المساعد الشخصي الرقمي

مشاهدة النسخة كاملة : أيهما افضل للبر سوبرسفاي قير عادي اوقير توب ترينك (قيرين تماتيك وعادي)


مقناص10
12/02/2011, 09:00 PM
السلام عليكم
مسيتم بالنور قد يكون سبق الخوض بالموضوع وقد مررت بمثله من مواضيع لكن قديمه نوعا ما من عام 2005

وقد تبدل الحال الان وانا الأحظ جميع السيارات وخاصة الجيوب من 2010 وخاصة2011 جميعها اتوماتيك وإن كان يوجد العادي لكن ليس بثكرة زمان...



سؤالي واستفساري أنا أرغب بشراء سوبر سفاري إن شاءالله

وكنت مقتنع بالقير توب ترينك (اللي هو قيرين تماتيك وعادي )


فاستفساري هل يوجد فرق كبير بينهما من حيث الدخول بالبر في العزم والقوة

اتمنى من الاخوان المجربين المجربين اصحاب الخبره يفيدوني ....

وانا اميل لتوب ترينك ...لأنه اريح داخل وخارج المدينه ...

ودخولي للبر ليس كثيره وليس معمقا مره ....لكن قد يأتي يوم وابحر فيه بالبر... فهل في خطوره بالقير التوب ترينك ...

اتمنى ذكر مميزات وعيوب كل قير إن وجد....خاصة التوب ترينك


وشكرا لكل من سيجاوبني مقدماً
العرندس909
12/02/2011, 09:12 PM
على حسب استخدامك


إذا أنت راعي تطعيس فالعادي أنسب


والباقي فالتوبترنك ممتاز
عبد الله 99
12/02/2011, 09:45 PM
ما شاء الله الماتيك العادي (التوب ترينك) ما يحتاج واحد من الربع معه ما شاء الله تبارك الله يروح زيه زي العادي ما يرده شي قبل سنتين قانصين به للرمله و الموتر يبيض الوجه كان طلعاتك كل اسبوعين او كل شهر فهو زين و انت في الديره اكثر من البر فالتماتيك اريح لك وكانك شايل هم القير فلا تشيل هم الموتر ما يحتاج
مقناص10
12/02/2011, 09:51 PM
مشكور اخوي العرندس

بس حبيت تشرح لي تقصد بأي نوع من التطعيس
تدري من ديره لديره يختلف
وإن كان تقصد التعطيس بمثل اللي يسووه الشباب بطلوع الدفوف الطويله مثل تطعيس ام حزم والتحدي اكيد لا الله يبعدني عنه...

لكن إن بطعس ع قولتهم بالرمال الصغيره وليست الكبيره يعني العادي الموجوده بكل مكان ومايعدى ارتفاعها عدة امتار

لكن المقصود هو يجمل بإذن الله بالبر ويريح...ولا في خطوره

ومشكوور على مروورك وإفادتك مره ثانيه
مقناص10
12/02/2011, 09:55 PM
ما شاء الله الماتيك العادي (التوب ترينك) ما يحتاج واحد من الربع معه ما شاء الله تبارك الله يروح زيه زي العادي ما يرده شي قبل سنتين قانصين به للرمله و الموتر يبيض الوجه كان طلعاتك كل اسبوعين او كل شهر فهو زين و انت في الديره اكثر من البر فالتماتيك اريح لك وكانك شايل هم القير فلا تشيل هم الموتر ما يحتاج



الله يبيض وجهك اخوي

مشكووور وماقصرت

وعلى المثل خير برهان التجربه وانت افدتنا بتجربة خوويك

بس حاب تفيدني اكثر للفائدة والمعرفه ..

بالبر كنتم تستخدمون القير العادي ولا بتثبتوه على الدي وخلاص

لأن ودي اعرف هالشئ وكيف استخدام القير العادي اللي مثل ماقلت بالبر ...

لكن قديم كنت بروح بالبر بس قير واحد تماتيك ...والان ماشاءالله السوبر قيرين فهذا اللي ودي اعرفه لكي نكسب خبره ونكون على علم
برايدوي عنيد
12/02/2011, 10:34 PM
هلابك اخوي

القير التروبنك ممتاز جدا

طبعا بالبر وخاصه بدخول النفود والتطعيس الافضل تخليه بالقير العادي تحطه بنمره قويه لانه بـ D يغير اول مايستعز الموتر بالمشي ويغير من نفسه ومع الوقت يضر كلتشات القير ويعدمه

طبعا التماتيك اذا بغيت ترده يجب عليك انك تقدم له شوي لانه يبي له ممكن ثانيتين او ثلاث ثواني علشان يرد ولا توهق ويمسك الموتر بالرمل , اما اذا بغيت ترده لنمره 1 غالبا يبي انك ترفع رجلك عن دوسه البنزين شي بسيط .

هذامالدي وتقبل مروري .......
الجني العبد
12/02/2011, 10:34 PM
مشكور اخوي العرندس

بس حبيت تشرح لي تقصد بأي نوع من التطعيس
تدري من ديره لديره يختلف
وإن كان تقصد التعطيس بمثل اللي يسووه الشباب بطلوع الدفوف الطويله مثل تطعيس ام حزم والتحدي اكيد لا الله يبعدني عنه...

لكن إن بطعس ع قولتهم بالرمال الصغيره وليست الكبيره يعني العادي الموجوده بكل مكان ومايعدى ارتفاعها عدة امتار

لكن المقصود هو يجمل بإذن الله بالبر ويريح...ولا في خطوره

ومشكوور على مروورك وإفادتك مره ثانيه
يامرحبا يامرحبــا
شف يابعدي ، إذا أنت راعي مراقا وتطعيس مثل الشباب اللي بأم حزم لاتاخذ إلا عادي ،
والسبب سلمك الله ، حتى تحكم بالنمرة اللي أنت تبيه عشان تنوفر ، والكلتش عشان تجدع لاصرت فوق الطعس
أما إذا كشتات وعلوم مرجله :D خذ التوب ترونك ، تراه ييض الوجه ولا يردة شي ، حتى طعوس أم حزم بعد ..




الله يبيض وجهك اخوي

مشكووور وماقصرت

وعلى المثل خير برهان التجربه وانت افدتنا بتجربة خوويك

بس حاب تفيدني اكثر للفائدة والمعرفه ..

بالبر كنتم تستخدمون القير العادي ولا بتثبتوه على الدي وخلاص

لأن ودي اعرف هالشئ وكيف استخدام القير العادي اللي مثل ماقلت بالبر ...

لكن قديم كنت بروح بالبر بس قير واحد تماتيك ...والان ماشاءالله السوبر قيرين فهذا اللي ودي اعرفه لكي نكسب خبره ونكون على علم

الطريقه سهله جدا ، بالبر حول للعادي وأنت والنمرة اللي تحس إن الموتر مرتاح به ،
عبدالعزيز بن احمد
12/02/2011, 10:59 PM
بسم الله الرحمن الرحيم

السلام عليكم ورحمة الله وبركاته

المووتر اللي تتكلم عنه مايحتاج ينحط على الجرح يبرى .
وبالنسبه لسؤالك كان عندنا جيب سوبر سفاري موديل 2006 وكان القير عادي تماتيك وهو ممتاز جدا جدا جدا
في البر اذا كان البر نفود حطه عادي واشبك الخفيف مايرده شيئ وان كان البر جلد (حصى) حط ولا فيه طلوع ولا نزوول حطه بالتماتيك وهو ممتاز جدا في الديره وزحمه حطة تماتيك وريييح راسك وان كانت في البر حطة بالتماتيك وترى عملي جدا جدا وليس استهلاكي وعاش معنا وكنت اكرفه كرف واخواني يكرفونه وابوي ماقد جاه شئ ولا اشتكى ..... لكن حصلي عليه حادث وبعناه تشليح وشرينا جكسار 2006 والله لا يوريك مايمشي وهو تراه اخف منه بواجد اتمنى اني افدتك واسف على الاطاله ومبرووك مقدما


تمنياتي لك بالتوفيق
مقناص10
12/02/2011, 11:01 PM
هلابك اخوي

القير التروبنك ممتاز جدا

طبعا بالبر وخاصه بدخول النفود والتطعيس الافضل تخليه بالقير العادي تحطه بنمره قويه لانه بـ D يغير اول مايستعز الموتر بالمشي ويغير من نفسه ومع الوقت يضر كلتشات القير ويعدمه

طبعا التماتيك اذا بغيت ترده يجب عليك انك تقدم له شوي لانه يبي له ممكن ثانيتين او ثلاث ثواني علشان يرد ولا توهق ويمسك الموتر بالرمل , اما اذا بغيت ترده لنمره 1 غالبا يبي انك ترفع رجلك عن دوسه البنزين شي بسيط .

هذامالدي وتقبل مروري .......


هلا فيك
مشكور على مرورك وإفادتك الطيبه...

اللي بالاحمر قصدك ارده كيف ...قصدك احول النمره من 1 ل 2 ازيد الدعس ..ولا
واكيد بالبر اغير النمره بدون استخدام الفرامل لما يكون محوله للقير العادي صحيح

استفسارللجميع الدفلوك متى استخدمه ومتى افصله.؟

وهل في ضرر من المشي كم كيلو بالدبل الثقيل طبعا السرعه نقول بحدود 40 ل 60 كيلو؟


اعذرونا على هالاستفسارات الكثيره بس الواحد يتعلم من الوجيه الطيبه اصحاب الخبره والماره يستفيد ولو بعد5 سنوات إن الله احيانا ^_^

لأن مريت بكذا موضوع نفس هالسؤال وحصلت تواريخها قديمه
مقناص10
12/02/2011, 11:03 PM
مشكوور اخوي الجني العبد ...

مداخله طيبه والمراقي والتعطيس اللي بمثل ماقلت اكيد لا ...
مقناص10
12/02/2011, 11:05 PM
بسم الله الرحمن الرحيم



السلام عليكم ورحمة الله وبركاته


المووتر اللي تتكلم عنه مايحتاج ينحط على الجرح يبرى .
وبالنسبه لسؤالك كان عندنا جيب سوبر سفاري موديل 2006 وكان القير عادي تماتيك وهو ممتاز جدا جدا جدا
في البر اذا كان البر نفود حطه عادي واشبك الخفيف مايرده شيئ وان كان البر جلد (حصى) حط ولا فيه طلوع ولا نزوول حطه بالتماتيك وهو ممتاز جدا في الديره وزحمه حطة تماتيك وريييح راسك وان كانت في البر حطة بالتماتيك وترى عملي جدا جدا وليس استهلاكي وعاش معنا وكنت اكرفه كرف واخواني يكرفونه وابوي ماقد جاه شئ ولا اشتكى ..... لكن حصلي عليه حادث وبعناه تشليح وشرينا جكسار 2006 والله لا يوريك مايمشي وهو تراه اخف منه بواجد اتمنى اني افدتك واسف على الاطاله ومبرووك مقدما



تمنياتي لك بالتوفيق


وعليكم السلام ورحمة الله وبركاته

بارك الله فيك اخوي وبمداخلتك الطيبه

ويعوضك الله خير عما سلف والحمدلله على سلامتكم اهم شئ ويكفينا الله شر هالسيارات..

وتسلم ويسلمو جميع الاخوان ماقصروو واتمنى الفائده للجميع

ودعواتكم لنا نحصل السياره الزينه ويعطينا خيرها ويكفينا شرها لأني ابحث عن سوبر سفاري 2007 فل
قطب 999
12/02/2011, 11:20 PM
العادي ماله مثيل في البران
ولا يىجد قير عادي وتماتيك في نفس الوقت اما ال تبترونيك فهو تماتيك تم عمل اضافة تغيير التعشيق الى يدوي
وعمل هاله اعلاميه عليه
ALBDRANE
12/02/2011, 11:28 PM
حياك الله

من وجهة نظري الفتك العادي ممل لانك في المدينة بتطفش منه كنك في ددسن

والتماتيك يشعرك بالرفاهية والسلامة في القيادة والصرفية التماتيك أقل بكثير من العادي ويطربك كذلك في البر

مشكلة التماتيك ضعفه في الريوس في الاماكن المنحدره مقارنة بالعادي وهذا لا يظر ولا ينقصه شي لانك لا تمر بهذه المواقف كثير ، كذلك يبيله شوي عنايه يعني ما تتحمل السيارة على القير أثنا التوقف وعدم التحويل بين النظامين الأ بعد ما ترفع رجلك شوي عن الابنص أثناء التبديل وتغيير الزيت كل 40 الف ولا تغيره عند البناشر الا عند الورش الي تضمن شغلهم وتخصصهم أو في الوكالة .

بالنسبة للدبل الثقيل تستخدمه الى غرزت لاكن قبل التغريزه خله بالخفيف حتى سرعة 80 ما عندك مشكلة أما الثقيل لا تتجاوز عليه سرعة 40 كذلك الدفلوك .

أستخدم الدفلوك طال عمرك الى قامت تحفر وحده من الكفرات أو ثولث الموتر .

أرجو أن اكونك قدمة فائده لك ولغيرك ......موفق خير
ALBDRANE
12/02/2011, 11:44 PM
العادي ماله مثيل في البران
ولا يىجد قير عادي وتماتيك في نفس الوقت اما ال تبترونيك فهو تماتيك تم عمل اضافة تغيير التعشيق الى يدوي
وعمل هاله اعلاميه عليه

شكل موترك عادي علشان كذلك متحيز في رايك وفكرة الهاله الاعلامية ترى مهوب أول سيارة فيها ذا النظام قبله سيارات فخمه لا يسع المجال لذكرها ومن ناحية عملي فالحقيقية أن ما لاحظت فيه أي مشكلة بالعكس عملي ويريحك أذا حولته الى العادي وشديت الموتر في الارتفاعات والفزه بالعربي الي ما جربه ما يقدر يحكم عليه .
مدمن فتك
13/02/2011, 12:12 AM
بالنسبة للتربونيك فعز الله مايرده شي باذن الله دخلت فيه طين اكثر من مره ورباضات ونفود وتطعيس وكل شي والحمدلله يقول هات زودك ..
واللي يقولك العادي هو الافضل صدقني ماجرب التبرتونيك ولا كان يغير رايه
كل اسبوع اطلع للبر وابشرك ماعمري لله الحمد توهقت
مقلع الرمث
13/02/2011, 01:08 AM
خلال تجربتي لعده باترولات قير تماتيك

علما باني راعي بر واصدقائي يملكون قير تماتيك وايضا بر دائما

ماااذكر انه تعطل ولا شي
مقناص10
13/02/2011, 01:21 AM
اخوي البدراني ومدمن فتك ومقلع ماقصرتوو وبارك الله فيكم على المداخله وإبدا رأيكم من خلال الجربه وهي خير برهااان

وطمنتوني الله يطمنكم

اخوي قطب مشكور على مداخلتك لكن انا اتمنى تكون جربت التوماتيك اوتجرب وتحكم بعدها

كما اتمنى بصراحه تكون هناك طلعه لأهل المشكات ...ويكون معهم السوبر العادي والتروبنيك من موديلات 2005 وفوق ...ويكون في تجربه ...

والحمدلله من خلال الأراء اللي شفتها هنا وبمنتديات ثانيه ....فالتروبنيك لا يعلى عليه

لكن مشكلتنا هنا في التعصب لشئ معين وانا لا أريد أن يأخذ الموضوع وجهى آخرى
ALBDRANE
13/02/2011, 01:35 AM
حياك الله مره ثانية وياليت تمسح الي كتبته باللون الازرق لانه تحويل للموضوع لا ينط واحد متعصب ويقعد يبربر علينا .
مقناص10
13/02/2011, 01:41 AM
هههه اوك اخوي البدراني ...مومشكله

انا خرجت ورجعت دخت مره ثانيه بعد ما شفت ردك ولايروح الموضوع لبعيد لأني اريدالفائده للجميع