كم موديل هذا الفرت

[عاشق هدوء]

http://www.mekshat.com/pix/upload/images11/mk18546_erererer.jpg
كم موديل هذا الفرت يالربع

[nahham]

وينك اخوي مهراس

هو اللي يجيب لك العلم الاكيد

[عاشق هدوء]

وين راحو اهل الفروت يعلمونا بموديل هالفرت وينك يمهراس

[مهراس]

السلام عليكم ورحمة الله وبركاته:

الأخ الغالي عاشق هدوء أهلا ومرحبا انعشت الخيمه بهالصوره التحفه صورة التاريخ والماضي الأصيل، وأشكر أبوهشام على طارى الأسم عساك بألف بخير.
هذا الونيت موديل 1958 (طراز 250 ) حسب الصور اللي عندي في الكتلوج من شكل الشبك الأمامي اللي يظهر انه بخطوط عرضيه مع تقسيمات أفقيه صغيره واليك بعض الصور للتاكيد.
بس ابغى أسالك ايش اعجبك في الونيت وايش مناسبة الصوره الله يحفظك.
وتحياتي للجميع

http://www.mekshat.com/pix/upload/images11/mk6074_1958 f100-r-a.jpg

[عاشق هدوء]

الاخ مهراس
السلام عليكم ورحمة الله وبركاته
الف شكر على هالمعلومات القيمه والله لايحرم هالخيمه من الطيبين شرواك انت وابو هشام الي دلنا عليك
اما ايش اعجبني في هالونيت فعلى قولتك لانه يمثل الماضي والاصاله ومناسبة الصوره كنت في رحله مع بعض الزملاء شرواك ووجدنا هذه التحفه واختلفنا في موديل هذا الفرت انا كنت اقول موديله 56 واحد الاخوه يقول 54 والظاهر اني حول الدعوى فرق موديلين فرق بسيط . اكرر شكري وتقديري لك على هذا التوضيح وعلى سرعه الاجابه
ولزيادة التوضيح نهديك هالصورتين
أخوك عاشق هدوء
http://www.mekshat.com/pix/upload/images11/mk18546_ford1.jpg
http://www.mekshat.com/pix/upload/images11/mk18546_ford2.jpg

[مهراس]

السلام عليكم ورحمة الله وبركاته:

أخي عاشق هدوء:
هديتك محفوظه تسلم الله يخليك، حطيتها في ملف الصور القديمه وكنت ناوي أقول ان احسن مكان تصور منه السياره هو الركن الأمامي الأيسر، لكن ماقصرت بالصورتين ( مقدمة الونيت فيها أوضح)، وياليت كنت رسلتها بدل الأولى.

الرد كان في الصباح قبل أروح الدوام ومستعجل وصار مني خطا صغير لأن وجه الونيت ماكان واضح في الصوره، والمعذره لجميع ألأخوان واليك التصحيح:

هذي صورة موديل 1958 (لاحظ النور(الأسطب) الصغير........دائري)،

http://www.mekshat.com/pix/upload/images11/mk6074_1958 f100 ok.jpg


وهذي الصوره اللي انت حطيتها.....شف النور الصغير الأيسر (اوضح من الأيمن)........مستطيل، وأيضا مقدمة الكبوت وأسم FORD

http://www.mekshat.com/pix/upload/images11/mk6074_mk18546_ford1-a.jpg

شف الصوره الأصليه أو الأساس

http://www.mekshat.com/pix/upload/images11/mk6074_1959 f100 ok-a.jpg


وهذا هو موديل 1959 أرجو ان لاأكون قد تسببت في بعض الأحراجات بين أخوياك خاصة اذا كان فيها عشا (هذي فايدة العجله) والكلام تراه لي، دمتم وتقبل تحياتي عاشق الهدوء.
أبو فهد.

[عاشق هدوء]

ماقصرت ابوفهد الله لايهينك على هالتوضيح واذا كان فيه تقصير فهو مني لاني ما ارسلت الصور الواضحه من الاول
سررت بالمعلومات القيمه التي وضحتها عن الفروت القديمه كماسررت بروحك الطيبه
اكرر شكري وأعتذاري
محبك عاشق هدوء

[ABU-AL-3eeS]

الفروت هذه منتشرة ببعض قرى الصمان (مشلة - ام الهوشات )

وبعض الفياض المعروفة ام المصران وغيرها

[مهراس]

الرد التالي

[مهراس]

السلام عليكم ورحمة الله وبركاته

الأخ عاطل: تراك كل ماشفتلك ونيت أو سياره قديمه اثريه وصورتها بيطلع عندك مجموعه لها قيمه ماهي بسيطه، وكل شي مع الوقت يصبح نادر وغالي حتى الصور.
والونيتات الفرت لها تاريخ عزيز على الأباء والأجداد وعاشوا معها مشقة قطع المسافات الطويله يوم ماكان الأسفلت موجود ماغير البطناج والغبار،فكل ونيت من هالونيتات الفرت المنطله في البران تلقاه كرف كرف الويل واهله طلعوا منه كل هلله حطوه فيه وفوق هذا يمكن يتصلح ويرجع يشتغل من جديد بس يبغاله ميزانيه محترمه.

أخوك: أبو فهد

[ابو عواد]

الاخ مهراس جاب العلم صحيح المديل 1959حسب عرفي بس تكفون نبي صورة المودبلات التاليه حيث السياره الى تعلمت القياده عليه هي
فورد موديل 1962ونيت عادي وللعلم عمري حوالي 12سنه
ولاكن خرب عليهن الهاف موديل 1965والهاف موديل 1966
الذي كانو الشعراء يتغنون فيهن
مع تحيات ابو عواد