استفسّار عن مراوح الباترول يالغالين .

[رحّال 9]

السّلام عليكم ورحمه الله وبركاته.
#
#
#
#
#
#
#
#

حيّ الله أعضاء مكشات جميعا .

أبغى أركب مراوح سوبارو للباترول ياليت اللي قد ركب يفيدني وين ركبها فيه,

وكم كلفته , واذا واجهته مشاكل او لا, لاني ناوي أركب فا وش رايكم ؟

لاهنتو جميع .

رحّال 9

[محنك]

عليكم السلام ..
بالنسبة لي تجربتي فاشلة معها قبل ابيع السيارة ....
ركبتها سلمك الله عند الدغيري بشرق الرياض .. شغل مظبوط وممتاز
وموتري باترول 1992
المهم : كانت حرارتي نايمة جدا جدا
وبعد ماركبت المراوح شفت الفرق في العزم وصارت النمرة انشط شوي وراحت حنة المكينة (( تماتيك المروحة ))
لكن المشكلة صارت الحرارة حول النصف !!! بعد ماكانت عالخط الاول !!
فأكتشفت ان النيسان يحتر ومكينته حــــــارة ..ومراوح السوبارو تفصل بالحساس واذا فصلت احترت المكينة .. المهم خليتها تشتغل باستمرار بدون فصل ومافاد ..
ورجعت للدغيري وفكيتها وركبت شد البلد ...
.. الملاحظة الثانية .. واحد من الربع معه مثل موتري ركبها وجلس فترة وانشعر الراس والسبب الحـــرارة ..
المراوح ممتازة لكن ماتناسب النيسان مع الاسف ... تناسب التويوتا .
هذي التجربة فقط في الموديل الموضح اعلاه ...
لكن مكاين النيسان 4500 .. و4800
لا اعلم ... والسلام .

[Inch]

يالغالي كم موديل موترك عشان نفيدك

والأديتر هل هو عريض وقصير من الأسفل

أم عرضه قليل لكنه نازل للأسفل .. ؟؟

[رحّال 9]

عليكم السلام ..
بالنسبة لي تجربتي فاشلة معها قبل ابيع السيارة ....
ركبتها سلمك الله عند الدغيري بشرق الرياض .. شغل مظبوط وممتاز
وموتري باترول 1992
المهم : كانت حرارتي نايمة جدا جدا
وبعد ماركبت المراوح شفت الفرق في العزم وصارت النمرة انشط شوي وراحت حنة المكينة (( تماتيك المروحة ))
لكن المشكلة صارت الحرارة حول النصف !!! بعد ماكانت عالخط الاول !!
فأكتشفت ان النيسان يحتر ومكينته حــــــارة ..ومراوح السوبارو تفصل بالحساس واذا فصلت احترت المكينة .. المهم خليتها تشتغل باستمرار بدون فصل ومافاد ..
ورجعت للدغيري وفكيتها وركبت شد البلد ...
.. الملاحظة الثانية .. واحد من الربع معه مثل موتري ركبها وجلس فترة وانشعر الراس والسبب الحـــرارة ..
المراوح ممتازة لكن ماتناسب النيسان مع الاسف ... تناسب التويوتا .
هذي التجربة فقط في الموديل الموضح اعلاه ...
لكن مكاين النيسان 4500 .. و4800
لا اعلم ... والسلام .


الاخ (محنك).

عز الله انك ماقصرت على الشرح الوافي والمبسّط يالغالي .
لكن انا معي باترول ربع 2008 مكينته 4500 .
هل يختلف ظنك ؟
واعيد واكرر ماقصّرت على الرد

رحّال 9

[رحّال 9]

يالغالي كم موديل موترك عشان نفيدك

والأديتر هل هو عريض وقصير من الأسفل

أم عرضه قليل لكنه نازل للأسفل .. ؟؟

الاخ (Inch)

الموتر باترول موديل 2008 .

اما بالنسبه للاديتر فلا اعلم وش قصدك يالغالي .

ياليت تفيدنا بتجربتك .

ووش صار على الجنوط ترى دراهمي والمه بعتني ولا لا هههه

ما قصّرت على ردك يالذيب .

رحّال 9

[ابو عود]

ركبها ولا تشيل هم

تخفف الموتر وتروح الحنه
وينشط الموتر

ولا تركب لها فصال خلها على الحساس حق مرسدس
وعلى المكيف

وارقد وامن

[رحّال 9]

ركبها ولا تشيل هم

تخفف الموتر وتروح الحنه
وينشط الموتر

ولا تركب لها فصال خلها على الحساس حق مرسدس
وعلى المكيف

وارقد وامن

الأخ (ابو عود)

يعني انت قصدك اخليها تماتيك ؟ او تشتغل على طول؟

وما قلت لي يالذيب وين ركبتها وبكم ؟

وماقصّرت يالنشمي على الرد .

رحّال 9

[ابو عود]

ايه خلها تماتيك على الحساس
ومع المكيف اذا شغلت المكيف تشتغل

عندك الدغيري والحبيب والمبارك
وافضلهم المبارك في الشفا

[Inch]

يالغالي المعذرة على التأخر بالرد ..

إذا تبي تطيع شوري وعن تجربة ركب مروحة لكن ماهيب أي مروحة ..

ركب مروحة قراند شيروكي ومهما قالوا لك الناس عن خرابه ما راح

يتحمل موترك زي مروحة القراند .. والخراب اللي بيكون فيها من التسليك

يعني إذا اللي يسلك لك فاهم راح تمشي أمورك ..

باختصار تبي العلم الوكاد دق علي وأعلمك أحسن من الكتابة لأن الكتابة ماراح

تبين وش أنا أبي ..

فاتصل بي وبإذن الله تبي تستفيد <<!!

مع العلم إن الجنوط بعناهن الله يربح اللي شراهن باقي الكفرات إن كان لك نظر ..

وأعتذر عن التأخير بالرد لكن حصل عندي ظرف

[ابو نايف00]

واحد من الشباب مركبهن على 2009 وماشية معة زي الحلاوة ربع قير عادي

لكن احرص على تركيب السرعه ال2 ع المكيف والحساس سواء .

لان الكمبروسر لازم شئ يبرد علية
* اذا احترت السيارة تشتغل المرواح واذا شغلت المكيف ايضا تشتغل بعد . وانس شئ اسمة فاصل .

ركب عند ورشة نيسان بالصناعية القديمة او عند فيروز مركز سوافي او ابو سليمان لة استراحة بالسلي شغل واكي


وشكرا ........

[Inch]

الفاصل مهم في حال إنه خرب عليك سلك الحساس ..