المساعد الشخصي الرقمي

مشاهدة النسخة كاملة : أستشاره من أهل الخبره ((جي))م97 بهذلتنا الورش


عنان نجد
12/02/2011, 05:28 PM
السلام عليكم ورحمة الله وبركاته
السياره / لاندكروزر
النوع / جي
الموديل / 1997م
الأعطال/
1- المروحه ماتفصل دائما شاد حيله
2- الأديتر بحاجه للتغيير وش تنصحوني به من هذه الخيارات
:s اديتر الوكاله (غالي)
:sاديتر أردني (رخيص)
3-المكيف يفصل فريونه(لازم أدوس على البنص علشان يعمل الكمبرسروبعد دقيقه يفصل)
هذه مشاكل محالتها الورش ألا حلول مؤقته :mad:
وشكرا" لكم مسبقا":)
جديعان
12/02/2011, 05:32 PM
افيدك بالاديتر ركب وكاااله حتى لو غالي وانسااه
جلاد الحباري
12/02/2011, 05:38 PM
بالنسبة للمروحة يمكن انها مشبوكة دايركت يعني من يوم تفتح السويك وهي شغاله اذا مشبوكة بالطريقة اللي انا ذكرت لابد تفصلها وتركب الحساس حق المروحة اكيد انه عطلان معك وبالنسبة للكمبرس يمكن مربوط مع المروحة ويشكل بسبب الحساس حق مروحة المكيف وبالنسبة للرديتر فهذا امر بسيط عندك الصيني جيد وافضل شي راديتر مصنع المطلق بس مشكلته ان بعض السيارات مايتناسب معه ويرفع حرارة الموتر بس اذا تناسب مع سيارتك فخذ من عندي خمس سنوات ماتفكه وسعره تقريبا 700 ريال وسعر الصيني حوالي 550
عنان نجد
12/02/2011, 11:20 PM
السلام عليكم ورحمة الله وبركاته
أخوي جديعان الله يعطيك العافيه
جلاد الحباري الله يرزقك بالجول أللي يدسم شاربك
والله لا يهينكم
Abu Mryea
12/02/2011, 11:47 PM
بالنسبة للرديتر

فيه نوع صناعة وطنية ,,,, وأشوف أنه جيد

شريته من الرياض - طريق الميه - النسيم - مقابل محلات قطع الغيار من جهة الشمال

على نفس طريق الميه

هذا الكلام قبل حوالي ثلاث سنوات ,, ماأدري اذا كانوا في نفس الموقع أو لا
شيخ المواتر
12/02/2011, 11:51 PM
بالنسبة للكمبرسر في الجي اكس 96 لازم بالبدايه تدعس بنزين عشان يشتغل بس ما يطفي .


يفيدونك الاخوان
ا ع و 9000
13/02/2011, 05:47 AM
هلا فيك اخوي انا معي نفس الموتر جديد بمعنى الكلمه ونفس المشكله الي عندك عندي الكمبرسر قصدي ومافيها اي حل لاني حاولت عند اكثر من ورشه وللاسف ماحصلت نتيجه واعتقد انه جميعها كذا والله اعلم وتقبل مروري
عنان نجد
13/02/2011, 11:17 AM
السلام عليكم ورحمة الله وبركاته
شاكر ومقدر لك من أفاد وبعض الأخوان نصحني بالرديتر الأردني رصتين ألمنيوم
أحد جربه
العنابي 616
13/02/2011, 11:45 AM
يا أخوي أنا مغير الراديتر مرتين تجاري سعودي و ما أرتحت إلا يوم ركبت حق الوكالة
نصيحة لا تركب إلا حق الوكالة و فك نفسك من المشاكل

بالنسبة للمروحة عندك كلتش المروحة - قطعة حديد بوسط المروحة - خربان

و بالنسبة للمكيف أنا أعاني من نفس المشكلة و هي من كلتش المكيف فيه ضعف
بس إني مخليه متعود على الوضع و لا يضر.

و الله أعلم
مركز حراره
13/02/2011, 01:22 PM
الرديتر الاردني ممتاز وسعره جيد والاتنسى فيه ميزه الضمان
لطب الرديتر الاردني راسلني على الخاص
عنان نجد
15/02/2011, 01:39 AM
السلام عليكم ورحمة الله وبركاته
تم الأخذ بنصيحة العنابي وتوكلنا بالله
خوي_الذيب
15/02/2011, 03:02 AM
عندي G.X.R 94

كان يفصل الكمبروسر

بعد مالعب المهندس في وزنية الأبنص

يعني حول الصفر

يعني لازم ادوس بنزيم علشان يشتغل المكيف

بعد مارفعتها شوي صار 10على 10

ما قد فص ولله الحمد

أتمنى اني افدتك