فورد اكسبدشن ام سوبربان ام يوكون

[رباعي]

اخواني انا محتار بين الفورد الاكسبدشن الحجم الكبيردفع رباعي
واليوكون الحجم الكبير دفع رباعي
والسوبربان الحجم الكبير دفع رباعي

من موديلات 2008 الى 2011

ايهم الافضل
الاقل اعطال
الاقوى في البر
الاقل استهلاك للبنزين
اقوى مكينه
اقوى قير
اقوى نظام تعليق
العيوب
المزايا
سهوله الصيانه
رخص وتوفر قطع الغيار
السعر مابعد البيع
الراحه


نبي نصائحكم

عموما انا سويت بحث في النت ولقيت هذه المقارنه
بين السيارات اعلاه موديلات 2011

طبعا انا لسا ما حددت الموديل لكن راح يكون من 2008 الى 2011


رابط المقارنه



http://www.cars.com/go/compare/trimCompare.jsp?acodes=USC10FOS312D0,USC10CHS252B0 ,USC10GMS212B0




http://i55.tinypic.com/1z66qz6.png
http://i56.tinypic.com/21b2e51.png
http://i51.tinypic.com/2znocao.png
http://i52.tinypic.com/2m5fio4.png

[مجنون نحم]

من باب النصيحة وهذي من حق المسلم على اخيه

السوبربان مع السواق ماشي حاليا 200 الف "ماشاء الله" ولا طلب شيئ غير البنزين والزيت وخلافة وللامانة

لاحظ انه مع السواق "مديل 07" تحياتي

[البرتقالي]

عليك بالفورد
قسم انه اطلق من تويوتا ونيسان :)

[((ابوملاك))]

اقول قسم بالله ان الفورد فيه تحمل مو طبيعي احسن مليون مره من تويوتا ونيسان وقسم بالله

[Inch]

من ناحية فخامة أقصد بالشكل ..

بلا شك يوكون خصوصاً إذا كان استخدامك طرق ماهوب بر

أما إذا كان بر أتوقع فورد إكسبديشن أصبر ..

لكن في النهاية اليوكن ماشي مع الناس ما اشتكى منه أحد

[ملك الصيانه]

يوكن دبل ممتاز جدا حتى نظام صرفية البنزين فيه اكثر من رائعه
خذه من الجميح وادع لي.
واستخر وانا اخوك قبل كل شي .

[عاشق الvx]

المقارنه فيها بعض الاخطاء او يمكن المواصفات الامريكية غير!!
لاني لاحظت انه مسجل اليوكون والسوبربان الـ1500 مكينتة6لتر!!
وهو بالاساس مكينتة 5,3لتر وال6لتر في فئة ال2500 فقط,,,
انا واعوذ بالله من كلمة انا ما استعملتها استعمال شخصي
لكن مع السواق اكسبدشن ما اشتكينا منه ابد
وعند واحد من الشباب يوكون اكس ال مشاء الله موتر ولا شكى منه ابد,,,

من وجهة نظري تاخذ قيادة تجريبية عند كل الشركتين او تستاجر وتشوف الي يناسبك وترتاحله اكثر
بس حبيت اقولك اذا عزمت على احد الانواع الثلاثة اهم شي يكون 4x4 دفع رباعي لاتاخذ بدون دبل نصيحة
حتى لو كنت منت راعي بر راح يجيك يوم وتحتاجه,,,
الله يكتبلك الي فيه الخير,,

[أبو فيصل 99]

من وجهت نظري أميل للإكسبيدشن راحه ووساع ومنظر ما شاء الله تبارك الله واليوكن لا غبار عليه

وصلاة الإستخارة أفضل

[.أبوعبدالرحمن]

من واقع تجربة كل السيارات التاهو واليوكن والاكسبدشن

كل السيارات ما عليها كلام وأفضل السيارات الكبيرة ولكن أرى أن الافضل هو الاكسبدشن

وأتمنى أنك تدخل السكويا من ضمن الخيارات ولا تنسى الاستخارة بعد الاستشارة

[بن سليمان]

بشكل عام :-

شكلا أميل لليوكن والسوبربان
مضمونا أميل للفورد الاكسبديشين


ايهم الافضل
من ناحية الشكل اليوكن والسوبربان

الاقل اعطال
أميل للفورد

الاقوى في البر
صعبة الحكم لكن تبقى امكانيتها كلها محدودة بحكم انها لم تخصص للبر بشكل كبير

الاقل استهلاك للبنزين
حسب المقارنة اللي أنت حاط الفورد أقل
الفورد في المدينة الجالون يقطع فيك 13 ميل وخارج المدينة 18 ميل
اليوكن والسوبربان الجالون في المدينة 10 ميل وخارج المدينة 13 ميل

عاد أنت حول الجالون لليتر والميل للكيلو علشان تعرف مضبوط صرفية البنزين

اقوى مكينه
الارقام في المقارنة تقول اليوكن والسوبربان أقوى

اقوى قير
تقريبا نفس بعض

اقوى نظام تعليق
متقاربة

العيوب
كلها طويلة
الفورد قلة فروع الوكيل

المزايا
الفورد فيه نظام السنيك للاتصالات والظاهر هذي ميزه غير موجوده في المنافسين

سهوله الصيانه

أشوقها متقاربة

رخص وتوفر قطع الغيار

ايضا متقاربة

السعر مابعد البيع

اللي اشوفه ما فيه فرق كبير

الراحه

نظام التعليق بالفورد نظام مستقل ومعروف النظام المستقل أريح

وسواء اخذت هذا والا هذا ما أملك إلا اني ادعو لك بالتوفيق ويطعمك خيره ويكفيك شره

[رباعي]

شكرا للجميع

[رباعي]

اقول قسم بالله ان الفورد فيه تحمل مو طبيعي احسن مليون مره من تويوتا ونيسان وقسم بالله

اخوي تقييم اي سياره
مو فقط تحمل

يعني ياليت تعطيني امور اخرى غير التحمل

[عبدالعزيز بن احمد]

انا انصحك بالاكسبدشن لانه ارفع من الوجهيه وينفع للبر اكثر من غير والله يكتب لك الخير

[عبادييي]

انا انصحك بالاكسبدشن لانه ارفع من الوجهيه وينفع للبر اكثر من غير والله يكتب لك الخير

الله يجزاك خبر اخوي على المعلومه

لكن اخوي ما قلت هل الفرق كبير لهذه الدرجه

وتقدر تقول تقريبا كم الفرق

وتحياتي

[خوي السفر]

اخوي جميع السيارات الامريكية ممتازة جداً جداً واثبتلك انه فيه قناه على التلفاز علامتها مربع اصفر دائماً يجيبون مخترعون في جميع المجالات وايضاً ترى ان معهم سيارات من نفس النوعية التى اشرت لها لكن تبي نصيحتي خذ لك يوكن خصوصاً النوعية الجديده شكل ورزه ويشيل عرباً واجد واغراض على كيفك


ملاحوظة بسيطة جداً : قطع غيار الفورد دبل قطع غيار الجمس


والله يرزقك

[Bader-M]

بنسبة لي افضل الاكسبدشن

والله اعلم

[مسهي]

تصدق اني اتساءل نفسك لكن في اعتقادي ان السوبربان شيخها كلها لان سعة التحميل فيه اكثر من اليوكن واما مع الفرت يقولون اهل الفرت انه اريح بس انهم لو يعود الزمن فيهم شروا سوبربانات هذا اللي استشفيته من انطباعهم

[عكس التيار]

لكن تذكر اليوكن والسوبربان دفرنس خلفي

والاكسبدشن عكوس

وطبعا مايخفى عليك نوعية صيانة العكوس وغلاء شغل اليد وكثرة القطع والصوف

انا ارشح الجمس ليس تحيز ولا تعصب مع العلم معي اكسبلورر 2005

لكن في نظري انه يتحمل اكثررر ومعروف ان قيور الفورد ضعيفه والدليل شوف الفكتوريا والكسبلورر مع اصحابها لازم يشتكي من القير


واهم من ذالك كله الاستخاره وانا اخوك

[حصن زحام]

تصدق اني اتساءل نفسك لكن في اعتقادي ان السوبربان شيخها كلها لان سعة التحميل فيه اكثر من اليوكن واما مع الفرت يقولون اهل الفرت انه اريح بس انهم لو يعود الزمن فيهم شروا سوبربانات هذا اللي استشفيته من انطباعهم
يا أخي الفرت أكثر سعة من السوبربان


لكن تذكر اليوكن والسوبربان دفرنس خلفي

والاكسبدشن عكوس

وطبعا مايخفى عليك نوعية صيانة العكوس وغلاء شغل اليد وكثرة القطع والصوف

انا ارشح الجمس ليس تحيز ولا تعصب مع العلم معي اكسبلورر 2005

لكن في نظري انه يتحمل اكثررر ومعروف ان قيور الفورد ضعيفه والدليل شوف الفكتوريا والكسبلورر مع اصحابها لازم يشتكي من القير


واهم من ذالك كله الاستخاره وانا اخوك


قير الفورد( إكسبيديشن وليس فكتوريا...) من 2007 ما عليه كلام ,6 تغييرات وما سمعت فيه مثل مشاكل قيرات GMC 2007- 2008

عموما كلاهما ممتاز وإن شاء الله لن تندم عند شراء أي منها, ولكني أميل للفورد, نظرا لراحته وسعته , واستغلال المساحات فيه بشكل جيد خصوصا الصف الثالث فهو قمة الإبداع.

[abo bader99]

فورد اكسبدشن وتوكل على الله نصيحه من مجرب الفورد صيانه ممتازه واعطال قليله