كيف اوقف دوران عامود الدبل في الشروكي

[أبو يوسف]

السلام عليكم ورحمة الله وبركاته

باختصار علشان ما اطول عليكم
اذا مشيت دار عامود الدبل وطلع اصوات عند الفرملة ثم السير من جديد
قالوا لي هذي عادي في الشروكي
لكن مسويه لي ازعاج وقلق
وشلون انهي دوران العامود بطريقة ليس من الصعب اعادته مرة ثانية
لأن فيه ناس يفكون العامود
وانا اسبوعيا تقريبا اطلع للنفود
وصعب ومكلف علي فك العامود
هل فيه طريقة اخرى
وهل الفرارات تفيدني في ذلك ،، لأني سمعت ان الفرارات لا تنفع للشروكي

مع الشكر مقدما للمشاركين

تحيتي

[الربذي]

صدقن ماذكر شفت شروكي فيه فرارات لكن الفرارات تفصل الدبل ويخف الصوت وروعة
من مجرب

[أبو يوسف]

ايه انا ودي اخوي الربذي بالفرارات لكن هل تنفع للشروكي ؟؟؟ هذا هو السؤال

مشكور على مرورك

تحيتي

[ابومناحي]

نعم فيه فرارات للشروكي وهذي الصورة والموقع والسعر

http://www.discountjeepparts.com/catalog/images/products/imagecache/warn/warn-premhub-50x0.jpg

ارعص هنا لموقعهم (http://www.discountjeepparts.com/catalog/index.php/cPath/2880_238_245?osCsid=fc30c21d2d73260d5d48913fd55d46 96)

[الربذي]

السلام عليكم ورحمة الله وبركاته
نعم اصلا هي تركب عشان كذا وتوقف دوران العمود وكان السياره مابها دبل بس لازم اذا اردت ان تطعس او تستعمل الدبل بان تقوم بقفلها يعني فرها الى 4/4 او اذا lock تصير free
محبك

[المرابط]

بالنسبه للفرارات

تفصل العكوس

ما تدور مع الكفر

اما العمود سيستمر بالدوران

حسب خبرتى المتواضعه

[ابو_هيا]

يا طويل العمر انا معي شروكي رانجلر وكانت عندي نفس المشكله

وحلها يا طويل العمر انك تفصل السلك الي مشبوك في الدفرنس ومعاد يدور العمود

تحياتي لك

[m1m]

الصوت ليس صوت العمود الصوت لأن الدبل في وضع مهيأ للتشغيل ..

يعني وضع الفرارات راح تزيل الصوت وتخف صرفية البنزين .. إلا إذا كان عندك مشكلة في العمود

[أبو يوسف]

انا قالوا لي ما تنفع الفرارات للشروكي

هل هذا صحيح

وهل ركبها احد ونفعت معه


اتمنى اني اجد جواب شافي للموضوع

تحيتي

[مهراس]

السلام عليكم ورحمة الله وبركاته:

كان عندي نفس المشكله يابو يوسف وهي صوت الونه وصلحتها (بمبلغ وقدره)، لكن ودي أعرف ايش قال لك الميكانيكي علشان اجاوبك زين. تحياتي لك.
أبوفهد

[ابومناحي]

بالنسبه للفرارات

تفصل العكوس

ما تدور مع الكفر

اما العمود سيستمر بالدوران

حسب خبرتى المتواضعه

اخي العزيز لتصحيح معلومتك
العامود مايدور مع الفرارات

[المرابط]

تسلم ابو مناحي

[ab0_feras]

السلام عليكم ورحمة الله وبركاته

حقيقة كنت ناوي اسأل في موضوع مستقل ولكن للمشاركة ... انا عندي مشكلة عكس مشكلة الأخ أبو يوسف

انا شريت جيب بس راعيه الأول ماهو راعي بر وفاصل عمود الدبل نهائيا ويوم باعني دور للعمود ومالقيه وتورطت انا .... دورت في تشاليح الدمام ومالقيت والجديد الأصلي ب 1800 والأمريكي ب 1050

وما أدري وش السواة افكر اطلع الكويت ولا احد خبر لي شئ للبيع وسلامتكم

مواصفات الجيب شيروكي 96 جير اوتوماتيك

اشكر الأخ الذي وضع الرابط أعلاه ووجدته متخصص في قطع غيار Jeep بس اذا ممكن احد يعطيني ترجمة عمود الدبل بالانجليزي ودي ابحث واشوف الاسعار

ودمتم

[ab0_feras]

للرفع ........يا شباب احد عنده علم ؟؟؟؟

[مهراس]

السلام عليكم ورحمة الله وبركاته:

هلا بأبو فارس(زين لحقتك)....عمود الدبل اسمه (Drive train) أو عمود الحركه الأمامي.
عندي بعض المعلومات بالنسبه للشيروكي:
اول موديل قراند شيروكي كان 93 وأول موديل وصل السعوديه 94.
الجيوب الشيروكي 6 سلندر فقط 4.0 لتر
الجيوب القراند شيروكي ظهرت بمكينة في مجموعتها سعتها 5.9 لتر ولا أعتقد انها وصلت السعوديه.
الجيوب الشيروكي والقراند ما تركب عليها فرارات.
الجيوب الشيروكي والقراند لها اربع انواع من الدبلات.

والمعذره ان كان هنك اخطاء، ارجو من الجميع التصحيح لتعم الفائده ولكم الشكر.

[الواهج]

ابو فارس اذا كنت قريب من الكويت انصحك تمر سكراب امغره ( الجهراء ) انا كنت اعاني من عامود الدبل بالشروكي وكان فيه عوج من الطرد بالبران وسمته بالوكالة قالي ب 120 اصلي والامريكي ب 80 وشريته من السكراب ب 25 دينار . لانه عندنا تجار يجيبون شروكيات من اليابان و بعض الدول الاوربية تجي سكان يمين مدعومة ويبيعونها حديد سكراب يعد ما يشلحونها

[أبو يوسف]

شكرا لكم على ابداء الرأي

ويظل السؤال الكبييييير

كيف اوقف دوران العامود بطريقة يمكنني من شبكه باي وقت

تحيتي

[مهراس]

السلام عليكم ورحمة الله وبركاته:

أبو يوسف جواب سؤالك لايمكن ايقاف دوران عمود الدبل مادام هو راكب في السياره.

اتمنى لك التوفيق./ ابوفهد

[faisal1111]

والله ياجماعة انا بهذلني هذا الموتر المسمى شيروكي 94 سته سلندر وخاصة في الكهرباء ادور على كهربائي ممتاز في الرياض مالقيت كلهم يبغون يجربون لانه بصراحة عندي مشكلة الحساس حق الماكينة مايشتغل يمكن مفصول عن ساعة الحرارة او ان ساعة الحرارة فيها مشكلة لانها واقفة تحت تحية للاخوان وياريت المساعدة الله يسهل اموركم

[سوبر VTC]

اخوي فيصل الافضل

كتابة موضوع جديد بخيمة اعطال السيارات
او
وضع استفسار في رابطة الشيروكي