أرائكم ياوجوه الخير

[al-ahmadi7]

السلام عليكم ورحمة الله وبركاتة


ياجماعة الخير محتار أبغى أخذ سيارة دفع رباعي قوية وتكون عائلية في نفس الوقت ولدي طفلين صغار ولله الحمد يعني عائلة صغيرة،فابغى أستشيركم في كذى سيارة مع العلم اني احب البر وطبيعة المنطقة ساحلية اما ديرتي جبلية فمحتار بين كذى سيارة وياليت تشورون علي بسيارات اخرى على حسب خبرتكم:
1- فورتشنر v6 قير عادي او اوتو2011
2- همر h3 2011
3- جيب ربع تويوتا 2011
4- fg 2011
فانا منتظر ردودكم القيمة وأرائكم المميزة بالنسبة لي،،،،،،، وأتمنى من الله التوفيق لنا ولكم:)


:sولكم مني جزيل الشكر والإمتنان:s

[مدمن فتك]

من بين الخيارات ارشح الاف جي
الاسباب:
القوة
الراحه
المساحه بالنسبة لعائلتك مناسبه
وقبلها استخر والله يوفقك

[volcano]

وعليكم السلام ورحمة الله وبركاته

الاف جي غير مناسب للعائلة لا شكلا ولا عملا كل ما جيت تركب العيال ورا بتنزل من الموتر وخلفية ضيقة جدا
الهمر حلو اذا توفر قريب منك وكيل او موزع لقطع الغيار وافضل من الاف جي
الربع يكسر الظهر اخو الشاص مايصلح للبلد
الفور تشنر اوتو مناسب جدا الا اذا كنت من النوع اللي يحب العادي ومساحة داخلية واسعة اضف الى توفر الوكيل والموزعين في كل مكان

استخير وبالتوفيق

[شمالات نجد]

أولاً قبل أنصحك بالسيارة أبيك تشيل فكرة القير العادي من راسك

حتى لو كان عذرك أنك إذا سافرت للديره بحكم طبيعتها الجبليه بتحتاج القير العادي

التماتيك تطور عن أول وأصبح ينافس بل أصبح هو المرغوب في السوق بعد ما كانوا الناس لا يلتفتون له سابقاً

ثانياً: بحكم وضعك العائلي المشابه لوضعي أنصحك بالإف جي فل كامل إذا أنت هاضم شكله ومواصفاته الداخليه

أو بالفورتشنر فل كامل.

ولا تنسى قبل هذا كله انك تستخير

الله يسمح أمرك ويوفقك

سلام

[شيخ المواتر]

ما اتوقع الربع يصلح لك لأنه رفيع و متعب,, و الهمر مو الكل يعرف يصلحه.

عندك الاف جي و الفورتشنر .

خذ اللي يريحك

[al-ahmadi7]

والله ونعم الأراء ونعم المشورة
أنا ممنون لكم بكل الشكر والتقدير على ردودكم الجميلة والنصائح الراسخة.فعلا راح أستخير رب العالمين،
وجزاكم الله عنا كل خير،وأتمنى من الله التوفيق لنا ولكم في الدارين

[((ابوملاك))]

ولو انهم جاوبوك الشباب بس عندي اضافه بسيطه

اولا يا طويل العمر الربع شله من رأسك مو عائلي ابد ومو راسي

يبقى عندك الهمر والاف جي والفورتشنر

والاف جي ضيق من ورا وشكله من داخل يرجع للذوق بس بنظري مو مقبول

يبقى عندك الفورتشنر والهمر

الفورتشنر عند اخوي 2010 عيبه مو مريح قاسيه مراتبه زي البرادو وترا 2010 عن 2011 مافرق شئ ابد

خذ همر الفا مكينه 8 سلندر وعيش حياتك

ادخل منتديات همر العربيه شفه عساه يعجبك

مكينه الفا 8 سلندر 300 حصان

القطع مثل اليوكن بس قطع البدي غير يعني قطع داخليه مثل اليوكن حسب علمي اصلا مكينته مكينة يوكن

وبعام 2009 كان سعره 150.000 شف سعره الحين

ان افدتك لو بشئ بسيط مابي منك الا دعوه

[al-ahmadi7]

الله يجزاك بالخير يااخ مجهول ويرفع قدرك،،،،
واشكرك على مشورتك يالغالي.