المساعد الشخصي الرقمي

مشاهدة النسخة كاملة : أبي طريق المحلية المزاحمية بتفصيل الله يعافيكم


هاوي الأربق
17/02/2011, 12:03 PM
السلام عليكم ورحمة الله وبركاته

صبحكم الله بالخير

تكرما لا أمرا احبابي أبي طريق المحلية المزاحمية أسمع عنه كثيييير ووالكل يمدحه
ما شاء الله وتبارك الله ويقلون منطقة رملية روووعة

ممكن توصفولي مكانها التفصيل الممل تراي ما دل زين :mad: والله وش يقابلني في الطريق من محطات من ارشادات وغيرها وهل هي منطقة خطرة أو لا ......

وهل المحلية خطرها على العوائل والأطفال الله يعافيكم
أبي شي بالتفصيل الله يافيكم افيدو اخوكم
سفير الجزيرة
17/02/2011, 01:14 PM
شوف يا الغالي

تتجه مع طريق مكة السريع وبعد ما تنزل من طلعة القدية يجيك كوبري اتجه يسار إلى ديراب وقصور المقبل
وابتل سيدة بتجيك محطة على اليمين تعدها
يجيك طريق على اليمين اوله مطبات رح معه وابتل سيييييييييييدة لين تجي النفود في وجهك والروضة مشبوكة على يمينك .

وصفها سهل للغاية ولا فيها ضيعة

تصلح للعوائل كرقم واحد

افضل وقت للشباب يوم الجمعة العصر لان فيها تطعيس وفلة حجاج
هاوي الأربق
17/02/2011, 01:33 PM
سفير الجزيرة
الله يجزاك كل خير يا رب
بس عندي استفسار :

طيب متى يجيني مفرق ديراب وقصور المقبل؟



كم المسافة بين المحطة
وطريق الي على اليمين الي اوله مطبات الله يعافيك؟

ابي المسافة كم تبعد عن الرياض ومتى اصفر العداد وفي اي مكان الله يعافيك
هاوي الأربق
17/02/2011, 02:45 PM
؟
؟
؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ ضروري
قبطان سلفر
17/02/2011, 03:15 PM
أول ما تنزل من القدية تمشي تقريباً 3كم
يجيك كبري يمين تروح لضرما ومرات
يسار تروح لقصور المقبل وديراب
أنت لف يسار ،، تمشي مسافه ما هيب بعيده
تقريباً 5أو 7 كم
يجيك طريق سيد واحد يلف يمين ،، ما فيه الا هو
أخذ معه يمين وتمشي يا طويل العمر لين تدخل بين جبلين (ريع)
اول ما تعداه تشوف الطعوس قدامك الخط يقسمها قسمين
،،،
اذا معك عوائل تعد الطعوس ولف عقبها يمين فيه اماكن زينه
،،،
المحطات قبل ما تنزل من القدية تجيك محطة الحجاز والنجمة
أفضل المحاط على الطريق
،،،،
رحلة موفقة
nayf01
17/02/2011, 03:25 PM
كما ذكر لك ياخي الكريم
اذا لفيت مع الطريق يسار او شرق هذ اسمه طريق ديراب
ومنه مفرق صغير يسار لقصور المقبل التي لاتبعد عن الكبري اكثر من 2كم
واول طريق يمين مزفلت لف معه وقدامك جبلين كبيرين الخط يعبر من بينهمتا وبمجر وصولك لريع بين الجبلين
نشوف الروضة المشبوكة على يمينك
وخلفها وغرب منها طعوس
ومقابلها شرق طعوس
واحسن تسلك الطريق الى الامام حتى ياتيك شيب تعبي من الوائتات على يدك الايسار
وبعده تاتيك ردمية من بين الاستراحات تروح يمين وبعد الوادي ياتيكخط مزفلت ومتعرج
يروح للمزاحمية عبر العروق
وامن حيث اكثر الكشاته والعوائل يكونون في ذلك المكان
هاوي الأربق
18/02/2011, 10:45 PM
مشكورين الله يعافيكم

سهل الله آمركم