4 شبان يلقون سيارة هايلكس 2010 من أحد المرتفعات وتكسيرها بالكامل [الأرشيف]

ومض

25/02/2011, 03:23 AM

أهل العقول برآحه السلآم عليكم ورحمة الله وبركآته /

دفع الاحتيال 4 من الشبان في أحدى المناطق بالمملكة للحصول على سياره موديل 2011 ، بعد أن قاموا بإلقاء سيارتهم من نوع توويوتا هايلكس 2010من أحد المرتفعات لإعادتها لصاحب الوكالة وأخذ سيآرةموديل هذا العام.

وقد تداول عدد كبير من الشباب مقطع فيديو الذي يظهر فيه الشباب وهم يقومون بهذه العملية، ولم تتمكن الوئام من معرفة المكان الذي دارت فيه الواقعة ، وعملية الاحتيال التي ظهرت بوضوح وكشف أنها حدثت بدايات هذا الشهر.

jOabwVPaHzQ

للأمآنة منقول

لكن وش رأيكم بهم ؟؟

!!

bader_max

25/02/2011, 03:29 AM

علي الحرام انهم كفو وحلال في ابو جميل

هالحين المنتدى فيه فوق اثنين مليون موضوع عن نصب الوكالات

وزعلانين على الشباب خلهم يفلونها كل سنه بسياره وش يمنع

ومض

25/02/2011, 03:30 AM

^

يفلونها بالحرام طيب ؟

أفهم من كلآمك ان التأمين جآئز !!

درجلان الشمال

25/02/2011, 04:36 AM

الفسق ومايسوي لو محرقه ازينله يتمتع بالشبه

ابو يعقوب 2

25/02/2011, 04:53 AM

لآ والله ماعاشوا

بغض النضر عن الغش والاحتيال
,,

فعلهم هذا فسق وحرام

ياأخي السيارة جديدة وتسويها فيها كذا ...
ليه العبث ؟؟؟

ليه الاسراف ؟؟

وهذا ان دل فهو يدل على عدم الوعي عند هالشباب
الله لايغضب علينا بس

استغفر الله العظيم

ابوibrahim

25/02/2011, 06:28 AM

حرام والله العظيم حرام
اذا كانوا الوكالات نصابين ما نصير زيهم نحن قدوتنا النبي محمد صلى الله عليه وسلم
اذا كل من شرى سيارة سوى زي كذا مصيبه

ومض

25/02/2011, 08:15 AM

الله المستعان بس , لكن مانقول الا الشكوى لله !

وأهـل العقول برآحه ..

روحي بحايل

25/02/2011, 09:41 AM

طيب .... يمكن تكون السيارة مسروقة وحابين ينتقمون من صاحبها ..
أنا أول مرة اشوف المقطع والله قهر حسيت قلبي يتدربى معه....حسافة على الهلي ...

متعب ابوالعبد

25/02/2011, 02:52 PM

ليست السيارة من حر مالهم وإلا لما فعلوا هذا!!!!!

ومض

25/02/2011, 04:47 PM

أمرهم غريب فعلاً , لكن على ماظن والله العالم انه السياره 2010 , 2009 نفس الشيّ بعد

اذا كنت مأمن تأمين شآمل يستبدلونها لك بسياره 2011 جديده اصفااار , لكن اذا كانت قبل 2009 فما تقدر
لو قلبتها وسويت نفس الحركه مآرآح يستبدلونها لكن بيصلحونها لك فقط لاغير !

الله المستعان بس ..

البدر900

25/02/2011, 04:54 PM

لاحول ولاقوة الا بالله

انا بصراحه مادخلت مزاااااجي انه عشان الاستبداال

انا اقوول المووضوع ورااه ان

حمد-حفرالباطن

25/02/2011, 04:56 PM

والله تخلف وفسق وغيرها من اموووووور كثيرة لاحول ولا قوة الابالله

قناص الأشهب

25/02/2011, 04:57 PM

لاحول ولا قوة الا بالله
وذا كانت الوكالة نصابين معناتها يجوز يسوون زيهم
بيحاسبهم ربي علا ماسووة

ابو سلطان ؟؟؟؟؟@

25/02/2011, 04:59 PM

شكلها مسروقة ليست لهم

lahoop

25/02/2011, 05:13 PM

انا لله وانا الية راجعون
هذي ضررها يعود علينا جميعا
يقول الله (ولئن شكرتم لازيدنكم وان كفرتم ان عذابي لشديد)

ومض

25/02/2011, 05:18 PM

^

صدقت , الله المستعان بس ويالله انك لاتكثر من هالاشكآل اللي ماتستاهل الموآآتر ذي !

lahoop

25/02/2011, 05:33 PM

لاحول ولا قوة الا بالله
وذا كانت الوكالة نصابين معناتها يجوز يسوون زيهم
بيحاسبهم ربي علا ماسووة
اخي يقول المصطفي صلوات ربي علية
(ادالامانة الى من إئتمنك ولا تخن من خانك)
اخي دع الفتوى لأهل العلم
فهذا دين لايتكلم به الامن اوتي العلم من الذين قال الله فيهم(واسألوا اهل الذكر ان كنتم لاتعلمون) يقول الرسول صلوات ربي علية(اجرؤكم على الفتيا اجرؤكم على النار)ولو ان في سند ضعف الا ان معناه صحيح

حربي الخرج

25/02/2011, 05:42 PM

! ! ! لاحول ولاقوة الا بـ الله .. ياخي السيارهـ جديدهـ وتسو ي كــذ ا فيهـآ ..؟!

وش تحـس فيه انت ويآ هـ .؟!

والله بعـض الشباب انـه مسكين يسوي كذ ا علشآن يبي الموديل الجديد خخخخخخخخ الله لايبلانا ياربي
تخـلـف + عدم وعـي = هـ اللي تشوفونـه ... وبعدين عآ شوا على وش يـ اللي تتكلم بـ المقـطع
عاشوا على الهبـال اللي يسوونـه ..؟ !
الحمدلله والشكر بس
مشكور ياصاحب الموضو ع

ملقاط بن جمر

25/02/2011, 09:54 PM

اذا يبيون يبدلونها بمديل السنة فهم قمة في التخلف ..

لأن لوحة السيارة ظهرت في يعني لو طالبوهم راح ترفض الشركة ..

لأن على ما أظن إن التأمين ما يعوضك في حالة التفريط ..
وأي تفريط أكثر من اللي شفناه في هالمقطع ؟؟

طبعا اذا صدقت هذه النظرية

صاحب الكشتات

25/02/2011, 10:15 PM

السيارة مصدومة قبل يقلبونها لاحظوا المقطع زين يمكن ردة فعل اما من اثر الصدمة او من شركة التامين ولكن هذا فعل سيء نسل الله لهم الهداية

جومانشي

25/02/2011, 10:24 PM

صدق ان اهل العقول براح

بعد هذا المقطع والتصوير وانتشاره على اليوتيوب والمنتديات

وبعد ظهور الوجوه ورقم لوحة السياره بالكامل

راح يطلعون بالمولد بلا حمص

وراح يتعاقبون

وراح يدخلون السجن باذن الله

راعي الركيات

25/02/2011, 10:41 PM

الله يصلح شبابنا ويهديهم

الله لايجعلهم ضالين مضلين

مطر مطر

25/02/2011, 11:00 PM

لذا يجب إعادة النظر فى التأمين

شيخ بني تميم

25/02/2011, 11:07 PM

والله فيه ناس يتمنون هسياره

ومض

26/02/2011, 12:13 AM

^
أنا اشهد ..

ابوالشيهانه.

26/02/2011, 12:52 AM

انا لله وانا الية راجعون
شكلها مسروقة

-الساري-

26/02/2011, 12:59 AM

لاحول ولاقوة الا بالله

ريح الندى

26/02/2011, 01:08 AM

قمة التخلف وكفران للنعمة
بأي حق يفسدون في الأرض ويتلفون الأموال
(من سرقني سرقته )

مطنوخ قطر

26/02/2011, 01:23 AM

لا نصابين ولا راح ابوجميل يعطيهم سيارة (والله الهيٌنه) وعلى حد علمي ان التامين مايغطي الحوادث اللي خارج المدن وخارج الطرق المسفلتة, يعني في البران مافيه تامين...... لكن على قولة احد الاخوان الموضوع فيه انَ.

F-15 ذيب خزاز

26/02/2011, 02:03 AM

يااا نااااس مصدقين أنتم

مسروووووووووووقة

يااخي ترانا ماحنا مغفلين أو متخلفين عقليا

من بيسوّي بسيارتة كذا

هذولي شباب فارغين تافهين حرامية شباب صايعين وداجين ذبحتهم البلاوي الله لا يبلانا

سرقوا سيارة وعلى بالهم إنهم بيسـوون مقطع توب ونـادر

تحياتي للعقول النيّرة الواعية

غالي

26/02/2011, 03:45 AM

تخلف الله لايبلانا

ومافعلوا هالفعل الا مرتكزين على شيء قوي

اما موظف شارح لهم الطريقه او غيره

والغباء الي فيهم يصورون الجريمه وينشرونها

:/

الله لايبلانا يارب

محيط

26/02/2011, 12:20 PM

علي الحرام انهم كفو وحلال في ابو جميل

هالحين المنتدى فيه فوق اثنين مليون موضوع عن نصب الوكالات

وزعلانين على الشباب خلهم يفلونها كل سنه بسياره وش يمنع
ماظيعنا الا حقين علي الحرام ... التخلف اه:(

سامر عبدالله

26/02/2011, 01:21 PM

وين مخافة الله

استهتار ومعاونة لاستمرار الحرام

تساهيل33

26/02/2011, 02:23 PM

الله يهديهم

الظالم لا يرد عليه بالظلم...

..لكن فيه معلومة توي اعرفها ..الحين اذا حصل حادث على السيارة وهي موديل جديد ..يغيرون لك السيارة ؟؟والا وش السالفة؟؟ ارجو التوضيح

سيف الظفير

26/02/2011, 03:25 PM

شلون يجينا الخير وهالاشكال على وجه الارض

حسبي الله ونعم الوكيل

NAVARA 10SE

26/02/2011, 06:11 PM

لاالة الى اللة
ياخوان لوهي مسروقة ماعملو زي كذا كان طشوها وخلص

بس هاذي حركة طاحوبها الشباب ان الموتر يروح تالف

يجي الموتر اسرع من التصليح لان التصليح ياخذ وقت

وكذا يتلفونها وكثر شي شهر والموتر الجديد عندك

لوني من الشركة كان اعطية موتر اقدمنة من السيارات المستعملة
ولا يدفع غرامة ولا يدفع حق الفرق وكذا تنتهي الازمة
اتحدى واحد يسو بسيارات نيسان كذا لغير يروح وطي

NAVARA 10SE

26/02/2011, 06:14 PM

الله يهديهم

الظالم لا يرد عليه بالظلم...

..لكن فيه معلومة توي اعرفها ..الحين اذا حصل حادث على السيارة وهي موديل جديد ..يغيرون لك السيارة ؟؟والا وش السالفة؟؟ ارجو التوضيح

لا يخوي يعطونك موتر اخر موديل جديد اصفاار :good2::good2::good2:

براق دخنة

26/02/2011, 06:17 PM

لا يخوي يعطونك موتر اخر موديل جديد اصفاار :good2::good2::good2:

بعذرهم يومـ يقلبون السيآره !

NAVARA 10SE

26/02/2011, 06:35 PM

هاذي غمارة 2010 رقم اللوحة ا ع ح 9143 سبب ذلك الموتر مكسر ومصدوم مع الباب الايمن
طلعو تقرير حادث انقلاب بعدين سوو زي كذا كملوها

راعي المعنَى

26/02/2011, 06:52 PM

لا حول ولا قوة الا بالله يمكن سارقينها

ابو احمد 2

26/02/2011, 06:53 PM

الله يهديم السياره مسوين فيها حادث باب السايق والتامين شامل اعدمها للتامين والله يهديهم ويعوض الي متكلف والمقطع هذا فضيحه للحادث لامسجله رسمي والموضوع شيق مره

فزاااع

26/02/2011, 07:13 PM

لاحول ولا قوه الا بالله جهل وعدم وعي وجحود للنعمه

اللهم اصلح شباب المسلمين

ربيع الشمال

26/02/2011, 07:49 PM

ربنا لاتؤاخذنا بما فعل السفهاء منا

حسبنا الله ونعم والوكيل

هذا الفعل لايوجد له مايبرره اطلاقاً

,,,,,,,,,,,,,,,,,,,,,,,,,