طالب المعرفه
16/11/2005, 10:54 AM
((ترى القيظ للي يعشق البراري عوق))
""""""
ترى القيظ للي يعشقون البراري عوق = ليا قام يلفح لاهب القيظ بسعيره
وراع البر ليا جاء طلعة اسيهل قام يتوق = وليا ابرد عليه الوقت كثرت تفاكيره
وانا من هواة البر بالفعل والمنطوق = مناي وهواي البرد مالي هوا غيره
يجيني ليا هبت هبوب الصفاري شوق = علي سجة في البر ومفارق الديرة
احب الديار الخاليه والمطر والنوق = وبالخص سود الطرش لا مغاتيره
ليا جات تبارى كل ذود مع طاروق = وطال النهار وريعوهن مقاهيره
وأحب الهواء ليا هب مع المرفق الشاهوق = خفيف هواه وساكنات معاصيره
واحب البطين القافر الاخضر اللاهوق = ليا اقفي سحابه وسطعت به نواويره
مناثر نفود ونوب سوده ونوب اعروق = سقاه السحاب اللي تتالي تماطيره
يجيها من المنشاء سحاب ورعد وبروق = يسيل وعرها والسهل مع محاديره
توالية ديمه ووله صــــــادق حقــــوق = اسبوعين والماء ناقع في محاييره
وليا زل خمسة عشــر يوم بالماثوق = تشوف البنات اللي يشوق مخاضيره
تشاكيل عشبه مخضره واوله زملوق = يشوقك ليا سقت النظر في دواويره
ابا اخذ لها سجة وما فات لي ملحوق = اسج القدم في البر وابعد عن مشاويره
خصوصا ليا صرت في رحلتي مرفرق = نشاما مثلك لهم في اهل الوفا سيره
خفيفين دم ولابهم جـــــــاهل مطفوق = ولا منهم اللي يزعله مزح ويثيره
ومهنا الشعر وافي وصافي بدوب ادقوق = ليا شافه الصقار مالد في غيره
قصير عريض مستدير طويلا فوق = مع خف ريشه وافيات تشابيره
خذيناه من راعيه بأغلى ثمن بالسوق = نبي سجة به ما حسبنا مخاسره
نبي نقص ديار عشبها سمل وعنوق = ليا اصبح عليه الصبح لجت عصافيره
ديار خلا ما طب فيها ولا مخلوق = عقب سيلها ما طبها اللي نقل طيره
ياكود الحباري رمسها له جدد وعتوق = اجررها تسند تعلة الروض والديرة
وخذنا مع اللي طلع ساط صدوق = وخز وصفى وجهه وتل ونتل سيره
موجب من امس والحماقة تسوقه سوق =تسوقه حماسه والحمق فيه والغيره
وعطى الخرب راسه ثم طقه ونجم فوق = وعقرب عليه بضربة من شناكيره
وحاسه وداسه واظهر الدم والمعلوق = ونثره وعزله منها وزادت سعاطيره
ثم استدرجوا للهارب اللي مع الساروق = مع بطن خور واسعات معابيره
خذوا عنه والسواق يماشي بهم برفوق = ولمحها طيار وزاد شره وتشريره
تعلت وهو من فوقها ورتها الحوق = وحول بها حوالة الدلو في بيره
وضحوا بعد صيد ووناسه وحلو اوفوق = بروض سقاه من الوسمي مباكيره
والحطوا الحطب والنار شقولها مشقوق = اجلال الخشب صبوا عليها جثاميره
و قام اللبيب الفاهم ونزل الصندوق = وحط الدلال وقاس مقدارها ا بتقريره
وماها غدير لا رجاج ولا مطروق =دلال علي طعس حمر ماتبي غيره
وفهق لدلال من الجمر واستوى المفهوق = وفاح البهار اللي نظاف مباهيره
وساق القدوع وعقبه البن الاشقر سوق =على كل نشميا له البر تبريره
هذا والله اللي ياجماعة عليها ذوق =تساوي حياة اللي ينمي دنانيره.
الشاعر محمد مبارك الدوسري
منقول بتصرف
""
""""""
ترى القيظ للي يعشقون البراري عوق = ليا قام يلفح لاهب القيظ بسعيره
وراع البر ليا جاء طلعة اسيهل قام يتوق = وليا ابرد عليه الوقت كثرت تفاكيره
وانا من هواة البر بالفعل والمنطوق = مناي وهواي البرد مالي هوا غيره
يجيني ليا هبت هبوب الصفاري شوق = علي سجة في البر ومفارق الديرة
احب الديار الخاليه والمطر والنوق = وبالخص سود الطرش لا مغاتيره
ليا جات تبارى كل ذود مع طاروق = وطال النهار وريعوهن مقاهيره
وأحب الهواء ليا هب مع المرفق الشاهوق = خفيف هواه وساكنات معاصيره
واحب البطين القافر الاخضر اللاهوق = ليا اقفي سحابه وسطعت به نواويره
مناثر نفود ونوب سوده ونوب اعروق = سقاه السحاب اللي تتالي تماطيره
يجيها من المنشاء سحاب ورعد وبروق = يسيل وعرها والسهل مع محاديره
توالية ديمه ووله صــــــادق حقــــوق = اسبوعين والماء ناقع في محاييره
وليا زل خمسة عشــر يوم بالماثوق = تشوف البنات اللي يشوق مخاضيره
تشاكيل عشبه مخضره واوله زملوق = يشوقك ليا سقت النظر في دواويره
ابا اخذ لها سجة وما فات لي ملحوق = اسج القدم في البر وابعد عن مشاويره
خصوصا ليا صرت في رحلتي مرفرق = نشاما مثلك لهم في اهل الوفا سيره
خفيفين دم ولابهم جـــــــاهل مطفوق = ولا منهم اللي يزعله مزح ويثيره
ومهنا الشعر وافي وصافي بدوب ادقوق = ليا شافه الصقار مالد في غيره
قصير عريض مستدير طويلا فوق = مع خف ريشه وافيات تشابيره
خذيناه من راعيه بأغلى ثمن بالسوق = نبي سجة به ما حسبنا مخاسره
نبي نقص ديار عشبها سمل وعنوق = ليا اصبح عليه الصبح لجت عصافيره
ديار خلا ما طب فيها ولا مخلوق = عقب سيلها ما طبها اللي نقل طيره
ياكود الحباري رمسها له جدد وعتوق = اجررها تسند تعلة الروض والديرة
وخذنا مع اللي طلع ساط صدوق = وخز وصفى وجهه وتل ونتل سيره
موجب من امس والحماقة تسوقه سوق =تسوقه حماسه والحمق فيه والغيره
وعطى الخرب راسه ثم طقه ونجم فوق = وعقرب عليه بضربة من شناكيره
وحاسه وداسه واظهر الدم والمعلوق = ونثره وعزله منها وزادت سعاطيره
ثم استدرجوا للهارب اللي مع الساروق = مع بطن خور واسعات معابيره
خذوا عنه والسواق يماشي بهم برفوق = ولمحها طيار وزاد شره وتشريره
تعلت وهو من فوقها ورتها الحوق = وحول بها حوالة الدلو في بيره
وضحوا بعد صيد ووناسه وحلو اوفوق = بروض سقاه من الوسمي مباكيره
والحطوا الحطب والنار شقولها مشقوق = اجلال الخشب صبوا عليها جثاميره
و قام اللبيب الفاهم ونزل الصندوق = وحط الدلال وقاس مقدارها ا بتقريره
وماها غدير لا رجاج ولا مطروق =دلال علي طعس حمر ماتبي غيره
وفهق لدلال من الجمر واستوى المفهوق = وفاح البهار اللي نظاف مباهيره
وساق القدوع وعقبه البن الاشقر سوق =على كل نشميا له البر تبريره
هذا والله اللي ياجماعة عليها ذوق =تساوي حياة اللي ينمي دنانيره.
الشاعر محمد مبارك الدوسري
منقول بتصرف
""