صدق من قال ماخاب من استشار.........

[البيـرق]

السلام عليكم ورحمة الله وبركاته
مساكم الله بالخير انا ياجماعة الخير معي لاندكروزر 2006
وودي افصل عامود الدبل عشان يخف الموتر وتقل الصرفيه وغيرها
والسيارة دفع رباعي مستمر ورحت وديته لعدة ورش واغلبهم قالو مايضر
الموتر الاواحد قال انه ياثر في القير لان السياره رباعي مستمر وقير توماتيك
وانا بقناعتي انه لو فصلت العامود بخفف الوزن والحمل على القير.....
وش رايكم ؟؟؟؟؟؟؟؟؟؟
اخوكم
البيــــــرق.........

[البرحه]

والله الي اعرفه

وحسب تجربتي ان الفرارات ممتااازه و تخفف على الموتر واكيد انها تخفف على القير وغيره

لكن ما ادري عن القير التماتيك يمكن انه يختلف

لكن نصيحه ان كانت تركب لا تفوتها

[منتصر]

السلام عليكم ورحمة الله وبركاته
اذا بتاخذ بنصيحتي لاتغير شيء في الموتر خل عنك العبث !!!
الموتر جديد اللة يعطيك من خيرة ويكفيك شرة
انت دفعت قيمة كبيرة في السيارة فاعتقد انك قادرتتحمل المصاريف اللة يزيدك من فضلة.بنسبة لثقل السيارة فالموديلات الاخيرة خفيفة وسريعة بس ادعس
الثقل والصرفية في الموديلات القديمة من 90 وتحت اسئل مجرب

[قرناس الشمال]

الجيكس ار الجديد دفع رباعي مستمر ولا ينفع الفرار ابد :no2: :no2: :no2: لا كن الحل الوحيد
فيه واحد بخيمة البيع عارض فاص الدبل للدبل المستمر تره الموضوع قديم شوي لاكن حربش بالمواضيع
وهذ اضمن من ناحية ويكون الدبل موجد ان احتجتة لا قدر اللة والجهاز استرالي يعني ارقد وامن
ومن ناحية الصرفية مايفرق واجد لاكن العزم بينطلق


ونشالله افتك :D



ودي اسال؟ الجي اكس ار الديزل يجي له فرارت :confused: :confused:

[هويدي]

السلام عليكم

هلابيك يالبيرق اكيد لا فصلته بيرتاح الموتر ويريح راعيه من ناحيه الخفه والعزم

الصرفيه زي ماتفضلو الشباب شي بسيط

ونا سمعت ان محل 4*4 اللي بالرياض عندهم فرارات للاندكروزر وهو محل مشهور

لتجهيز سيارات القنص والدفع الرباعي

قرناس الشمال مسيك بالخير

الجي اكس آر الديزل قدام دفرنس موب عكوس زي البنزين

بتلقاله فرارات بكل مكان وبسعر ما يدعدى 450 الى 500 ريال

مع التحيه للجميع

[الكابتن]

مسيك بالخير اخوى بيرق

انا اعتقد ان الافضل انك ماتغير شى والشركه المصنعه ابخص

انا معاى gxrدفع رباعى مستمر ومره رحت اغير صليب الدبل وبعد ما انفك عامود الدبل حاولت احرك الموتر لكن لم يتحرك

حتى شبكة الدبل الخفيف لان الدفع المستمر تفاضلى اى القوه تذهب للاخف ولهذا فان الدبل الخفيف يجعل الدفع مستمر دون النظرلتفاضل القوه

[فـــــواز]

والللللللللللللللللله حرام عليك

موترك جديد لا تلعب فيه

الموتر موترك وانت بكيفك

لكن وربي انه حرام الموتر بقراطيسه وتدخله ورش وما ورش

احمد ربك وحاول ترضى فيه بوضعه

لا تستبعد بكرة واحد يغيرلك فيه شغله كذة ولا كذة

وبعدها بتتحسسسسسسف طوووووووووول عمرك !!

[القصيم-الرس]

أسمع ياحبيبي
اليابان أدرى من ومنك
خل عنك هالخبطه
واللعب
ثاني شيئ الدبل يفصل إذا مشيت
أكثر من 60
ماني متأكد 60 أو أكثر أو أقل
لأكن يفصل وعلى البركه المتر

[الربذي]

اخوي البرحة بصراحة توقيعك غريب عجيب وشدني وشكلك متيم بالهلي
انا اشوف الهلي مانتشرت بكثره اثاري الذيب في وش اسمة (الديب في القليب)

[البيـرق]

السلام عليكم ورحمة الله وبركاته
صبحكم الله بالخير يانشاما
يالي كل من اضاف رد وعطانا من جود كرمه........
شكلي ابروح لمحل 4x4 وان لقيت عندهم شي زين ولا بخلي الموتر على حاله
وجزاكم الله خير........
اخوكم البيــــــرق..........