اخواني ابي اشتري لند اكروزر

[1001001]

السلام عليكم ورحمة الله وبركاته

اخواني انا انشاء الله بشتري لند اكروزر

بس ماامعي الا 80000 ريال سعودي

وماادري كم موديل اجيب وللعلم انا بشتري من قطر لان مواترهم يعدونهم ويقولون ازين

وانا الصراحة ابي موديل جديد

وماادري يمكن اخذلي G

ماادري اشرايكم وقم سعره ال G القطري

انا سائلة عنه ودقيت على معارض قطريه قالو المبلق الي عندك يجيب موديل بين 2004 -- 2005
و موديل 2003 لايقل عن 70000 ريال

اما عنgx فمبلق يجيب 2000 -- 2001 يعني بالكثير

وانا شكلي باخذ ال G بس درايش تماتك

وابي نصيحتكم يالجماعة

[ابومناحي]

الجيب القطري (الهدد) معروف ومشهور وخاصه Gx مواصفات Vxr
ونش+خلفية لكزس+مراتب مفصوله+مكيفين
ال G ممتاز بس ما اتوقع تحصل قزاز كهرب
بالتوفيق ان شاء الله ويعطيك من خيره ويكفيك شره

[1001001]

جزاك الله خير

لا انا شفت موجود G من فوق 2003 موجود قزاز كهرب

وانت شرايك اخذ G او Gx

يعني اذا باخذ G باخذ موديل اجدد

اما اذا باخذ Gx باخذ موديل اقدم اشوي

وابي رايك يخوي افضل الول وال الثاني

[nahham]

اذا عزمت فتوكل على الله

مبروك مقدما والله يعطيك خيرها ويكفيك شرها ويجعلها من نواصي الخير

[مشغول]

اخوي 1001001

اذا بتاخذ من المعاض بتلقاها غاليه .. نفس سعر الرياض وانا توني جاي امس الجمعة من هناك .. اذا ما عندك خبرة يلعبون عليك ..

عندهم موضه يقلبون المواتر القديمة للشكل الجديد ويزيد في السعر

انتبه وانا اخوك

[هاوي قصيده]

اذا تبي نصيحتي اخوي ..

خذ لك جي اكس خليجي بس من معارض السعوديه..ياخي اضمن لك

كم واحد اخذ له موتر من قطر واغش فيه وانا اعرف اثنين من اخوياي..

اهل قطر ولا يهونون..راعين رفع بالموتر وقومات يعني الموتر يجيك ملعون جدف وينباع علينا للاسف

فتوكل على الله خذ لك جي اكس من وارد اليحيا تلقا واحد عنده موتر نظيف ويبي يجدد..بس يبيلك تفطن بالمعارض للبي يبي يبيع بالسحات افضل لك

واقووول لك مبروك مقدماا

[صنهات]

انا لو بمكانك اخذ G موديل حديث احسن من Gx موديل قديم على الاقل ان شاء الله كم سنه مايطلب صيانه

[1001001]

يعطيكم العافية على التجاوب
ممكن بس كم سؤال

س1: طيب اليحيى هذا في الرياض لاني من سكان الشرقية ؟

س2: ابي اسؤال عن سرفيت الند اكروزر هو يسرف اكثير يعني يبيله ميزانية لاني سمعت انه يسرف اكثير
كم الفل التانكييين وكم يمشي معك الفل تغريباً كم كيلو ؟

<-----<<< تعرفون طالب والميزانية

س3: واشرايكم اخذ Gx موديل قديم يعني موديل 2000 او 2001 اذا كثر طبعاً او اخذ G موديل جديد اشوي بس القزاز تماتيك لاني شفت قزاز تماتك على G اطبعاً اقطري واحد من جماعتنا جايه ؟

س4: المبلغ الي عندي يجيب كم موديل ؟


واسف شكلي كثرة بلاسؤالة عليكم

ولو تعطوني مجال قعدة اسؤال لين بكره

ويعطيكم الف عافية

[هاوي قصيده]

ياخوووووي معرض الييحي بمعاارض الدمام رح له..مع اني تهاوشت معهم كم مرره..مصري نصااااااب درجه اولى


بس افضل لك..وانا اعرف شخص عندهم معارض متخصصين في الجيوب الخليجيه المستعمله..ويزبنك يعني تقدر توصيه على جيب واذا لقى اتصل عليك..

واذا تبي عنه عنوان فانا بالشوفه..

بس احرص انك تاخذ لك جي اكس..مكيفين وثلاجه اهم شي..

[الربذي]

1001001
السلام عليكم
شف اخوي بصراحة اذا مشاويرك كثيره تراه يصرف
تعبية 110 فل كل التانكيين يمشيك بالخط بشرط من 130 وجاي 650 الى 700
اما داخل البلد تقريبا 530
وتغيير الزيت 80 ريال بدون الفلتر
طيب اشرايك بالباثفايندر تلقى 2005 بهذا السعر او سته اذا مانت راعي برام ومطامر
تراه اقتصادي فل 60 ويمشيك 400 تقريبا وتغير الزيت 40 ريال وستين مع السيفون
بس عيبه يهرقل كما هو المعروف عن النيسان وخصوصا انك تقول طالب يعني مامن مصروف وارى المديل الحديث افضل بكثير والجي اذا يجي قزاز كهرب ومكيف مركزي الى 90 الف قهو مناسب جدا جدا بشرط يكون مامشى او ماشي خفيف وموديله 2004 او 2005
واراي لك

وش رايك تمر على اسيزو عندهم جيب مثل الباثفيندر اسمة روديو فل كامل 82500 موديل 2005 بس تراى البيع تبلش فيه مو مثل تويوتا

[1001001]

جزاكم الله خير

ويعطيكم العافية

[1001001]

يعني رايك مااشتري لند اكروزر ؟؟ والله ماادري

انا ترددت شفته انه يكلف بنزينه واجد 110 بنسبه للسيرات الثانية
والزيت 80 غالي بالنسبه للسيرات الثانية
وبكم قيمته مع السيفون << اقصد الزيت

واسؤال عن الاقمشات والبواجي عساها مو غاليه ؟؟؟



وابي اسؤالك اسمع الشباب يقولون كلمة (((( هدد ))))

مثل : Gx هدد


وش معناتها ؟؟


واي واحد يعرف معلومه عند الند كلوزر ياليت يزودنا ابها حتى لو كانت معروفه لان في ناس اكيد ماايعرفونها

<--------------<<<< مثلي طبعاً < < < عليمي الاخ

واي شي في السيارة من محاسن او مساواء ياليت تذكر

وش اركز اذا جيت ابي اشتري السيارة وش اركز عليه

يعني في الموتر يعني اهتم فيه يعني الاشياء المتوقع خرابها فية السيارة والقشمان << ماينتبهون لها

تعرفون انخاف ينصبون علينا

وشكلي طولت معكم

ويعطيكم العافية

[kh_424]

السلام عليكم ورحمة الله

ياشباب اللي عنده خلفيه ن الأسعار بقطر

لأن معرض عبدالوهاب الليحي المشهور بإستيراد الهدد يقول ماراح يجيب مواتر إلا بعد شهرين



بالنسبة للهدد القطري موديل 2006م Gx مواصفات Vxr بكم سعره بقطر؟

للتواصل KH_424@HOTMAIL.COM

[alessa]

السلام عليكم : أنا رأيي في أنك تأخذ Gx ((( هدد))) قطري مواصفات وشكل أحلى

[1001001]

شكراً لكم اخوني الكرام

بس ماجاوبتو على الاسئلة

[الربذي]

الهدد العادي اللي كفر سخيف مو عريض يعني زي الجي مافيه اكسسورات بس دريكسون وقير !!!ولاكماليات
شف الجي اكس 2006 وتعرف وش معنى الهدد عندنا 130 الف حلو ثلاجة وتكييف مركزي روعة

[البيـرق]

السلام عليكم ورحمة الله وبركاته
يارجال عين خير...........
ومالك لوا يالربذي انا معي لاندكروزر جي اكس ار بالديره يمشيك
من 650الى 720 تقريبا على حسب دوسك
وبالخط امشي 160 ويكلفني البنزين من الرياض الى الشرقية 400كم حوالي 60 الى 65 ريال
يعني يبقى التانكي الاول الربع اواقل منه بشوي
ولو بمشي 120عادي اروح الشرقية وارجع بفل مره وحده بس بشرط اخف الدوس
وبالنسبة للزيت تراك كل 5000كم تغير والسيفون ب25ريال زي قيمة حق الكرولا
ومن ناحية قطع الغيار ترا معك تويوتا مهب بي ام مثال شبك امامي اصلي 350ريال
صدام امامي 400ريال باب خلفي 900ريال
والهدد نفس مواصفات الجي اكس ار بس بدون اي بي اس والصدامات لونها اسود
وبعض الكماليات مثل خط تحت مافيه وزيق مافيه وجوط عادية حديد وكشافات ضباب مافيه
وبعدين قبل شهر شايف هدد 2001 جي اكس فل حاده راعيه ب74000 وماجاه الا رفرف......
اخوكم البيـــــــرق..............ز

[الربذي]

اخوي البيرق صح لسانك *********هذا الكلام من احد الزملاء وليس تجربة شخصية مني معة جي اكس ار 2002 وايضا واحد هو الي يقول يشفط البنزين ويقول كاني اقصد معة 99 يشتكي مرة من البنزين واحترم رايك من واقع تجربه وايضا لايهون الزملا انفي الذكر قد يكون ! بس بصراحة كلامك يجعلني اعيد النظر في الجيوب ومايدعية البعض انهن لهفات بشكل مخيف وغير منطقي
محبك الربذي

[1001001]

شكراً لكم ويعطيكم العافية

[هاوي قصيده]

ياخوي الهدد القطري

مثل اللي بالتوقيع هذا جي اكس(هدد)

[عـبـود 911]

نصيحتي خذ هدد 2000 او 2001 احسن لك