافيه

((ابوملاك))

19/02/2011, 10:38 PM

العقل نعمة عظيمه يمن الله بها على خلقه فهي تستحق الشكر من المخلوق للخالق نسأل الله العافيه

كل شئ نعمه الحمدلله :)

بواسامه

19/02/2011, 10:39 PM

مهابيل
الله لا يضرهم

((ابوملاك))

19/02/2011, 10:55 PM

مهابيل
الله لا يضرهم
آمين والله ما شاء الله عليهم

كبليتر

20/02/2011, 07:04 PM

شكراا يالاخو

((ابوملاك))

20/02/2011, 07:47 PM

العفو يالغالي