المساعد الشخصي الرقمي

مشاهدة النسخة كاملة : الصيانة اللازمة لل100 الف كيلو متر.. حبذا مشرفنا القدير بدوي جنوبي


مدمن فتك
25/02/2011, 04:08 PM
السلام عليكم ورحمة الله وبركاته..
ماهي الصيانة اللازمه ل100 الف كيلو ..علما ان السيارة فتك باترول..
الله وفق ويسعد اللي يرد او يمر :)
جومانشي
25/02/2011, 04:46 PM
اذا تبي نصيحتي دخل موترك الوكاله

تشيك من الصدام الي الصدام

وتنام وانت مرتاح
مدمن فتك
25/02/2011, 10:56 PM
يعطيكم العافيه ونحتاج المزيد
مدمن فتك
26/02/2011, 01:17 AM
للرفع للرفع
1-أبوماجد
26/02/2011, 01:20 AM
الوكالة الله يوفقك
مطنوخ قطر
26/02/2011, 01:36 AM
هلا ياشيخ.... عليك ببعض الشغلات حاول تغيرهن, مثل السيور والفلاتر وزيت القير كانه تماتيك وشييك على البريكات والكفرات اكيد انك بدلتهن:) وماء الاديتر (ماء الوكالة) ومر على الجانبينات(المساعدات)شوف اذا تبي تبديل....هذا اللي عندي وعسى هل الخبرة يمرون على موضوعك ويفيدون الجميع..........وسلامتك
الشهابة
26/02/2011, 01:54 AM
القطع الاستهلاكيه للصيانه الدوريه :

1 . تصفيه المكينه و تغيير مايلزم او الخربان :
بواجي - فحص الكويلات او اسلاك البواجي ( الموجود عندك ) - فلتر بنزين - فلتر هواء - سيور المكينه - فلتر مكيف

2 . الفرامل فحصها و تغيير مايلزم او الخربان :
فحمات أماميه - فحمات خلفيه - فحص وشد فرامل الجلنط - خرط الهوبات اذا كان يحتاج

3 . فحص الميكانيكا ( بطن او اسفل السياره ) و تغيير مايلزم او الخربان :
اذرعه - مساعدات - جلب - مقصات - يايات - ركب - مسامير توازن - شيالات - عمدان - كراسي مكينه و قير و دبل

4 . فحص الكهرباء و توصيلاتها بشكل عام و فحص الانوار و تغيير مايلزم او الخربان .

5 . فحص مستوى الزيوت و تغيير مايلزم :
زيت و فلتر المكينه - زيت و فلتر القير ( التماتيك ) - فحص مستوى زيت الدفرنس و الدبل و القير ( العادي ) - زيت علبة الدركسون

6 . فحص السوائل ( المويات ) :
ماء الرديتر - ماء القربه - رديتر المكيف - مبرد القير التماتيك - ماء المساحات

7 . فحص البطاريه و تغييرها اذا كانت تحتاج تغيير .

8 . فحص الكفرات و تغييرها اذا كانت تحتاج .

9 . فحص التهريبات و وجودها و اصلاحها ( تهريب المكينه - القير - الدبل - الدفرنس - الدركسون )

10 . تربيط السياره بشكل عام داخلي و خارجي اذا كانت تحتاج .

هذا اللي عندي و اللي اعرفه و ان شاء الله يكون نافع .. و الخير في الشباب و اهل الخبره يدلونك على الباقي
ذيب اللابه
26/02/2011, 01:54 AM
هلا ياشيخ.... عليك ببعض الشغلات حاول تغيرهن, مثل السيور والفلاتر وزيت القير كانه تماتيك وشييك على البريكات والكفرات اكيد انك بدلتهن:) وماء الاديتر (ماء الوكالة) ومر على الجانبينات(المساعدات)شوف اذا تبي تبديل....هذا اللي عندي وعسى هل الخبرة يمرون على موضوعك ويفيدون الجميع..........وسلامتك

كلام سليم

وازيد عليه :
شف البواجي واسلاك البواجي


ولا خلك مثلي لا صيانه ولا شي ما ادخلها الورشه الا اذا فيه صوت غريب او خراب
مدمن فتك
26/02/2011, 09:12 AM
بيض الله وجيهكم
بيق مان
26/02/2011, 11:08 AM
مالك ومال الخساير
اذا تعطل شي صلحه وبس
وهي توافيق
واذا المسألة المادية ما تهمك وده للوكالة يشيكون عليه من الى
volcano
26/02/2011, 02:30 PM
ياخوفي تدخلها الوكالة وتطلع مديون وهاتك ياخرابات . نصيحة غير الاشياء الاستهلاكية فقط في ورشة محترمة خارج الوكالة مثل السيور والبواجي وتغيير الزيت والفلتر الخ وكفى الله المؤمنين القتال