المساعد الشخصي الرقمي

مشاهدة النسخة كاملة : افضل كفرات للجيب الحجرية لطرد الارانب في الحصى والفرووش


ابو ملقاط
19/02/2011, 02:48 PM
السلام عليكم ورحمة الله وبركاته


وش افضل كفرات للجيب تتحمل حصى وجرش وقوي ويعيش خاصة لما تطرط ارانب في الحصى ههههههههههه والشعبان وشو الكفر الي يتحمل دف الحصى وسرعة في الحصى كفرات مطراد في الشعبان والفروش
طبعا الجنوط 16هلل
نسمع نصايحكم خاصة اهل الوعر يالبى قلوبكم
شبل داورد 1
19/02/2011, 02:52 PM
وعليكم السلام والرحمه
أفضل الكفرات البالون
من واقع تجربه
والله أنا نطرد على 80في حره ماشاء الله تبارك الله
قناص الغداري
19/02/2011, 02:58 PM
ماكسس بالون الخاص بالارض الوعرة
اتجاه السحاب
19/02/2011, 03:39 PM
بالون أودنلوب عريض
كل ماصار الجنط عريض صار افضل لان الكفر يفرش اكثر
ابو حسان الجنوبي
19/02/2011, 03:43 PM
البالون من ماكسس او سيام أو دنلوب
زمزم 100
19/02/2011, 03:47 PM
الله يثبتنا بالعقول .

تنصحون الرجال بالبالون في طريق بر جلد و حصى !!

يا أخي مالك إلا حجرية .

البالون مخصص للنفود فقط .
جديعان
19/02/2011, 04:40 PM
فيه نوع اندنوسي يجي مع جيب العشه تايوتا قديمااااا يشهد الله انه حق جلد واماااكن وعره والكفر سخيف

ما ادري وش اسمه يفيدونك الاخواان

وعندك الكفر ذا شوفه مدري وش نوعه ياليت الاخوان يفيدوناا



http://www.mekshat.com/pix/upload05/images205/mk187072_mk187072_gjhjh[1].jpg
مجالس الرجال
19/02/2011, 05:30 PM
على حسب المكان لكن اذا الحصى من الحاد فالحل كفرات 14 كاندس نفس اللي على الدينات
بس ماتستخدمه على الزفلت لان البالون مايتحمل هالنوع من الحصلى عند الطرد واللفات القويه
المستحيل2006
19/02/2011, 07:41 PM
دانلوب الي يجي على الربع هذي احلى كفرات للجلد والوعر من واقع تجربة وخذ نوع 8 طبقات بس الله يعينك على المطب ولو تبي مطب اخف خذ 6 طبقات ...... هذه وجهة نظري
عبد الله 99
19/02/2011, 08:58 PM
الله يثبتنا بالعقول .

تنصحون الرجال بالبالون في طريق بر جلد و حصى !!

يا أخي مالك إلا حجرية .

البالون مخصص للنفود فقط .
انا اشهد انك ذيبان
شبل داورد 1
19/02/2011, 09:08 PM
فيه نوع اندنوسي يجي مع جيب العشه تايوتا قديمااااا يشهد الله انه حق جلد واماااكن وعره والكفر سخيف

ما ادري وش اسمه يفيدونك الاخواان

وعندك الكفر ذا شوفه مدري وش نوعه ياليت الاخوان يفيدوناا



http://www.mekshat.com/pix/upload05/images205/mk187072_mk187072_gjhjh[1].jpg
الكفرات ذولي فيها صبر وتحمل بس ؟؟؟؟؟
ماتنفع بريال في الحره لرجال القناص من واقع تجربه الطرد في الحره يبغا كفر لين يتخفش ويريح الموتر والرماي حنا مره قنصان على موترين موتر بالون وأنا كفرات بلد حقة الجكس المضلع في الاخير صرة اوقف سيارت وركب معهم

اما ذولي والله لتعيفك في المقناص كله

غييييييييييييييييييييييييير البالون لاتدور
رمل جلد حصاء :good2::good2::good2::good2:
فهد؟
19/02/2011, 09:09 PM
السلام عليكم اخوي انا دايم اقنص الحره جنوط 16 سخيف الجنط واصلي وتيوبلس وبالون ماكسس واخلي الهوا 25 راحه وبعد الله مافيه اي بنشر اسال مجرب ولا تسال طبيب الي يقولون البالون مو حق حره انا عكس رائيهم من واقع تجربه لا كن طع شوري انت وجرب رح تدعيلي
ابو ملقاط
19/02/2011, 09:14 PM
وعليكم السلام والرحمه
أفضل الكفرات البالون
من واقع تجربه
والله أنا نطرد على 80في حره ماشاء الله تبارك الله


لاهنت يا بو مصعب على الافاده
بس البالون في الحصى قد جربته ماينفع الافي الحصى الصغار اما الكبار وعلى سرعة ما يوفي بالغرض خاصة في الفات
المشكله ان فيه ناس كثير اسمعهم يمدحون البالون خاصة الماكسس لكن ماني مقتنع
البالون اعرف انه لردميات الطويله والرمل والضلعان الخفيفة
دمت بود
شبل داورد 1
19/02/2011, 09:16 PM
السلام عليكم اخوي انا دايم اقنص الحره جنوط 16 سخيف الجنط واصلي وتيوبلس وبالون ماكسس واخلي الهوا 25 راحه وبعد الله مافيه اي بنشر اسال مجرب ولا تسال طبيب الي يقولون البالون مو حق حره انا عكس رائيهم من واقع تجربه لا كن طع شوري انت وجرب رح تدعيلي


:good2::good2::good2::good2::good2::good2:

خذ العلم من مجرب
ابو ملقاط
19/02/2011, 09:27 PM
دانلوب الي يجي على الربع هذي احلى كفرات للجلد والوعر من واقع تجربة وخذ نوع 8 طبقات بس الله يعينك على المطب ولو تبي مطب اخف خذ 6 طبقات ...... هذه وجهة نظري
لاهنت يا المستحيل على مرورك
يعني تقصد الدانلوب الي تجي على الربع والشاص شد بلد
فيه نوع ثاني وقد جربته الي يجي على الجي اكس دانلوب ابو لبنه بس مشكلته لازم يكون ضغط الهوا فيه اثناء الطرد اكثر من 30 بس المشكله مطبه قوي
اذا كان هواه ناقص مثلا 20 او 25 يكرش جنب الكفر ويتشقق من الحصى من الجوانب
ولا هو كفر ضلع انا اشهد له
ابو ملقاط
19/02/2011, 09:39 PM
:good2::good2::good2::good2::good2::good2:

خذ العلم من مجرب
بيض الله وجهك يا ابو مصعب ووجيه الاخوان على المعلومات القيمه
اجل نشتري بالون ماكسس ونوكل الله
والله قد جربت بالون بس مبطي نوعه هانكوك اضنه انقطع من السوق الان لا باس به بس يلعب فيه الشوك وماكمل سنه
سؤال عن البالون الماكسس كم عمره الي اعرفه ان البالون مايكمل سنه واذا كنت محافض سنه ونص
ما ادري كم يدوم لان سعر الحجري صار زي سعر البالون لكن الحجري المضلع يدوم الى 3او 4 سنوات
سؤال ثاني الرجه وما ادراك عن الرجه في البالون كل انواع البولين ترج ولا فيه نوع عن نوع
تحياتي لكم
ابوحمد666
19/02/2011, 09:47 PM
اخوي خذ العلم الاكيد من واقع سنين
بعض الاخوان يقول البالون مخصص للنفود وهذا غير صحيح لانه لو كان كذالك كان تشوف اللي يطعسون يركبونه!!
راكب ماكسس صناعه تايون ولاتقرب الجديد وهو صناعه فيتناميه ماكسس لانه يرجع مره واغلب اللي ركبوه يسبونه بالحيل
اخيرا اقول ركب بالون وحط الهواء 18 بالبر والوعر وادعس ولا تناظر قدام
اما اذا زودت الهواء الله يعينك على البنشره
بالخطوط والسفر 35 وتوكل على الله
تحياتي لك
محيسن1
19/02/2011, 09:50 PM
اخوي خذ العلم الاكيد من واقع سنين
بعض الاخوان يقول البالون مخصص للنفود وهذا غير صحيح لانه لو كان كذالك كان تشوف اللي يطعسون يركبونه!!
راكب ماكسس صناعه تايون ولاتقرب الجديد وهو صناعه فيتناميه ماكسس لانه يرجع مره واغلب اللي ركبوه يسبونه بالحيل
اخيرا اقول ركب بالون وحط الهواء 18 بالبر والوعر وادعس ولا تناظر قدام
اما اذا زودت الهواء الله يعينك على البنشره
بالخطوط والسفر 35 وتوكل على الله
تحياتي لك


كلامك عين العقل
ومجربه انت كذا:good2::good2::good2::good2:
شبل داورد 1
19/02/2011, 09:50 PM
بيض الله وجهك يا ابو مصعب ووجيه الاخوان على المعلومات القيمه
اجل نشتري بالون ماكسس ونوكل الله
والله قد جربت بالون بس مبطي نوعه هانكوك اضنه انقطع من السوق الان لا باس به بس يلعب فيه الشوك وماكمل سنه
سؤال عن البالون الماكسس كم عمره الي اعرفه ان البالون مايكمل سنه واذا كنت محافض سنه ونص
ما ادري كم يدوم لان سعر الحجري صار زي سعر البالون لكن الحجري المضلع يدوم الى 3او 4 سنوات
سؤال ثاني الرجه وما ادراك عن الرجه في البالون كل انواع البولين ترج ولا فيه نوع عن نوع
تحياتي لكم

وجهك أبيض

البالون كله يرج ماعدى سمتاير وهو غير موجود في السعوديه

والبالون مايطول بس
أحسن طريقه هي أنك تشتري بالون وتخليه للمقناص فقط
وأذا رجعت لديره تنزلها وتركب كفرات البلد
وهاذي طريقة كثير من الشباب
لدرجة أنك أذا جيت البناشر عندنا تلقها مليانه هاذي لفلان وهاذي لفلان ههههههههههههههههه

تحياتي
((ابوملاك))
19/02/2011, 10:47 PM
ياخوان النفود ما يبيله بالون

النفود يبي له شئ له نقشه ( زي الجراف ) علشان ماتغرز يوخر الرمل مو زي البالون ناعم كانه يبي يغرز بك بالرمل

الجبلي اللي نقشته كبيره هذا للبر والنفود وبعضها فيها اصوات بالشارع وهي تكون مخصصه للطين فقط او للحجارة فقط

فا حاول تشوف ال all trean < مني متأكد من التهجئه

هذي هي تكون لكل شئ

واذا ماهمك الصوت تبي اللي نقشته كبيره وما يفشلك لا ببر ونفود خذ المخصص للطين او للحجارة فقط تجيك نقشته كبيره بالحيل

والبالون الله حق مريح للموتر ولك وزينته مابه اسلاك يعني بس كفر ممكن يصلح للحجر بس للنفود ابدا !!!

وهذا من انواع المد تاير ويصلح للنفود بالحيل بس ماتوقع تحتاجه لهالدرجه شف نقشته

http://www.finddiscounttire.info/wp-content/uploads/mud-tires/20/outlaw_mud_tire.jpg

http://discount-tirecenter.com/wp-content/uploads/2010/06/truck-mud-tires.jpg

وهذي للرمال

http://www.sandtiresunlimited.com/graphics/13P_big.jpg

وحتى على الدراجات بالرمال جراف

http://image.atvrideronline.com/f/8843450+w750+st0/0712_atvp_02_z+sand_tires_tech2_boots_grips_thrash ed+sti_sand_trax_tire.jpg

عمرك شفت مرهم او اي سيارة مرهمه مركب بالون ؟

باختصار البالون مريح فقط بس عمره قصير وبسنتين تشري 8 كفرات
ALBDRANE
20/02/2011, 12:47 AM
قال ايش خذ كفرات عراض تفرش الله يفرش العدو .....
تفرش على حصى وين يبو الشباب عسى ماشر
ABUAZIZ
20/02/2011, 01:15 AM
الله يثبتنا بالعقول .

تنصحون الرجال بالبالون في طريق بر جلد و حصى !!

يا أخي مالك إلا حجرية .

البالون مخصص للنفود فقط .

مالك لوا يا اخوي البالوون ممتاز في الحصى لانه يجي ثمانيه غاط وجوانبة بعد ثمانية غاط

اما الدنلوب يجي سته غاط وجوانبه ضعيفه يشقها الحصى

لكن انصحك بالدنلوب لان البالون يحوس الموتر يفككه ويلعب بالدود غير انه ماهنا رساوه وثقيل
مليح البآرود
20/02/2011, 01:33 AM
اقول البالون حق تطعيس ومنظر وكشخه انصحك بالدلوب
راعي المجهم
20/02/2011, 01:39 AM
فيه نوع أندونيسي نقشة دنلوب مضلع سعره 380 ريال

ممتااااااااااااااااز جداً في الحرة وفي الرمل نزل الهواء 20 وتمشى بدون دبل
Abu Mnsor
20/02/2011, 03:25 AM
السلام عليكم


للأخوان اللي قالو ان البالون ماينفع
ماعندكم سالفه ولا معرفه مع احترامي لكم

انا راح اتكلم عن تجربه شخصيه انشاءالله تفيدكم مثل مانا استفدت منها

انا اقنص الحره والارض الوعر لي اكثر من 15 سنه
جربت كل نوع كفر يخطر فبالك موجود عندنا بالسوق
طبعا الكفرات الحجريه
مانفعت معي نهائيا مو شرط بناشر لكن تهد السياره وبعضها يبنشر وهو جديد
حتى صرت آخذ اسبيرين واحيانا ثلاثه احتياطا
لين نصحني احد زملائي بكفر البالون نوعيه ماكسس او مالون او دانلوب
بشرط اني احط هواء الكفر 25
بالفعل تم شراء بالون وقنصت فيهن ولقيت فيهن المميزات التاليه

الراحه لسواق ولسياره
نسبه البنشر ضعيفه
مرونه الكفر بالاماكن شديده الوعوره
يرفع بطن السياره
تاخذ البطانيج والجروف والمطبات بكل سهوله وراحه

سلبياته
ماينفع للأسفلت نهائيا
عمره قصير جدا
الرجه لابد منها بالاسفلت
ينطعج الكفر اذا كان له وقت طويل واقف يبيله ربع ساعه يتعدل


عموما انا اتكلم عن تجربه لي وعندي طقم بالبيت كل ماجاء طاري قنصه ركبتهن
واتمنى اني افدتكم وشكرا
مكشاتي 2011
20/02/2011, 02:34 PM
دنلوب :good2::good2:
بحيران
20/02/2011, 02:50 PM
خذ البالون وخاصه ماكسس ابوجمل هذا الي ينفع للحجره والارض الصخريه واسأل مجرب اما ابوكفر عريض ولا دنلوب تراي قبلك اربع بناشر بالحره وعقبها مافيه الا بالون واذا وصلت الديره نزلته وركبت دنلوب للمدينه
ابو ملقاط
20/02/2011, 03:52 PM
طيب يا اخون ليش اهل الجنوب وسياراتهم ما ركبوا بالون مع ان ديرتهم هي المقياس كلها جبال وحصى
كل سيارات الجنوب وجيوبهم مركبين حجري واندنوسي ودانلوب ليش مايركبون بوالين
حتى رحت الصيفية ذي لليمن ماشفت احد مركب بالون مع ان 90 % من سياراتهم جيب عشة وصوالين وشيصان
ابي رد مقنع يالي تقلون ان البالون دواء الحصى والشعبان والجلد
تحياتي:confused::confused:
ابوحمد666
20/02/2011, 06:57 PM
اخوي ابو ملقاط ,,,انت سالت وبعض الاعضاء اجابك من واقع تجارب فا انت حر في اختيارك ,,
اما سؤالك ليش بالجنوب ما يركبون بالون وباليمن ؟
لان كفر البالون تقيل على الجيب العشه والشواصي وخاصه القديمه! بعدين ارض الجنوب ليست بذاك الوعوره وطبيعة الارض ما تعطيك مجال انك تطرد بسرعه عاليه لكونها جبليه ولا تقارن با ارض الحره وبعض اراضي الشمال,, بعدين هات الكفرات الاندونسيه والدنلوب والحجريه وابغاك تمشي خلفي بسرعه فوق 120 لقنص الجوني والكرك في اراضي ما تقدر تمشي على رجولك ونشوف كيف ايش بتكون الكفرات اللي انت تقول!!
اما اذا بتطلع للبر ومنطقة وعره وبتتمشى عادي فركب أي كفر بس حط الهواء فوق 35 حتى لا تتعرض للبنشر,
فلذا كفر البالون لا يختلف عليه اثنين للمناطق الوعره لكنه ناجح على سيارات معينه فقط وسيارات لا وذلك بسبب الرجه.
اتمنى اني افدتك
ابو ملقاط
20/02/2011, 07:37 PM
اخوي ابو ملقاط ,,,انت سالت وبعض الاعضاء اجابك من واقع تجارب فا انت حر في اختيارك ,,
اما سؤالك ليش بالجنوب ما يركبون بالون وباليمن ؟
لان كفر البالون تقيل على الجيب العشه والشواصي وخاصه القديمه! بعدين ارض الجنوب ليست بذاك الوعوره وطبيعة الارض ما تعطيك مجال انك تطرد بسرعه عاليه لكونها جبليه ولا تقارن با ارض الحره وبعض اراضي الشمال,, بعدين هات الكفرات الاندونسيه والدنلوب والحجريه وابغاك تمشي خلفي بسرعه فوق 120 لقنص الجوني والكرك في اراضي ما تقدر تمشي على رجولك ونشوف كيف ايش بتكون الكفرات اللي انت تقول!!
اما اذا بتطلع للبر ومنطقة وعره وبتتمشى عادي فركب أي كفر بس حط الهواء فوق 35 حتى لا تتعرض للبنشر,
فلذا كفر البالون لا يختلف عليه اثنين للمناطق الوعره لكنه ناجح على سيارات معينه فقط وسيارات لا وذلك بسبب الرجه.
اتمنى اني افدتك















كفيت ووفيت يابو حمد
كلام سليم في الوقت السليم
خلاص علشانك يابو حمد بركب بالون على الجي وباطرد به مو ارانب بطردبه وبران هع هع هع:hot::hot::hot:
بس ياويلك ان انشق الكفر :mad::mad:
دمت بود
هواوي صيد
20/02/2011, 08:00 PM
من واقع تجربه

عليك بالبالون ماكسس

لكن يعيبه ان عمره قصير

اهم شي الهوا لا ينقص عن 25
عريدان
21/02/2011, 12:50 PM
من واقع خبره البالون لا يتعرض للشوك أما غيره في البر فهو كفر وخاصة إذا الهوا موزون على 25 والتحميل معتدل.. وفيه كان نوع ثويو ياباني والله أخطر من الحجري بعد لكن اعتقد ما يجي الحين... وكنت مجربه في كذا مقناص
السهم القاتل
15/08/2011, 05:35 PM
بالنسبة يا اخوان للي يقولون البالون فيه رجه

انا مركب ماكسس 8 غاط

و رصصته عند المجد ترصيص ارضي بـ 70 ريال

و الحين و الله و لا احسن منه

اتمنى افدتكم ...
عاشق بوظبى
17/08/2011, 02:31 AM
bf goodrich all terrain
ولا تركب غيرهم، هذه النوعية ممتازة و حق جميع الطرق، اسفلت-بر-للارض الوعرة، قيمتهم غالية بس عن تجربة و لا اروع .

الرابط: http://www.bfgoodrichtires.com/tire-selector/name/all-terrain-t-a-ko-tires
ABU HAIBAH
17/08/2011, 04:57 AM
ياولد اسمع الكلام مافيه مثل البالون نقص الهواء وتسلم من المطب والبنشر والغراز كان تسمع الشور طعني وقل تم انا طالبك
راع الريمة
17/08/2011, 05:11 AM
ياااطويل العمر....وش تبي بس؟؟

أنا عندي شاص ...وعندي باترول ..

وديارنا عظيه...يعني حرار -الحصى مثل روس الرجال..ومنها رمل لكن مومثل النفود

وطال عمرك عندي كفرات حجرية"مظلع" على جنوط هلل مهي باصليه....هذي مخليها احتياط للشاص يوم اتقنص عليه وإلا يوم ادور البل ..لاني مركب للشاط جنوط 17 وماتنفع للحرار...

وصدقني والله انها احيانا تطير أوصاااال من الكفر يوم اطرد الارنب ولايضره شي...
وعندي الباترول مركبله هلل وكفرات اندونيسيه ...برضه ممتاااازة وميزتها ماتطلع صوت ورجه مثل الحجرية

أنا وانا اخوك مجربها كلها...والله اني أفتح طرق مثل أبو جنزير ....ولايضر سياراتي شي

كفرات مضبوووووطة

المضلع الاندونيسي...مثل اللي على الجيب العشه
والنوع الثاني اندونيسي لكن مو مضلع


وأنا اقنص ارانب وأعرف بهذلتها وطردها
وليد46
17/08/2011, 05:21 AM
ياااطويل العمر....وش تبي بس؟؟

أنا عندي شاص ...وعندي باترول ..

وديارنا عظيه...يعني حرار -الحصى مثل روس الرجال..ومنها رمل لكن مومثل النفود

وطال عمرك عندي كفرات حجرية"مظلع" على جنوط هلل مهي باصليه....هذي مخليها احتياط للشاص يوم اتقنص عليه وإلا يوم ادور البل ..لاني مركب للشاط جنوط 17 وماتنفع للحرار...

وصدقني والله انها احيانا تطير أوصاااال من الكفر يوم اطرد الارنب ولايضره شي...


وعندي الباترول مركبله هلل وكفرات اندونيسيه ...برضه ممتاااازة وميزتها ماتطلع صوت ورجه مثل الحجرية


أنا وانا اخوك مجربها كلها...والله اني أفتح طرق مثل أبو جنزير ....ولايضر سياراتي شي


كفرات مضبوووووطة

المضلع الاندونيسي...مثل اللي على الجيب العشه


والنوع الثاني اندونيسي لكن مو مضلع


وأنا اقنص ارانب وأعرف بهذلتها وطردها


كلام يمكن يكون صحيييييييح لكن قوييييه بحق الرجاال كلمة حصى مثل روس الرجال

ههههههههههههههههههه
ارفع مقامك
17/08/2011, 05:24 AM
البالون يمدحونه
ياحبي للغطاط
17/08/2011, 05:46 AM
البالون وانا اخوك وريح راسك
بن فتن
17/08/2011, 06:25 AM
صلو على النبي ( اللهم صلي وسلم على سيدنا ونبينا محمد ) بالنسبه للكفرات انصحك بالدنلوب 285-35 وانا شريتها قبل امس من جده لاني لم احصلها بالطائف وسعر الكفر 620 مع التركيب والترصيص ووزن الاذرعه في محل اسمه الثريا في كيلو 2 وذلك من واقع تجربه لان مناطقنا جبليه علما ان موتري 2077 هدد والجنوط هلل 16 ولك احترامي والسلام عليكم
Messerschmitt
17/08/2011, 07:06 AM
دانلوب ( اللي يجي على الهدد القديم 97)

دانلوب ( الهدد الجديد ) dunlop grippers

يوكوهاما ( اللي يجي على الربع ) super hajari
وليد46
18/08/2011, 04:29 AM
والله يالحصى والطرد مامثل البالوووووووووووون بس نقص هوااه وسو الي تسوي وعيبه مثل ماقالوا الاخوان

عمررررررررره قصير
المويزري
18/08/2011, 04:43 AM
ياخوي انا اقنص حجره وحره واطرد ولف بالحجره جني امشي على قار ولاعمره بنشر معاي ونطرد الكدري يعني اطرد سرعتي من 130 وفوق ماشفت مثل ابوجمل البالون واللي يقولك البالون للنفوذ مع احترامي له مايعرف البالون للحجره ولكل شي واسمع نصيحتي غير ماكسس ابوجمل البالون لاتركب
راعي المقرات
18/08/2011, 07:58 AM
ببببببببببببببببببببببببببببلوان وسال مجرب مافيه نوع كفر ماجربته ولا نفع الا عاطي الله البلوان والله انك غير تنسا الاسبير بمشات الله عاشق حصا
ابو سعد 77
19/08/2011, 07:02 AM
اذا تبي النصيحة ركب دنلوب حجري بتدعيلي

وخلك من البوالين

البوالين حت نفوود ورباضات

تحياتي..
al-3saly
19/08/2011, 08:04 AM
الله اعرفه ان البالون يجي نايلون يعني حبال من داخل بس يقولون ان جوانبه قويه ولا الدعسه اي شي يأثر عليها
أبوعابد 22
28/08/2011, 03:22 AM
عليك باالحجريات دنلوب لبنه أنا قانص عليها في حصا
والا أحسن منها وبعدين بعد أذن الله عمرها طويل أذا كنت مهبول
وراعي تفحيط والسواقه رجعه بتقعد معك 3 سنين وتراها كفرات ماتعرف البنشر وكانك بتاخذ حجريات خذ نوع أبن زقر أتمنا أني أفتك واي خدمه حنا حاضرين
ابوراكان تبوك
28/08/2011, 04:28 AM
ههههههههه موضوع جاي عرض طلعت الخبرات

ماهي راكبه بالون مع جلد
عنبري
29/08/2011, 05:27 AM
ههههههههههه
الله يعينك :D
عندي لك رأي ركب 2 حجريه و2 بالون :good:
ابو ملقاط
28/03/2016, 04:02 AM
السلام عليكم ورحمة الله
الله يجزاكم خير بعد التجربه لمدة خمس سنوات جربت كفرات ابو لبنه ظ،ظ¦ دانلوب اشكر على كل من نصحني بهذي النوعية وايضا جربت البلون ماكسس لكن فتره بسيطه لايقارن ب ابو لبنه من واقع تجربه ثقيل على السياره وفي الفات يغور فيه ميزه مطبه زين اما
غيره ما اعجبني وسلامتكم هذي تجربتي حبيت انقلها لكم تحياتي للجميع بعد خمس سنوات من كتابة الموضوع
الحربي حاتم
28/03/2016, 06:51 AM
الله يستر علينا وعليك وش تبي بالطرد والمناقز إركد في الأرض أزين .
رفلوا
02/02/2023, 11:18 PM
الله يعطيك العافية يالغالي هل يفرق قياس الهوا من البالون عن الكفر العادي
والشي الثاني واحد يحط الهوا 18 هل هذا ممتاز للحجره وخاصه منطقه القريه وشكرا لك
رفلوا
02/02/2023, 11:21 PM
يعني اذا نقصت الهوى وكرش الكفر ما ينشق من ال حجرة وكم الهو يكون