تكفوووون نبي الخبر اليوم

[احب الحيا]

السلام عليكم
مساكم الله بالخير
يالربع تكفوون ابي رايكم لقيتلي موتر لاكن ما اعرف قيمته
ودي تعلمونن كم يسوا بالسوق
الي هو الله يطول بعماركم
شروكي 1993ربع باب واحد ماشي 300 الف
اللون ابيض داخلي بيج
شغال مزبوط ولا احلى
تكفون علمون كم يسوا وان قدرتوا الليله <<<<طرار ويتشرط
لاكن تحملون شوي
شكرا جزيلا مقدما

[لحظةوداع]

مايتعدى 8000 بالكثييييييييييييييير

[السومر]

اذا نظيف نظيف نظيف 10 الاف علشان ما يزعل راعيه

[احب الحيا]

الموتر خالي من السمكره والرش لو اشتريه ان الله اشاء اصير انا المالك الثالث
الموتر وقفته بلحيييييييييييييل
هل يسوا000 13 ولا

[السومر]

والله احيانآ النظيف يستاهل انك تدفع عليه بس يفكك من روحة الصناعيه

لكن بدون مبالغه بالسعر

عمومآ انا اشوف اذا بــ 11000 وعلى نظافته يستاهل

[أبو سعران]

يا طويل العمر 13 الف احس انها واجد لا اذا انت من هواة الشيروكي

قبل فتره به واحدن من العيال شاري شيروكي من جده نفس مواصفات موترك موديل ( اتوقع انه 96 ) شاريه بـ 14 الف

لكن على قولة الرجال اللي قبلي كان الموتر نضيف وعلى قولتهم لقطه وبيفكك من الصناعيه فتوكل على الله وخذه

[رهيب الرهيب]

نصيحه لوجه الله ابعد عن الشروكي قطعه نار صحيح انه نشيط بالبر لاكن ياكثر خراباته وياغلو قطعه ولايغرك انه نضيف بعدين بتحتاج القطع وحتى زبونه لا جيت تبيع ماهو واجد

[السومر]

لولا اختلاف الاذواق لا بارت السلع

ستجد من يمدح الشروكي وستجد من يذم الشروكي

سوف ارسل لك رابط منتدى خاص بالشروكي راح يفيدك قبل لا تاخذ الشروكي

وراح تعرف قطع الغيار وين مكانها وسعرها

لك رساله على الخاص

[طائي الجبل]

اذا كان نظيف وبدية نظيف

مايتجاوز ( 6000) ريال

ليس القصد بخس قيمته لكن هذي أسعاره شوفها بالمعارض

[احب الحيا]

بيض الله وجيهكم جميعا
وابشركم ان الله فكني من الموتر لان لقيت غيره وبسعر ارخص وااااجد
لقيتهن حول من ال6000 وفيها الي به سمكره
والنظيييف الي انضف من الموتر الي لقيته ب9800 ويقول سد هالفرجه وخذ الموتر
عالعموم ما قصرتوا جمعيا والشكر الجزيل للاخ السومر