متى على الله تنطفي جمرة الصيف !!

[السمح]

بسم الله الرحمن الرحيم
""
""
أخواني الأعزاء .. أسعد الله أوقاتكم بالمسرات والأفراح ..
راعي البر عشقه وهواه وغاية مراده في وقت البرد والربيع والجلسة حول الضو .. والدلة مركاة ;) .. والسواليف تجي وتروح عن الصيد والطرد والطيور .. إلخ من علوم الرجال مثلكم .. وكلكم عارفينها ..
سبق لأكثر من عضو عزيز وغالي على قلبي أن سأل عن البيتين اللي كنت استخدمهما كتوقيع ، وطلبوا مني كامل القصيدة .. والحقيقة أن هذين البيتين عبارة عن مطلع قصيدة سمعتها في احد اشرطة الأناشيد من انتاج مؤسسة الطلائع للإنتاج والتوزيع وهي على الشريط أحلى بكثير مما هي مكتوبة لإجادة المنشد والإخراج الصوتي المرافق لهذه القصيدة .. مع الأسف أنني لا أعرف كيف أجعلها ملف صوتي وأضع لها رابط ولكن لعل الأيام القادمة تكون الحالة أحسن مما هي عليه الآن .
المهم أنني رجعت إلى الشريط وأفرغت القصيدة لأعرضها لكم لعلها تنال استحسانكم خاصة في هذا الوقت .. وأقدم اعتذاري للإخوان الذين سألوا عنها فلهم مني كل الأسف .. ولكن مالا يدرك جله لا يترك كله :D ... وإليكم القصيدة
http://www.mekshat.com/pix/upload/images3/tnm2.jpg
متى على الله تنطفي جمرة الصيف=ويهب من صوب الشمال البرادِ
ونشوف بيض المزن بالجو تصافيف=وميض برقه مثل قدح الزنادِ
لا هلّ سيله بالحزوم المجافيف=أقعد جمال الارض عقب الرقادِ
وصار الثرى مابين حبران وطريف=زلٍّ مزخرف مثل صنع الايادي
هناك أبا استانس ويكمل لي الكيف=مع رفقتي يمشون غاية مرادي
لامن شكيت الهم قاموا مخافيف=ثم وجهوا صوب الشمال الشدادِ
يبون بالقطّار عالى المشاريف=وإلا ورى الحره بذيك الوهادِ
لامن جلسنا بين حمرٍ مقاييف=عقب العصر والليل أقبل يهادي
هبت علينا باردات الهفاهيف=عطره مخلط بين نبتٍ وكادي
الله إلى مدّت زوالٍ مناظيف=ثم صفف الولاّع حول الرمادِ
صفر الدلال اللي بها ناعم الليف=والتمر قِرّب توّ وقت الجدادِ
صفّوا ومدّوا ينتقون السواليف=سوالفٍ بالصيد ما هي دوادي
في مجلس ما عذبوه الملاقيف=ما غير ربعٍ مصفيين الودادِ
وقت الرخا ربعٍ كرام مواليف=وعند العسر يعجبك صبر المهادِ
يا مرّني عصرٍ جميل تقل طيف=شرقٍ عن المظهور باتْلى جمادي
عصرٍ مضى واليوم مثل الخذاريف=مازال يحرق لاذكرته فؤادي
حوّل على قلبي خفيفٍ كما الضيف=وروّح وانا أصوّت باثاره وأنادي
ما شاقني والله حسن التواصيف=ريمٍ بعيدٍ مزبنه ما يصادِ
لكن يكلفني من الشوق تكليف=شمة ذعاذيع الهوى بالبوادي
ولا اظن باسْلى لو تزود التعانيف=حب الخلا بالقلب قصرٍ مشادي
""""""
"""""
""""
((( رابط صوتي للقصيده مشاركة الأخ المسافر ))))) (http://www.mekshat.com/vb/showthread.php?s=&threadid=9150&highlight=%CC%E3%D1%C9)

[المسفهل]

والله إنك كسرت قلوبنا يابو تركي

وحركت مشاعرنا , وعرفت كيف تضرب على الوتر الحساس بعد ما شديته لما بغى ينقطع

و ما شاء الله على هاالشاعر كامرة فيديو ! ما ترك شيئا إلا التقطه ,,,,,

,فأخرجه بأجمل صورة , وأبهى حلة ,,,,,,,

وعرف كيف يتلاعب بالمشاعر و يعبث بالعواطف والأحاسيس ,,,

أخيرا الشكر كل الشكر نزجيه لك يا بو تركي على هذا الجهد المبذول في الاختيار , والتفريغ ،

ومن ثم الطباعة والإخراج ، فجزاك الله خيرا على هذه الهدية الثمينة والتحفة القيمة .

قد يكون الشطر الثاني هكذا : سوالفٍ بالصيد ما هي دوادي

تَــظََـــلّــم :

لماذا مشاركاتي قد تجاوزت البارحة المائة والتسعين مشاركة , وبعد كتابتي هذا التعليق

رجعت إلى 145 فقط ؟ ؟ ! ! فأرجو إنصافي ممن ظلمني وبخسني حقي ، فأنتم أهل الإنصاف

ونصرة المظلوم ، وإذا كان البرنامج هو الظالم فلن أرضى إلا بعد أن يعاقب على الملأ ويؤدب لئلا

يتكرر منه ذلك فيخيف المشاركين ويحزنهم :mad: .

وفقكم الله لإعادة الحقوق إلى أهلها وردع الظالم والأخذ على يده

والضرب بيد من حديد لكل من تسول له نفسه مثل هذا العمل المشين .

[السكب]

مشكور أخوي السمح على الإتيان بالقصيدة كاملة وياليت تجمل وتجيبها بالصوت وماعليك أمر أسم الشريط

[الحزين]

اسعد الله اوقاتك بكل خير يابو تركي ,,,, الله يعطيك الف عافيه يالغايب !!!!

السمح : ياللي تبرئ الجروح وتشفي بمشاركاتك وردودك ايضا ,,,,

كل الحب والتقدير لك واطال الله بعمرك ,,,,,


اخوك ابو محمد:love2: :heart:

[الهيثم]

السلام عليكم ورحمة الله بركاته

اشتقنا لك ولمشاركاتك التي تتحفنا بها يالسمح وجزاك الله خير على القصيده الرائعه وبارك الله فيمن طلبها منك حتى نسمعها كامله وصح السان صاحب القصيده فعلاً رائعه ومؤثره والله كريم يرزقنا على أول الوسم بالخير والارزاق ونشوف الربيع اللي طال انتظاره . "اللي عند الله قريب للحي " .

ولك تحياتي,,

[السمح]

المسفهل :
بارك الله فيك ياعيوني على كلمات التشجيع التي تعرف كيف تبدعها .. ومنك ياابوسهيل نتعلم ..
وكلامك صحيح إذ إن الشطر يجب أن يكون ( سوالفٍ بالصيد ما هي دوادي ) ، فلك الشكر على هذه الملاحظة القيمة ، وقد قمت بتعديل الشطر المذكور في القصيدة .
بالنسبة للبرنامج وغير البرنامج ما نرضى إن المسفهل يشعر بالظلم ، لكن أقول لك شي إذا ثبت إن البرنامج هو اللي سوى هالشي لك علينا إننا نحذه ونجيب أحدث منه .. إلا أبوسهيل !!
أخي الكريم أرجو أن تتطلع على الرسائل الخاصة .. للأهمية . حياك الله ..

=======

السكب :
معليش ياالغالي أرجو أن تسامحني على التأخر بالقصيدة .. ما لي عذر أبداً إن لم تتكرم بإضفاء رداء السماحة على أخيك السمح ...
أرجو أن تكون القصيدة كما توقعتها .. وأبشر إن شاء الله في القريب ستكون موجودة بالصوت ، لآن متعة استماع هذه القصيدة بالطريقة التي قدمت بها .. تسمع الرعد وصوت المطر .. وفناجيل القهوة إضافة إلى اللحن والآداء الرائع من قبل المنشد كما اسفلت .. حياك الله ..

=======

الحزين :
هلا بك أبومحمد والساعة المباركة اللي شرفت أخوك السمح بوجود اسمك في هذا الموضوع ..
ومشكور ياعيوني على كلماتك الرقيقة .. وكثر الله ألف خيرك .. حياك الله ..

=======

الهيثم :
تشتاق لك العافية يابعدي يا ابوفيصل ،، ولا عليك زود ، وتراي ما رحت بعيد أنا معكم في رحلتكم ولكني قمت من النوم بدري ورحت أتقنص ابرجعلكم إن شاء الله ومعي حق الغدا .. أبشروا به ..
وعسى الله يجيب الوسم المبكر ويعم ديار المسلمين .. ويصير الزبيدي كبر روس الطليان إن شاء الله .. حياك الله ..

تحياتي ..

[عبدالعزيز الدباسي]

احلى من العقد لباسه .

واحلى من القصيدة ناقلها .

وما هي غريبة عليك عودتنا الحلووووووووووو والشي المميز

بارك الله فيك .

[السكب]

جزاك الله خير أخوي ..........السمـــــــــــح ؛؛؛؛؛؛؛؛؛ وأنا عاذرك وننتظر إدراجها بالصوت كما منيتنا ...........وشكراً لك ... ياراعي السماحة والوفاء (هذه خصلتين أشيدبها لك أمام الشباب في المنتدى)

[الشاص]

مشكور والله يعطيك العافيه

ومميز كالعاده

[السرحان]

أبيــــات عاديه جدا وما أكثرها.......!!!! :eek:

وصدقنـــــي :alarm:


لــــــــم يميـــــزها الا أنــــــت ............ ;)

أخوك / السرحان :heart:

[المسافر]

السلام عليكم
ما عليش ايها الاخوان على الدخلة الغلط
هذه النشيدة التي ذكرها اخي السمح
ولا ادري ان كان احد وضعها قبلي
وانا قايل لكم ترى الدخلة غلط

<p align="center">
<object id="RAOCX" classid="clsid:CFCDAA03-8BE4-11cf-B84B-0020AFBBCCFA" width="288" height="80">
<param name="SRC" value="http://www.jahra.org/free/11111/mt.rm">
<param name="CONTROLS" value="ALL">
<param name="AUTOSTART" value="TRUE">
<param name="NOLABELS" value="TRUE">
<param name="RESET" value="TRUE">
<embed src="http://d1d.net/1/islam/muslem/upload/992180105.rm" height="80" controls="Default" autostart="true" console="Clip1">
</object></p>


وسوف اضع النشيدة في منتدى المقانيص و البر .

[السمح]

السرحان :
تسلم يالغالي والمميز والله أنت وأمثالك ..
عسى الله يخليك ويسعد أيامك ..

========

المسافر :
مشكوووووووور ياعيوني على هالخدمة اللي جات في وقتها ..
وأشهد إنك سويت اللي ما قدرت أسويه ..
وغير صحيح دخلتك صح وفي محلها ..
كثر الله خيرك على التفاعل الرائع ، ونردها لك إن شاء الله بالأفراح ..

أحلى تحية ...

[فرد حمزة]

أوووووووووووووووويلاه على القصيده


يا تل قلبي من أقصاه ........... تلة العلج لتمثال صدام

يالسمح ياعسى ربي يسمح دروبك دنيا وأخره


هالقصيده غافلتني وجرت أصابعي معاه للمشاركه عسى الظروف يزينا ربك

يالله تخلص ظروفي وأرجع لكم....... يا كيف ما أشفق لكم والقلب معكم

http://z7l.com/frd/pic/7589.jpg

أون لكم ونة هل الكيف للهيل
..................................... وأفرح بشوفكم فرحة البدو بالسيل

أخخخخخخخخ بس عسى الله يزينها ......يارب

[وضح النقا]

~


تسلم يالسنافي (يالسمح)

قصيده في وقتها وتخالج القلوب...


صح لسانك ولسان قايلها



وضح النقا

[أبرق الضيان]

شكراً أخوي السمح على الاختيار لهذا المقطع من شريط ( آمال ) .
و أشكر أخوي المسافر على النقل الصوتي .
و أذكر الكاتب القدير / السمح إلى كلمة حذران في القصيدة ، الصحيح : حبران .

وصار الثرى مابين حبران وطريـف زلٍّ مـزخـرف مـثـل صـنـع الايـــادي

و القصيدة للشاعر خالد الوقيت . الرس

[ف.البشري]

السمح

مرحبا بك


قصيـــــــدة بديعـة , قصيــــــــدة تثير في النفـس الكثيـر وبالذات عشاق

البر والقنــــــص .

قصيــــــــدة تمثل تصويرا حقيقيّــــاً لواقعهــــا .

شكرا لك . على ابـــرازهـــا . فالجيد يفرض نفســــــــــه .

[السمح]

فرد حمزة: :heart:
الله يلوم اللي يلومك .. أجل متهيض يابعدي :D
وعسى الله ينهيها على خير ، ويبكر علينا الوسم هالسنة إن شاء الله ، ويصير للطلعات ذوق ، مع رفقة خابرهم ;) ومع ربع مصفييين الودادِ .
مشكور على تشريفي بوجود توقيعك في هذا الموضوع ، كما أشكرك كثيراً على إدراج الصورة الجميلة ذات الذكريات الحلوة .. وهذي أول مرة أطلع عليها ... للمعلومية ..

======

وضح النقا: :heart:
سلمت والله ولا عليك زود ..
وياهلا بك والله وغلا ..
ويازين اسمك :looney: تستاهله ..

======

أبرق الضيان: :heart:
كل الغلا يالغالي ، وكلامك كله صحيح ولا عليه غبار ..
وإذ أشكر العضو " المسافر " على إدراج الملف الصوتي فإنني لا أنسى أبرق الضيان على المعلومات القيمة التي تفضل بها ..
كثر الله خيرك ، وما قصرت ..

======

ف.البشري::heart:
حياك يابعدي ، والقصيدة فعلاً تخالج القلوب وتداعب المشاعر بكلماتها وصورها ..
ما قصرت على الزيارة ..
وللمعلومية تم إدراج القصيدة من العام الماضي في وقت قريب من هذا الوقت ..

أحلى تحية

[نقا هشال]

<<<<<<<طاقه الوله على البر والامطار والربيع وعلوم وسلوم الرجاجيل


السمح

عزالله انك هيضتنا

ارحمنا رحمك الله

الله يحيينا حياة طيبه

الين يجينا الوسمي

تسلم يارائع على الاختيار الرائع

وتقبل فائق تحيتي واحترامي.....




والشكر موصول للأخ/المسافر

[السمح]

هذا هو راعي البر إن سمع أو قرا قصيد زين وفيه ذكر المطر والربيع والصيد تهيض ، وإن شاف صور الربيع والزبيدي تحركت مشاعره .. وهكذا ...
ما عليك ياعيوني فضفض .... قبلك ( فرد حمزة ) شوي وإلا يطلع علينا من الشاشة :D
وابشر بالخير واللي عند الله قريب .. إن شاء الله يبي يجي الوسم :

ونشوف بيض المزن بالجو تصافيف ****** وميض برقه مثل قدح الزنادِ

أشكر لك مرورك أخي نقا هشال .. وحياك يابعدي .. وما شاء الله على هالربيع اللي في توقيعك ... خيال

أحلى تحية ..

[ابو عايد]

متى على الله تنطفي جمـرة الصيـف=ويهـب مـن صــوب الشـمـال الـبـرادِ
ونشوف بيض المزن بالجو تصافيف=ومـيـض بـرقـه مـثـل قـــدح الـزنــادِ



مساك الله بالخير أخي العزيز 00 السمح

الله لايهينك ، وصح لسانك وبيض الله وجهك على هذه القصيدة الجملية 0ابيات جميله وعذبه

سلمت والله يا مشرفنا الغالي


وتقبل تحياتي // العاشق الولهان

http://www.mekshat.com/pix/upload/images/oo77.jpg

[السمح]

كثر خيرك أخوي أبوعايد ..
شرفتني بوجود اسمك في الموضوع ..
كما أجدها فرصة لتقديم شكري على ما تقوم به من جهد واضح في المنتدى ..
بارك الله فيك وما قصرت ..

أحلى تحية ..

[ريف النشاما]

:D



:D


:D


هذا يابو تركي شريت حراثه اليوم لكي نحرث ونزرع في أول هالوسميه
على السيل يجي ويزيي حرثي ونشوف الربيع
صح لسانك يالسمح وبارك الله فيك

قصدي صح أصبعك ولسان قايلها

:no:

:looney:

[السمح]

الله لا يخيب الرجا يابو عزوز
ويا عل بذر بذرته يزهر ويثمر
شاكر لك المرور على هذه القصيدة وزينت الموضوع بوجود اسمك يالغالي
واللي عند الله قريّب

[دله وفنجال]

السلام عليكم...
يامال السيل يابو تركي والله انك ظربت على الجرح وهيضتنا .
الله يعجل بلوسم ونشوف بيض المزن بلجو تصافيف ....
وصح السان الشاعر الوقيت على هلقصيدة...

[al7sas]

بيض الله وجهك

[جفيل]

أكثر ممتازه ..تشكر عليها أخي السمح

انا محمل المقطع لي مده طوويله لي شهر تقريبا

[وسم 29]

شكرا أخي السمح
وبالمناسبة فاز قائلها خالد بن صالح الوقيت بالمركز الاول بمسابقة مكشات الشعرية لهذا العام (الف مبروك ) والقصيدة الفائزة





doPoem(0)


متـى تبـي تـذعـذع هـبـوب الشمـالـي

وتـبـدا مطـالـيـع الـمــزون الثـقـيـلات

مـتـى يـبــي يـجـنّـا ســـواة الجـبـالـي

لا عـرّضـنْ مابـيـن صــاره وابـانــات

بروقهـن مــن تـحـت لـهـن اشتعـالـي

وحس الرعد فيهن يجلجل بالاصوات

لا ذكّــروهــن عـاشـقـيــن الـخِـيـالــي

وجابـوا خبـرهـن قـبـل هــذا بفـتـرات

ســوّوا لـهـن بالـنـت نــوع اتـصـالـي

ومرّوا على الياهـو ومـرّوا بمكشـات

وشافـوا صورهـن قاطعـات المجالـي

وحطّوا لهن مـع شيّـة الـرب حـروات

والـى اقبلـن طـاروا لـهـن باعتجـالـي

على الجيوب اللي مع الدرب عجلات

مثـل المحـب ان جـاه بالـدرب غـالـي

يطيـر مـن شوقـه لنصـف المسـافـات

ويـوم اوصلـوا واستملسـن بانهمالـي

كـــزّوا لـنــا تبشـيـرهـم بـالـرســالات

هــذي امـانـي سقـتـهـا مـــن خـيـالـي

وارجـي مـن المولـى تحـوّل حقيـقـات

ويسقينـا مـن فضلـه عزيـز الجـلالـي

اللـي بحـر جـوده يـفـوق المحيـطـات

يــاالله يــاربٍّ عـلــى الـنــاس والـــي

يـاعـالــمٍ كــــل الامـــــور الـخـفـيّــات

نـرجـيـك يـاسـامـع دبـيــب الـنـمـالـي

ترسـل عليـنـا مــن توالـيـك رحـمـات

يـمّــك رفـعـنــا صـوتـنــا بـالـسـؤالـي

يـوم ابتـدا الوسمـي وجالـه عـلامـات

اســق الـديـار الـدارســات المـحـالـي

واحـي الدعـوب اليابـسـات السنـيّـات

يازيـن لا قالـوا تـرى الكـمـب سـالـي

وواد النسا من حدري الجسْر كد فات

هـنــاك ابسـتـانـس ويــرتــاح بــالــي

واشفق على نظـم البيـوت الجزيـلات

واســج سـجـة دالـــه الـقـلـب سـالــي

ماضاع له في سوق الاسهم فليسـات

لاسـقـت جيـبـك يــم هـــاك السـهـالـي

شرقـيّ الاريــل بـيـن عـبـلا ورامــات

وهــــي منـاقـعـهـا ســــواة الـلـوالــي

تبـرق وتعكـس صورتـك كالمـرايـات

وعقـب التمشـي جيـت فـي دوّ خـالـي

تسـورب شغيّاتـه كمـا زحــف حـيّـات

واوقــدت لــك بالـرمـث نـــارٍ تـلالــي

ريحـة نــدا رمـثـه تـفـوق البـخـورات

وفرشـت مـن حـولـه ثــلاث الـزوالـي

اللـي علـى الجالـس تفصّـل مقاسـات

وصـفّـيـت فـيـهـا مـهـدفـات الـدلالــي

وضبطـت بالبـن اليمانـي لـك اســواة

وفنجـال شــايٍ خــادر الـلـون حـالـي

مـثــل الـدعـايـه لاتـذوّقــتْ رشــفــات

ومعـك مــن الـربـع الـقـروم العيـالـي

اثنـيـن بالحِسـبـه ..وبالـفـعـل مـيّــات

وافـيـن مـاهـم مــن هــواة االـجـدالـي

صـافـيـن بـالـخـوّه عــلاقــه ونــيّــات

كـلامـهــم مــثــل الــقــراح الــزلالـــي

لا ذاقـه الظامـي عقـب طـول مظمـات

لحـظـة صـفـا فيـهـا زمـانـي صفـالـي

للنـفـس لـــذّاتٍ .. وللـعـيـن مـجــلات

ويـزيـدهـا لا غـــرّد الـطـيــر عــالــي

وهبّت علينا من طرى النـود نسمـات

تنسـيـك لــو سـاعـه هـمـوم اللـيـالـي

اللـي علـى مثلـي لـهـا نــوع غــارات

[الغزال الشارد]

بارك الله فيك .

[1500]

من افضل الأناشيد البريه


مشكور على الموضوع

[جروح3]

قصيدة رائعهههههههههه