مطلوب ورشة ترهيم مكاين

[ابومناحي]

السلام عليكم ورحمة الله وبركاته

اخواني ابي منكم احد يدلنا على ورشة ترهيم مكاين بالرياض والا الدمام
المشروع مشروع ترهيم مكينة Lt1 على جيب تايوتا صالون موديل 75
والسلام عليكم

[معدي المرقاب]

السلام عليكم ورحمه الله وبركاته:
اخي ابومناحي.اذا كنت تبي ترهيم مضبوط فلا تتعدا ورش القصيم لانها هي صاحبة الفكره وحتي دول الخليج كالأمارات مثلاً يرهمون بالقصيم على يد فنيين سعوديين مهره ولاكن ارخ الريال .ا
خوك /معدي المرقاب

[تطعيس]

عندك احمد الصمعاني ببريده ممتاز لكنه غالي شوي

[ابومناحي]

جزاكم الله خير على المعلومه والريال بيرتخي ان شاء الله لاكن الاخ الصمعاني مشغول بالحيل والناس تمسك سرى ماشاء الله عليه عشان شغله زين
لاكن قلت بختصر الوقت واشوف احد يرهم يدلنا عليه
والسلام عليكم

[الطير المهاجر]

صبحك بالخير يابومناحي
انا خابر ولد خالتي معبث ماكينة الدوج في القطيف اذا تبي اتصل عليه واستفسر لك
انت تامر

[ع.ف.الدرويش]

بالرياض أخبر لك 4 وكلهم يشتغلون ترهيم لكن أنت وحظك تحصل الواحد منهم فاضي أو مشغول
فيه بحي الملك فهد واحد له محل اسمه ( تزويد )
وفيه بحي المصيف 2 اخوان لهم ورشة بعد ( البلوشي )
وفيه بصناعية الدائري مخرج 17 واحد يقال له ابو ماجد ورشته اسمها ( أحمد )
فحاول تشوف أي واحد منهم وبإذن الله تلقى من يفيدك..
بس مثل ما قالوا الشباب قبلي ارخ الريال..

ابو فهــد..

[ابومناحي]

صبحك بالخير يابومناحي
انا خابر ولد خالتي معبث ماكينة الدوج في القطيف اذا تبي اتصل عليه واستفسر لك
انت تامر

اي والله اتصل عليه وخلنا نشوف الله يجزاك خير

[ابومناحي]

بالرياض أخبر لك 4 وكلهم يشتغلون ترهيم لكن أنت وحظك تحصل الواحد منهم فاضي أو مشغول
فيه بحي الملك فهد واحد له محل اسمه ( تزويد )
وفيه بحي المصيف 2 اخوان لهم ورشة بعد ( البلوشي )
وفيه بصناعية الدائري مخرج 17 واحد يقال له ابو ماجد ورشته اسمها ( أحمد )
فحاول تشوف أي واحد منهم وبإذن الله تلقى من يفيدك..
بس مثل ما قالوا الشباب قبلي ارخ الريال..

ابو فهــد..

مشكور يابوفهد والله يجزاك خير

[الطير المهاجر]

مرحبا بو مناحي
كلمت ولد خالتي ويقول ان البرنكو حقه مابعد يخلص من الشغل
لين يخلص واذا طلع شغله نظيف ابشر بالخير
مابي وانا اخوك تروح حق واحد ويطلع شغله مو مضبوط بعدين تلومني صح؟
تحياتي