ابراء ذمة

[وليد السويلم]

بسم الله الرحمن الرحيم



اخواني الاعزاء اقسم بالله اكتب لكم هذا الكلام وانا اريد مصلحتكم لاني لا اريد ان اي شخص يتاذى كما تاذيت



لقد شريت سياره من المعارض النسيم بالرياض وبقيمه باااهظه وقمت بفحصها بمركز كارتك وافدوني بتقرير بان البدي سليم ولا يوجد فيها شي واتضح لي بعد شرائي السياره بان الباب مغير كاملا والمسامير مغيره واثار فك بالرفارف الاماميه وهذا ما حصل في مركز كارتك والله على ما اقول شهيد



الا هل بلغت اللهم فاااشهد

الا هل بلغت اللهم فاااشهد

الا هل بلغت اللهم فاااشهد

ملاحظه |

واقسم بالله لم اظلمهم بكلمه



تكفون انشروها لكي لا يتاثر الاخرون مثلنا

[سلكي نت]

اثابك الله

[ابوسعد931]

ارجوا من الله عز وجل ان يعوضك خيرا ويختار لك مافيه الخير
واشكرك علي التنويه

[دايم العز22]

حسبنا الله ونعم الوكيل على كل ظاااااااااااااااااالم

[فتى الدهناء]

اخوي اثبت ذلك ..حتى لاتضر غيرك ..
فمعرفك جديد .. وكانك سجلت لتوصل هالمعلومة .. عموما ان كان ذلك حقيقة فعوضك الله خيرا .. وحسبي الله على الظالم أينما كان .
اتمنى أن تدعم صحة كلامك لو بالصور ..للفاتورة وصور الرفرف اللي فيه اثار فك ..ليكون لموضوعك مصداقية وتكون اتيت بخير للبقية ..وفقك الله

[Bader-M]

وعليكم السلام ورحمة الله


اخوي اثبت ذلك ..حتى لاتضر غيرك ..
فمعرفك جديد .. وكانك سجلت لتوصل هالمعلومة .. عموما ان كان ذلك حقيقة فعوضك الله خيرا .. وحسبي الله على الظالم أينما كان .
اتمنى أن تدعم صحة كلامك لو بالصور ..للفاتورة وصور الرفرف اللي فيه اثار فك ..ليكون لموضوعك مصداقية وتكون اتيت بخير للبقية ..وفقك الله

صدقت

[moftt]

بيض الله ووجهك

لكن ودك ان الرجال اذاا بيشترري سيارة هو بنفسه يفحصها وبعدها يروح للفحص

[درجلان الشمال]

بيض الله وجهك
لاكن ابا اعلمك العلم الوكاد انا دوامي بجنب مكتب شريطيه المهم تعرفت لي على واحد منهم من السواليف قالي من زماااااان والى الحين بعض ولا اعمم يروحون لفلبيني يعرفونه 70% بالميه الشريطيه يرجعون الطبلون الاكتروني والعادي وبعض المعارض يتعاملون مع محلات التشييك كمبيوتر من يوم يشوف العامل راكب معك يضبط الامور لصالح المعرض وانت ياغافل لك الله
الحل الوحيد ياجديد ولا من احد تعرفه وريح دماغك
تحياتي واشواقي
:)

[ابوعقل]

زي ما قال اخوي فتى الدهناء

معرفك جديد علينا

وموضوعك ناقصه اثباتات

[الدوسري911]

الله يكون بعونك .

[التعـ King ـديل]

اللي يقول معرف الرجال جديد .. بقولكم شي اغلب اجهزه الكشف على البودي ماتعطيك نتيجه 100% وبعطيكم قصه حصلت لي عند البريدي

عندنا فتك 2003 انا منقلب عليه شخصيا بالبر ووديته للعضيب وسمكروه ورشوه كامل رشه مضبوطه كلفتنا حوالي 13000 شغل يد وبويه

وقلت لخويي لاتهمك ورش الكشف يكشفون 20% من اعطال السياره .. المهم رحت انا وياه للبريدي والموتر اللي معنا مكينته يبيلها توظيب

والموتر مرشوش كامل فحص الكمبيوتر عطانا نظافه المحرك 82% والبدي قالو سليم .. مع العلم القلبه على يدي والسمكره انا مسويها

[المصباح السحر]

راعي معرض تائب وحط كلمة (((((((تائب)))))))))) بين قوسييييين

يقول الله لا يبارك في المعارض ولا في شغلها ولا في الشريطة والله العظيم اني كنت شريطي قبل 35 سنه وكنت مع فلان من الناس وعندنا معرض في الشفاء وتركنا الرجال لانه مو راضي عن الغش واشتغل بالبقالات والحين مالياردير

وانا جلست على شغلي بالمعارض ومن فقر في فقر ويا قلب لا تحزن والحين تركتها وصفيت للي معي وحطيته بعمارة ومحلات
من الحركات النجسة اللي يسونها يقول لي كنا نكشخ بالسيارت الزينه اللي ماهي لنا في المناسبات
ومنها نفك بعض الاشياء الاصلية وناخذها

ووصل بنا الحال نكشت بالجيوب ولاحد يدري ونرجعها مكانها

قلة حيا وقلة ادب

[ثلبوتي]

fhv hggi td;

[.أبوعبدالرحمن]

هذا الموضوع الثالث او الثاني عن كارتك والله يستر

وانا مع أخي فتى الدهناء الاثباتات ضرورية ، مع العلم ان الموضوع الاول اللي قريته عن كارتك كان مصور الفاتورة ومصور السيارة يعني جايب الاثباتات من كل الجهات ومصور التقرير من كارتك وتقرير آخر من محل ثاني

[المهاجر انا]

جزاك خير لكن انتبها الظلم حرمه الله على نفسه وعلينا الا نتظالم

[ابو عود]

الخطأ وارد على كل حال
حتى بعض سيارات الوكاله يصير فيها مشاكل

[ALBDRANE]

وليد السويلم حياك الله في منتدى مكشات عضو جديد
وبالنسبه للسمكره وها لأمور لا تعتمد على محلات الفحص دور لك واحد يعرف هالأمور كان ما تفهم فيها وريح راسك والي قال لك أن الموتر مفكوك بابه خلك تسئله دايم أذا بغيت تشتري .

لي تحفظ على عنوان الموضوع ( ابراء ذمة ) .!

[أبوجهاد التبوكي]

بوركت,,,,,

[FORD1969]

اهلا بك في مشكات عضو جديد

[هوايتي مكشات]

الله يعوضك خير .......

[أبو هشام راشد]

أخلف الله عليك بالخير ثبت ما تقول وارجع لهم

[احب الحيا]

السلام عليكم
صباح الخير
الرجال لصق الموظوع وفقع

[الصارم 444]

الله يعوضك

وادع عليهم في كل صلاه

[تاج المودة]

الله يكون بعونك

والوعد مع الظالم يوم الحساب

لاتشيل هم

[السومر]

الله يعوضك

وجزيت خيرآ على التنبيه

[khaled10]

انا سجلت في المنتدى عشان هذا الموضوع
أنا اشتريت سيارة فورد فكتوريا موديل 2008 من حوالي السنة وبصراحة ما افهم في مشاكل السيارات والبدي فقلت عط الخباز خبزة ولو اكل نصة فطلبت من البائع ان افحصها في احدى مراكز الفحص وتوجهنا لاحد المراكز لكن البائع قال اني مستعجل انا وكان رجال كبير في السن لا تروح لهذا المركز لانه زحمه الي انا كنت ناوي اروح له وقالي هذا كارتك كبير وزين وجديد ومدح فيهم للاسف طاوعته ورحت لكاركت وفحصت عنده قالو لي الموتر ما يبي له الا بس خرط هوبات فقط، المهم رحت انا وصاحب السيارة الفورد ووداني لمعرض وتكاتبنا وشريت ولما استلمت السيارة كنت حاط اوراق فحص كاركت فيها لكنها اختفت. وبعت السيارة لاحد زملائي وفحصها قبل لا يشتري في احد المراكز والمصيبة ان السيارة صارت مرشوشة بالكامل وانا خلال استخدامي لها الفترة الماضية ما دخلتها ورشة ابد.

هذا الي صار معي وأنا اقسم بالله العلي العظيم على ذلك

بعض الاخوان طلب براهين للكلام ، وانا وضحت لكم ان اوراق الفحص فقدت اثناء عملية نقل الملكية (أو سرقت) الله اعلم، والسيارة ولله الحمد بعتها لاحد زملائي لكن السعر نزل كثير وهي معه ويستخدمها الحين وعليها ختم كاركت على القزازة الامامية

[sgl2002]

بالنسبة للفورد خصة اللي يجي من أمريكا أكثرها مرشوش ...

ثاني شي أنت افحص الموتر قبل لا تروح لحقين الفحص ... يعني شف وقفة الموتر من بعيد طالع في بطنه تابع الاكسسوارات ... في بعض الاكسسوارات تبين لك استخدام الموتر ... شف تعاشيق القير واسمع صوت المكينة ... بعدين ودها للفحص وقارن بين مافحصت ومافحصوا وهل هم قراب من بعض أو لا؟

[شنطة عده]

الله يجــزاك خير
ويبيض وجهك .......... بالعكس الاشكــال هذي ودك تفضحها
وللمعلوميه 90 % من مراكز الفحص لها تعامل من الشريطيه
والنسبه معلومه مسبقـاً


الواحد يعتمد على نفسه في الفحص واذا ما عنده خلفيه يروح بواحد معه يعرف


والحذر الحذر من الشراء في وقت المغيب او في الليل
كثير من العذاريب وبخاصه البدي ما تكون واضحه

[عضى]

أخي وليد

تقول في كلامك انك قمت بفحصها بمركز كارتك وافدوني بتقرير بان البدي سليم ولا يوجد فيها شي

أخي خذ هذا المثال لو ذهبت الى المركز المذكور وغيرت رفرف مصدوم أمامهم

وركبت جديد وضربته بوية ودخلت الفحص لخرجت النتيجه سليم لماذا السبب ان

الكمبيوترات بجميع أنوعها في ورشة أو مستشفى أو دائره حكومية تقرا حسب المدخل

لها من بيانات فمظهر السياره جيد والتركيب لأرفرف جيد وأي شي آخر فلكمبيوتر لايكشف

إلا القطعة الخارجة من موضعها وتهريب الزيوت وتحرك القطع من مكانها وأفضل شي

الكشف النظري على السياره ويستحسن ان تاخذ معك شخص فاهم ويعينك الله.

:lr:lr:lr:lr:lr:lr:lr:lr:lr:lr:lr:lr

[فاقدخوي]

الله يخلف عليك

[تسعه وتسعين]

الله يعوض عليك والله انا برضه اشتريت فورد ماركيز امريكي والحمد لله عندي خلفية عن السيارات والفحص الميداني وقلت خلن اريح نفسي وافحص كمبيوتر ورحت للمذكور اعلاه كارتك واول ماجيته العامل السوري سلم على الشريطي وياهلا ويامرحبا صلع به انهم بينهم علاقه وفحصت محركات فقط بدون بدي لان عندي خبر انهن مرشوشات والحمد لله لما بعتها ماشفت منها شي
لكن الشاهد ان ورش الفحص بينهم وبين الشريطية علاقات وخصوصاً المذكور..
تقبل مروري

[شبيه سهيل]

جزاك الله خير على التنويه

وعوض الله بخير منها

وهذولا اصحاب مصالح لايوثق في تقريرهم واستشاره اهل الخبره افضل من مراكز الفحص

[مبارك العمور]

السلام عليكم ... اسعد الله أوقاتكم جميعاً ..

أخي العزيز وليد السويلم .. هل الباب مرشوش .. أم تم تغييرة من التشليح جاهز بالكامل ؟؟
وكيف ثبت لك أنه مغير ؟؟؟
في حال تم تغييره من التشليح فمن سابع المستحيلات أن يتم الكشف عنة بالفحص بواسطة الأجهزة .. وهذي معلومة متأكد منها ..

أخي العزيز .. khaled10 ..

موضوعك نفس موضوع صاحب اللكزس
http://www.mekshat.com/vb/showthread.php?t=370676

والفرق أن صاحب اللكزس مر على كذا مركز فحص وكل كلامهم واحد
ونتيجة كارتك صارت مطابقة لنتيجة الوكاله .. وهذا أن دل يدل على قوة وليس ضعف بمركز كارتك ..


أتمنى منكم مراجعة ماورد منكم ومخافة الله في أنفسكم ..

[عااشق نفود]

والله ماردى منه الا البرررررريدي شريت موتر من قبل سنه المهم راعيه يقول فيه كبوت مغيره وكاله
ودخلت الموتر عند البريدي النصاب قال البدي سليم 100% مغير ياخذ هالدراهم وبس 400 ريال فحص على ايش خاااف الله حسبي الله عليه وعلى اشكاله

[شنطة عده]

الله يعوض عليك والله انا برضه اشتريت فورد ماركيز امريكي والحمد لله عندي خلفية عن السيارات والفحص الميداني وقلت خلن اريح نفسي وافحص كمبيوتر ورحت للمذكور اعلاه كارتك واول ماجيته العامل السوري سلم على الشريطي وياهلا ويامرحبا صلع به انهم بينهم علاقه وفحصت محركات فقط بدون بدي لان عندي خبر انهن مرشوشات والحمد لله لما بعتها ماشفت منها شي
لكن الشاهد ان ورش الفحص بينهم وبين الشريطية علاقات وخصوصاً المذكور..
تقبل مروري


انحش من السوري على بطنك وظهرك ...... الثقه والامانه والضمير معدومه فيهم
نهائياً ........... ليس تجني بل من واقع تجربه شخصيه وتجربة اصدقاء واقارب

[HAS5SAN]

حسبنى الله ونعم الوكيل

[الهرم]

راعي معرض تائب وحط كلمة (((((((تائب)))))))))) بين قوسييييين

يقول الله لا يبارك في المعارض ولا في شغلها ولا في الشريطة والله العظيم اني كنت شريطي قبل 35 سنه وكنت مع فلان من الناس وعندنا معرض في الشفاء وتركنا الرجال لانه مو راضي عن الغش واشتغل بالبقالات والحين مالياردير

وانا جلست على شغلي بالمعارض ومن فقر في فقر ويا قلب لا تحزن والحين تركتها وصفيت للي معي وحطيته بعمارة ومحلات
من الحركات النجسة اللي يسونها يقول لي كنا نكشخ بالسيارت الزينه اللي ماهي لنا في المناسبات
ومنها نفك بعض الاشياء الاصلية وناخذها

ووصل بنا الحال نكشت بالجيوب ولاحد يدري ونرجعها مكانها

قلة حيا وقلة ادب

صادق

مره كنت في القصيم قبل 5 سنين في احد المعارض ابحث عن جيب

حصلت صاحب المعرض سألته عن موتر قال صاحبها موقفها وانا والله توي جاي عليها من البر والموتر نضيف

قلت له طيب صاحبها داري انك رايح عليها للبر ؟
جلس يضحك وقال انت لك نظر بالموتر ؟

قلت أول لي اللحين لا ..

هذا ما حصل

والله القصص كثيره

الله يرحمنا برحمته

[مغتراب]

الله يعوض عليك وحسبي الله ونعم الوكيل لاكن اذا بتفحص غير البريدي لا تروح صراحة الرجال صاحب المركز الشايب والله انه نصوح ولا عنده لف ودوران وصريح . من تجربه