المساعد الشخصي الرقمي

مشاهدة النسخة كاملة : الحذر ثم الحذر من بالون unilli وكيله الهاجري وكيل مكسس


Somebody
23/02/2011, 07:44 AM
http://www.m5zn.com/uploads/2011/2/22/photo/thumb/022211200202pjy99povt.jpg


http://www.m5zn.com/uploads/2011/2/22/photo/thumb/022211200215llha5tn49slnn2y.jpg

مرحبا بالجميع

الله كتب اني اركب كفرات بتاريخ 2011 /02/06
المحل اللي ركبت عنده مدح الكفرات وقال لها تقريباً 6 شهور وما حد شكى منها
سعر الكفر 350 وقال سعرها تشجيعي من شركة الهاجري وكيل مكسس, وينللي وبعد
مدة رااح توصل سعر الكفرات الاخرى.

توكلت على الله وخذت 4 وشكلها ممتاز وخفيفة لابعد درجة ومريحه في المطب.
ولكن بعد اسبوعين تقريباً بدأت المشكلة سقطت قطعة كبر الكف من احد الكفرات
ذهبت للوكيل في الدمام بعد نصيحة البنشري اللي شريت منه الكفرات.

مريت الوكيل مقابل مبنى إدارة التعليم وانت راجع الخبر من الدمام, كان مدير المبيعات مصري اسمه محمد السيد وقلت له اللي صار معاي, قال مالك حل على قولة بن فطيس ( ويش وداك له ) ذكر لي ان الشركة تورطت في هذه الكفرات وجت عليها مشاكل كثيرة, وإدارته لا تريد الموضوع يصل الى الهاجري خالد بن سعيد لانه رئيس كذى شركة منها مكسس, هيرو,ينللي الخ... وعنده مدراء يديرون تلك الشركات.
قلت ابي اتكلم مع شخص له سلطة غيرك قال فيه سعودي اسمه عزالدين ولكن ما تقدر تواجهه لانه انسان على طول مشغول, ( قلت في نفسي لايكون الاخ عزالدين وزير ونا ما ادري )وبعد إلحاح مني قدرت اخذ رقم عزالدين وكلمت الشخص المذكور وكان رده بمعنى ( بلط البحر ) ما فيه حماية مستهلك او قانون يحميك.وقلت عليك من الله ما تستحق وقفلت الخط في وجهه.
على هامش الموضوع المكسس الان يجي فتنااامي وايضاً عليه مشاكل.

الخلاصة:-
بما انه ما فيه حمايه لحقوق الناس من تلك العصابات لاحد يركب شيء من منتجات تلك
الشركة.

والله من وراء القصد.
عبرود
23/02/2011, 07:52 AM
الله يعوض عليك وهذه المشكله من تطالب ومن ياخذ لك حقك من التجار العشاشين بس مايضيع شي عند الله
رشيد4
23/02/2011, 07:56 AM
الله يجزاك خير وعلي القائمين علي هذا المنتدئ خير الجزاء
NissaN 1990
23/02/2011, 08:04 AM
لا تسكت أنشب لهم وأرفع صوتك عليهم يخافون ،،
عضو منتهي
23/02/2011, 08:06 AM
اصلا البالون حق نفود فقط ما يصلح تمشي فيه ابد على الزفلت

واخطر كفر على السياره نوعيه البالون عموما
ولد اعنيزة
23/02/2011, 10:13 AM
الله يجزاك خير ويعوض عليك ويكتب لك كل شي فية خير

وانا امركب بالون مكسس سنة 2009
ممتازة جدا ولكن فيها بعض الرجة

وحسبنا الله ونعم الوكيل على كل غشاش
Somebody
23/02/2011, 11:03 AM
الله يعوض عليك وهذه المشكله من تطالب ومن ياخذ لك حقك من التجار العشاشين بس مايضيع شي عند الله


الحمدلله على كل شيء. ون ضاع لنا حق في الدنيا ما يضيع عند الله

تقبل التحيه
mfmf
23/02/2011, 11:10 AM
لهم حق يطمعون بنا مالنا حماية تحمينا من جشعهم وغشهم
bassam7770
23/02/2011, 11:49 AM
الله يعوض عليك ياخوي بس انا اكثر من مره مريت عند اصحاب الكفرات واتكلم معهم عن المكسس والشواهين والاسيام كلهم ماعليهم ضمااااااااااااااااااااااااان ابدا
ومثل ماذكر احد الاخوان انهم للصحراء وخطر جدا استخدامهم على الطرق لاكن نحن ننبسط على اشكالهم على الجيوب بسبب فزت الموتر ونصبته

لاكن هم بالاخر نقول في جشع من التجار
الجمس تاجي
23/02/2011, 04:25 PM
أنا والله ما أدري عن هذه الكفرات لكن أنا مجرب الماكسس ما شكيت منها شيء رغم أنني ماني راعي بر
رحّال 9
23/02/2011, 05:30 PM
جزاك الله خير على التنبيه.

والله يعوض عليك باخير منها ان شاء الله .


تحياتي لك .

رحّال 9
التعـ King ـديل
24/02/2011, 01:18 AM
اصلا البالون حق نفود فقط ما يصلح تمشي فيه ابد على الزفلت

واخطر كفر على السياره نوعيه البالون عموما

من قال؟؟؟ هذا هو على موتري ماكسس واستعمله صيف وشتاء بمطر ولا غيره ولا احلا منه

ياليت تتكلم عن تجربه وليس عن سوالف مجالس
التعـ King ـديل
24/02/2011, 01:18 AM
الله يجزاك خير ويعوض عليك ويكتب لك كل شي فية خير

وانا امركب بالون مكسس سنة 2009
ممتازة جدا ولكن فيها بعض الرجة

وحسبنا الله ونعم الوكيل على كل غشاش

البالون بشكل عام رجه لانه نايلون سواء سيام ولا ماكسس ولا غيره مافي بالون مايرج
التعـ King ـديل
24/02/2011, 01:19 AM
الله يعوض عليك ياخوي بس انا اكثر من مره مريت عند اصحاب الكفرات واتكلم معهم عن المكسس والشواهين والاسيام كلهم ماعليهم ضمااااااااااااااااااااااااان ابدا
ومثل ماذكر احد الاخوان انهم للصحراء وخطر جدا استخدامهم على الطرق لاكن نحن ننبسط على اشكالهم على الجيوب بسبب فزت الموتر ونصبته

لاكن هم بالاخر نقول في جشع من التجار

عليها ضمان سنه عند الوكيل من قال ماعليها ضمان؟
التعـ King ـديل
24/02/2011, 01:20 AM
Somebody (http://www.mekshat.com/vb/member.php?u=16201)

انشب لهم وحاول تقابل الهاجري بااي شكل وراح تلاقي عنده الحل على الاقل لو يعطيك طقم ماكسس تعويض ولا هيرو
«نجم الخير»
24/02/2011, 01:24 AM
شي غريب ممكن تعطينا صور اوضح شوي
أبو عقيل النجدي
24/02/2011, 04:36 AM
يارجال انا نفس المشكله عندي موتري بالجمس والجكسار نفس المشكله والله

والله مهزله هالكر التايلندي
Abu Mryea
24/02/2011, 09:27 AM
مثل ما قال أخونا ( التعـ King ـديل )

حاول تدخل على خالد الهاجري ,,, ولو أنه مشغوووووووووول من جد

والكفرات عنده شغله ثانوية ,,, لأن عنده ( ماشاء الله تبارك الله )

شركات كثير منها نقليات و شركات حفريات أبار بترول مع ارامكو

وأن ماحصل ولو أنك بتتعب شوي ,,, حاول تحصل المسؤول عن قسم الكفرات

((((((((( ومن أمن العقوبة أساء الأدب )))))))))
Somebody
27/02/2011, 09:57 AM
الله يجزاك خير وعلي القائمين علي هذا المنتدئ خير الجزاء



حياك الله اخوي والدين النصيحة
Somebody
27/02/2011, 10:00 AM
لا تسكت أنشب لهم وأرفع صوتك عليهم يخافون ،،
مرحبا نيسان 1990

الدعوى ليست ارفع صوتي او غيره
المشكلة مافيه جهه تاخذ حقك او تحمي المستهلك
Somebody
27/02/2011, 10:05 AM
اصلا البالون حق نفود فقط ما يصلح تمشي فيه ابد على الزفلت

واخطر كفر على السياره نوعيه البالون عموما

البالون استخدمة فوق عشرين سنة سواء رمل او ازفلت(وقت البضاعة ياباني قبل سالفة ابو ريالين ومشاكلة الكثيرة)
ولا فيه اي مشكلة. واللي يقول لك انه فقط للرمل هذا يتهرب
من الضمان فقطططط. اي نعم غير مقاوم للسرعات هذي صحيح
اما انه فقط للرمل هذا عذر مسح السبورة.
Somebody
27/02/2011, 10:06 AM
الله يجزاك خير ويعوض عليك ويكتب لك كل شي فية خير

وانا امركب بالون مكسس سنة 2009
ممتازة جدا ولكن فيها بعض الرجة

وحسبنا الله ونعم الوكيل على كل غشاش


الرجة في المكسس شيء طبيعي لانه اقسى كفر بالون موجود لا والان فتنامي يعني ادبل الرجة اللي اول مرتين.
Somebody
27/02/2011, 10:07 AM
لهم حق يطمعون بنا مالنا حماية تحمينا من جشعهم وغشهم

الشكوى على الله
Somebody
27/02/2011, 10:12 AM
الله يعوض عليك ياخوي بس انا اكثر من مره مريت عند اصحاب الكفرات واتكلم معهم عن المكسس والشواهين والاسيام كلهم ماعليهم ضمااااااااااااااااااااااااان ابدا
ومثل ماذكر احد الاخوان انهم للصحراء وخطر جدا استخدامهم على الطرق لاكن نحن ننبسط على اشكالهم على الجيوب بسبب فزت الموتر ونصبته

لاكن هم بالاخر نقول في جشع من التجار

الضمان موجود عند الوكيل لان الشركة المصنعة هي اللي تضمن
ولكن بالاخير صاروا يقولون ليس مضمون لان التصنيع ضعفت جودته
وصارت مشاكل بين الوكيل والمصنع.
التجار يعرفون حاجة المستهلك لهذا النوع من الكفرات وانه راح يركب بدون
ضمان.
البالون ممكن استخدامه على الاسفلت ولكن بسرعة اقل عن الانواع الاخرى.
واسأل من كان يستخدم البالون نوع دنلوب قبل 20 سنة.
Somebody
27/02/2011, 10:14 AM
أنا والله ما أدري عن هذه الكفرات لكن أنا مجرب الماكسس ما شكيت منها شيء رغم أنني ماني راعي بر


زين انك ما جربت والله لا يحدك عليهن.
Somebody
27/02/2011, 10:15 AM
جزاك الله خير على التنبيه.

والله يعوض عليك باخير منها ان شاء الله .


تحياتي لك .

رحّال 9


مرحبا رحال 9

جزاك الله خير والله يحفظ الجميع
ابو باسل
27/02/2011, 10:17 AM
اصلا البالون حق نفود فقط ما يصلح تمشي فيه ابد على الزفلت

واخطر كفر على السياره نوعيه البالون عموما

سلامك يالغالي
من قال هذا انا مركب الطقم الثاني على موتري ماكسس واستعمله صيف وشتاء ولا احلا منه
الي هو صناعة تيوان ... فيه رجة بالأزفلت ولكن كبست الأذرعة والحمد لله زبط...
Somebody
27/02/2011, 10:19 AM
Somebody (http://www.mekshat.com/vb/member.php?u=16201)



انشب لهم وحاول تقابل الهاجري بااي شكل وراح تلاقي عنده الحل على الاقل لو يعطيك طقم ماكسس تعويض ولا هيرو


مرحبا الكنق

من شان اقابل الهاجري لازم اخذ إجازة شهر من العمل واحتمال اواجهه
القضية تكمن في اعطاء وزارة التجارة تراخيص لشركات تأتي لنا بأي شيء
ويتم تسويقة على انه من النخب الاول في التصنيع.
وعندما يظهر الخلل لا يوجد من ينصفك.

ما نقول الا حسبنا الله ونعم الوكيل على كل ظالم.
Somebody
27/02/2011, 10:38 AM
شي غريب ممكن تعطينا صور اوضح شوي

حياك يا برمه

ليش غريب
قطعه كبر كفك طاحت من الكفر بدون اي سبب وخلال ايام من تركيب الكفرات.
هوايتي مكشات
27/02/2011, 10:38 AM
الله يعوظك ويكفي المسلمين شرها
نسيم المطر
27/02/2011, 03:40 PM
عز الله ياخوي انك مازليت بكل كلمه قلتها عن الكفرات ركبها واحد من العيال اول مقناص وكل حصاه نتخذ من الكفره شوي ورجعهن للمحل وبعد ايه ولا قبلهن المحل ترجيع واخذوا 100 ريال قيمة استهلاك والبالون خلاص خرب الماكسس فتنامي عقب التيواني والله ماعاد ينفع ولا قيمته 1650 وبدون ضمان والله اني كنت اخذه 950 الطقم الماكسس ومضمون صدق مافيه حماية مستهلك والكقرات الجيوب ترتفع بالشتاء الحجريه وباقي الكفرات ترتفع بالصيف لعب في لعب الله يعوض على من استحق ذلك
ومشكور اخوي وماقصرت على النصيحه
خالد آل مساعد
27/02/2011, 03:55 PM
جزاك الله خير على التنبيه.

والله يعوض عليك باخير منها ان شاء الله

هذا حالنا إلى متى
دخنآوي
27/02/2011, 10:19 PM
ياشبآب الكفرآت معروفه هذي تكون ملبسة تلبيسة على الكفر من الخارج ..
يعني اللي من ماكسس ومنزلينها يرجعونها يلبسونها ..
وهي اصلا من وكآلتهآ تجي الفتحه هذي وشكلك تو انتبهت لهن وهي اصلا مااهي ماكسس وشكلها نفس الاسم اللي انت حاطه ..
واللي اعرفه من هالكفرآت ان الهواء ينزل تقريبا كل بعد اسبوع :)
وهي مع ولد جيراننا ومآيمدحهآ كثير وهو مايسافر عليهن
saalh123
05/03/2011, 01:46 PM
اخوي العزيز
لاتسكت ادخل على موقع حماية المستهلك واكتب شكوى كل يوم ولاتتركهم
وادعو الجميع الى التواصل عن طريق الموقع على الرابط http://www.cpa.org.sa/
لان الوكلاء تعودوا ان المستهلك يتواصل معهم في حالة المشكلة ولا يشتكيهم على الجمعية
اخوي قدم شكوى وافدنا وافد الشباب وش يصير معك
بالتوفيق
ابوغزاي
05/03/2011, 02:38 PM
اخي الحبيب
هاذي الكفرات مغشو شه وقدركبهاعددمن الزملاء وكادت ان توقع كارثه لولا رحمه الله 0
باختصار0 ذهبواالى اصحاب البناشروطلبوتغييرالكفرات باخرى معروفه اواعادة المبلغ كاملا مع اسماعهم كلاما يليق بفعلتهم الدنيئه 0
وافقوعلى اعادة الكفرات وتركيب بالون اخرمع دفع فارق السعروليس الاستعمال 0والحمدلله يوجدالكثيرممن يمتنع عن بيع هذه الكفرات لخوفه من الله وخوفاعلى ارواح المسلمين0
ونصيحتي لك ان تذهب للبنشري الذي ركبتهاعنده ان يبدلهاباخرى معروفه اواعادة المبلغ المدفوع ولاترجع الاباحدالامرين واذارفض اطلب الشرطه وهذامالايريده هولعلمه بهذاالغش الواضح 0
ملاحظه مهمه=-1لست متاكدمن اسم الكفر البالون اللي انت ذكرت ولاكن نفس المصيبه وقديكون تحايل لتصريف كميات اخرى بمسى اخر
2-تاكدان البنشري يعلم بخطورة هذه الكفرات وانها مغشوشه
واخيرامااقول الايصلح الحال وان يرحمنابرحمته
saas-des
05/03/2011, 08:29 PM
الحمدلله على سلامتك والله يعين على المهازل الحاصله
مع الاسف تمشي على اجهزه الدوله والمتضرر المواطن
فهد بن مشبب العاصمي
06/03/2011, 12:01 AM
أخوي الاجانب بالذات لاجبت طاري شرطة يذلون رح للبنشر وكلم الشرطة وورهم الفاتورة يخلونه يجيب كفرات غصب عنه .. زي ماجابها من الوكيل عشان يبيعها يجيبها جدد ويبدلها لك

صدقني دايم أجربها لاشافوا السفتي وجا طاري الكلبشه تضيع علومهم
م م ع 686
06/03/2011, 01:49 AM
يااخوان لا احد ياشري البالون هذا انا ركبت مثله وصارت نفس السالفه
vxr99
07/03/2011, 03:17 AM
فووووووووووووووووووووووووووووووووووووووووووووووووو وووووووق
مليار
09/08/2013, 11:50 AM
ياليل توني مركبها من اسبوع طقم الكفر ب 450 الله يستر

طيب وش البديل حتى الماكسس لقيت ناس تشتكي منه مع اني ماقد حصلي شي مع الماكسس الا انه اصبح اكثر رجه وعمره الافتراض اصبح اقل بس لا انصلخ ولا انفجر ولا شي
YZNQAZ
10/08/2013, 02:17 AM
الرد موجه لجميع الاعضاء الكرام
اترك عنك كلام البهايم المصري والبنشري
اتصل على 8001241616 وزارة التجارة بلغهم واهم شئ معك فاتورة الشراء
بيتصل عليك الهاجري وتصير انت اهم اشغالة
علمهم الادب وخذ حقك
اما الصياح والنوح في المنتديات وماتشتكي خطأ
وبعدين الشعب يقول الحكومة مقصرة ومن هالكلام والغالب هو جالس في بيته ينظر سياسي مفتي قاضي محلل اقتصادي خبير حربي باحث اجتماعي مليونير كل شئ يفهم فيه
اشتكي للجهة الصحيحة وتابع الشكوى حتى النهاية
والجهة تختلف باختلاف القضية اما تشتكي للشرطة او بلدية او مرور او امارة او محكمة او ديوان المظالم او هيئة الاتصالات وهكذا فقط استفسر ثم استمر
أطلال نجد
10/08/2013, 02:42 AM
جزاك الله خير أخوي و صدق من قال الرخيص مخيس وش لون لو كان بالون

هذا الكفر ما أركبه على سيارتي ولا بمائة ريال لخطورته ، أما أهل البناشر فلا تصدقهم أبد اشتر على معرفتك

و البنشري خله وراك يسولف على الكفرات ولا تأخذ و تعطي معه إلا في السعر
خبايا انسان
10/08/2013, 08:41 AM
معليش يا اخوان ,, انا اشوف ان البوالين حظوظ صراحة ,, احد الزملاء لي مركب يونلي نفس الي ذكرها اخونا في موضوعه ,, الزبده الرجال كادها كد الويل في رمله وفي جلد وفي وعر وحتى ف الشارع ماسلمت منه ,, والنتيجه ماعمرها نسمت ! ولا عمرها طارت النقشه !!


ف موضوع البوالين متشعب جدا جدا وحظ يصيب او يخيب
hamad4499
11/08/2013, 02:18 AM
الماكسس الجديد تعبان التيوان هو الزين الفيتنامي ليا نسمت الرمل مشيت عليه بعد مده يبدا ينسم مع جوانب الجنوط حصلت معي باربع كفرات كلهن الاستبنا له عندي ثلاث سنين تيوان مافيه اي مشاكل الفيتنامي هو المشكله الهيرو يزحف مع الاسفلت ويليت تدلونا على بدل المكسس الي ينفع بطعوس والحجر
waleedalfaleh
11/08/2013, 04:12 PM
حسبي الله ونعم الوكيل

وقبل سنه نفس المشكله صارت مع واحد من الشباب

تحياتي
althhbi
14/08/2013, 02:01 PM
يأخوان كلامه منطقي والكفرات هذي الأغلب من زبا ئنهم الكشاته وبما ان هذا المنتدى يجمع جميع الكشاته نوصي بعدم استخدامها لأخوااننا كم حذرنا اخونا ويكون موضوع خاص فيه وبالأفظل منها ترااا ياجمعه تدفع فرق 1000 ولا تروح غلطه كفر حمانا الله وأياكم من اخطار السيارات