المساعد الشخصي الرقمي

مشاهدة النسخة كاملة : عطنا شورك


ابوibrahim
25/02/2011, 06:18 AM
:rالسلام عليكم
اخواني الاعزاء ناوي انشاء الله على سيارة
عندي خيارين يا فورد اكسبدشن وما يحتاج انا مجربه موتر واحسن ما فيه وكاله افضل من الحمراني
الخيار الثاني نيسان باترول من حيث توفر قطع الغيار يقولون اللي جربوا الباترول الحمراني ما يوفر قطع الغيار وفيه مقطع في اليوتيوب وهل فيه عيوب مصنعية وهل يتهربد زي القديم وكيف تعامل الحمراني
ابغى اتاكد من ها المعلومات
طبيعه استخدامي للسيارة مب راعي بر ولا تطعيس راعي خطوط وسفريات
ما تهمني الفخامة المهم سيارة راكدة مب تطامر كانك في ددسن
ومريحة
والسلام
عاشق السيل
25/02/2011, 08:26 PM
وعليكم السلام ورحمة الله وبركاته ،،

مدامك منت راعي بر وسواقتك راكدة وعندك حرص على السيارة والتشييك عليها أنصحك تاخذ الفورد رغم عشقي للياباني وخاصة الباترول لكن الحق يقال الفورد أرخص سعر إذا كان نفس الموديل وأريح وأوسع مركب وأرخص قطع غيار لكن لاتفكر تبيع إلا بعد تحليل الموتر لأنك تبي تخسر كثير من السعر !!!

الله يوفقك للي فيه الخير والصلاح ....
Hwer
25/02/2011, 10:51 PM
عاشق السيل قالها بالصميم
شيخ بني تميم
25/02/2011, 10:57 PM
فورد فورد ممتاز
ابن عكاش
25/02/2011, 11:56 PM
معليش لاتزعل مني اسمي الأسبدشن (الدبشه)
ياخي الأمريكي وإن كان رخيص مهوب سيارة بالعربي لصمقة مواتر
إذا فلوسك تاصل 180ألف عليك بوارد اليابان
إلا إذا متعود على المريكي وخثاقته اقول خذه والله يبارك لك
مطيعيس
26/02/2011, 12:41 AM
السلام عليكم
فورد
أو
جمس
مبروك مقدما.
شكرا.


الله يرزقني جمس79:D
ابوibrahim
26/02/2011, 02:42 AM
جزاكم الله خير على النصيحه
كاشت وحداني
26/02/2011, 02:57 AM
اكسبيديشن اكسبيديشن
وسيع ومريح واقتصادي في البنزين ورايق جدا في الخطوط
اذا راعي مطامر بران بصراحه الباترول احسن لك .

اخوي ابن عكاش بصراحه الاكسبيديشن عز الله انه موتر بس للي يعرف له ولا يعاني من مشاكل كهرباء علم انني لم امتلكه لكن في الحقيقه من تجاربي له مع الزملاء والمعارف افضل من الجمس بكثير .
المصباح السحر
26/02/2011, 03:52 AM
مشكلتنا مآخذين فكره عن الامريكي غلط والله انه كويس بس يبيله استخدام حلو راحه وسعه وخط وراسي

الياباني زين للي يكد ويكرف اما للي مثلنا البر بالموسم مره ولا مرتين الامريكي حلو
البرتقالي
26/02/2011, 05:37 AM
يابعدي انا معي لاند جديد
لكن قسم بالله الاكسبدشن اريح وارفه وارخص
عليك بالفورد ولا يهمونك مطبلين تويوتا ونيسان :)
ابوibrahim
27/02/2011, 12:47 AM
مشكورين يا اخوان
لكن هل الباترول 2011 يتهربد
ولا متماسك
عاصوف نجد
27/02/2011, 01:04 AM
السلام عليكم اخوي ابوا براهيم

الاكسبدشن كويس والافضل من الثنين التويوتا سيكويا ممتاز ووسيع ومريح ووكيل يوفر قطع الغيار اشكال والوان يجي ثلاث درجات نظام تصنيع السيارة امريكي
سفاري959
27/02/2011, 01:19 AM
اخوي مع خالص تقديري لك ولكل من يقول قطع غيار الفورد رخيص واحد قريب لي معه اكسبدشن 2006 صدم صدمه خفيفه تأثر الكبوت والشمعات والشبك انا يوم دريت عن سعر الكبوت جديد مسكت راسي كبوته ب 6000 ريال وفوق هذا كله مهما كان الياباني قطعه غاليه بس تعيش ولا اتوقع كبوت الباترول يوصل هالاسعار خذ نصيحتي واشتر الباترول يكفيك الشكل جديد وعند البيع افضل من الأكسبدشن والله يكتب لك الخيره
بن سليمان
27/02/2011, 11:01 AM
مع أحترامي الشديد للفورد الاكسبدشين لكن يبقى الباترول حضوره ورزته عن باقي السيارات
وايضا امكانيته افضل في البر
طبعا السعر لصالح الاكسبدشن بالنسبه لاقل فئة فاذا كنت قادر على سعر الباترول فتوكل على ربك والا وفر فلوسك مع الاكسبدشن
ابوibrahim
28/02/2011, 08:44 AM
السلام عليكم اخوي ابوا براهيم

الاكسبدشن كويس والافضل من الثنين التويوتا سيكويا ممتاز ووسيع ومريح ووكيل يوفر قطع الغيار اشكال والوان يجي ثلاث درجات نظام تصنيع السيارة امريكي
اهلا اخوي
اسمحلي في نقطة السيكويا لا يقارن في الباترول
السيكويا فكرت فيه لكن مقعد السائق والعداد شكله ما جازلي
والمشكله الثانيه ضخم بدرجه كبيرة ركبته مع واحد من الربع
احسنه ماخذ مسارين وما اتوقع انه براحه الفورد ولا بقون النيسان