وش افضل خيمه بريه وايضا اخف خيمه بريه للكشتات [الأرشيف]

ولد البدايع

31/08/2002, 10:22 PM

السلام عليكم ورحمة الله وبركاته
شباب ابي مشورتكم بافضل الخيام واخفها لان عندي خيمه لا جاء المطر وجيت احمل مصعت ظهري ابي مشورتكم وشكـــــــــــــــــــــــــــــــــــــــــــــــ ـــــــــــــــــــــــــــــــــــــــرا لكم

ولد البدايع

02/09/2002, 12:09 AM

السلام عليكم ورحمة الله وبركاته

تكفون ياشباب جاوبوني اذا سمحتو ولكم مني جزيل الشكر

راعي بر

02/09/2002, 03:21 PM

في البدايع ما ادري لكن في الرياض

فيه المحلات اللي على شارع الغرابي كلها حقت خيام وتجد عندهم خيمه سعرها قبل سنه الف ريال ببطانه اما بدون تراها 600ريال تنصفط وحجمها مره صغير بعد الصفط ولا فيها عمود في الوسط ومشكلتها الوحيده حجمها ولا هي زينه مره واذا كان حجمها زين لك حجمها ياطويل العمر 5×3 وعسا الله يوفقك انشاء الله .

ولد البدايع

02/09/2002, 03:26 PM

مشكور الف شكر اخوي راعي بر هذي ممتازه بلحيل وانا جاي للرياض هاليومين بس باي محل الزينات ؟

وتقبل تحيات اخوك ولد البدايع

راعي بر

03/09/2002, 01:33 AM

لا يا حبيبي مهيب بمحلات الزينه بمحلات الخيام .

ما ادري انا كنت ادورها الربيع اللي راح ورحت للغرابي صراحة انا دخلت محل واحد لاني كنت مستعجل والزين اني خذت كرتهم وهذا هو

http://www.mekshat.com/pix/gallary/data/images/555.gif

واكيد فيه غيرهم يسون مثل هالخيام وترا معلوماتي مثل ما قلتلك قديمة ولكن دق عليهم وتأكد .

وفي الغرابي العديد من المحلات للخيام .

واتمنى انني افدتك ولو ببعض الشيء .

فتى الوادي

03/09/2002, 02:38 AM

شف هالصورة .. هذه خيمة زينة بالحيل .... ومجربه ...
http://www.mekshat.com/pix/upload/images/mot1.jpg

راعي بر

04/09/2002, 03:23 AM

مشكور يا الفتى على هذي الصورة ولكن
اذا كان ما عليك كلافة
كم مساحتها وكم سعرها ومن وين مفصلها .

فتى الوادي

04/09/2002, 03:28 AM

السلام عليكم
الخيمة اللي في الصورة موجودة عند الصلال للخيام وبيوت الشعر .. واللي أنت ذكرت عنوانه ... أنا أشتريتها منه قبل كم سنة ... ومثل ماتلاحظ في الصورة لها ميزات ممتازة :
1- خفيفة الوزن
2- مبطنه - ضد الماء
3- يمكن لشخص واحد أن يقوم بتركيبها
4- يمكن أن تغير أتجهاتها
5- يمكن أن تفتح أي باب من أي جهة ..
...... الخ
سعرها أظن أنه من 800 ريال للمبطن منها ...

ساري نجد

04/09/2002, 11:44 AM

سلااااااااااااااااام

حياكم الله يا اخوان

أخوي ولد البدايع..... ولا يهونون الربع

شف وانا اخوك..... وانت داخل الرياض جاي من القصيم بعد ما تتعدى الدائري وتمسك طريق الملك فهد...مباشرة يجي على يسارك اسواق الشعبيه - مركز معارض الرياض - شف على يمينك محل كبير اسمه " مصنع توافق لبيوت الشعر والخيام" هذولا عندهم خيام خفيفه وعمليه من نفس نوعية اللي في الصوره وانا مجربها والسعر يختلف حسب التصميم والمقاس.... فيه من 500 ريال الى 2000 واكثر بعد.... بس اللي انا مجربها سعرها بحدود الالف ريال وبصراحه مسكته :) يعني رهيبه.

بعدين فيه نوعيه من الخيام حنا غافلين عنها... وهي اللي تباع في محلات الرياضه مثل اللي يستخدمونها الخواجات... اللي تكفي نفر او نفرين والخامه حقتها شبيهه بالبلاستيك انا عندي وحده من 15 سنه وحليله ... ماتنزل من السياره... حجمها مثل شنطة العده يعني ما تاخذ محل.

مبروك الخيمه مقدما وتطقونها بالعافيه :) :)

وسلاااااااااااااااااااام

راعي بر

04/09/2002, 04:36 PM

يا اخ فتى الوادي

بالنسبة للعنوان هذا كرتهم ما خذه منهم قبل سنة ولكن هل هم غير في شيء ام لا انا ما ادري والكرت قدامك .

يا اخ ساري نجد

ارجوا ان تكتب مساحة الخيمة حقتك اللي خذتاها بألف ؟؟؟

والشكر للجميع .

فتى الوادي

04/09/2002, 05:07 PM

السلام عليكم ورحمة الله وبركاته ...
بالنسبة لمقاس الخيمة .. كما هو ظاهر في الصورة تقريباً 3 * 2.5
وطبعاً فيه غيرهم اللي يفصلها .... لكن يمكن تلقاها عند غيرهم أغلى ...
بالنسبة للخيمة اللي ذكرها أخوي ساري نجد ... صحيح أنها ممتاز وخفيفة .. لكن ما تصلح بها الجوى اللي كأنك مدلي وجهك في تنور :D
تصلح للأجواء الباردة .. مثل أمريكا وكندا وأستراليا ... أما عندنا في الممكلمة والله أن تحمس الحرارة والشمس خيمتك وتطفس داخلها ..
أما الخيمة اللي ذكرت فهي مناسبة للحرارة ومقاومة لعوامل التعرية كالشعوف واللهايب ... لأن ممكن تثبتها بأطناب إذا الجو فيه هواء ...
والسلام

الواضح

07/09/2002, 10:18 PM

السلام عليكم ورحمة الله وبركاته
الأخ الكريم ولد البدايع
هذا الموضوع يمكن يفيدك (http://www.mekshat.com/vb/showthread.php?threadid=4004)
تحياتي

ساري نجد

08/09/2002, 10:44 AM

سلااااااااااااااااام

اخوي بالنسبه لمساحة الخيمه تقريبا اربعه في خمسه مثل اللي في الصوره اللي فوق

http://www.mekshat.com/vb/attachment.php?s=&postid=20830

يعني تكفي سته اشخاص للنوم مرتاحين وطبعا زاويه للطبخ والعزبه :)

وسلااااااااام

ساري نجد

14/09/2002, 09:15 AM

سلاااااااااااااااام

رحت وشفت فاتورة خيمتي ولقيت المساحه والسعر :

المساحه اربعه في اربعه وسعرها يوم اشتريها من اربع سنوات كان بـ 1200 ريال

بس على فكره هم - مصنع توافق للخيام - عندهم اشكال جديده حسب ما سمعت من الشباب افضل وارخص بعد... والعهده على الراوي

سلاااااااااااااااااااااام

ابو عبدالكريم

14/09/2002, 07:34 PM

الأخ / ولد البدائع
السلام عليكم ورحمة الله وبركاتة
اوصيك بهذه الخيمة الصغيره والهلة التركيب ويمكن حملها بأي سيارة ومقاسها3×3
وتوجد لدى رحلتي عند مخرج 10
http://http://www.mekshat.com/pix/gallary/data/images/kh2.JPG

a_mmg

15/09/2002, 02:31 PM

يالجماعه شفت بجريدة أعلانية غرفة بلاستيك مقاسها 3 متر ب 2ونص و تنركب تركيب سقف و بيبان
لا ودرايش بعد :row:

ابو عبدالكريم

15/09/2002, 08:07 PM

عفواً هذه صورة الخيمه
http://www.mekshat.com/pix/gallary/data/images/kh2.JPG

ابو عبدالكريم

15/09/2002, 08:11 PM

وهذه صوره اخرى
http://www.mekshat.com/pix/gallary/data/images/kh.JPG

فتى الوادي

16/09/2002, 05:34 AM

يعطيك العافية ...
وين تلقى فيه ؟ في اي المحلات ؟ وكم السعر ؟

فتى الوادي

16/09/2002, 05:37 AM

صورة الخيمة اللي قال عنها أبو عبدالكريم
http://www.mekshat.com/pix/upload/images/mot2.jpg

Abu-Sulaiman

16/09/2002, 11:23 AM

السلام عليكم
فيه خيمه توي شاريه من الرياض من شارع الغرابي محل احمد الزهراني
مقاسه 4*4
غاطين واحد تنزاني وبطانه سوريه في الداخل
الخيمه هذي قطعه وحده يعني بدون رواق وله عمدان مع الجوانب ارتفاعه مع الجوانب1.70متر ومع النص 2م
جهه كامله تفتح مثل المظله وتحط له عمدان وتطلع الخيمه مثل الشق حق البدو
الجهه المقابله له باب عادي
لكل الفتحتين من الداخل قماش ناموسيه علشان الحشرات وايضا البيبان كلهن سحابات
حجمه الا صفطته اكبر من كيس الرز بشوي وتحطه بكيس خاص له
العمدان لهن كيس ثاني بلحالهن وعدد العمدان داخل الخيمه 8 عمدان علي الجوانب وواحد بالنص
العمدان علي وصلتين
قيمة الخيمه ب 900ريال
القيمه الاساسيه 850 ريال لكن اضفت عليه الناموسيه وبلاستيك ثقيل للدفن وقتحات لخياطة البيبان في حال خراب السحاب

ان شاء الله احاول ارفق صور للخيمة في القريب العاجل

محمد الساري

22/10/2002, 10:32 AM

خيام توافق خيام ممتازه وانا شريت منهم وحده العام ووحده هالسنه المقاسات متعدده ونوعية القماش تنزاني ممتاز المشكله الوحيدة غلاء الأسعار.عموماً لهم عدة مواقع على طريق الملك فهد وعلى طريق الأمير عبدالله،والأسعار من850 الى 1550 ريال والأطوال من3×3 الى 5×6 م وتمتاز بخفة الوزن وسهولة التركيب هذاماعندي والله يوفقك

مهتوي

19/11/2002, 09:31 AM

http://m7room939.jeeran.com/bar.jpg

السلام عليــــــــــكم يا الربع ..
هلا اخوي ولد البدايع .. مثل منت شايف في الصوره ..هذي الخيمه نفسها اللي مع فتى الوادي ... ومثل ماقال ولا اعقب على كلامه ..

قحف

30/11/2002, 08:58 AM

ولد الديرة
الخيام الحلوة والزينة وعلى الذوق موجودة في الرياض على العناوين اللي
ذكروها الشباب =الغرابي -البطحاء- السعر مناسب جدا
=مخرج 10 -السعر اغلى بقليل ميزتة تناظرها على
الطبيعة
=مصنع توا فق .
طبعا المقاس على الذوق .سهلة التركيب .
الشللة كلهم معهم على وحدة ويتنافسون في تركيبها.خلال عشر
دقائق يركبونها....................

قحف

01/12/2002, 06:32 AM

السلام عليكم
الأخ= ولد الديرة
هل اشتريت خيمة ام لـــــــــــــــــــــــــــــــــــلا
وشرح لنا بالتفصيل
ســـــــــــــــــــــــلآلالالالالالالالالالالالا لالام

Bo Rashed

04/12/2002, 07:39 AM

السلام عليكم

حسب تجربتي الشخصيه فان احسن انواع الخيام هي كالتالي:

1- خيمة الصباح او كما تسمى الصباحيه وهي من احسن انواع الخيام وتصنع في الكويت وتصلح للجو البارد والممطر فهي دافئه جدا ولو تكب عليها بحر ما يدخلها شي, ولكن عيبها الوحيد انها ثقيله. ولكن نادر ان تجد منها بالسعوديه.

2- خيام القاضي وتصنع بالسعوديه وهي بمثل جودة الصباحيه ونفس العيوب.

3- خيام صناعه باكستانيه وهي خفيفه جدا ولكنها رديئه فاذا نزل المطر تقول كانك جالس برى الخيمه. واذا هب عليك برد الشمال ينقص عظمك وتلقا داخل الخيمه ابرد من خارجها :D ولكنها ممتازه للجو الحار ورخيصه جدا ماتتعدى 600 ريال.

وتقبلوا تحياتي

ابواحمد

15/12/2002, 09:27 PM

مع التحية للاخوان واحب ان افيدكم لنوع من الخيام يصنع في مصنع القاضي بالدمام هي خيمة المقانيص
هذة ممتازه وخفيفة وسعرها بحدود الالف ريال وهي معروضةعندهم ولااعرف فرعهم بالرياض.
وبالنسبةللخيمة التي نصحوا فيها الاخوان والمعروضة في الصورة ممتازة ولكن عيوبها بالمفصلات او الروابط بين الزوايا وكثرة الحديد والقطع .
وتقبلوا تحياتي

ابو علي القصيمي

04/01/2003, 04:37 PM

لا يفوتكـــــــــــــــــــــــــم العرض الخاص على الخيام الاصفهانية ..........

...... المواصفات : 4متر في 4متر

........ عامود واحد حديد يفصل ويصير قطعتين عند الفك والتركيب

...................... اللون : بيضاء

.............. مبطنه

كما توجد خدمة التوصيل المجاني لأي مكان في الرياض

.................. ترى اسعارها خـــــــــــــــــــــــــــــــــاصــــــــة

...........................لا يفـــــــــــــــــــــــــــــوتـــــــــكـــــــ ــــــــــــم................

راعي البعارين

04/01/2003, 11:06 PM

عليك بالسنيدي أوالتوافق أو محلات الغرابي بس أنتبه لفرق الأسعار هناك وهناك محل خيام بالسلي كويس ورخيص مخرج 15 ثاني اشارة اذا لفيت متجه شرق

عابر سبيل

05/01/2003, 12:35 PM

اخوي راعي البعارين ما ظنيت انه رخيص الله يهديك وشرايك بالخيام الباكستانيه اللي عندهم الجاهزة لقيت ياطويل العمر اللي مقاسها 3*4 متر بـ ( 900 ) ريال مهيب غاليه :confused: :confused:

ولا يقول نفصلها لك تنزاني وبدون بطانه 1200 ريال نفس المقاس اللي فوق (((( ويييييييييين ))))) ؟؟؟؟

بينما تلقى نفس الخيمه اللي عندهم وتنزاني ومبطنه بــ 900 ريال بس (( يعني ميب خساره )) وتلقاها بالغرابي ومحلات تجهيز الرحلات .....

سلالالالالالالالالالالالالالالالالالالالالالالام

ابو علي القصيمي

18/01/2003, 08:56 PM

السلام عليكم ورحمة الله وبركاته

اقول ياشباب فيه خيام رخيصة مررررررررررة .......... فقط بـــ 350 ــــ ريال سعودي ..

وهذي مواصفاتها :: باكستانية .. 16 اونص (( يعني خفيفه ., وليست ضد الماء ))

..... مبطنه .... 4م في 4م ..... اللون : بيضاء ........

..... وطبعا تراها رواقات واطناب .. والعامود حقها اللي بالوسط حديد خفيف وصلتين ...

....... تجدونها عند التميمي للخيام بالغرابي ...........

.......................................... ملاحظة : كلما زادت الاونصات زاد السعر ..........

...................ولكم تحياتي ....................................

نقا هشال

19/01/2003, 04:00 PM

موضع استفدت منه

شكراً للجميع

راعي عنيزة

19/01/2003, 09:17 PM

وش رايكم بذي

شراع باكستاني 18 مبطن قماش سوري

شغل المرباع بعنيزه

اطول ماصوره متر ونص وكل نوع من المواصير والوصلات مصبوغ بلون عشان سهوله التركيب
الخيمه وهي ملفوفه اصغر من الفراش ومقاسه 3 في 2 وسعره 500 ومدري اذا عندهم مقاس اكبر

http://ra3i.jeeran.com/za/51.jpg

http://ra3i.jeeran.com/za/52.jpg

راعي بر

20/01/2003, 12:53 AM

نصيحة

لكل

من

اراد

ان

يشتري

خيمة

خفيفة

لا تفوتكم خيمة الصلال 3×3 مبطنة ب775ريال وممتازة يمكنك بعد التدرب عليها ان تنصبها في ربع ساعة وحجمها بعد طويها صغير وعلى اطرافها من الاسفل بلاستيكويأتي مع الخيمة ثلاث اكياس بلاستيك مدبله الاول لوضع فيه الخيمة ليحفظها والثاني لوضع فيها العمدان والثالث لوضع ((القسامات)) الزواياالتي تربط العمدان بعضها ببعض .

من يريد المزيد عن هذه الخيمة انا حاضر

أيمن

20/01/2003, 04:20 AM

أخوي راعي عنيزة .. لاهنت
هل يمكن رؤيتها وهي ملفوفة ومسفطة جاهزة للتحميل؟

راعي عنيزة

20/01/2003, 06:31 AM

تامر امر اخوي ايمن

الخيمه لواحد من الربع وانشالله في اقرب فرصه اروح له واصورها

وهي مثل الخيمه الي قال عنها اخوي راعي بر بثلاث اكياس لكن بدال البلاستيك صايره اكياس شراع

m3622222

20/01/2003, 03:11 PM

بصراحه يالربع خيمة الشراع حلوة وخفيفة

عجاج

20/01/2003, 04:29 PM

ماقصرت اخوي راعي عنيزه على هالخيمه الحلوه :good:
بس ياليت تعلمنا هو يدخله الماء ولا مبطنه ببلاستيك
واذا كانت مابطنت ببلاستيك كم تكلف مع البطانه :confused:

راعي عنيزة

20/01/2003, 05:41 PM

هلا بك اخوي عجاج القماش الوحيد الي ما يدخله الما هو التنزاني اما الباقي كله يدخله
وخيمه بذا الحجم قماش تنزاني تعدى الف ريال !

لكنهم يبطنونه بعازل بلاستيك ولكن رفيقي ما طلب عازل ماء لسببين :

1- مع الهوا والعجاج يا عجاج <= شعر :D يبدا البلاستك يخرفش ويزعجك

2- العازل ما يوقي الا داخل الخيمه اما الطالعي بيربص وتثقل والا نشفت صارت خيمتك خرايط من الما

لذلك اذا لمحت الغيم مقبل اجدع فوق خيمتك طربال بلاستك واربطه زين وكذا ما يجي الما لا للداخلي ولا للطالعي وسلامتكم :)

عجاج

20/01/2003, 06:55 PM

تسلم والله ياراعي عنيزه ياخلف عنيزه عز الله انك كفيت و وفيت ومشكور وماقصرت:good:

راعي عنيزة

21/01/2003, 09:49 AM

حياك الله يا خلفهم

مهارش

21/01/2003, 03:07 PM

يا اخوان انا عندى خيمه مفصلها فى الرياض و مواصفاتها تشبه حقت راعى عنيزه . ومواصفاتها :

1- الطربال الخارجى تنزانى ضد الماء و اعتقد انكم تعرفون الطربال التنزانى الى يسون منه فرش النوم لأن ميزته خفيف الوزن وسهل حمله و ضد الماء او الرطوبه او الطلوله .
2- تركب بشكل سريع حيث ان مواصيرها ملونه ثلاث الوان . يعنى ما عليك الا تدخل كل لون فى مثله ثمن تحط الطربال فوق المواصير
3- عدد 2 باب واحد بـسحابين و الثانى بسحاب واحد فى المنتصف .
3- الرواقين التى ليست من جهه الأبواب بها سحابات من الأطراف بحيث يمكنك ان تحول هذه الرواقات الى مظلات يعنى ترفعها الى الأعلى و تثبت بمواصير.
4- اذا فتحت الرواقات يوجد طبقه اخرى من الشبك يمنع دخول الذباب بحيث تستمتع بتيار الهواء دون دخول الذباب .
5- سهله الحمل فى اى سياره
6- بأمكانك تفصل حسب الطلب ( خيمتى 3 فى 4 وسعرها 1400 ريال )
7-بأمكان تثبيتها بأربعه اطناب كبار خارجيه الأطناب الداخليه خياريه فى زياده التثبيت .

والى يبى يشوفها يروح لدار الفراسه بالرياض (امتداد مخرج 15 او 16من جهه الشرق )
جوال 055414797

تحياتى

الفرعاوي

29/01/2003, 03:00 PM

السلام عليكم جميعا

بالنسبة للخيام انا من رأيي ان المساحة 3 في 3 مناسبة للاسباب التالية :-

1. تحمل كل سياة تقريبا 4 أشخاص و الخيمة 3في3 كافية و بذلك خيمة لكل سيارة.
2. أخف في الوزن و مرونة اكثر و أسهل في التلفيز أثناء التحميل.
3. للي كثار ، ممكن خيمة تكون مطبخ و الاخرى جلسة.
4. من ملاحظتي للأسعار انها تنبني على المتر تقريبا و بالتالي مثلا 3في3 خيمتين = 6في3 وحدة.
5. امكانية فصل ذوي الامكانيات و الاحتياجات الخاصة عن العامة.

و من المميزات المهمة في الخيمة :-

1. قماش تنزاني قطعة وحدة (يفضل لون غير الأبيض عشان ما يبان الوسخ) أخف و عازل للمطر.
2. تنفتح من جميع الإتجاهات للحصول على اعلى كمية من البراد في القايلة.
3. التصميم و يفضل المواصير الصغيرة لسهولة و سرعة التركيب وبشخص واحد.
4. دريشتين مشخلة و يفضل امكانية فتحها و صكها من الداخل (و ليس من الخارج).
5. الباب ينفتح من الداخل و الخارج (جهتين السحاب زي خياش النوم) و يفضل امكانية فتحة بدون إزالة التراب اللي تحت (السحاب ينزل من فوق و منثمن على جنب منثمن على فوق).
6. معاليق و مخابي في جميع الأركان (واحد للمطبخ ممكن ربطها برفوف خشب يصف عليها عدة الطبخ).
7. علاق على ارتفاع 50سم على الجدران من داخل يمكن ربطه بطربال بلاستيك (الأزرق) من جميع الجهات عند النوم علشان الخشاش.
8. تسفط بمقاس تقريبي 1 متر في 1 متر و ارتفاع 10 سم للمرونة لزوم وضعها على التندة عند الحاجة و يفضل كيس قماش تايلاندي.
9. خلاص بعد ..

و سلامتكم

hani458

01/02/2003, 09:32 AM

يعطيكم العافيه واشبعتو الموضوع بالمعلومات والافكار

ابو علي القصيمي

03/02/2003, 02:05 PM

طيب ياشباب مافيه احد تكلم عن الحماره والجحشه ؟؟؟؟؟؟؟؟

...... نرجوا ممن عنده خلفية عن هذا ولديه الخبرة ان يخبرنا ....

.... ويزودنا بالمعلومات عنها ..( انواعها ,,حجمها ,, وزنها ,, سعرها )))

.......................................وشكرا للجميع

أيمن

15/06/2003, 05:07 PM

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

رجل شرقي

31/12/2005, 01:09 PM

اخواني بالفعل موضوع رائع واستفدت منه ..وان كان فديم الا انه متجدد من نفسه ،

وعندي استفسار لو سمحتوا ..

انا من قطر ، وطبعا في الدوحه تنقصها هالمحلات اللي تبيع مثل هذه النوعيه ، الا انه ظهر اخيرا بعض المحلات التي تشتري هذه المعدات والادوات والاغراض من السعوديه وتبيعها هنا في الدوحه .

ومن ضمن هذه الاشياء ( خيمة التنهات ) وهي مصنوعه من قبل السنيدي ..؟؟ فما ادري هل هي عمليه ضد المطر والبرد ؟؟؟
وهل طربالها من النوع الجيد ؟ وكم سعرها في السعوديه وفي محلات السنيدي بالتحديد ..؟؟
وهي خيمه تركيب ، مبطنه ، على شكل نصف دائره ..وبحجم تقريبا ثلاثه ونص في ثلاثه تقريبا ..

ياليت احد من الاخوان عنده معلومات عنها ..
وخاصة من ناحية الجوده والسعر ..

تحياتي
رجل شرقي
الدوحه

الجارمن

31/12/2005, 01:27 PM

هذه صورة خيمة توافق
ومقاسها 3 في 4 والعواميد من الالمنيوم وهي ضد الماء

http://www.mekshat.com/pix/upload/images13/mk8008_190.jpg

رواح

01/01/2006, 08:47 PM

خيمة السنيدي فاشله بشتى انوعها تقطع مع ادنى هواء ومساكات الأطناب تقطع بسهولة جدا وبارده وخيط العمود ينقطع بسرعه انا جربتها
لا انصحك بها واسعارها من290حتى450للكبيره والوسط اقل سعر وهي نص دائره ---يعني فاشله

عاشق عرعر

04/01/2006, 01:33 PM

مشكورين ياشباب علي هذا اللموضوع لاكن كم المقاس واين يوجد القاضي ومشكووووووور

نقا خريم

04/01/2006, 01:44 PM

اخوي الجارمن الله لايهينك
عطنا تفاصيل اكثر
من وين فصلتها؟
وبكم؟
وهل هي خفيفه لدرجه اذا جاها هوا اوعجاج يشيلها يمين ويسار؟
نرجوا التكرم بالرد

الجرنـاس

04/01/2006, 05:35 PM

الأخ / رجل شرقي
السلام عليكم ورحمة الله وبركاته
في اعتقادي لاتوجد خيمه من خيام السنيدي اسمها التنهات النصف برميل اسمها برازيليه
لا انصح بها فقد جربتها وهي عندي الأن
لكن اذا ممكن تحدد لي اسم المحل ومكانه بامر باشوفها وباعطيك خبر عن سعرها لأني جيت السنيدي وشفت خيامهم في الرياض وشريت منهم وعندي كتلوجاتهم
على فكره ترا السنيدي مال الخيام الي في الرياض غير عن السنيدي الي في النت مال عدد المقناص
وراجع هذا الرابط بفيدك ان شاء الله http://www.mekshat.com/vb/showthread.php?t=39304&page=2&pp=15
عيدك مبارك

رجل شرقي

05/01/2006, 09:46 PM

مشكور اخي القرناس ، والخيمه اللي شريتها شريتها من قطر
وهي على حسب النوع الموجود في الرابط اللي ذكرته
وهي مبطنه وبين عليها بانها ضد الماء ومكتوب عليها السنيدي - خيمة التنهات

وهي كمت في الصوره التاليه

http://www.6abib.com/up/uploads/f24698e381.jpg

ومن داخل بهذا الشكل

http://www.6abib.com/up/uploads/47ceaf46ba.jpg

هل هي عمليه في البرد والمطر

الجرنـاس

06/01/2006, 10:33 AM

الجارمن

06/01/2006, 11:34 AM

الاخ نقا خريم
الخيمة هي خيمة مصنع توافق بالرياض
والمقاس 3 في 4 وتجي 4 في 5 ، العواميد من الالمنيوم ( عامود عند كل باب وعارضة تربط العامودين) السعر كانت ب 950 ريال لكن الان على مااعتقد زاد سعرها إلى 1100 ريال طبعا السعر هذا بدون البطانة ، انا اخذتها بدون البطانة وبطنتها عند محل المرباع بعنيزة السبب ان الوان البطانة عند المصنع ما تصلح اصفر وبرتقالي نسيت اقولك ان القماش ضد الماء
ومكان المصنع وانت داخل الرياض بعد ما تعتدي مخرج الدائري الشمالي( طريق الدمام)
تاخذ اول مخرج لشارع الخدمة تراه يجيك على طول بعد طريق الدمام
على العموم اول ما تدخل طريق الخدمة يجيك البنك الإمريكي، المصنع بعد البنك على طول
اما بخصوص راي في الخيمة فهي اكثر من رائعة للاسباب التالية
* خفيفة - يشيلها شخص واحد
* نصبها وفكها سهل جداً - 10 دقائق لكل عملية
* صغيرة جداً عند التسفيط - تأخذ عرض الباث فايندر في المرتبة الخلفية
* تشيل من 6 إلى 7 أشخاص عند النوم

رجل شرقي

06/01/2006, 04:41 PM

الأخ / رجل شرقي

السلام عليك
الصغيره غير مبطنه سعرها 395 ريال سعودي
والمبطنه 550 ريال
للبحر زينه بس للبرد والمطر اشك في قدرتها على التحمل

ارجو ذكر اسم المحل الي يبيعها في قطر لأني قطري مثلك ودي امر المحل

الخيمه شريتها من سوق الخميس والجمعه في محل طيور اسمه ( صقور الجزيره ) السوق الثاني من الخميس والجمعه مش الاول ، ويجيك في الكونر عند المظلات ..

والخيمه الى الان ما كشت بها ولا نصبتها .. وهذي بعض الصور لها وهي داخل شنطتها ..

http://www.losaan.com/upp/uploads/41b8c85501.jpg (http://www.losaan.com/upp)

http://www.losaan.com/upp/uploads/b1391ebdc5.jpg (http://www.losaan.com/upp)

http://www.losaan.com/upp/uploads/29eae97313.jpg (http://www.losaan.com/upp)

http://www.losaan.com/upp/uploads/426f5e2ef0.jpg (http://www.losaan.com/upp)

زرفال

08/01/2006, 05:56 PM

السلام عليكم يخواني وشخباركم بس كان ودي أسئلكم جربتو خيمة البيرق الي عند القاضي http://mekshat.com/vb/images/smilies/rolleyes.gif والله أن زينة وحجمه صغير وظد المطر يجي منه مقاسين 3X3و4.5X4.5 أزين مابة أن بنية سريع ماتخ 10 داقائق وزنة خفيف يمكن 15 كيلووهاذي صوره للخيمة الكبيرة:
http://www.mekshat.com/pix/upload/images13/mk18350_admmam.jpg

abodhem

09/01/2006, 03:28 AM

مشكورين ياشباب علي هذا اللموضوع لاكن كم المقاس واين يوجد القاضي ومشكووووووور

لجميع الاخوة القاضي للخيام فتح بالرياض قبل شهر وعنده انواع من الخيام الجيدة وموقعه في مخرج 15 وانت متجه شرق قبل الاشارة الرابعة بعشرين متر على اليمين وعموما هذا المخرج يوجدفيه عشرات المحلات للخيام والرحلات
وشكرا للجميع

الاحداثي

12/01/2006, 07:22 PM

اخوي ولد البدايع حياك الله وكل عام وأنت بخير ...
بالنسبة للخيام عند المرباع بعنيزة خيام 4*4 و3*4مواصير ألمنيوم وقماش تنزاني غاية في الروعة والخفة وسهولة التركيب ومقاومة الماء...:good: ومنها ما يكون شراعها باكستاني بالإضافة لأنواع من الخيام الجاهزة ( المستوردة ) وبمقاسات وأشكال مختلفة .وبالنسبة لهاتف المرباع للرحلات هو ( 3646555-06).
أتمنى أن أكون أفدتك...:)
وتقبل فائق تحياتي ودعواتي لك بالتوفيق...

الجرنـاس

12/01/2006, 10:27 PM

الأخ / زرفال
سلام عليك وعيدك مبارك
الخيمه شكلها جميل بس ياريت تعطينا لها صوره من ناحية الوجه المفتوح حتي نراها من الداخل ولو تكرمث سعرها

aligharbis

15/01/2006, 09:23 PM

رائعة جدااا

جاروود

16/01/2006, 10:43 AM

بسم الله الرحمن الرحيم

حياك الله ياخوي رجل شرقي انا شريت نفس الخميه الي عندك تنهات مبطنة بس فيها يعض العيوب

1- داخل الخيمه يدخل عليك الماء مع الندى( الطل)

2- فك الخيمه وتركيبها مجهد جدا ومتعب

عبدالرحمن

17/01/2006, 05:37 PM

السلام عليكم

اخواني اي واحد بيشتري خيمه نصيحه اخويه انه يخلي صاحب المحل ينصبها قدامه لاني اشتريت خيمه من السنيدي خيمه الصحراء ولما طلعت للبر وجيت انصبها طلعت معيبه ولما جيت ارجعها قالي وش اسوي فيها انا هذا حظك وصارت مشكله الين بدلتها بثانيه غيرها. لذلك اي شي تشتريه جربه واشرط على صاحب المحل انك ترجعه اذا حصل عيب خلال مده معينه .

قرناس نجد

21/03/2007, 12:43 PM

عندي الخيمة هذي تقارب للخيام الي عرضوها الشباب http://www.mekshat.com/vb/showthread.php?t=75955

عطيب المظاريب

21/03/2007, 03:19 PM

السلام عليكم

انا منرايي انه ما فيه ازين من خيمة البيرق 5*5 لا مطر لاهوا ومع ذلك صغيره ويكفي شخص واحد يطقها وشخص واحد يفكها ويطويها

انا شاريها من القاضي 1300

عز الله انها خيمة على مستوى

amegren

11/02/2008, 08:57 PM

أشكرك أخي ساري وصح لسانك أنا عندي خيمة غرفتين أمريكية الماركة صينية الصنع ومسكتة تنصبها في ربع ساعة لوحدك وفي خمس دقائق إذا معك من يساعدك مشكلتها أنها حساسة لأي أجزاء حادّة ومع أنها عندي من 15 سنة ما انشقت أبد مشكلتها الأخرى أنها وقت الدفا تكتمك بالحر حتى ولو فتحت درايشها كلها لا زم تطلع برا وتحط مظلة حقيقي مصممة لليالي البرد القارسة والهواء ماعندك مشكلة لأنها مصممة بحيث الهواء ما يصدم بأجزائها فلا يحدث صوت شرط أنك تثبتها جيدا في الأرض وإلا طرت أنت وياها

aamd2007

12/02/2008, 01:17 PM

faad

13/02/2008, 12:13 PM

اخي الفاضل
السلام عليكم
افضل الخيام في نظري خيمة القاضي ( البيرق ) لاني مجربها خفيفة وسهلة التركيب لاني قبل البارحة كنت في ام عشر ونزل علينا المطر غزيرا وقمنا بسرعة وركبناه في وقت مايتعدا السبع دقايق اهم شئ ان الي يركبونها قد ركبوه من قبل لعدة مرات لكي يتعودو على تركيبا وطريقتها
اخوك
faad

http://pix.nofrag.com/1/d/7/64f0c811085d3f40a92dc1978e847.jpg (http://pix.nofrag.com/1/d/7/64f0c811085d3f40a92dc1978e847.html)

abukhaled292

13/02/2008, 12:55 PM

بالنسبة لي جربت خيمة صغيرة 3x3 عند التميمي للخيام في الغرابي وهي خفيفة الوزن وعملية ومبطنة ثلاث طبقات كبس ضد المطر وهي عملية وخفيفة الوزن وبها عمود في الوسط وبالنسبة لي فهي ممتازة وتركيبها سهل بحيث من الممكن أن يركبها شخص لوحه وتلفون المحل بالغرابي 4011470

كلام أخوي صحيح بالمرة وقد جربتها قبل يومين وكانت بالفعل خيمة حتى يمكن للشخص ان يركبها لحاله وقد تستغرق في نصبها حوالي 10 دقائق فقط ويمكن اقل او اكثر بقليل وفي الختام لاتفوتكم هذه الخيمة بادروا بشراءها حالا وشكرا لكم

محلات الكشاتة الرئيسي

20/02/2008, 05:01 AM

أفضل خيمه 4×4 عامودين وسهله التركيب شريتها منالاسم:عوض جوال 0556499000

http://www.mekshat.com/pix/upload02/images59/mk70213_mk8008_190.jpg

محلات الكشاتة الرئيسي

20/02/2008, 05:06 AM

أفضل خيمه وجيده عنده أشكال حلوه ومختلفه أسمه عوض جوال0556499000
http://www.mekshat.com/pix/upload02/images58/mk70213_52.jpg

العريني1

20/02/2008, 06:00 AM

اخوي عاشق الخبوب الله يجزاك خير .. ودي اسألك عن الخيمة اللي في الصورة الاولى في الرد رقم 70 كم في كم ؟ وبأي مكان عوض هذا وكم سعرها ضروري الله يجزاك خير لانه هذي الخيمة اللي تعجبني .. الله يوفقك

أبو السعد

11/04/2008, 05:31 PM

تم الاتصال على عوض

3*3 تنزاني 1200
3*3 باكستاني 1000

موقعه مخرج 15 باتجاه الشرق بعد الإشارة الثانية " إشارة الهرم " تقريباً 600 متر

قرم البر

13/04/2008, 08:15 PM

انا انصح ياخوي

على محل يقاله اليوسف للخيام

بالرياض على شارع الامام الشفاعي

والله يوفقك

ابوفهيدان

14/04/2008, 02:31 AM

الخيام اللي تعمر معك ورخيصه هي حيام النمران بالكويت طبعا الصباح غالية
النمران مقاس 4 في 6 بيتيه او شراع يعني عشر اطناب بس ماهي خفيفه ذاك الزود بس دافيه ولاتعرف المطر

محلات الكشاتة الرئيسي

14/04/2008, 05:36 AM

اول 111

15/04/2008, 11:28 PM

خميه توافق

يكشت بفورد

16/04/2008, 01:36 AM

طيب يا شباب وش رايكم في القاضي للخيام ؟

عنده خيام زينة !!

الشاطر ماطر

16/04/2008, 04:51 PM

اتمنى الاخوان يفيدونك

زميل الكل

08/02/2009, 11:33 AM

يوووووووووووووووووو
الموضوع قديم جداً

بعيد الهقاوي9

04/11/2009, 06:14 AM

يعطيكم العافيه

sa4468

13/07/2011, 02:35 PM

شكرا لكم
ويعطيكم العافية

الوانيت1

20/11/2011, 06:54 AM

الله يعطيكم العافيه
منكم نستفيد ..../////.

سيف الظفير

20/11/2011, 10:09 AM

خيام الوسم

لا تتعداها

اوركيدا طيبة

26/02/2012, 09:52 AM

عندي خيمة اسمها ( البيرق )
مساحتها 4*4 تكفي في النوم 8 أشخاص بالراحة
غاطين
فرشتها الأرضية منها
في الأرضية 1*1 لزاق بمعنى تستطيع تشب نار داخل الخيمة
لها بوابة أساسية
لها منفذين يمكن باب ويمكن نافذة
اشتريتها من القاضي في عنيزة قبل 4 سنوات
بسعر 1480 ريال