المساعد الشخصي الرقمي

مشاهدة النسخة كاملة : محتااااااااار ؟؟؟؟؟؟ FJ او SUPER SAFARI ؟؟؟؟؟؟


نمر مكشات
01/03/2011, 04:34 PM
اخواني الاعزاء محتار بين سيارتين
و ابغى شوركم و (ماخاب من أستشار)


عندي الان Fj رقم واحد 2008 و الحمد لله مريحني
لاكن فيه بعض العيوب
وهي الباب الخلفي حق السيت الثاني مو عاجبني (لازم تفتح للي راكب ورى علشان ينزل بالاضافة لصغر الباب يعني الدب مثل بعض اخواني مايقدر يركب:D
و العيب الثاني الثبات على الخط مو ثابت زي اليوكن و التاهو

لاكن مميزاته انه مريح في البر مطبه مريح مرة خطوط و مطبات عرض مأشيل لها هم ابدا!!! و لله الحمد
و متماسك مرة مثل الجيوب القديمه ماهو على شكله كله كبس بس سلم لي على اليابانيين من ناحية التربيط !!! ماتشيل هم ابدا

و من مميزاته ايضا انه خفيف نفس داخل الديرة تحس انك تسوق صغيرة !! مشأء الله عليه


بس من ناحيه اخرى انا عاشق للفتك من مبطي و رايح وطي معاة!!!:heart:
تصدقون اني اعشقه اكثر من اللكزس؟؟؟؟؟؟؟؟؟؟؟؟؟؟؟:looney: :o

و ودي ابيع افوجي Fj حقي و اشتري سوبر سفاري بس للأسف لقيت السوابر النظيفه و السفاريات رقم 2 غاليات مرة ؟؟؟؟؟؟:hot:

مع العلم ان موتري و الله الحمد مرة نظيف ماعليه منقود ابدا من ناحيت النظافه

قوقو ماشاء الله
:director:

امزح معالكم
و عطونن رايكم تكفون:j
التعـ King ـديل
01/03/2011, 10:00 PM
احرص على النيسان ياباغي الجيب << هذي قصيده اسمعها قبل تشريه

انا مركبي باترولات من موديل 88 والان معي 2005 بصراحه على قد ماتطلع فيها عذاريب الا انها تعتبر افضل مواتر بنظري وبنظر كل فاهم بشي اسمه جيب

اللي معي سفاري 2 اذا تبي تجربه حياك
((ابوملاك))
01/03/2011, 10:27 PM
على فكره يالغالي

ترا الاف جي على سيكويا على تندراكلها مصنوعات بامريكا ^_^
نمر مكشات
02/03/2011, 12:17 AM
مشكور اخوي King على المرور و النصيحه
وكلامك يوزن و يقدر بالذهب
صحيح الفتك موتر

اخوي مجهول مشكور على مرورك
وعلى فكرة صحح معلوماتك ال Fj مصنوع في اليابان وليس في امريكا!
باترول عنيزه
02/03/2011, 12:28 AM
أنا أشهد أنه شيـخ و وآفـي البآترول لا يعلى عليه :)
أبا مجاهد
02/03/2011, 08:26 AM
والله انا باقول وجهة نظري

انت لو بعت الاف جي 2008 اتوقع اتوقع يجيب لك من 80 وحولها..

وهذه قيمة الفتك 2005 و 2006 يعني يكون مستعمل

والمستعمل يجيك حظ!! اما حظك زين وتطب في نظيف او العكس

فوجهة نظري خلك على موترك اذ هو مريحك او ان كان معك مبلغ الجديد لايردك (حتى ان لقيت الشكل القديم في بعض المعارض عداده اصفار)

موفق
sgl2002
02/03/2011, 09:56 AM
أقول ....

العيوب اللي ذكرتها ترى ماتخليك تبيع ... ترى الفوجي قوة وشكل وخفه .... وبعدين متامسك ...

النيسان حلو للي يستخدمه من أول ... بس اللي أول مره بيستخدم ترى بيكرهه لأنه يطلع فيه حاجات غريبه ترفع الضغط بس اللي يعرفه من أول يعرف كيف يتعامل معها ....

ونصيحة خلك على الفوجي ترى النيسان علة للي مايعرفه ... وفي نفس الوقت طرب ووناسة للي يتعامل من زمان ..
عاشق السيل
02/03/2011, 12:05 PM
بوجهة نظري الخاصة السيارتين فرق الثرى عن الثريا !!!!

إذا شريت باترول وخاصة السوبر تبي تلعن وتسب وتشتم اللي صنع الإف جي وتبي تعرف الفرق اللي أتكلم عنه !!!

ليست عنصرية لكن الحق يقال ولو قلت جي إكس آر أو في إكس آر تكون المقارنة معقولة مع الباترول !!

أكرر (( وجهة نظر خاصة )) والله يوفقك للي فيه الخير والصلاح ....
aziz2727
02/03/2011, 12:10 PM
انا معي Fj
ما شاء الله تبارك الله
السيارة متماسك زي ما تفضلت بس فيه عذروب صغير
وهو ان خزان البنزين صغير وعلى طول يخلص وطبعاً يخلص بسرعة علشان عدم انسيابيته من الامام
اما الباقي موتر
تركي98
02/03/2011, 12:39 PM
اخوي باختصار كلمتين
معك قيمة الباترول اشتر وتوكل على الله ولاتشاور اسال مجرب انا لي اكثر من 10 سنوات ماسوق الا باترول
.أبوعبدالرحمن
02/03/2011, 01:01 PM
أخي الغالي : مجرد نصيحة الاف جي بطل والباترول بطل خصوصا الفتك

لكن العذاريب إللي قلتها ما توصل إنك تبيع الاف جي وتشتري باترول وتزود عليه أقل شيء عشرين ألف ريال

وفي النهاية النتيجة ما فيها فرق واجد ، وميزة الاف جي شباب وخفيف نفس وحلو شكله
وهذا ليس تقليلا في الباترول بس من رأيي انه ماله داعي
.أبوعبدالرحمن
02/03/2011, 01:11 PM
أخي الغالي : مجرد نصيحة الاف جي بطل والباترول بطل خصوصا الفتك

لكن العذاريب إللي قلتها ما توصل إنك تبيع الاف جي وتشتري باترول وتزود عليه أقل شيء عشرين ألف ريال

وفي النهاية النتيجة ما فيها فرق واجد ، وميزة الاف جي شباب وخفيف نفس وحلو شكله
وهذا ليس تقليلا في الباترول بس من رأيي انه ماله داعي
مدمن فتك
02/03/2011, 01:38 PM
من واقع تجربه الفتك يصيبك يجنون العظمه>>متأثر بالقذافي
والسبب لانه يتحدى جميع التضاريس وعلى قولة الشاعر :
لاشاف صعب قال ربي رزقيا
((ابوملاك))
02/03/2011, 02:32 PM
باترول عنيزه صحح معلوماتك انت يالغالي الاف جي امريكي مو ياباني
مابقي سيارة بتويوتا تصنع باليابان

كلها اما تايلند ولا استراليا ولا امريكا
عبدالرحمن1980
02/03/2011, 09:41 PM
لاوالله ياخوك خلك على الافجي مع احترامي لاصحاب الباترول لان ياخوك موترك خفيف والعرض بين الكفرات مناسب جداً يعني باذن الله امان
نمر مكشات
03/03/2011, 12:19 AM
مشكورين اخواني على المرور
وكلامكم على عيني وراسي


لاكن اخوي مجهول 666
يابعد حيي عندي لك حق انت و اخواني اعضاء مكشات متى مابغيتو!!!
ان طلع الفوجي امريكي

والا تدري الحقوق بين العفون و انا و انت ماحنا عفون انشاء الله
و حياكم الله متى مابغيتوا


بس عاد ودي اثبت لك ان الفوجي يااااااااااااااااااااباااااااااني
made in JAPAN
((ابوملاك))
03/03/2011, 02:24 AM
والله ياخوي شفت المنتديات الاجنبيه يقولون اللي بامريكا مصنوع بامريكا

واللي يصدرلبقية دول العالم ياباني والمكينه امريكيه :)
فارس سدير 1
03/03/2011, 05:57 AM
^^^^

مالك لوى يالغالي

الافجي ياباني من الصدام للصدام ،، حتى إللي يصدر لأمريكا صناعة يابانية 100%


اللاندكروزر والبرادو والأفجي والشاص والربع كلها صناعة يابانية 100%
بروق ساق
03/03/2011, 08:03 AM
FJ شركة الصنع اليابان(مكتوب باللوحة اللي باب السائق) وليس أمريكا كما زعمتم لكن المواصفات يضهرلي والله أعلم أنها أمريكية 00مجرد لتوضيح يأخوان
بالنسبة لصاحب الموضوع أقوله {خلك على مجنونك لا يجيك أجن منه }
دمتم سالمين
نمر مكشات
03/03/2011, 10:07 AM
مشكورين على المرور
3ashkas7ary
04/03/2011, 01:33 PM
يارجال خذلك فتك والله ان تكره التيوتا مع احترامي كل ميزه براسك تلقاه بوه بس مشكلته يتفكك كل 5 سنوات او اكثر او اقل على حسب لاستخدام اما الالفجي مع احترامي تقول راكب اتريله تصميمه غبي شوي وجهت نظر وارجو انك اتقبله
نسيم المطر
04/03/2011, 02:55 PM
اخوي باختصار كلمتين
معك قيمة الباترول اشتر وتوكل على الله ولاتشاور اسال مجرب انا لي اكثر من 10 سنوات ماسوق الا باترول
هي هذي المشكله لانك لوتجرب غيره تقدر تحكم
تراي امزح معك وانا معي باترول
ABUAZIZ
04/03/2011, 03:34 PM
والله انا باقول وجهة نظري

انت لو بعت الاف جي 2008 اتوقع اتوقع يجيب لك من 80 وحولها..

وهذه قيمة الفتك 2005 و 2006 يعني يكون مستعمل

والمستعمل يجيك حظ!! اما حظك زين وتطب في نظيف او العكس

فوجهة نظري خلك على موترك اذ هو مريحك او ان كان معك مبلغ الجديد لايردك (حتى ان لقيت الشكل القديم في بعض المعارض عداده اصفار)

موفق

الكلام اللي بقوبه قاله اخوي مجاهد

انا من وجهة نظري افضل الباترول على الاف جي لكن مثل ما قال اخوي مجاهد خل على موترك لا تطيح بموترن مكروف وتبلش
AL-RAZEEN
04/03/2011, 05:51 PM
انا من عشاق الباترول والحين معي باترول

لكن رايي اذا ماتقدر تاخذ 2009-2008 نظيف خلك على fj