يهمني ارئاكم وقتراحاتكم ياهل الخبرة بنسبة لمساعدات جبرايل [الأرشيف]

فيصل مبارك

12/02/2011, 07:31 AM

بسم الله الرحمن الرحيم

السلام عليكم ورحمة الله وبركاته
صبحكم
مساكم
الله بالخير يامعشر مكشات
استفساري الله يحفظكم
عندي سيارة فورشنر 2007 ومفصل على تانكي 90لتر
وطبق و انواع العزب اشكال والوان
هل له تاثير ياخوان على المساعدات الخلفية يعني تنصحوني اركب مساعدات جبرايل ولا اخليها شد بلد مهما اني مدمن مكاشيت ومطارد للمطر في كل مكان
وسؤالي الاخير كم سعرها
افيدوني جزاكم الله خير

فيصل مبارك

12/02/2011, 11:17 AM

اتصلت قبل نصف ساعة على وكيل مساعدات جبرايل في الصناعية القديمة قال مافيه للسيارة الفورشنر مساعدات
وش الحل ياخوان
ارجوا التفاعل مع الموضوع معقول 22 عضو داخلين ولافيه رد افااااا

فيصل مبارك

12/02/2011, 11:39 PM

:(معقوله ياخوان مافيه ولا واحد تفاعل مع الموضوع الله المستعان
المهم مالكم في الطويله حاجه اليوم بعد الاتصال على وكالة جبريل للمساعدات وحطموني قالوا مافيه شي للفورشنر اتصلت على الرماية واستفسرت عن اليايات الاسترالية بعد مشورة بعض الاخوان وردو وقالو ماعندنا الا7سم وتعرفون 7سم كبيرة على الفورشنر قلت مافيه 4سم قال خلصت مافيه ؟
سوالي لاهل الخبرة وين اجدها في الرياض

رحّال 9

13/02/2011, 12:15 AM

هلا بالاخ فيصل .

ركب مساعدات مونورو الشباب يمدحونها لكن ما ادري ان كان عندهم للفوتشنر .

لكن اسال وشف.

وبالنسبه لليايات الاستراليه فيه الرمايه اللي على طريق الملك فهد بتحصل عندهم 4 سم

تحياتي لك

فهد بن مشبب العاصمي

13/02/2011, 12:53 AM

اخوي المساعدات ماهب لازم تكون لنفس السياره ،، عادي لموتر ثاني اهم شيء تكون نفسه يعني ورا كلها حلقات وموتر يكون حلقات تطبق مضبوطه ،، انا مركب مساعدات شاص قدام وورا على باترول

شف موترك اذا مساعدات قدام مسامير فوق وتحت عندي حبتين كانت على الباترول وقاسيه وورا حبتين حلقات ،، تراها الزرق القاسيه

اذا لك رغبه ارسلي رقمك على الخاص والنقل علي

فيصل مبارك

13/02/2011, 07:24 AM

هلا بالاخ فيصل .

ركب مساعدات مونورو الشباب يمدحونها لكن ما ادري ان كان عندهم للفوتشنر .

لكن اسال وشف.

وبالنسبه لليايات الاستراليه فيه الرمايه اللي على طريق الملك فهد بتحصل عندهم 4 سم

تحياتي لك

حياك الله اخوي نايف واشكرك على المرور الرائع المفيد من ناحية مونورو مريتها امس ماعندهم للفورشنر شي وبالنسبة للرماية المحل الي في التخصصي يقول ماعندنا 4سم اما الي في طريق الملك فهد مادري عنه لعلي اتصل عليهم

فيصل مبارك

13/02/2011, 07:29 AM

اخوي المساعدات ماهب لازم تكون لنفس السياره ،، عادي لموتر ثاني اهم شيء تكون نفسه يعني ورا كلها حلقات وموتر يكون حلقات تطبق مضبوطه ،، انا مركب مساعدات شاص قدام وورا على باترول

شف موترك اذا مساعدات قدام مسامير فوق وتحت عندي حبتين كانت على الباترول وقاسيه وورا حبتين حلقات ،، تراها الزرق القاسيه

اذا لك رغبه ارسلي رقمك على الخاص والنقل علي
حياك الله اخوي فهد وبيض الله وجهك على المرور الرائع عندي مساعدات جبريل حقت هايلكس دفرنسين لكن ما تركب يبيلها ترهيمات وخرابيط واخاف الي معك مثلها وبيض وجهك على كل حال خلنا ندور حولنا لين تتيسر
:good2:

الليث الذهبي

13/02/2011, 08:59 AM

بنسبه لي جربتها على باث فندر 2005 قاسيه قوه لكن دوا بالبر ما يلعب الموتر وكان عليه يايات استراليه من الرمايه الي على التخصصي على ما اضن
هذا الي اقدر افيدك به يالغالي
والله يباركلك فالموتر

فيصل مبارك

13/02/2011, 09:59 AM

بنسبه لي جربتها على باث فندر 2005 قاسيه قوه لكن دوا بالبر ما يلعب الموتر وكان عليه يايات استراليه من الرمايه الي على التخصصي على ما اضن
هذا الي اقدر افيدك به يالغالي
والله يباركلك فالموتر
حياك اخوي الليث الذهبي وبيض وجهك على المرور الرائع

فصاص

13/02/2011, 10:08 AM

هلا بالاخ فيصل .

ركب مساعدات مونورو الشباب يمدحونها لكن ما ادري ان كان عندهم للفوتشنر .

لكن اسال وشف.

وبالنسبه لليايات الاستراليه فيه الرمايه اللي على طريق الملك فهد بتحصل عندهم 4 سم

تحياتي لك

اخوي تقدر تاخذ الياي الاسترالي وتقص منه لفه او على حسب الي انت تبي وتركبه مع مساعد الوكاله
اشوف انها افضل للتحميل

فيصل مبارك

13/02/2011, 11:50 AM

اخوي تقدر تاخذ الياي الاسترالي وتقص منه لفه او على حسب الي انت تبي وتركبه مع مساعد الوكاله
اشوف انها افضل للتحميل
حياك الله اخي فصاص واشكرك على مرورك المفيد
بنسبة للياي وجدناه اليوم ولله الحمد :good2: