المساعد الشخصي الرقمي

مشاهدة النسخة كاملة : سؤال لأهل الرياض والقصيم


الوديّ
16/02/2011, 10:50 AM
السلام عليكم ورحمة الله وبركاته ..
ابي شوركم يا اهل مكشات

عندي مستودع 3*3 ابي احط فيه رفوف ( تخشيبه ) حديد . هل فيه بدائل افضل منها خشب او المنيوم او حتى تفصال ابي حاجه جديده ؟
وين احصل هذي الرفوف في الرياض او القصيم ؟:good2:
من البدائع
17/02/2011, 01:01 PM
يا لطيب

محل الهفوف لرفوف عنده اشكل ونواع لكل الاستخدامات

من الرفف البقالات الى ارفف المستودعات ذات الاحمال الثقيله وكذلك ارفف للاستخدامات الاخرى
تمر عليهم تختار الي يناسبك

لهم فروع في اغلب المدن
الوديّ
17/02/2011, 01:33 PM
تسلم يالغالي بيض الله وجهك..وشاكر لك مرورك
هاوي بندق
20/02/2011, 10:55 PM
افادك اخوك (من البدائع)
أبو مسفر
21/02/2011, 10:59 PM
انت تقول : عندي مستودع 3*3 ابي احط فيه رفوف ( تخشيبه ) حديد .
انت تبي خشب والا حديد ؟؟؟
ان كانك تبي خشب اقرب نجار وتقاطع معه
وا كانك تبي حديد فيه رفوف تركب تركيب يسمونها ( بزّات ) ومفردها ( بزّة ) وهي عبارة عن رفوف مثل صينية الفرن وعمدان زوايا حديد مخرقة وكل مجموعة تربط بأربعة عمدان بواسطة مسامير وصواميل خاصة بها
وهي احسن حل للمخازن
ومكان بيعها في الرياض في غربي حراج ابن قاسم وتجد عدة محلات وكذلك ستجد عدة مقاسات واشكال للارفف أما الاعمدة فهي متشابهة ولكن يختلف الطول منها 3 متر ومنها 2,5 ومنها مترين او تقص ام ثلاثة امتار نصفين وتصير متر ونصف
أبو هشام راشد
22/02/2011, 12:03 PM
فصلّ لك خزائن مختلفة المقاسات حسب استخدامك للمستودع بشرط رفعها عن الأرض وكذلك يكون لها أبواب لتكون حافظه لها من الغبار
سواق الشيخ
22/02/2011, 12:44 PM
فيه رفوف حديد صناعه أو تجميع محلي يبيعونها بالوحده


مثل اللي مركبه في أسواق العثيم


ركبت من عندهم على شكل حرف L جيده وقويه أرص عليها كيسين رز على بعض


وأضن عليها ضمان كلفتني حوالي 1800 تلقاها مقابل كلية الإتصالات مقابله تماما


للاستالايت المركب داخل الإتصالات من جهة الشمال


وعندهم أشكال وألوان بعدة تصاميم ولإستخدامات متنوعه


الماريه المحل فتحه وحده بين محلات تبيع مطابخ ومغاسل ألمنيوم يفتح جنوب


مواجه للاستالايت تماما

ولوماعرفت ولاقدرت تقضي لزومك تواصل معي على الخاص ومستعد أوصلك لبابهم
الوديّ
26/02/2011, 03:04 PM
تسلمو يا إخواني كل باسمه..عزّ الله انكم كفيتو ووفيتو ...ما اقول الا الله يحفظكم ويخليكم لعين ترجيكم ..