وش رأيك بعد ما تبارك لي؟!! فيه وإلا مافي حيله...

[عريدان]

الحقيقه ... إني ما أبي أضيع وقت أحد منككم وخاصة إن اليوم الاربعاء....ولكن
...هناك
...قرار
..إتخذته
...مفردا
ولم أستشير إلا انتم ألان فما رأيكم...
هالقرار سيكلف تقريباً بحدود ميزانيه 120000 fp],] hمن الوكاله 117500 ريال



أيه نسيت أقول كان الخيار بين
صحارى Wranglerمن جييب أو إكستيرا off road من نيسان !
http://www.cars.com/go/search/detail/photos/multiPhotoPopup.jsp?paId=369420084&tracktype=usedcc&aff=google#5


أو


http://images.thecarconnection.com/lrg/2011-nissan-xterra-4wd-4-door-auto-s-angular-front-exterior-view_100334850_l.jpg

[اخوكم بري]

الف مبروك والله يعطيك خيره ويكفيك شره

[أبو أسامة]

ما شاء الله ويستاهل الزين

والله يبارك لك فيه إن شاء الله

[قناص الحاير]

ماشاء الله
الله يعطيك من خيرها ويكفيك شرها

ارفق عليه من المطناج

[عريدان]

الاخوة القراء بارك الله لي ولكم ورزق الجميع من واسع فضله ولكل من شارك ورد علي لأن الرد والدعاء لأخوانكم من أصول الادب وحسن المعامله وطيب التربيه.. وكل ما في الموضوع حب المشاركه وزيادة المعلومات لمن لديه رغبه... تحياتي لكما جميعاً..

[تاج المودة]

ماشاء الله تبارك الله

الموتر يستاهل

الله يعطيك خيره ويكفيك شره وتتهنى فيه يارب

[ابو تركي9]

الف مبروك الله يعطيك من خيره ويكفيك شره

[المقنع666]

الله يعطيك خيرها ويكفيك شرها اذا شريت

وذا ما شريت شاور اهل الخبره عن ذي السياره والله يفتح عليك ابواب رزقه

[YUKON_GMC]

انت تستشيرنا والا اشتريت وخلصت ,,؟؟

الواضح من الموضوع انك تبي شورنا ..؟؟

وشوري لك لاتأخذ منهم شيء .. لأن اسعارتهم تطيح بسرعه لابغيت تبيع وخصوصاً الجيب وقطعه نار ..

الاكستيرا توها جديده بالسوق ولاتزال مجهوله عند البعض

لو عندك كاش خذ لك تويوتا 2010 مستعمل نظيف اطلق منهم كلهم

[عبدالرحمن1980]

انت تستشيرنا والا اشتريت وخلص ,,؟؟

الواضح من الموضوع انك تبي شورنا ..؟؟

وشوري لك لاتأخذ منهم شيء .. لأن اسعارتهم تطيح بسرعه لابغيت تبيع وخصوصاً الجيب وقطعه نار ..

الاكستيرا توها جديده بالسوق ولاتزال مجهوله عند البعض

لو عندك كاش خذ لك تويوتا 2010 مستعمل نظيف اطلق منهم كلهم

احسنت:good2:

وانا اقترح على اخوي ياخذ fj احسن له شف اسعاره في المعارض
وشف صبره وقوه تحمله ان تعاف الرنج والاكستيرا اللي يبي يبهذلونك بالقطع وطيحت السعر عند البيع

[العديم2009]

اخي الكريم اذا المبلغ موجود معك كاش
خذلك جيب لاند كروزر gxr من 2003 الى 2007 افضل لك
يمسك سعره اذا بغيت تبيع
وجهة نضر فقط تقبل تقدير

[عزيز 3333]

الأول jeep يمناك في الشحم ........ أسأل مجرب
لا وجديد مشاء الله


لا تاخذ علم الي يقول خذلك 2003 او 2004


تويوتا يمسك سعر
لكزس 140 مديل 2007 تبعيها الحين 85 بدون شاشه نقص 55000 آلف !!!
ثلاث سنوات !!!! توني بايعها
وبعدين الواحد ما يدري عن الدنيا اخذ تويوتا عشان افكر في البيع ؟؟؟؟


الشروكي 2004 2005 يباع 35-38 حسب النظافة
كان سعره جديد 80000



العملية نسبة وتناسب
والسعر في متناول الجميع


وبعدين ليش اخذ لاند 2010 230000
وبعدين سنتين ثلاث
165000-170000
شئ عجيب صراحة وين يمسك سعره

فيه واحد من العيال شاريه العام 205.000 مديل 2009
يعني كم يجب الحين
بتشتريه 190 ؟؟؟ ارسلي على الخاص نقص 15000 في 11 شهر !!

[YUKON_GMC]

^^

^^^^^^^^
يالغالي حنا نتكلم عن المستعمل ...



لو عندك كاش خذ لك تويوتا 2010 مستعمل نظيف اطلق منهم كلهم

لماتشريه نازل فيه مبلغ كبير عن سعر الوكاله يمسك سعره سنه كامله على الاقل ..

لكن الجديد اكيد مخسر مهما كان نوعه

[احمد الشمال]

وعليكم السلام

اخواني الاعزاء

الرجال يقول وقع الخيار على السيارتين اللي محددهن

ايهم افضل

ماقال وش تشورون علي اي سياره اخذها

هو اختار سيارتين ومحتار بينهن

وانا عن نفسي اكستيرا

وبالتوفيق ..

[مسير عليهم]

الاعمار بيد الله والدراهم مهيب رايحه مع الرجال لو توفى بعد عمر طويل

الى متى تفكيرنا في البيع والاهم راحتي النفسيه والجسدية

تايوتا تفتقر الراحة في المركب ليه اضيع فلوسي في تعب ظهري

كل الخيارين طيبه الرانجل يبي مداراه ومحافظ عليه وتشيك عليه كل فتره

الاكستيرا حلو ونشيط

الا يوم وصلت هالسعر ليه مافكرت في السييرا 2009 او 10 مستعمل اما غمارتين او غمارة ونص

[عبد الله 99]

ما ودي امدح في الشروكي بسبب حبي له ولا ودي امدح الأكستيرا لان انا كنت افكر في واحد منهم لاكن صرفت النظر عنهم لأسباب معلومه الشروكي قطعه غاليه و وكاله بايخه و الأكستيرا فيه كم عيب مصنعي في موديل 2008 و اعرف ثلاثة اشخاص اثنين طقت عليهم المكينه و واحد الدفرنس و الشروكي صحاري جربته في الوكاله قبل سنه و نص تقريبا تماتيك ما فيه حيل ابد كان اربع ابواب انت استخر على اني افضل الفوتشينر 6سلندر فل الفل

[الصقر الحربي]

إذا تبي الشور خذلك تويوتا أبركلك منه كد ومد وإذا جيت تبيعه ماسك سعره
والقطع متوفره
والله ييسر لك اللي فيه الخير

[mamsdt]

من بين هالسيارتين
انا انصحك بالرانجلر لانه يبدولي ان مالك نية بيع
لكن مشكلته فالوكاله مع اني سمعت انه بادي يتحسن
لكن من غير هالسيارتين
مافكرت فالسييرا 1500 قيمته اذكرها حول 114000
وانت استخر واللي نفسك فيه لا تشور احد فيه

[Bader-M]

من وجهة نظري الشخصية

الاكستيرا افضل بكثير

تقبل مروري

[التعـ King ـديل]

اكستيرا ولو تاخذه بعد استاندر وقير عادي عز الطرب والقوه

خذه اسود وقير عادي وعيش احلا ايامك قوه وخفه تحط كل الجيوب بمخباها وتمشي بهم

[عريدان]

بارك الله في الجميع من أشار أو تفرج وترك لي القرار أهم شي نطلع على معلةمات تفيدنا وأراء كانت غائبة عن بعضنا... اللهم يسر وبارك لي ولكل إخواني المسلمين

[shabrsh]

الاكستيرا ......

بصرااااحة موتر قوي في البر - ومريح بالخط -ولا اقوول رزه بس موتر وشكله مقبوووول

وصيانته وقطع الغيار متوفره ووكيله موجود واقوووى من شركة jeep

اما

jeep موتر بر - مقبوول على الخط (الاكستيرا افضل ) - شكله حلوو

لاكن وهذا عانى من الكثير ممن اعرفهم معه jeep موديلات 2008 او 2006 او 2007

قطع الغيار مشكلة وبكل صراااحة اخي - نااااار الاسعار - وغير متوفرة في السووق ((طلبية )) والله يعينك

تنتظر .

واذا جينا من ناحية التحمل بصرااااحة اتوقع الاكستيرا .

هذا ما لدي واسف على الاطالة.

وااما الي يفكر في البيع قبل الشراء من الحين اقووله ليه تشتري موتر وكالة الله يسلم المستعمل .

[أنا الذي...]

عليك بالرنجلر وإذا 4 أبواب وجير عادي تراه عز الطلب
ويكفيك لما تكشفة وتتمشابه في النفود