ابن الجار وتخريب السيارات [الأرشيف]

خليفان

12/02/2011, 01:22 PM

السلام عليكم ورحمة الله وبركاته

قصتي اني ابتليت بابن جار شقي الله يصلحه ويبلغ من العمر 13 سنه قام بتكسير لمبات الشاص الاماميه وقام بتمخيش لاندكروزر 2011
سبق واشتكيته على اخوه الكبير لاكن لاحياة لمن تنادي باقي اشتكيه لابوة لاكن في هذه الحاله ماذا تنصحون او ماهي الطريقه الصحيحه لاحتوائه
يعلم الله اني محافظ على حقوق الجار لاكن الله المستعان

Storms Hunter

12/02/2011, 01:49 PM

انحر ابوه وخذ معك رجال من اهل الحي يشهد على كلامك لابوه وبلغ ابوه ما صار واطلب التعويض على الخسائر...ان عوضك فالحمد الله وكفى المؤمنين شر القتال....قام يبربر ويلف ويدور..انحر اقرب مركز واشتكيه واطلب حقك لكن لازم يصير معك شهود...واذا شفت تقاعس من الشرطة بإنهاء الموضوع اطلب الشرع...والله لو انا مكانك ما اتركه لو يصير الي يصير.

ذيب زلفاوي

12/02/2011, 01:49 PM

مالك الا تمسكه هو وابوه وتقووله قدام ابوه اذا سويت شي مرة ثانية والله لالزخلك واخليك تعض الارض واذا سوا شي ثانية خلاص ابوه مايقدر يقول شي صطره لين يصب الدم من خشمة

تيرنيدو

12/02/2011, 01:53 PM

الشرطه يا غالي افضل حل
13 سنه مو صغير هذا بغل يعني اول متوسط لا تسكت فيتمااااادى

ريم البراري

12/02/2011, 01:54 PM

كلم ابوه اول ولو تكرر الامر كلمه مره ثانية مع وجود شهود بعدها صفق الولد:)
جد فيه بزارين ماتنفع معهم الا العين الحمرا:)

Storms Hunter

12/02/2011, 01:56 PM

يا شباب ضرب الولد ما ينفع...الرجال بيصير هو المجني وهم الي بيشتكونه وحتى لو برر هالضرب لهم بيقولون ليه ما بلغت ابو الولد لانه يعتبر شرعا ولي امره...الا لا تمسك الولد ولا تجيه اخرش ابوه مثل ما قلت لك ومعاك شاهد عوضك كان بها...ما عوضك انحر اقرب مركز واشتكيه

ابو حسان الجنوبي

12/02/2011, 02:03 PM

اسئل الله ان كان علم فيه صلاح ان يعجل ويصلح ولا يريح المسلمين من اذاه

انا مشكلتي من العمل رابع مره تتشلح سيارتي في العمل وشكاوي بدون نتيجه لدرجه اني صرت بعض الاحيان افكر اداوم بدون سياره ولكن خايف على السياره قدام البيت من السرقه

والله اني محتار وش السواه لكن الله الحافظ

المتليك

12/02/2011, 02:40 PM

المثل يقول الدار قبل الجار
اذا تقدر تغير دارك كان بها
شكرا لكم
تحياتي

Abu Mryea

12/02/2011, 02:54 PM

والله اذا بغيت الحقيقة أن الولد في هالسن مثل ماقال الاخ مايعتبر صغير

على هالشغلات ,,, هذا ملقوف ويبيله تأديب

لكن من هو اللي يأدبه ؟

أنت لا تقرب الولد ولا تقوله اي شئ ,,, اذا كنت متأكد أن الولد هو اللي لعب في الموتر

على أقرب مركز شرطة مثل ماتفضل أحد الأخوان ,,, واذا صار موضوعك عند الشرطة

ذاك الوقت أنت بالخيار أما أنك تعفي عنه ,,,,,,,,,,,,,, وهو الأفضل وعسى الله يعوضك , وخلهم يبصمونه على

تعهد أن أي شئ يصير للسيارة عند البيت أنه هو المسؤول

وأما أن أبو يدفع تكاليف الأصلاح ,,,,,,,,,,,,,,,,,,,, وهذي ماأنصحك فيها , لأنها بتسبب في مشاكل

مالها أخر

والله يكتب اللي فيه خير

مدمن فتك

12/02/2011, 04:38 PM

افضل حل تمسك الولد وترغبه وترهبه وادع الله قبل ماتروح وعلمنا بالنتيجه

Ra3e aljeep

12/02/2011, 04:54 PM

الله يعينك على بلواك
اسمع وانا اخوك ولا يهونون الاخوان
الجار قبل الدار ..
ما دام الله ابتلاك بولد جار مثل هذا وقد يكون الاب متوذي منه اكثر منك
فلا تكون انت والولد على الاب .. يعني لا تفاجيء الاب بالشكوى في الشرطه
خذ لك من وجهاء الحارة مثل امام المسجد او المؤذن او الجيرات اللي يحترمهم الجار
وذكروا الجار بحقوق الجيران واكثروا عليه فيها
ثم علمه بفعايل ولده وان الامر من المفروض يرح للشرطه لأنها قضية جائية
واحترام للجيره والجيران فضلت تشتكي لبوه وتعلمه
وقله لاتحدني على الشرطه يا جار وانا ما ابيها او اترك الحي على شان جاري وكبرها في رأسه
الله يعينك ويصبرك ويوفقك

ولد وايل

12/02/2011, 04:56 PM

الافضل كلم ابوه واذا ما نفع الشرطه

قد تكون الشرطه تفيده مدى حياته

راح يهابها ويتجنب المشاكل

كم كيلو باقي

12/02/2011, 04:59 PM

رايي من رأي RA3E ALGEEB .. نعم الرأي والله

عاشق السيل

12/02/2011, 05:00 PM

من جد من جد الله يكون بعونك ،،، هذا ابتلاء والله يصبرك !!

مالك إلا تكلم ابوه ويكون معك واحد أو اثنين من رجال الحارة وإن مانفع بلغ الشرطة وثبت بلاغك بورق علشان تصير على حق 100% وقل للولد إذا لمست الموتر ترى الدورية بالطريق لأنهم أخذوا بصماتك .....

ابوفاضل2

12/02/2011, 05:14 PM

عبدالله614

12/02/2011, 05:36 PM

اعانك الله على مابتلاك , والله ان مما يجعل الحكيم حيراناً ان يكون له مطلبة عند جاره عندها ستجده
في دوامة من الهم والتفكير عن اي حل مناسب , اخي انا حصل لي تقريباً مثل ماحصل لك ولاكن
يبدو ان مراهق جارنا اخف بكثير من مراهق جاركم , كنت في فترة عندما اخرج من البيت
اجد سيارتي وقد شخبط بها بقلم ازرق, اول مرة تجاهلتها لاكن المرة الثانية حاولت
ان اعرف من هو ومن خلال حركات ابن جارنا واسلوبه خالجني شك قوي
انه هو من يعبث بسيارتي وفي احدى المرات خرجت من بيتي ووجدته
قريب من سيارتي عندها تاكدت بانه هو , صليت المغرب وانتظرت
والده حتى يخرج وحدثته عما بدر من ابنه وذكرت ان احد
الجيران بلغني بما حصل منه(لكي يكون موقفي اقوي)
كان المراهق بالقرب منا فاستدعاه والده وبغضب
قال له لماذا تعبث بسيارت الرجل قال الولد وهو
مرتبك لست انا وحدي وانما معنا فلان وفلان
طبعاً البقية بما انهم عرفو اني عرفتهم
واتخذت ضد صديقهم موقف لم يعودو
يعبثو لان حسب تحليلي النفسي
لشخصياتهم اكتشفت ان من
كان يقودهم هو ابن جارنا

ملاحظة / انتبه تمد يدك على الطفل فمهما كبر حقك عليه فلن يرضى اهله بضربه كلم
والده وان لم ينفع فعليك بالشرطة ولاتتنازل عن حقك لان بعض الناس
يعتبر ان التكسير والفوضى هي علامات رجولة
ولابد من ان يدفع قيمة مايتلفه حتى يكفو يداه عن
اذية الخلق

النجم الطائر

12/02/2011, 05:45 PM

لله لالزخلك واخليك تعض الارض واذا سوا شي ثانية خلاص ابوه مايقدر يقول شي صطره لين يصب الدم من خشمة من جد اضحكتني

حاول تصاحبه وتظبط الامور معه يوم 10 ريال ويوم 15
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صراحة ردود 100%

المثل يقول الدار قبل الجار
اذا تقدر تغير دارك كان بها
من جدك

شوف الولد وين مدرسته
وعلى طول للمرشد الطلابي وبين له المشكلة ؟
صدقني تحصل حل وترميه على غيرك وفك نفسك

جده خير 2010

12/02/2011, 06:18 PM

اقووول ياأخوان قبل لا تبدا تدور حلول بعد المشاكل

عندي حل وصدقوني ماراح يصير لحلالك شيء باذن الواحد الاحد
يا اخوان ليه ما نرقي حلالنا ...!!

يااخوان هناااك طرق عديده لرقية الحلال لابد اننا نلزمها ونحافظ عليها

وانا صارت لي ساالفه مع الرقيه هذي

مره كان معي جمعيه استلمتها من الحااره يعني كل البيوت اللي بالحاره تعرف اني عندي هذا المبلغ

وسافرت قبل العيد برمضان يعني ما امداني احط فلوسي بالبنك ..

والله يا اخوان جالس ادور في البيت افكر وين احط فلوسي لان البيت شعبي وتعرفون الشعبي يخوف شوي..

المهم حطينا الفلوس في دولاب غرفة النوم ..

وطلعنا وقلنا قبلها " اللهم امنتك مالي وبيتي وما املك "

والله يا اخوان جاء واحد وانا غايب ودف المكيف داخل البيت ودخل من فتحة المكيف وبعثر البيت وبالاخص غرفة النوم ووالله والله انه ما اقترب من الدولاب اللي فيه المبلغ ابدا وكل اللي راح رسيفر بخمسين ريال ..

لا وازيدكم من الشعر بيت سرق شنطه دبلوماسيه فيها كل الاوراق المهمه عندي ...

ويوم كسرها وما لقي فيها فلوس قام وجمع الاوراق في قطعة قماش ورجعها مع فتحة المكيف من جديد ..

واكيد الواحد بيقول انه كيف انك دعيت ورقيت بيتك وحلالك وصار معك اللي صااار ..

باقول لك يابن الحلال ابراهيم عليه السلام دعا ربه فقال تعالى " فاستجبنا له " تدرون بعد كم عام استجاب له ربه

بعد اربعين سنه ..
ولا يعني دعائك انه بتكون امورك زينه وطيبه وماراح يجيك شي ابد

فعندما رمي بابراهيم عليه السلام في النار ...

دعا ربه وهو نبي ولكن الله تعالى لم يذهب عنه الاذى رغم انه نبي مقرب مع هذاقيدوه ووضعوه في المنجنيق واشعلوا الناار وقذفوه فيها ..
وهو نبي مقرب وقد دعا ربه ...

فلا تنسوا ان تدعوا الهم اني امنتك بيتي واولادي ومالي وما املك

وقول بسم الله توكلت على الله ولاحول ولا قوة الله بالله ...

هذا ما حاولت ان افيد به ..

والله يكون بعونك على جارك المضيع لولده

والسلام عليكم ورحمة الله وبركاته

lr3

12/02/2011, 06:50 PM

إذا انت مستأجر فشفلك بيت غيره وغير الحاره كلها وإذا البيت ملك ادخل السياره في الكراج وصاحب الولد لا تعاديه

سلكي نت

12/02/2011, 06:56 PM

ياخي لا تسكت ... قد يكون صلاحه بيديك
الله لا يخسرك ولا يخسر المسلمين
مثل ماقالو الشباب
شهود او تسجيل من كميرا تصوير فيديو
واقرب مركز شرطة
لكن بالاول خبر ابوه حتى مايكون له عذر
بكره لا قدر الله يحرق السيارة او يتمادى لسرقه بيتك او التعدي لأحد من ابناءك او ممتلكاتك
لانه قد يفسر صبرك بانه لارقيب ولا حسيب عليه
وربي يحميك ويحمي المسلمين من شرور الغلمان

قناص خلاوي

12/02/2011, 07:10 PM

الله يعينك وشفنا مثل ماشفت وأكثر لكن

من صبر على أذى جاره أبدله الله دار خير من داره

ابودعسان

12/02/2011, 07:26 PM

اعانك الله على مابتلاك , والله ان مما يجعل الحكيم حيراناً ان يكون له مطلبة عند جاره عندها ستجده

في دوامة من الهم والتفكير عن اي حل مناسب , اخي انا حصل لي تقريباً مثل ماحصل لك ولاكن
يبدو ان مراهق جارنا اخف بكثير من مراهق جاركم , كنت في فترة عندما اخرج من البيت
اجد سيارتي وقد شخبط بها بقلم ازرق, اول مرة تجاهلتها لاكن المرة الثانية حاولت
ان اعرف من هو ومن خلال حركات ابن جارنا واسلوبه خالجني شك قوي
انه هو من يعبث بسيارتي وفي احدى المرات خرجت من بيتي ووجدته
قريب من سيارتي عندها تاكدت بانه هو , صليت المغرب وانتظرت
والده حتى يخرج وحدثته عما بدر من ابنه وذكرت ان احد
الجيران بلغني بما حصل منه(لكي يكون موقفي اقوي)
كان المراهق بالقرب منا فاستدعاه والده وبغضب
قال له لماذا تعبث بسيارت الرجل قال الولد وهو
مرتبك لست انا وحدي وانما معنا فلان وفلان
طبعاً البقية بما انهم عرفو اني عرفتهم
واتخذت ضد صديقهم موقف لم يعودو
يعبثو لان حسب تحليلي النفسي
لشخصياتهم اكتشفت ان من
كان يقودهم هو ابن جارنا

ملاحظة / انتبه تمد يدك على الطفل فمهما كبر حقك عليه فلن يرضى اهله بضربه كلم
والده وان لم ينفع فعليك بالشرطة ولاتتنازل عن حقك لان بعض الناس
يعتبر ان التكسير والفوضى هي علامات رجولة
ولابد من ان يدفع قيمة مايتلفه حتى يكفو يداه عن

اذية الخلق

:good2:
انا نفس كلامك اخوي
وخلها بينك وبين ابوه اول شي
مانفع ..... خذ معك واحد او اثنين من اهل الحاره
مانفع...... رح الشرطه وخذ اهل الحاره شهود

abu hlal

12/02/2011, 07:33 PM

قزرها ياطويل العمر مصيره يكبر ويعقل
حاول تصاحبه وتظبط الامور معه يوم 10 ريال ويوم 15
لان لو وراه عاقل ماصار اللي صار
الله يعينك واعلم ان عاقبة الصبر طيبه
((اصبر واحتسب))
تحياااااااتي

هذا الحل مضبوط قد جربته ونفع.....مره كنت ابني بيت وكان عيال جار بيتي مسببين لي مشاكل عديده.....فصاحبتهم وتعاملت معهم باحترام فتغيروا 180 درجه!

Hwer

12/02/2011, 08:02 PM

الله يعينك

خليفان

12/02/2011, 08:37 PM

جزاكم الله خير على من ادلا بدلوة
ماحصل اليوم انني تحدثت الى ابيه وكان رجل عاقل ومتفهم لاكن كان يريد الاثبات بان مافعل بالسيارات هم ابنائه
واحضر ابنه امامي وقام يحلف بانه لم يمس السيارات وان الفاعل ابن الجار الاخر ولاكن ابن الجار الاخر مسافر
النتيجه التي توصلت اليها الاتهام لابن الجار الاخر وسوف اكلم ابيه واقابلهم مع بعض لنراى ماهي النتيجه

مكنيكي مبتدأ

12/02/2011, 08:45 PM

السلام عليكم

اقول للأخوان الي يقولون الشرطه

تراه جارك مهما سوا

وانا اقول لاتطق الولد وخل امشاكل

رح لأبوه وكلمه وعلمه عن سالفتك

وخلك شديد مع ابوه بكلامك

عشان تنزل راس ابوه شوي

ارجو اني افدتك .

Abu shahad

12/02/2011, 09:08 PM

جرب اشتر لهم كوره يلعبون فيها بعيد عنك

واهم شي انك تكلم ابوه على شان يصير على اطلاع لانه كذا مايدري ولا يصير عليه حرج

جروان

12/02/2011, 09:16 PM

عطه كف يمال العافيه يبرد خاطرك:D

سلا الخاطر

12/02/2011, 09:25 PM

اعانك الله أخي الفاضل

إحترام الجيران من الوفاء وأذيتهم من الخيانة وعدم الإيمان
ولن يضيع شيء عند الله يوم تجتمع الخصوم

أخي القدير أنت مبتلى .. عليك بالإستغفار كثيراً بإذن الله سوف ترى النتيجة

rpk

13/02/2011, 01:01 AM

هذي مشكله الحي الي فيه خواجات خلها على ربك عشر سنين وانا وياهم شيل وحط وشرطه وغربله لاكن كل هذا ما ينفع ما غير تجي بسلومهم فقط الحديد بالحديد واسأل مجرب

الضويان

13/02/2011, 02:51 AM

الحل موجود عندي
ضربت لين مشيت دمه مافيه فايده
شكيت على الولد مافيه فايد جاهل
هددته الولد بكل شي مافيه فايد
اخرشي طقيتها صحبه معه وصار حارس عند السياره مالك الى كذا
تعال اقول لك كيف الصحبه معه
اذا لقيته يمشي في الحاره ونت على السياره سلم بيدك وابتسم
اذا حصلته عند بقالة الحاره اوديه لبيتهم معي بالسياره
اوصيه على السرابيت اللي يدخلون الحاره من الحواري الثانيه( اياك اعني وافهمي يجاره)
اذا جا عندي عزومه اعزمه هو شخصياً غير عزومة ابوه ( الذل على السياره شين)

وليد الغربة

13/02/2011, 03:00 AM

صورة فيديوا وحطة في المشاهد المثير

ربنا يصلحة وان شاء الله فيه خير
دعواتك له بالهداية
واعفاء عنه

ولكن حاول ان تكون صديق
وتعطيه هدية زينه

وتخليه حارس على السيارة

اخوك وليدالغربة

راعي أنقره

13/02/2011, 05:50 AM

:Dالورع مايباله الاورع زييه دور و جيب ورع من اللي تعرف انه مقرود ويدور الهوشه بشمعه
ووصيه على ولد جاركم وكذا تسلم من الشرهات والمشاكل ولحد له درب عليك
والمثل يقول < الجني لا شاف الجني .....>وصدقني يروقه ويسمي بالرحمن

دربيل تبوك

13/02/2011, 06:13 AM

الحل الوحيد ارحل وريح راسك..

ان ضربته ... يصيبك العيب حطيت راسك براس صغير رغم ان عمره كبير لكن تصرفاته صبيانيه وتعطي الشيطان فرصه وينتقمون اخوانه او يشتكونك وماهي وجيهه ابد انت وجارك تتطالبون.. وتذكر اخي الكريم

حديث أبى هريرة رضى الله عنه أن رسول الله صلى الله عليه وسلم قال( ليس الشديد بالصُّرَعةِ ، إنما الشديد الذى يملك نفسه عند الغضب . متفق عليه

وان شكيت ابوه .... اعتقد ان ابوه عجز في ترباته لان الجيل الاخير بجد يتعب..

وان شكيته للشرطه....... انت مو ناقص وجع راس وبهذله بالاقسام والله اني احس بالشؤم بمجرد مروري من شارع قسم الشرطه

بينما لو رحلت .... كسبت حق الجار بالصبر وربما رحيلك يكون فيه خير لك ولـ اهلك وتكون راعي الاوله..

اختم مروري بـ :

عن أبي هريرة رضي الله عنه أن رسول الله صلى الله عليه وسلم قال (من كان يؤمن بالله واليوم الآخر فلا يؤذ جاره) متفق عليه .

كان لرسول الله صلى الله عليه وسلم جار يهودي يحرص على وضع القاذورات على بابه ، فلما غاب اليهودي عن الرسول ثلاثة أيام ذهب الرسول صلى الله عليه وسلم الى داره ليزوره ، فقال اليهودي : لما هذه الزيارة يا محمد ؟ فقال الرسول صلى الله عليه وسلم :" لم تضع ما كنت تضعه فحسبتك مريضا ، فجئت أزورك "
فقال اليهودي للرسول صلى الله عليه وسلم : أدينك يأمرك بهذا يا محمد ؟!! فقال الرسول صلى الله عليه وسلم : " بل أكثر من هذا " فقال اليهودي : أشهد ألا أله إلا الله وأشهد أن محمد رسول الله .

ااسف على الاطاله.. تقبل مروري

mjd

13/02/2011, 06:25 AM

الله يعينك عليك بالصبر والدعاء والمعاملة الحسنة

majeds

13/02/2011, 09:58 AM

حمي الولاعه ووسمه علامه اودي في خدوده ههههههه

عادل بن جابر

13/02/2011, 10:13 AM

كلم ابوه اول ولو تكرر الامر كلمه مره ثانية مع وجود شهود بعدها صفق الولد:)
جد فيه بزارين ماتنفع معهم الا العين الحمرا:)

أوافقك الراي

الهون أحسن مايكون

وموترك جديد مصيبه

أذا أنك تمون على أبوه تله مع أذنه ووره ويش سوى ولده وقله لو تكرر الفعل هذا بدبغ ولدك

وأذا ما تمون تلهم أثنينهم وحاول أنك تحسسه تفهمه بحقوق الجار على الجار وأذا تكرر منه

غير أسلوبك وأنت باين عليك أبن حلال ومحترم ولا تبي المشاكل لكن لكل شي حدووود

الله يصبرك ياخوي

ولد الأجاويد

13/02/2011, 10:27 AM

الله يصبرك على بلواك

ادع الله له بالهداية
واسأل الله العافية
فقد نبتلى بأبناء يؤذون الجيران وساعتها نحس بمعاناة الآباء

المسجد وما أدراك ما المسجد
إذا غاب دوره في الحي فقل على الحي السلام
الإمام ليه ما يتكلم عن مشاكل الحي دون التصريح بأصحابها ؟

الله يعينك ويصبرك ويعوضك خير
الصبر أفضل وسيلة

ياليت يكون فيه تعاون بين أهل الحي بكتابة خطاب لمركز الشرطة عن مشاكل الحي
ويكون موقع من الجيران
وتسلونه للشرطة وللإمارة حتى يكون هناك تكثيف للدوريات في الحي
وبكذا تكون سلمت من مواجهة جارك والاحتكاك معه

هذه وجهة نظري
ولا أدعي أنها حلاً مثالياً

abgh2009

02/04/2011, 11:40 PM

كلم ابوه واذا مانفع اقرب مركز شرطه انا صارت معااي عندي جيب نسيان باترول
كسروو الزجاج الخلفي كلمت ابوهـم قالي موو عيالي دووبهم جايين من السفر واحسن شي الحجار كانت موجودهـ بالسياره وعليها بصماتهم
رحت لمركز الشرطه ارسلوو له خطاب احضار وماحضر ثاني يوم الا البحث جايبهم للقسم
ودفعوو قيمه زجاج اصلي من الوكاله 550 ريال مع تعهد بعدم الاعتراض وكفاله من ابوهم...

البرتقالي

03/04/2011, 12:11 AM

الجار ولو جار
خذ الامور بهدوء وعقلانيه واجرك مايضيع
وحاول تركب باب كنترول ودخل سيارتك ببيتك

الف والفين وخمسة
تدفعها مقابل انك تكسب حسنات الجيره
تعتبر ولا شي

بالنسبة للبزران ناظرهم بعين ويكفي :)

عمر الشريف

03/04/2011, 02:36 PM

والله عز الرأي أخوي Ra3e aljeep (http://www.mekshat.com/vb/member.php?u=136986) أنا أأواافقه العلم السنع

ساري بليل

03/04/2011, 02:52 PM

ههههههههههههه والله مصيبة السيارات غااااليه
والورع ماينضرب ولايفهم الكلام
لكن يالغالي عليك بقول الشاعر:
ارخ الريال ويرتخي كل مزيون قرش ..... ...... ماهو خساره ؟؟؟
ادهن سير الورع بالريال والريالين وابتسم له وداري امورك الله يعينك ...:D:D:D

بدر الحربي.

03/04/2011, 03:06 PM

رايي من رأي RA3E ALGEEB .. نعم الرأي....

الصــرح

03/04/2011, 03:14 PM

عِظم الجزاء من عِظم البلاء

وأنصحك بالتريث ومحاولة إحتواء الولد

قبل أن تفكر بشكواه عند أبوه

.........

بارك الله فيك وأكثر من أمثالك

تقبل إحترامي

......

الخولاني

03/04/2011, 03:18 PM

خذ الحل المجرب وانا اخوك

ضبط لك هاك الدلة بعد المغرب واعزم الأب وولده للقهوة عندك واعزمهم وانت مبتسم ومنشرح الصدر لكي يفتح الله قلبيهما لسماع كلامك
بعد القهوة والقدوع ابدأ في كلامك بكل احترام واخلاق واعلم الأب انك ما ترضى أحد أبنائك يزعجه او يزعج احد الجيران وان اولاده في مقام اولادك وتحبهم وخل كلامك هادئ وراقي وحرص على الأب ان الأبن ما يجيه شيء وعفى الله عن ما سلف بس وضح انك ما بتتحمل المرة الجاية
بعد هذا راح يستحون منك وأبشر بنعم الجيران

وخذها حكمة ان الطيب يجيب طيب والشر يجيب الشر وأعلم ان لنا في رسول الله صلى الله وعليه وسلم اسوة حسنة حينما صبر على أذى جاره اليهودي فما بالك بنا وجيراننا مسلمين منا وفينا واعلم انك مهما صبرت فذلك موضوع لك في ميزان حسناتك

مخاوي دابذريع

03/04/2011, 04:01 PM

سجل عندك أنتل مكسور وصلح أكثر من مره وشاءت الأقدار اني ما أسمع رادو وتكسيره عدة مرات
لدرجة إني مره شكيت بحسن كراني محلل الأحوال الجويه :looney: ما ادري منهو مع العلم ان مالي أعداء
الله يعيننا وياك اخوي حاسس بمعاناتك ....

قناص خلاوي

03/04/2011, 04:26 PM

الله يعين الجميع
المثل يقول
من صبر على أذى جاره أبدله الله دار خير من داره ..

سجل عندك أنتل مكسور وصلح أكثر من مره وشاءت الأقدار اني ما أسمع رادو وتكسيره عدة مرات
لدرجة إني مره شكيت بحسن كراني محلل الأحوال الجويه :looney: ما ادري منهو مع العلم ان مالي أعداء
الله يعيننا وياك اخوي حاسس بمعاناتك ....

اخي الكريم
قول شاءت الأقدار لا يجوز بارك الله فيك

ما حُـكم قول ( شاءت الأقدار ) ؟

ما حكم قول ( وشاءت الأقدار ) و ( شاء القدر) ؟
وجزاك الله عنا كل خير ...

http://www.almeshkat.net/vb/images/bism.gif

الجواب :
وجزاك الله خيرا .

1 – لا تجوز نسبة الأفعال والمشيئة إلى الأقدار . فلا يجوز قول : " شاء القَدَر " ولا " شاءت الأقدار " .

قال شيخنا العثيمين رحمه الله : هذه ألفاظ مُنْكَرَة ، فالقَدَر لا مشيئة له ، وإنما الذي يشاء هو الله . اهـ .

ومما قيدته في دروس شيخنا الشيخ د . ناصر العقل - حفظه الله - أنه قال في حُكم قول " شاءت الأقدار " : نِسْبة هذا القول أو إطلاقه ابتداء لا يجوز .

والله تعالى أعلم .

المجيب الشيخ / عبد الرحمن بن عبد الله السحيم
عضو مكتب الدعوة والإرشاد

المصدر (http://www.almeshkat.net/vb/showthread.php?t=81250)

فتوى أخرى للعلامة ابن باز رحمه الله صوتيه ومكتوبة (http://www.binbaz.org.sa/mat/10294)

محمد الهديب

03/04/2011, 09:43 PM

رن الولد ادبغه الين ينفقع راسه و صدقني يتوب ..

راعي حثروبه

03/04/2011, 10:32 PM

اطأ على بطنه افضل شيء
او سو لك بايكه وفك عمرك
بس المبزره اللحين مايبلهم الا تملا افمه تراب

ماجد الشمال 1

04/04/2011, 12:06 AM

سطام الدرعية

04/04/2011, 03:24 AM

لاحول ولا قوة الا بالله

دوَر في الحارة من هو في عمرة وعطة 50 ريال وخلة يلعن خيرة ويهدده اذا جاء سيارتك مره ثانية يبي يطقة
هذا افضل حل لك ولا وقف موترك بالحوش وريح بالك

أبن ثعلي

04/04/2011, 03:53 AM

والله ياخوك عندي انا جار هو وعيالة اوسخ من جارك الله يكرمك ويكرم الاخوان
تخريب وتكسير بسيارتي وسيارة ولدي رحة للاْب اشتكي له يتعذر عن عيالة ويبرر
ويقول عيالي شيوخ وعيالي مربيين اتكد الحارةهم
وشتكيت لشرطة ولكن بدون فايدة مجرد مايدخل عليهم يطلعني الظابط برى المكتب
ويبقى هو والظابط بلمكتب شاي وقهوة
ثم ينادوني لظابط عندك شهود عندك اثبات معندك ليش تشغلنا
تعبت من الشرطة من كثر ماشتكي لهم بدون فايدة
تكفئ انت والاخوان شوفو لي حل
البيت حقي ملك لي
البيت حق جاري ملك له

كان الله في عونك وعون صاحب الموضوع

انا عندي سالفه زي سالفتكم بفوارق بسيطه عندي جيب 73 وكالة على يد عمي ومشرف فالمزرعه من سنة جدي شلت الطربال الا الموتر ما يحتاج الا بويه ولوازم التشغيل بعد الوقفه سويت اللازم
ووقفته عند البيت وللأسف بداء الموال بورقه على قزازة السيارة وانتهى بتهديد على ورق بأنهم بيعطون الموتر عين مره ورقه على الكبوت مكتوب فيها وين تبيها فالقير ولا المكينه ومره فالكفرات ولا الدفرنس ومرات عديدهـ بداء العد التنازلي لجمركة السياره ناهيك عن السومه الي زي وجيههم

واذا تقولون شكوى ما نفع معهم شي ابداء وبفضل الله ونعمته وفقني الله برأي رجال شرواكم قال رح لهم

وتعوذ من شرهم قدامهم ودع الله قدامهم عليهم اذا ما فكوك شرهم وذكرهم بدعوة الظالم ويبي الله يهديهم

وابشركم فكني الله وذاهم وشرهم

صحيح ما ودك العلاقه تقطع بين الجيران ولاكن القطيعه مع مثل هاؤلاء مكسب

الله يوقفنا وياك ياصاحب الموضوع وياصاحب الرد المقتبس اعلاه والجميع

وتقبلو مروري

ابوصنهل

04/04/2011, 02:47 PM

امسك الولد وروعه وقله ترى ابعلم الشرطة ويسجنونك
والله مشكلة ههالصغار

قرناس تغلب

04/04/2011, 02:58 PM

الجارلوجار

ملك الفكتوريا

04/04/2011, 07:11 PM

يا رجال احمد ربك

ولد جارنا مسويها على كفر السيارة ولو ما شفته ما صدقت احد يقول لي

المشكلة من بعدها الكفر صاير ينسم بسبب وبدون سبب

اللي قاهرني الولد ما يجي طول يدي

بس التركيز عنده عالي:D

هواوي صيد

04/04/2011, 08:17 PM

نصيحة

حاول تكسب الولد بهديه وتأكد ان امورك راح تتغير 180 درجه

قناص مزاجي

04/04/2011, 08:18 PM

الحل دخل سيارتك وسط البيت ونتهى الموضوع

محطم عنيد

04/04/2011, 08:21 PM

ناد إبوه هو وورعه

ووره أخطاء ولده وتمخيشه بالسيارة

إن كان رجل كفو بيعطيك حق من دون ماتكلم

وان ماتكلم بيهجع هو وورعه

وقل يعلم الله ماوذيتك ابدن

ف جازي الاحسان بإحسان الله لايهينك ويوفقك

وإذا تكررت صك الورع مخمس خله يلف لف

أتمنى إني أفدتك الإخيرة (لاتأخذهات انقهرت ههههه )

sultan911

04/04/2011, 09:23 PM

بسم الله الرحمن الرحيم
اخوي نصيحه قبل كل شي جارك ولو جار
انتبه تسوي للولد شي سمعت بعض الشباب الله يهديه يقول ارضربه اوسو له اي شي وهذا لوكنت محل ابو الولد ويش يكون موقفك وهو جايك ولدك يبكي يقول جارنا ضربني اكيد بتحقد على جارك وبيكون فيه تصرف منك على حسب صبرك وحسن جيرتك
انا صار عندي جار والله اني اجد في شكمان السياره حقتي مدخلين علب الفليت والنشاء واجد كتابات وكلمت جاري بهدوء وبدون تعصب وفهمته حقوق الجيره وانه من افضل الجيران الي سكن عندي والعكس الصحيح والحمد لله صاحب البيت شاف منه شي او تم اخباره ماصر معي من قبل جاري وكلمني صاحب البيت وقالي انت متأذي من جارك وانكرت خوف من ان اسيئ لجاري ولكن صاحب البيت امهله كم شهر حتى يحصل بيت وينقل والحمد لله افتكيت منه
اخي قال المثل الكلام الين يروح بالحق البين
ياليت تسير على جارك وتتكلم معه بكلام طيب وبمديح له ولجيرته حتى لو لم تكون صحيحه وبعدها تقوله يابو فلان انا حصلت كم مره بعض الخراب في سيارتي وبعض الجيران قالو انه ولد جارك فلان وانا ماودي اتهم ولدك حيث اعرف تربيتك فيه تربيه طيبه ولاترضى على جارك ومن هذا الكلام الطيب وانت بتشوف التغيير ان شاء الله ولا تحاول ان تعصب او يطلع من غلط حتى لو ابوه صار معصب وشخص مايثمن الرجال اتركه وعليك بدعاء والله يفرج همك ويعطيك جار خير من جارك ودار خير من دارك

الربع الغالي

05/04/2011, 12:15 PM

أخوي حق الجار وصانا عليه الرسول اللهم صلي وسلم عليه
والرسول وصانا بالصبر والحلم وأنا معك في مصيبتك
لذلك عندي حل تحط لك بوابه توماتيك وريح من وجع الرأس

أخوي نصيحة ابعد عن النقيده والقيل والقال مع جارك

سفاري 9

05/04/2011, 12:50 PM

السلام عليكم ورحمة الله وبركاته
وش بلاكم يااخوان كل هالتحامل على الجار
الله يرحم المهادي اتمنى تسمعون قصته مع جاره السبيعي
وش اللي شرطة وشكوى على طول كذا
الجار حقه كبييييييييييير يالربع
والمفروض ما نتجاهل حقه بذا الشكل
لان جارك يعتبر حارس لبيتك بل فيه جار يكون اقرب من اخوك في بعض الاحيان
كلم ابوه بالكلام الزيين وانتبببببببببببببه تشتكي جارك احذر من هذي
ولا سايس الولد وصادقة زي ماقال اخونا ابو فاضل 2
واسأل الله الهداية لي ولكم وللمسلمين