رابطة ملاك الشوازل >> التركية << نريد كل واحد يذكر نوعها مميزاتها عيوبها

[الشاطر ماطر]

عندي أم خمس أوسكار الجهاز ما ينسحب لين الأخير اللسان يلك فكيت الجهاز وركبته نفس المشكله خايف أن الجهاز فيه شي وبالمعاينه مالقيت فيه شي ولا ودي اوديه لمحل صيانه لين أعرف وش العلة بالضبط

السؤال الثاني كم سعر الارتمس الجديده وهل تقارن باللي معي لاني ناوي أبدلها

[حربي الحرة1]

السلام عليكم يا اخوان لاهنتم كم اسعار الستوقر 2000في محلات بريده

[هيوماكس]

يا ناس افهموا الله يرضى عليكم ذكر الأسعار أوالبيع أوالشراء ممنوع

والمشرفين قفلوا المواضيع هذي لأن بعض الاعضاء هداهم الله يخالفون القوانيين

http://www.mekshat.com/vb/showthread.php?t=249133
وهذا الموضوع قفلوه
http://www.mekshat.com/vb/showthread.php?t=249134

تبون رابطة ملاك الشوزن التركية تتقفل؟؟؟
والله مايصير الكلام هذا :mad:

[هيوماكس]

يشباب وش رايكم بشادن ام وعل وش هي من لحيه

شوف هالموضوع يمكن يفيدك
http://www.mekshat.com/vb/showthread.php?t=565708

[0صقرالجنوب0]

بسم الله الرحمن الرحيم

السلام عليكم ورحمة الله وبركاتة

هلا يا الربع لدى استفسار حول بندقية تركية اسمها (( magnum)) انعرضت على من يومين لو حد من الاخوة عند عليها معلومات فلا يبخل علينا :f


وسلامتكم

[مشاري997]

السلام عليكم ورحمه الله وبركاته الله يعافيكم جميعا جهود رائعه وتشكرون عليها
استفسار هل الستوقر الاصليه 2000 تجي ماصورتها 32 وجسر ونيشان مثل البانلي وهل هذه النوعيه جيده وأقصى تحمل للظغوط
مع الشكر وكم سعرها تقريبا اخت الجديده

[0صقرالجنوب0]

:alarm: الفزعععععععععععععععععععععععععه يالربعععععععععععععععععع

شوزن تركية أسمها (( ماقنوم )) انتضر منكم الاجابة شولها من لحية

[FJ3230]

:alarm: الفزعععععععععععععععععععععععععه يالربعععععععععععععععععع

شوزن تركية أسمها (( ماقنوم )) انتضر منكم الاجابة شولها من لحية


اول مرة اسمع بها

إذا عندك صور ليت تنزلها

[FJ3230]

السلام عليكم ورحمه الله وبركاته الله يعافيكم جميعا جهود رائعه وتشكرون عليها
استفسار هل الستوقر الاصليه 2000 تجي ماصورتها 32 وجسر ونيشان مثل البانلي وهل هذه النوعيه جيده وأقصى تحمل للظغوط
مع الشكر وكم سعرها تقريبا اخت الجديده


الستوقر الأصلية تجي الكتابة عليها Model 2000

لكن المقلدة STF2000

والجسر ونيشانها مثل البنلي

الضغوط فيه ناس رموا فيها ضغوط

لكن الأفضل للبندق ماتعديها 36 لو وش ماكان نوعها

[FJ3230]

يشباب وش رايكم بشادن ام وعل وش هي من لحيه

ممتازة اخت الارتمس والارتمس غنية عن التعريف

بعض الناس مايفضلها لأنه مخزنها مقفل ماتقبل مخزن اضافي

[مشاري997]

لاهنت اخوي F j يعافيك ربي

[عبيد بن خلف]

يالربع ابي تشوك خارجي يعادل تشوك رقم 2 حق الاستوقر البلد ، هل فيه محل معين بالرياض القاه عنده

[شري97]

يشباب وش رايكم بشادن ام وعل وش هي من لحيه
الشادن افضل ام خمس تركيه نفس الارتمس بس مطوره اكثر وبيت النار كروم
ودايم السعر يدلك على الافضل

[حربي الحرة1]

سٌلِأٌمً عِلٌيُڳَمً وّرَحٌمٌهُ أٌلِلَهِ وِبِرُڳٌأِتَة.
ياخوان لاهنتم كم اسعار الستوقر ٢٠٠٠بزيتها. اللي عنده خلفيه عن اسعارها لايبخل علينا.

[زيد الصياد]

السلام عليكم
اخوان بدي حد يفيدني انا شريت شوزن تركية ام خمس مستعملة لسة ما جربتها لكن لما انظر في الماصورة (السبطانة) من الداخل فيها خدوش بسيطة هل هو شي عادي

[FJ3230]

السلام عليكم
اخوان بدي حد يفيدني انا شريت شوزن تركية ام خمس مستعملة لسة ما جربتها لكن لما انظر في الماصورة (السبطانة) من الداخل فيها خدوش بسيطة هل هو شي عادي

ايه نعم عادي لكن امسك السبطانة من داخل وتحسسها بيدك
ان كانها خشنة فهي مكروفة نوعاً ما وان كانت ملساء فهي سليمة

[ارثمس]

ماهي عيوب الارثمس مع ذكر الحلول ان وجد لاني سمعت ان ناتوش الارثمس يخرب وكثير اللكلكه ويولف لها ناتوش سوبر بنلي ارجو الرد سريعا الله لا يهينكم

[FJ3230]

ماهي عيوب الارثمس مع ذكر الحلول ان وجد لاني سمعت ان ناتوش الارثمس يخرب وكثير اللكلكه ويولف لها ناتوش سوبر بنلي ارجو الرد سريعا الله لا يهينكم

كلام غير صحيح

أي بندق ماتحافظ على نظافتها وتزييتها تلك لو وش ماكان نوعها وصناعتها

أو جهل بطريقة استخدامها

ولا يحتاج لها توليف شيئ

[هيوماكس]

الشادن افضل ام خمس تركيه نفس الارتمس بس مطوره اكثر وبيت النار كروم
ودايم السعر يدلك على الافضل

لاتنس الاستوقر ترا اللي يمدحونها واجد
ونزل لها موديل ثاني اتوقع 3500

[ارثمس]

يالربع ابي فزعتكم وش افضل شوزن تركيه ارثمس او ستوقر 3500 او شادن من ناحية التحمل وحرارة الرمي والسعر لاني محتار والله يجزاكم خير

[FJ3230]

يالربع ابي فزعتكم وش افضل شوزن تركيه ارثمس او ستوقر 3500 او شادن من ناحية التحمل وحرارة الرمي والسعر لاني محتار والله يجزاكم خير

حرارة الرمي لايختلف عليها اثنان الارثمس

الشادن نادرة ماجربتها ولا اقدر افتيك فيها

الستوقر 3500 مع الضغوط العادية إلي دايم نستخدمها

باردة بسبب وسع الماصورة الستوقر والارثمس معروفة بجودتها

[هيوماكس]

يالربع ابي فزعتكم وش افضل شوزن تركيه ارثمس او ستوقر 3500 او شادن من ناحية التحمل وحرارة الرمي والسعر لاني محتار والله يجزاكم خير

تفضل اخوي إن شاء الله يفيدك هالموضوع
وشوف رأي الاعضاء في ستوقر 3500
http://www.mekshat.com/vb/showthread.php?t=524234

[saqr34]

هل تنصحوني بالارتمس ؟ وايش عيوبها ووميزاتها ؟

[0صقرالجنوب0]

السلام عليكم ورحمة الله وبركاتة
عندى استفسار حول شوزن بيكال mp153التركية هل فية احد من الاعضاء جربها او استعملها هل هى جيدة ام لا ودى معلومات عنها
تكفوووووووووووون

[مشعل الفهد]

السلام عليكم ورحمة الله وبركاته

يالربع شريت ستوقر 2000 جديده
بس عندي ملاحضة ان اتشوكات لونها اسود ماعدا اللي يجي بالسبطانه تشوك الخامس يجي لونه نيكل

الوضع عادي ولا التشكات مغيره

[روق الرياض]

السلام عليكم تجربتي في الارتمس والستوقر ٢٠٠٠ الارتمس طيبه طيبه سوق وحراره ونضم حلبي ولها ٣ سنوات عندي وقبل اسبوع اخذت الارتمس الدفعه الاخيره طلع فيه حذفه يسار الحذفه قليل تجي في الارتمس اكثر ماتجي في الستوقر والحذفه تكون من الخاتم الي بالماصوره تعديله ب٥٠٠ وتعديله بسيط جدا
الستوقر اقل حراره من الارتمس وقل نضم حلبي من الارتمس
معلومه تفيد ملاك الستوقر ٢٠٠٠ ولارتمس
الستوقر كثير من الشباب يقولون ان نضامها نضام البنلي صحيح نضامها نضام البنلي بس ماتركب قطع البنلي عليه ابد ابد الفرار حق البنلي مايركب في حجرة النارالستوقر
الارتمس نضامها نضام البنلي والقطع البنلي تركب عليه ١٠٠٪ وشكرا

[فهاد الغامدي]

يا أخواني شريت شوزل ام بطه السوداء فيبر خذيتها سادة بدون تشيكات
الله يرضى عليكم وين احصل التشيكات ، انا ساكن بالشرقية ، واصيد بالجنوب الحجل والقهبي وش تنصحوني اشتري اي تشك مناسب ومن وين اشتريه

[نفل الفهود]

^^^^^^

والله ما عندي علم عن اماكن بيع التشوكات بالشرقيه .

لكن بالقصيم متوفرات بكثره وخصوصا بالجرده ... افضل تشوك لام بطه يقولون رقم 2 ينفع للواقع والطيار وانا ما جربت رفم 2 لانه ماهو عندي ..
لكن جربت رقم 1 وحار بالحييل ماشاء الله تبارك الله ويسوق .. لكنه ماينفع للطيور الكثار لانه ما يفرش .. واذا تبي تشوك يفرش ركب 3 عز الله انه مامثله بالفرش لكن ما يسوق .

[سوبربانلي]

اذا انت من الشرقيه مالك الا تشوف احد بالرياض ياخذ لك ترولوك

مقاس 685 تحصله عند الوسمي ويكون رايح للشرقيه

[قناص الأشهب]

فيه من يبيع التشكات في الشرقيه
عندك محل القناص قبل مستشفى الامل على يسارك اذا انت متوجه صوب سيهات

[زيد الصياد]

السلام عليكم.
كرال ام البطة حفر .
ترمي slug ولا لا المجربها يفبدنا بالجواب جزاكم الله .

[فهاد الغامدي]

بيض الله وجيهكم جميعاا

[مشعل الفهد]

السلام عليكم ورحمة الله وبركاته

يالربع شريت ستوقر 2000 جديده
بس عندي ملاحضة ان اتشوكات لونها اسود ماعدا اللي يجي بالسبطانه تشوك الخامس يجي لونه نيكل

الوضع عادي ولا التشكات مغيره

مادري يالربع احد مرة عليه هالتشكات لاني لاحظة رقم واحد مايجي بالسبطانه وهذي صوره

http://www.mekshat.com/pix/upload06/images/2014/06/mk236146_tshkat.jpg

[سوبربانلي]

تشوكات الاستوقر لونه نيكل والاسود تجي للارتمس والبريدوس وال akm

يعني التشوكات اللي معك بس واحد اللي له والباقي مغير

[زيد الصياد]

السلام عليكم
اخوان الي مجرب كرال ام البطة يخبرنة عنها وهل تضرب slug

[هيوماكس]

السلام عليكم
اخوان الي مجرب كرال ام البطة يخبرنة عنها وهل تضرب slug

تقصد هذا؟

http://media.midwayusa.com/productimages/880x660/Primary/572/572451.jpg
http://www.frfrogspad.com/slug.jpg

اخوي على حسب علمي إن الفشق هذا مايصلح للشوازن العادية نهائيا
هذا فقط مخصص لشوازن معينة

[قناص الستوقر]

يالربع عندي مشكله بالإرتمس
بعد رمي اكثر من دسته متواصله اخر فشفه تقريباً تلصق ببيت النار ولاتتطلع من بيت النار يلك البيت واذا بردت تطلع وتكون صفرة الفشقه محفوره يعني عاضة عليها
وش الحل

[FJ3230]

يالربع عندي مشكله بالإرتمس
بعد رمي اكثر من دسته متواصله اخر فشفه تقريباً تلصق ببيت النار ولاتتطلع من بيت النار يلك البيت واذا بردت تطلع وتكون صفرة الفشقه محفوره يعني عاضة عليها
وش الحل

وش نوع الفشق الي لكت فيه
وهل انت منظفها ومزيتها
ترى اهمال التزييت اهم اسباب اللك ونوع الفشق بعد
يكون ماهو اصلي او مايناسب بعض البنادق
مثل ابو غزال اكثر بنادق ام خمس يلك فيها لانه
اطول من اي فشق ثاني

[نفل الفهود]

غير الي ذكره الي قبلي ..

ترى احيان بعض انواع الفشق الردي لا احترت الشوزن يذوب الخرطوش البلاستيك وينشب ببيت النار وتصير ماتسحبه الشوزن .

لكن اذا كان هالمشكله بيجميع الانواع .. فبالغالب مثل ماذكر اخوي ..اما تحتاج تنظيف او انها ماهي مطبقه زين

[F R A Q]

يااخوان عندي مشكله في الستوقر 2000 اول اذا دخلت الفشقه فيه شي يمسكه ثم تدخل الثانية والثالثه والرابعة الحين لا ادخل الفشقه ثم ترجع علي مافيه شي يمسكهالظاهر فيه قطعه طايحه والا منكسر شي تكفون فزعاكم وش السواة

[FJ3230]

يااخوان عندي مشكله في الستوقر 2000 اول اذا دخلت الفشقه فيه شي يمسكه ثم تدخل الثانية والثالثه والرابعة الحين لا ادخل الفشقه ثم ترجع علي مافيه شي يمسكهالظاهر فيه قطعه طايحه والا منكسر شي تكفون فزعاكم وش السواة

فيه مسمار يمسك الفشق الله والعالم المشكلة منه انه خربان

[F R A Q]

هلا اخوي طيب وين احصل ها المسمار والا فيه محل في الرياض يصلحه

[اليوسف2012]

يا اخوان جزاكم الله خير عندي مشكلة بالاستوقر وهي لما ارمي فشقة تحذف ماعندها مشكلة لكن لامن جاء الطلق الثاني يبي يدخل ببيت النار يدقر ببداية الماسورة طبعا الطرف الحاد منها
ثم لازم انا اتدخل وارجع الاقسام شوي ثم تلقم الطلق وانا ألاحظ اثار قطع خفيف ببداية الفشقة
وش الحل بها ياجماعة الخير

[سوبربانلي]

ممكن تحتاج تنظيف وتزييت

[قناص الستوقر]

ياروق الرياض
شلون افرق بين الأرتمس الدفعه الأولى
والدفعه الأخيره

[روق الرياض]

ياروق الرياض
شلون افرق بين الأرتمس الدفعه الأولى
والدفعه الأخيره

حيااااك الله
الفرق الموديل الدفعه القديمه من 2011 الا2012الجديده 2013 الا2014
وتحصل في اول الماصوره اسمها بلزق ابيض بس هاذا عادي تقدر تفكه بس اهم شي المديل وذا استفسارك عشان الحذفه يسار ترا قليل يجي فيها بس انا صادفت معي والمشكله من الخاتم زينته وضبط الماسوره مالها اي علاقه في الموضوع الخاتم الحلقه كذا اسم الها القاعده حقت الماصوره
كل النوعين منها طيبه جداوشكرا

[مخاوي الدهناء]

بكل امانه ومصداقيه
انا كان معي براونق بلجيك ماصوره ٣٢ اخت الجديده
بعتها من سنه واشتريت ارتميس
فرق في كل شي
لصالح الارتميس
خفه / حراره الرمي / تسوق / ما تزم / مكينتها مكينه سوبر بالضبط
وانصح باقتناءها

[قناص اشيقر]

السلام عليكم ياخوان عندي ام بطتين ام ثمان غطاء المخزن فيه فضاوه خفيفه بعد ماشد عليها يطلع فضاوه خفيفه عندي الماسك الي تحت له مسمارين واحد فيه وواحد غير موجود هل سبب الفضاوه منه

[بقعااوي]

يالربع من يخبر لي تشوك رقم 1 أو رقم2
للارتمس

[بقعااوي]

الوووووووو

[سلطان 2010]

ياروق الرياض
وين الخاتم بالضبط تقدر تصوره انا معي ارتمس وتحذف يسار

[areb]

يااخوان عندي مشكله في الستوقر 2000 اول اذا دخلت الفشقه فيه شي يمسكه ثم تدخل الثانية والثالثه والرابعة الحين لا ادخل الفشقه ثم ترجع علي مافيه شي يمسكهالظاهر فيه قطعه طايحه والا منكسر شي تكفون فزعاكم وش السواة

نفس مشكلتي وهذ سلمك الله محبس الفشق منكسر من الدخل ولكن مالقيت احد يسويها من ثلاثه اشهر

[شاهين12]

بالقصيم به محلات تصلحها

[تميم2222]

[QUOTE=areb;10164000]نفس مشكلتي وهذ سلمك الله محبس الفشق منكسر من الدخل ولكن مالقيت احد يسويها من ثلاثه



قصدك تحضر اول ما تدخل الفشقه؟؟؟؟؟؟

طيب افلك البندق وخل فقشه التحضير في بيت النار وادخل الفشق في مخزن ثانيه ويمسك

[areb]

[QUOTE=areb;10164000]نفس مشكلتي وهذ سلمك الله محبس الفشق منكسر من الدخل ولكن مالقيت احد يسويها من ثلاثه



قصدك تحضر اول ما تدخل الفشقه؟؟؟؟؟؟

طيب افلك البندق وخل فقشه التحضير في بيت النار وادخل الفشق في مخزن ثانيه ويمسك

اذا دخلت الفشقه في المخزن تنزل لتحضير فوري

[areb]

بالقصيم به محلات تصلحها

القصيم مالقيت والطايف فيه بكستاني نصاب فشقتين تكفي في بيت النار وحده في التحضير
لين تنفرج وننلقا قطعه ولا انا بالمره ريح تركيا عقب العيد بدور القطعه هناك

[احمد الصالحي]

الحمد لله شريت لي ام خمس رد ولف اخت الجديده لم يرما بها اقل من دسته ومعها خزان اضافي تشيل 9 فشق وش رايكم اركبه او اتركه؟

[روق الرياض]

ياروق الرياض
وين الخاتم بالضبط تقدر تصوره انا معي ارتمس وتحذف يسار


يامرحبا اخوي عادي الصوره بس المشكله في تنزيل الصوره ماعرف انزلها واضح هو شف ونا اخوك السبطانه الماسوره فيها دايره ملحمه في الماسوره من تحت مافيه الاهي واضحه تركب في المخزن ودايم المشكله منه وفيه واحد يعدله لك ب500 ريال اكثر المحلات حقين التصليح يعجن عليك الماسوره بقوه وهي المشكله من الخاتم ونا حاضر اذا تبي شي دز رقمك ع الخاص وشكرا

[محمد ابن عيد]

الحمد لله شريت لي ام خمس رد ولف اخت الجديده لم يرما بها اقل من دسته ومعها خزان اضافي تشيل 9 فشق وش رايكم اركبه او اتركه؟
..
ماشاء الله
الله يعطيك خيـره و يكفيك شره
احرص انك ماترمي فيها ضغوط
و خمس فشق تكفي
الا اذا كنت راعي كرك او قطا
و فالك الشحم

[احمد الصالحي]

يامرحبا اخوي عادي الصوره بس المشكله في تنزيل الصوره ماعرف انزلها واضح هو شف ونا اخوك السبطانه الماسوره فيها دايره ملحمه في الماسوره من تحت مافيه الاهي واضحه تركب في المخزن ودايم المشكله منه وفيه واحد يعدله لك ب500 ريال اكثر المحلات حقين التصليح يعجن عليك الماسوره بقوه وهي المشكله من الخاتم ونا حاضر اذا تبي شي دز رقمك ع الخاص وشكرا
مشككور وماقصرت وان احتجت شي بنشدك واكز لك رقمي الله يستر من التركيهه :D


..
ماشاء الله
الله يعطيك خيـره و يكفيك شره
احرص انك ماترمي فيها ضغوط
و خمس فشق تكفي
الا اذا كنت راعي كرك او قطا
و فالك الشحم

باخذ 32 7ونص للقميري بالوقت الحالي تكفيه

لا والله مامن وقتن الواحد يفضى الاحق الكرك والقصا والى والله ودي

صدقت 5 يكفن وزياده بس بركبها تسذا بدال ماهي متروكه ولا اضيعها وان كان مها ظرر او مشاكل ماتلزم

الله لا يهينكم تنظيف التركيه بعد كم دسته ووين اوديها تنظف افضل محل او شخص ينظفها

[نفل الفهود]

^^^^^

اذا هي الردوولف ما غيرها تراها طيبه .

وبالنسبه للتنظيف ما يحتاج محل وانا اخوك .. فكها انت ونظفها ترى تنظيفها ما ياخذ ربع ساعه.

[احمد الصالحي]

^^^^^

اذا هي الردوولف ما غيرها تراها طيبه .

وبالنسبه للتنظيف ما يحتاج محل وانا اخوك .. فكها انت ونظفها ترى تنظيفها ما ياخذ ربع ساعه.

منب احب احبرش بشين ما ابخص بها اخاف احوسه

[احمد الصالحي]

^^^^^

اذا هي الردوولف ما غيرها تراها طيبه .

وبالنسبه للتنظيف ما يحتاج محل وانا اخوك .. فكها انت ونظفها ترى تنظيفها ما ياخذ ربع ساعه.

منب احب احبرش بشين ما ابخص بها اخاف احوسه

[FJ3230]

منب احب احبرش بشين ما ابخص بها اخاف احوسه

مافيه ازين من انك تنظف سلاحك بنفسك
تلعب فيه انت وتحوسه ولايحوسه غيرك
والتنظيف ماسهل منه شف مقاطع اليوتيوب وتعلم

[احمد الصالحي]

مافيه ازين من انك تنظف سلاحك بنفسك
تلعب فيه انت وتحوسه ولايحوسه غيرك
والتنظيف ماسهل منه شف مقاطع اليوتيوب وتعلم

قبل شوي واحد من العيال فككناها ماشاء الله نظيفه مابها شين ابد بقضي دستتين ثلاث بعدين يسهله الله وعلمن الاماكن اللي احط شوي شحم وبخاخ الصدا

[تميم2222]

[QUOTE=تميم2222;10164018]

اذا دخلت الفشقه في المخزن تنزل لتحضير فوري


سويت اللي قلت لك وحضرت بالثانيه؟؟؟

[فهد666]

مساكم الله بالخير

اخواني للاهميه (( مشكله الحذفه يسار )) القليل من البنادق فيها حذفه يسار والمشكله ليس في الماسوره ولا في الخاتم ولا يوهقونك هالعالم والي يقولك البلاستك الخلفي والي يقول ويقول
المشكله بسيطه فهي تكون في المخزن الاساسي لم يتم تركيبه من المصنع بشكل صحيح المطلوب فك المخزن الاساسي وركبه بشكل مستقيم اذا انت تستطيع واحذركم انه حساس يحتاج لفنان يفكه ويجلسه بشكل مستقيم
اتمنى اني افدتكم

كما انه مشكله التحضير هذه مشكله في الجنب الايمن من المكينه هناك قطعه مكسوره يمكنك تغييرها وتعود الى سابق عهدها

الي يحتاج مساعده يراسلني

[ابوقبلان الرس]

يا اخوان فيه بندق ام خمس اسمه سبرنق احد يعرف معلومات عنها وش صناعتها وهل هي ترمي ضغوط؟؟

[روق الرياض]

مساكم الله بالخير

اخواني للاهميه (( مشكله الحذفه يسار )) القليل من البنادق فيها حذفه يسار والمشكله ليس في الماسوره ولا في الخاتم ولا يوهقونك هالعالم والي يقولك البلاستك الخلفي والي يقول ويقول
المشكله بسيطه فهي تكون في المخزن الاساسي لم يتم تركيبه من المصنع بشكل صحيح المطلوب فك المخزن الاساسي وركبه بشكل مستقيم اذا انت تستطيع واحذركم انه حساس يحتاج لفنان يفكه ويجلسه بشكل مستقيم
اتمنى اني افدتكم

كما انه مشكله التحضير هذه مشكله في الجنب الايمن من المكينه هناك قطعه مكسوره يمكنك تغييرها وتعود الى سابق عهدها

الي يحتاج مساعده يراسلني
يامرحبا يافهد كلام على متمه انا حصلت معي في الخاتم ونا الي مشرف على تعديلها
والحذفه من ثلاث الشيا نبدا في المتوقع والقريب لها الخاتم المخزن الماصوره ماتطلع من الثلاث المذكوره بس نصيحه راعي الشوزن انت تقدر تشوف الخلل بعينك والماصوره خلها في اخر المشوار يكون افضل
المعزره يافهد انا ابي ارد عليك وخذتها مشورا ☺️☺️☺️

[اليوسف2012]

اخواني الاعزاء عندي ستوقر 2000 مشكلتها بالفلنجة الطرف الحاد فيها اللي يتوقف عندها الناتوش تدقر فيه الفشقة وماتدخل بالسبطانه اكثر المرات وينعكس اثر هالتدقير بالفشقة فتحصل اثر قطع فيها
هل صنفرته وتنعيمه ينهي هالمشكله
عطونا الحل تكفون يا اخوان الله يجزاكم خير

[فهد666]

اخواني الاعزاء عندي ستوقر 2000 مشكلتها بالفلنجة الطرف الحاد فيها اللي يتوقف عندها الناتوش تدقر فيه الفشقة وماتدخل بالسبطانه اكثر المرات وينعكس اثر هالتدقير بالفشقة فتحصل اثر قطع فيها
هل صنفرته وتنعيمه ينهي هالمشكله
عطونا الحل تكفون يا اخوان الله يجزاكم خير

نعم اخوي صنفره وينتهي الموضوع

[اليوسف2012]

الله يجزاك الخير اخوي فهد666 والله ماقصرت وان شاء الله راح اصنفر الفلنجة وربك يسهل الامور

[احمد الصالحي]

شريت اليوم فشق 32 9.5 اسود ماش مابه قوه اجربها بقارورة ماء ماليها رمل من مسافه حوالي 15 متر بس يطيحها اما 32 7.5 فجرت القاروره من نفس المسافه

[ذئب المقانيص]

يااخوان عندي مشكله في الستوقر 2000 اول اذا دخلت الفشقه فيه شي يمسكه ثم تدخل الثانية والثالثه والرابعة الحين لا ادخل الفشقه ثم ترجع علي مافيه شي يمسكهالظاهر فيه قطعه طايحه والا منكسر شي تكفون فزعاكم وش السواة
[ياخوي ليتك شرحت المشكله وفصلتها صح
لكن اذا انت تقصد انك لادخلت الفشق تحت|بالمخزن|
ان الفشق مايدخل مافيه شي يمسكه يعني الفشق ماتروح داخل
تجي تحت اللسان عندك مشكله بالسبرنق حدا الامرين يا انك قالبه ولا خربان

[الشمطر]

يا اخوان ابي تشوك رقم 1 ورقم 2 لام بطه
وهل تركب تشوكات السوابر لام بطه
وشاكر لكم

[vip-5]

السلام عليكم ورحمة الله
اخواني الاعزاء انا املك ستوقر 2000 الاصدار القديم شاريها جديدة ولله الحمد
و صار فيها مشكلة و ارجوكم من لديه الخبره يساعدني
المشكلة كالاتي
احط الفشقه الاولى في بيت النار و اطلقها يطلق عاادي
لكن ما تلقم الفشق الي بعدها من المخزن الا بعد طلعة الروح

[دوولي]

بسال .... هل الاستوقر ترمي 11 تحت الصفر اللي هو المتوسع ووش التشك الكويس له وكيف اعرف الضغوط القويه اللي يجب تجنبهاا للاستوقر
وشكررراااا

[areb]

السلام عليكم ورحمة الله
اخواني الاعزاء انا املك ستوقر 2000 الاصدار القديم شاريها جديدة ولله الحمد
و صار فيها مشكلة و ارجوكم من لديه الخبره يساعدني
المشكلة كالاتي
احط الفشقه الاولى في بيت النار و اطلقها يطلق عاادي
لكن ما تلقم الفشق الي بعدها من المخزن الا بعد طلعة الروح

نظف المخزن والجهاز

[tiger707]

الف شكر
تخياتى لك

[هاوي تميم 506]

السلام عليكم

اخواني واحبابي اريد ان اسالكم بخصوص الستوقر 2000

1عيوبها
2اسعارها
3وهل يوجد بديل لها بنفس قيمتها
4وهل عندنا ستوقر 3500
5كم طول ماصورتها
وانا سمعت ناس تمدحها وناس تذمها

وشكرا...

[احمد الصالحي]

السلام عليكم. بعد تجربتي للردولف ممتازه ماشاءالله صراحتا اخلص اللي بالمخزن كامل 9 فشق ورا بعض . ( قبل لا اطبع انظف اللسان وبيت النار )ومابها الا العافيه والحمد الاه

[ارثمس]

السلام عليكم ورحمة الله وبركاتة بغيت أسأل عن الشادن ام وعل هل ترمي ضغط 50 وهل جربتوا تشك رقم صفر يكون بارز انشين وتراه اضوق شي ارجو الرد سريعا

[ارثمس]

الرجو الرد عن الشادن ام وعل

[الهنتر]

الرجو الرد عن الشادن ام وعل

الشادن ام وعل معي وحده الصراحة حلوه وتفي ان شاءلله بالغرض
اما عن الضغوط مرميت فيها الا ضغط 36 لكن يفيدونك الاخوان ان شاءلله

[ارثمس]

تم وبحمد الله تجربة الشادن ام وعل بضغط ٣٢ و٣٦ و٣٨

[سلطان العسيري]

للبيع شوزن تعال انستقرام @ aar121300

[احمد الصالحي]

بالخير.هل فيه تشكات تزيد الماصوره 2 سم؟

[ارثمس]

نعم يوجد للارثمس والشادن ام وعل تشك ٢سم تنباع بسوق الجرده يسمى تشك رقم ٠ عندي وجربته يحبه قلبك للبعيد

[احمد الصالحي]

معي رد ولف .وكم سعره؟

[احمد الصالحي]

30 سم ماصورتها

[هيوماكس]

ياشباب الله يرضى عليكم
كم مسافة يفرش فيها تشوك رقم 1
ودي أجربه من كثر مالناس تمدحه
وهل افضل له 36/6 أو 32/7,5
الشوزن أم بطة 30 إنش

[احمد الصالحي]

رقم 1 حالته مبطي غير 3 لا تدور

[ستيفنزالقصيم]

من يخبر ارثمس اوشادن للبيع...يجي خاص

[دردوش]

السلام عليكم اخواني ودي اشاوركم بخصوص الارتمس الصراحه ودي اشري ومحتار وش عيوبها ومميزاتها وهل تنظيم الحلبي منتظم الله لايهنكم

[قناص الأشهب]

ممتازة جدا وتوزيعها يطرب
حافظ على تنضيفها بعد كل مقناص واذا نضفت امسح الزيت الي عليها بخرقة قبل تركبها من جديد
نصيحة اذا تبيها تدوم لا ترمي فيها بأكثر من ضغط 36
واذا منحد ارم الى 40 ما عندك مشكله

[FJ3230]

السلام عليكم اخواني ودي اشاوركم بخصوص الارتمس الصراحه ودي اشري ومحتار وش عيوبها ومميزاتها وهل تنظيم الحلبي منتظم الله لايهنكم

الارتمس بندق تحطها على يمناك
ويكفي انه قطع البنلي تطبق عليها بالملي
ورميها الحار يبرد القلب

[رجل المرور]

ياشباب الله يرضى عليكم
كم مسافة يفرش فيها تشوك رقم 1
ودي أجربه من كثر مالناس تمدحه
وهل افضل له 36/6 أو 32/7,5
الشوزن أم بطة 30 إنش

حياك الله اخ هيوماكس
انا من ملاك ام بطه ومنذ شراءها والتشوك المستخدم هو رقم 1
اما سؤالك الي كم مسافه رميه
ماعلم كم مسافه لأكن الي اعرفه انه اكثر تشوك يسوق
ومراميه حاره سوا واقع او طيار
الفشق أفضل شي بالنسبه لي 6 -36 كاكا - أولمبي - ارسي
وشكرا

[Mr.OK]

ياجماعه اللي يخبر تشوك ضيق لكرال ارمس يعلمني 0504243466

[هيوماكس]

حياك الله اخ هيوماكس
انا من ملاك ام بطه ومنذ شراءها والتشوك المستخدم هو رقم 1
اما سؤالك الي كم مسافه رميه
ماعلم كم مسافه لأكن الي اعرفه انه اكثر تشوك يسوق
ومراميه حاره سوا واقع او طيار
الفشق أفضل شي بالنسبه لي 6 -36 كاكا - أولمبي - ارسي
وشكرا

الله يجزاك خير ياخوي
كفيت ووفيت وإن شاء الله بجربه

[حمود العوفي]

السلام عليكم
حبية استفسر عن السوجل التركيه ام رحين ( ماصورتين تجئ فوق بعض)
هل تنصحوني فيها وش الضغط اللي تتحمله
وش العيوب وها لها قطع غير
وكيف رميها والسوق
وشكراً و

[mlikhunter]

السلام عليكم اخوتي واسف على الانقطاع بسبب اوضاع بلدي..اليوم شريت بندقيه اسمها (اسيل ارمز)asil armesوالبندق نوع بمب اكشن للصيد وللحمايه. وخذت معاها هذا الخرطوش 34 غم-4,5,6 لكن مكتوب عليه فيه طبقه من طلق ستيل .
اريد رايكم بالبندق ورايكم بالخرطوش استخدمه لو ارجعه لان فيه حبات ستيل وخايف لاتاذي الماسوره.
تحياتي لكم والله يحفظكم
http://www.mekshat.com/pix/upload06/images/2014/11/mk143770_img_20141101_113348.jpg
http://www.mekshat.com/pix/upload06/images/2014/11/mk143770_img_20141101_174330.jpg

[anas_3li]

على كم اسعار ام بطة الهشب والفيبر وهل القاها بالجردة

[نفل الفهود]

يالربع عندي ام بطه ام ثمان ..

المهم دايم انظفها ومهتم بها لكن هالفتره صايره تلك واحيان ما تعشق الثانيه غير اعشقها يدوي ..

ما ادري هل له علاقه بمنظم الغاز ؟ والا المشكله من اللسان (الشيال )

وعموما كيف اعرف اذا المنظم خربان او لا .

[نفل الفهود]

وبالنسبه للمنظم وين القاه وكم سعره ؟

[mlikhunter]

يانفل الفهود افحص عندك الحاصر المطاطي (o ring)مابعرف شو بتسموه مكانو في فنجان منظم الغاز بالسبطانه هذا يتلف وبالتالي مابيحصر الضغط

[mlikhunter]

ويااخوان الكرال ام بطه حفر عندنا اقل من٢٠٠دولار فيها مخزن اضافي،،،والله المعين

[نفل الفهود]

لك كل الشكر والتقدير اخ mlikhunter

بالنسبه لفنجان المنظم مافيه اي قطعه مطاطيه .. ولا لقيته بأي جزء من الاجزاء المتحركه

لكن فنجان المنظم فيه عليه زي السوار حديد من الخارج ما ادري اذا كان هو المقصود او لا .

[نفل الفهود]

وبالنسبه لسعر ام بطه كرال ارمس عندنا بما يقارب 1650 دولار ..

لاتعليق

[A saif]

السلام عليكم اخوتي واسف على الانقطاع بسبب اوضاع بلدي..اليوم شريت بندقيه اسمها (اسيل ارمز)asil armesوالبندق نوع بمب اكشن للصيد وللحمايه. وخذت معاها هذا الخرطوش 34 غم-4,5,6 لكن مكتوب عليه فيه طبقه من طلق ستيل .
اريد رايكم بالبندق ورايكم بالخرطوش استخدمه لو ارجعه لان فيه حبات ستيل وخايف لاتاذي الماسوره.
تحياتي لكم والله يحفظكم
http://www.mekshat.com/pix/upload06/images/2014/11/mk143770_img_20141101_113348.jpg
http://www.mekshat.com/pix/upload06/images/2014/11/mk143770_img_20141101_174330.jpg

اولا مبروك البندق والله يعطيك خيرها ان شاء الله



البندق اعتقد للحمايه الشخصيه ولا اعرف عنه الكثير, حبذا لو تعطينا عنها فكره



بالنسبه للفشق لا تخاف منه لانه ليس من الضغوط العاليه

[نفل الفهود]

يانفل الفهود افحص عندك الحاصر المطاطي (o ring)مابعرف شو بتسموه مكانو في فنجان منظم الغاز بالسبطانه هذا يتلف وبالتالي مابيحصر الضغط


لك كل الشكر والتقدير اخ mlikhunter

بالنسبه لفنجان المنظم مافيه اي قطعه مطاطيه .. ولا لقيته بأي جزء من الاجزاء المتحركه

لكن فنجان المنظم فيه عليه زي السوار حديد من الخارج ما ادري اذا كان هو المقصود او لا .

اليوم فكيتها وفعلا وجدت الحاصر المطاطي الي تتكلم عنه داخل حجرة المنظم ..
لكن ما عرفت اطلعه ..

ولا ادري كيف ممكن اعرف اذا هو تلفان او لا .

[mlikhunter]

اولا مبروك البندق والله يعطيك خيرها ان شاء الله



البندق اعتقد للحمايه الشخصيه ولا اعرف عنه الكثير, حبذا لو تعطينا عنها فكره



بالنسبه للفشق لا تخاف منه لانه ليس من الضغوط العاليه

تسلم وتعيش اخي .هذه البندق جديده بالسوق ومافي غير هالشكل والبايع مدح فيها وبيقول امتياز الفابارم وهي نعم للحمايه المنزليه.لكن جربتها زينه .السعر بحدود 200$...

[mlikhunter]

اليوم فكيتها وفعلا وجدت الحاصر المطاطي الي تتكلم عنه داخل حجرة المنظم ..
لكن ما عرفت اطلعه ..

ولا ادري كيف ممكن اعرف اذا هو تلفان او لا .

اخي الكريم هذا يقوم بحصر الضغط وتلفه يحصل تسريب بدله لانو رخيص ونضف المنظم زين وهذا السوار هو مثل رنك محرك السياره شوف يتحرك بحريه لو قافش واخير شيء الفشك نوعه اذا ضعيف تلك البندق ..انا ليش حولت عالبمبكشن ؟بسبب مشاكل الاتوماتيك.وتحياتي لك اخوي

[هيوماكس]

عجبني هالفشق ماشاء الله تبارك الله 450متر في الثانية
أسرع من الفشق الموجود عندنا في السوق :(
الله يبارك لراعيه ويعطيه خيره ويكفيه شره
http://www.mekshat.com/pix/upload06/images/2014/11/mk143770_img_20141101_174330.jpg

[mlikhunter]

عجبني هالفشق ماشاء الله تبارك الله 450متر في الثانية
أسرع من الفشق الموجود عندنا في السوق :(
الله يبارك لراعيه ويعطيه خيره ويكفيه شره
http://www.mekshat.com/pix/upload06/images/2014/11/mk143770_img_20141101_174330.jpg
تعيش اخ هيومكس هذا متسلسل يعني نمره 4،5،6وفي طبقه من الستيل وصناعته جيده. تحياتي وشكرا عالمرور

[نفل الفهود]

اخي الكريم هذا يقوم بحصر الضغط وتلفه يحصل تسريب بدله لانو رخيص ونضف المنظم زين وهذا السوار هو مثل رنك محرك السياره شوف يتحرك بحريه لو قافش واخير شيء الفشك نوعه اذا ضعيف تلك البندق ..انا ليش حولت عالبمبكشن ؟بسبب مشاكل الاتوماتيك.وتحياتي لك اخوي

جزاك الله خير ما قصرت

لك كل الشكر والتقدير .

[اثير ايليا]

اخوان انا جربت الستوكر 3500 مموه max4 بندقية جدا رائعة وترمي كل المقاسات من 24 الى 66 ﻻن هي سوبر ماغنوم طول الماسورة 30 انج ويجي معاها 4 تشوكات 1-3-4-فول اكسترا رمي جدا رائع وهي نفس نظام البنلي وتتميز بدقة التصويب والمدى البعيد ﻻن هي اصلا مخصصة للطيور المائية والي يبي يشتريهة تراهة رائعة بمعنى الكلمة وسعرهة عدنا بالعراق 850$

[اثير ايليا]

اخوان انا عندي الستوكر 3500 سوبر ماغنوم
طول الماسورة 30 انج
مموهة max4
نفس نظام البنلي
خمس فشقات
ترمي عتاد من 24-66 gr
يجي معاهة 4 تشوكات ( 1-3-4-فول اكسترا )
معاهة كيتات للوضعية المناسبة للرمي
رمي اكثر من رائع وتتميز بدقة الرمي والنثر المنظم للخردق وبعد مسافة الرمي ﻻنها اصلا مخصصة للطيور المائية
وتعتبر افضل البنادق التركية بدون منازع ولوﻻ جودتهة ما استعملت في اوربا وامريكا ويوجد فديوهات لهذا الموضوع
سعرهة عدنا في العراق 850$

[هيوماكس]

يا اخوان هل هذا الشيء عادي ؟
لاحظته يوم فكيت الشوزن قطعة قطعه على اساس التخزين والتنظيف مع اني مالاحظته من زمان قبل ما افك الحلقة الصغيرة الموجودة تحت الماصورة كما في الصورة

http://im80.gulfup.com/URp6G0.jpg

في الصورة الثانية موجود ثقبين بعد ازالة الحلقة الحديدية عن الماصورة
يعني لو ارش داخل الماصورة بخاخ اشوفه يتسرب منه

http://im80.gulfup.com/ghVDgC.jpg

[سوبربانلي]

شوزنك غازيه طبيعي تحصل الفتحات هذي

لانه يتم تسرب بعض الغاز الناتج عن انفجار الطلقه وتلقم الطلقه الثانيه


اللي ماتجي الفتحات به اللي يعملن بنظام انيرشا درفن مثل عموم البانلي
وبعض الايطاليات والبلاجيك القديمه


وكم نوع من التركيات

[هيوماكس]

شوزنك غازيه طبيعي تحصل الفتحات هذي

لانه يتم تسرب بعض الغاز الناتج عن انفجار الطلقه وتلقم الطلقه الثانيه


اللي ماتجي الفتحات به اللي يعملن بنظام انيرشا درفن مثل عموم البانلي
وبعض الايطاليات والبلاجيك القديمه


وكم نوع من التركيات

الله يجزاك خير على الافادة
ريحتني والله يريحك
على بالي انها متوسعة من الجرامات 38 و 36 اللي ارمي بها :(

[سوبربانلي]

ابد ارم وماعندك مشكله

وخلك على 32 و 36 افضل واريح لبارودك

ويعطيك خيره ويكفيك شره

[mlikhunter]

لا ياخوي هذه فتحات الغاز تدفع البستم(صمام الغاز) علشان تلقم فشك جديد وترمي القديم ودائما يجب ان تنظف وتكون مفتوحه .وفي حاصره من المطاط (o.ring)تحتاج تبديل كل فتره

[ابوسرى]

السلام عليكم. بعد تجربتي للردولف ممتازه ماشاءالله صراحتا اخلص اللي بالمخزن كامل 9 فشق ورا بعض . ( قبل لا اطبع انظف اللسان وبيت النار )ومابها الا العافيه والحمد الاه

تصحيح لكلامك يا الغالي في الأخير = الحمد لله

[mlikhunter]

تصحيح لكلامك يا الغالي في الأخير = الحمد لله

تعيش ابو سرى ...الحمد لله الذي لا يحمد على مكروه سواه

[ابو سعود 990]

السلام عليكم
اللي عنده خبره او مقطع لفك وتنظيف الشوزن التركية آرثمس
وماهو احسن تشوك يركب عليه .

[abufahed2014]

السلام عليكم ، بالنسبة للسلاح التركي يخوف( مالة خاتمة) لازم تكون منه حذر
السبطانة ممكن تنفجر، انا توى ماخذ باردوس اس ال فايبر رميها ماشاء الله حلو بس مو مثل السوبر بنلي او البرتا
بس المشكلة اللي فيها عدم توفر قطع الغيار
ولا ترمي ضغوط خلك على 32 ، 28 ، 24 ولا ترمي ورى بعض 2-2-1 حتى ما تحتر السبطانة لاني لما رميت ثلاثة طلقات ورا بض حسيت بحرارة
وبلغني واحد من الربع ان عندة باردوس انفجرة السبطانة معاه وهم ورا جول
وترى تنظيفها سهل بس لازم تاخذل حذرك وانتبة للي تفكة وين مكانة لان المنظم هوالمشكلة للي يفك اسبطانة من غير لا ينتبة مثل ما صار معاي اول مرة افكها. بس تحط بالك فك الحاضن وامسك المنظم ثم اسحب السبطانة وبعدين طلع المنظم والربلة والتكاية وانتبة اثناء التنظيف من الربلة داخل الايطار اللي يركب فية المنظم لانها لو تتلف تشكل البندق
وانا راسلت الشركة وطلبت منهم كاتلوج فية طريق التنظيف واتفصيل القطع واسماءها وارسلوة لي .
للي يحتاج يشتري قطعة بعينها يراسلهم ويرسلونها له
طبعا مو السبطانة والاخمس لانها تحتاج ترخيص او لما تروح لتركيا فية عنوانهم تقدر تشتري النمانم اللي تدبل الكبد ولا تبين انها لبندق

[mlikhunter]

السلام عليكم ، بالنسبة للسلاح التركي يخوف( مالة خاتمة) لازم تكون منه حذر
السبطانة ممكن تنفجر، انا توى ماخذ باردوس اس ال فايبر رميها ماشاء الله حلو بس مو مثل السوبر بنلي او البرتا
بس المشكلة اللي فيها عدم توفر قطع الغيار
ولا ترمي ضغوط خلك على 32 ، 28 ، 24 ولا ترمي ورى بعض 2-2-1 حتى ما تحتر السبطانة لاني لما رميت ثلاثة طلقات ورا بض حسيت بحرارة
وبلغني واحد من الربع ان عندة باردوس انفجرة السبطانة معاه وهم ورا جول
وترى تنظيفها سهل بس لازم تاخذل حذرك وانتبة للي تفكة وين مكانة لان المنظم هوالمشكلة للي يفك اسبطانة من غير لا ينتبة مثل ما صار معاي اول مرة افكها. بس تحط بالك فك الحاضن وامسك المنظم ثم اسحب السبطانة وبعدين طلع المنظم والربلة والتكاية وانتبة اثناء التنظيف من الربلة داخل الايطار اللي يركب فية المنظم لانها لو تتلف تشكل البندق
وانا راسلت الشركة وطلبت منهم كاتلوج فية طريق التنظيف واتفصيل القطع واسماءها وارسلوة لي .
للي يحتاج يشتري قطعة بعينها يراسلهم ويرسلونها له
طبعا مو السبطانة والاخمس لانها تحتاج ترخيص او لما تروح لتركيا فية عنوانهم تقدر تشتري النمانم اللي تدبل الكبد ولا تبين انها لبندق

اخي الكريم ،انا اختلف معك بالراي لاني ارى اغلب الصيادين عندنا لديهم بنادق تركيه ،ويستخدموها بانواع الصيد حتى الكبير ،طبعا المشكله بالاتوماتيك هو اصلا كثير العطلات بسبب نظام الغاز الذي يحتاج تنضيف دائم وادامه ،وحتما اي بندق اذا لم تديمها او تستخدم عتاد يناسبها فهي ستسبب مشاكل او خطوره ،وبالنسبهلحرارة السبطانه فهو شيء طبيعي بسبب قوة الحراره والضغط مع استمرار الرمي ويحصل في جميع البنادق واخيرا اقول اكيد لايقارن التركي بالبرتا او الونشستر والبنلي ووو،ولكن التركي يستخدم في دول عده منها امريكا والمانيا وغيرها وبسبب اسعاره الواطئه،،،،،،تحياتي

[البدر 707]

السلام عليكم
اللي عنده خبره او مقطع لفك وتنظيف الشوزن التركية آرثمس
وماهو احسن تشوك يركب عليه .
وعليكم السلام
حياك اخوي
فك الارتمس سهل جدا جدا فكها انت وتعلم عليها وراح تشوف انه سهل
ومن ناحية التشوكات عند 3 للقريب وحلو يفرش وعندك 2 اذا انت راعي نحم حلو وفالك الشحم لكن اكثر شي استخدمه 3 واتمنى اني افدتك .

[أبو غدي1432]

السلام عليكم..

ودي بشوزن اللي عنده ويبغى يبيعها..

لو مرخص عادي

[مجروح الروح]

[Fالسلام عليكم
اخواني انا من ملاك الستوقر 2000 صراحه
مافيها كلام لاكن المشكله من الشطحه يسار سمعت انت محل فالقصيم
يظبطها وراحه له واحد من الربع وزينها لاكن ماتغير شي احد عنده حل
وسمعت يقول غير التشك وبيظبط وشكراONT="Arial Black"][/FONT]

[ستيفنزالقصيم]

بالنسبة نوع البريدوس جدا فاشل وكثير اعطالة
اما التركيات الطيبة ستوقر ...ارثمس.. شادن لاتتعدا الثلاث ذولي كل من جربهن مدحهن واسعارهن تتعدا البيكال

[خالد سلمان]

الله يعطيكم العافيه ياشباب
بأسئلكم عندي ستوقر والتشوكات الي جت معها لونها اسود الي اعرفه ان تشوكات ستوقر لونها فضي
ماادري مر عليكم هذا الشيء .

[ارثمس]

اهم شي بالتشك انه يكون ضيق شوي

[ستيفنزالقصيم]

الستوقر الي معك مكتوب مديل... او... اس تي في

[خالد سلمان]

الستوقر مكتوب عليها موديل ٢٠٠٠

[mlikhunter]

والكرال ام بطه هم تراها زينه وماتفشل

[عبيد بن خلف]

ياجماعة الخير ابي جواب ماعندي تشوك رقم 2 للستوقر هل 3 يفي بالغرض

[هيوماكس]

ياجماعة الخير ابي جواب ماعندي تشوك رقم 2 للستوقر هل 3 يفي بالغرض

يفي بالغرض ويسد حاجتك بإذن الله :)

[خالد سلمان]

السلام عليكم يا شباب كم مقاس تشوك رقم واحد للأستوقر و ادور تشوكات اثنين وثلاثه الي عنده يتواصل ولكم كل الشكر .

[سوبربانلي]

تشوك رقم واحد

ستوقر 685
ارتمس 685
ام بطه 685

قايسهم عند محل الوسمي اللي بالرياض
وتشوك واحد هو اﻷفضل لجميع التركيات

[احمد الصالحي]

السلام عليكم ورحمة الله وبركاته. عندي بندق ردولف الماصوره 30 معها مخزنها وتشكاتها وتشك 00 نظيفه كم تسوی .سبب البيع ابحث عن بندق مصرحة

[نفل الفهود]

السلام عليكم ..

كم سعر الستوقر 2000 جديده ؟
وكم سعر ام بطه ام 8 حفر جديده ؟

وكم سعر الارتمس جديده ؟

[هاوي قناصه]

يالربع تكفون ابي تشوك 680 خارجي
للارتمس واصلي يفضل بالغربيه
فيه واحد كتن ببيع تشوكات بس رقمه راح من عندي

[هاوي قناصه]

ماحد رد لكن
من يعرف رقم الوسمي بالرياض

الي يعرفه

[حر المطاريق]

السلام عليكم
يالربع اللي يخبرلي ارتمس جديده او اخت الجديده في الغربية يتواصل معي 0531032893

[n_a_d]

سلام عليكم

مسيتم ب الخير ي الربع

اللي يخبرلي شوزن تركيه نظيفه للببع من الغربيه يرسلي خاص

[oO BANDR Oo]

السلام عليكم ورحمة الله وبركاته

انعرضت علي شوزل ام بطة ورحت اشوفها ولكن كانت غريبة شوي حيث ان البطة بالعادة يكون مكتوب تحتها كرال ارمس لكن هذي مكتوب عليها (super queen) بعد بحث مطول ع الانترنت عنها ماحصلت شي للأسف لكن حصلت نفس الشكل الخارجي لكن الكتابة اللي تحت البطة تختلف .

الشوزل جربتها ورميت بها دسته كاملة ار سي الاسود 36/6 ولا فشقه لكت ولله الحمد لكن ندفها قوي شوي

هذي صورها

http://www9.0zz0.com/2015/04/04/21/538593435.gif

http://www4.0zz0.com/2015/04/04/21/401823870.gif

http://www4.0zz0.com/2015/04/04/21/605836130.gif
حامي الزناد عليه نفس شعار كرال ارمس!
http://www4.0zz0.com/2015/04/04/21/131073859.jpg

http://www5.0zz0.com/2015/04/04/21/155419149.gif

اللي عنده معلومات عنها لايبخل علينا

[برق الحيا900]

يالربع ابي فزعتكم واحد يصور لي مكينة ام بطة التركية واحد من الشباب فكها وعجز يركبها بسرررررعة
ولكم جزيل الشكر

[نفل الفهود]

السلام عليكم ورحمة الله وبركاته

انعرضت علي شوزل ام بطة ورحت اشوفها ولكن كانت غريبة شوي حيث ان البطة بالعادة يكون مكتوب تحتها كرال ارمس لكن هذي مكتوب عليها (super queen) بعد بحث مطول ع الانترنت عنها ماحصلت شي للأسف لكن حصلت نفس الشكل الخارجي لكن الكتابة اللي تحت البطة تختلف .

الشوزل جربتها ورميت بها دسته كاملة ار سي الاسود 36/6 ولا فشقه لكت ولله الحمد لكن ندفها قوي شوي

هذي صورها

http://www9.0zz0.com/2015/04/04/21/538593435.gif

http://www4.0zz0.com/2015/04/04/21/401823870.gif

http://www4.0zz0.com/2015/04/04/21/605836130.gif
حامي الزناد عليه نفس شعار كرال ارمس!
http://www4.0zz0.com/2015/04/04/21/131073859.jpg

http://www5.0zz0.com/2015/04/04/21/155419149.gif

اللي عنده معلومات عنها لايبخل علينا

فعلا غريبه هالشوزن .. لو منك فتحت لها موضوع مستقل تجيك ردود اكثر ..

[قناص اشيقر]

السلام عليكم كيف حالكم جميعا ياخوان عندي القفل او الشاكوش منكسر الي بالمكينه شوزن ام بطتين هل له ظرر اذا شلته ورميت بدونه والا لازم اغيره ووين احصله بالرياض وكم سعره لاهنتم

[سوبربانلي]

مافيه ظرر تقدر ترجعه بسكروب عادي

لكن خذ المكسور وحاول تلزقه على بعضه بشمع الجني وتواسيه

واطلع للمخارط عندكم بالرياض وفصل واحد احسن وارخص وماينكسر


اعتقد مكانهن عند مسجد العويضه مخرج 15 اذا ماني واهم طبعآ اذا انت تقصد السحاب اللي يركب بالمكينه عشان ترجعه

[قناص اشيقر]

اخوي سوبر اقصد القطعه الي تركب فوق الابره ولها قطعه صغيره من تحت الابره ماسكه ببعضها عندي انكسرت

[سوبربانلي]

المكسور عندك قلب المكينه ودايم ينكسر من تحت ومانصح ترمي عليه عشان

ماتنكسر الفلنجه ﻷنه تطبق عليه والترهيم تحصل له لكن لازم عندفنان وأﻷفضل تشري جديده

وسعره على حسب المنطقه من 450 الى 600

واذا ماهي القطعه اللي تقصد راسلني خاص وارسل صورته وافيدك ان شاءالله

[قناص اشيقر]

هو القلب صحيح كلامك بس وين احصله

[سوبربانلي]

شف الوسمي عندكم بالرياض ان ماحصلته بالقصيم متوفر عندهم

عندمحلات الصيانه بالجرده وعندالمقناص

[قناص اشيقر]

جزاك الله خير يالغالي ماقصرت معلومات وفيه

[هاوي المقنآص]

السلام عليكم يا شباب من جرب تشوك 665 او 660 او 670 للستوقر وكيف الرمي والسوق وسلامتكم

[هاوي المقنآص]

ووش الفرق بين التشوك المخرق والعادي شريت تشوك 685 مخخرق انا ابيه للطيار يصلللح ولا لا

[سوبربانلي]

تشوك 670 زين للستوقر وينفع للطيار

اما تشوك 685 نفس مقاس تشوك رقم واحد

وبالنسبه انه مخرق يخفف الزمه غالبآ

واذا هو طويل التشوك ينفع بكل شي وتحسن سوقه

[سوبربانلي]

اما تشوك 660 يلخبط الحلبي

[هاوي المقنآص]

انا معي تشوك 665 بس ما جربته وخايف منه الي جرب يقيدنا

[سوبربانلي]

اهم شي انه مشدود زين

وارم عادي لاتخاف ابد معك من رقم صفر وطالع

يعني ترمي صفر و 1 ورقم 6 و7

بدون مشاكل والظغط الى 38

بس اهم شي انه مشدود تذكر

[هاوي المقنآص]

الله يجزاك خير من ناحية الفشق وش افضل فشق نوع الي مب مقلد من الافضل

[الشمروخي]

تجربتي للتركي
احرهن واجودهن البلاك ولف
احرهن واقل جوده بريديوس واي كي ام سم بالرمي جوده وسط
جوده ورمي طيب شادن ثم ارتمس
جوده وسط ورمي حليل ستوقر بس قبيحه وترجف رجف ام حبه
البطه والباقي رمي حلو وجوده عاديه

[سوبربانلي]

الحين اغلب الفشق مش حالك

لكن فيه انواع ان حصلته زين
ايلي 6/36
فوب 6/36
فوشي6/36


الكاكا الحين ماعليه بس ماهو نفس الاول ابد

[هاوي المقنآص]

وش رايك ب B&p والريمنقتن

[خليل909]

تجربتي للتركي
احرهن واجودهن البلاك ولف
احرهن واقل جوده بريديوس واي كي ام سم بالرمي جوده وسط
جوده ورمي طيب شادن ثم ارتمس
جوده وسط ورمي حليل ستوقر بس قبيحه وترجف رجف ام حبه
البطه والباقي رمي حلو وجوده عاديه

قصدك ام بطه قبيحه من ناحية الرجف ولا استخدام وماتتحمل لان اشوف الناس تمدحها وانا معي وحده ولاكن مارميت فيها يمكن دسته وعليها ولاعندي ذيك الفكره عنها ولاكن مبدئياً اشوف انها جيده

[سوبربانلي]

الرمنقتون 6/36 افضل من البي بي

[هاوي المقنآص]

طيب ريمنقتون وبيبي 32 7ونص للطيار زيناااات

[سوبربانلي]

زينات للطيار مايحتاج

لكن من مسافات متوسطه

[سوبربانلي]

6/36

اي نوع طيب

[سوبربانلي]

وفيه مواصير بال 32 اطيب من 36

يعني بأختصار على حسب الماصوره اللي معك


اما التركيات افضل شي لهن 6/36

[سوبربانلي]

ابعطيك طريقه بسيطه لحذفة الستوقر لكن تنفع

ركب الوردات اللي بالحاظن العدله اول والمايله فوقه

واذاجيت تشدصامولة المخزن حط ماصورته من جهة اليسار على مركى

واضغط عليه عشان تروح معك الماصوره يمين وشد الصاموله بيدك بس بقوه

وبكذا يكون رميه عدال لكن لازم تكرر هالطريقه كل بعد خمس طلقات لو بيدك بدون فك صامولة الحاضن عادي على ديكور السياره وانت تسوق او دور محل يعدل الخاتم حق الماصوره ﻷن بعظهم يلعب بالجسر ويلفه لك يمين مثل الفايز ومايصلح كذا

[سوبربانلي]

ولازم تجرب تشوك 1 و 2 بعض المرات يكون احدالتشوكات فيه شي وتحذف

[سوبربانلي]

ابشر ارسلك

[Najm1]

عندي شادن ام وعل ماشفت منها شي حمدالله تنظيم وحراره تطرب ولا تعليق ولا شي

[هاوي المقنآص]

السلام عليكم يالربع من جرررب فششق الفينو FINO وكيف سوقه وحرارة رمية

[س ل ط ا ن sul]

ياجماعة هل فيه فرق ملحوظ بين تشوك 3 وتشوك 4

أرسلت من C6903 بإستخدام تاباتلك

[هاوي المقنآص]

السلام عليكم يالربع عندي ستوقر بس حطيت فيها فشق اليوم جيت بطلعه من المخزن اظغط الزر الي يطلع من المخزن الى اللساان ما يطلع الفشقه ولا كاني اظغط واعشق و اظغط الزناد واعشق مرة ثانية همن اظغطه ويطلع الفشقه وش المشكله؟؟��

[احميد ألعقيبى]

http://www.mekshat.com/pix/upload05/images253/mk320517_1625572_512094042228599_70068426836494331 5_n.jpg
عذرا اخوانى نوع البندق هذا حيرنى مكتوب منحوت عليه الصناعه انجلترا لندن واسم البندق شرشل جولد ولكن بعض الاخوان قالو لى صناعه تركيه ولها مايقرب عندى ااكتر من 5 سنوات ورمى بها لحد ضغط 50 ولم تشكى من شى ولله الحمد

[قناص اشيقر]

السلام عليكم علومكم عساكم طيبين يالربع قلب المكينه لشوزن ام بطتين ماحصلته بحثت بكل مكان مافيه احد يفيدني بمحل احصله عنده او احد يصنعه يدوي يالربع تكفون تعبت بالدوره

[قناص الأشهب]

يا شباب من الذيب اللي يجيب حل حذفة اللستوقر 2000
تحذف عندي يسار على تشك رقم 1 غيرت التشك نفس الضوق ونفس الشئ تشك رقم 2 غير واضحه فيه الحذفه فكيتها وركبتها ما نفع شيكت السبطانه عن محل مختص قال وضعها طيب مافيها لفه زيتها وسويت الي اقدر عليه مافيها طب برضه تحذف يسار

[قناص الوعول]

اقلب الستوك وتزبط

[س ل ط ا ن sul]

غير الوردة الغير سليمة بمقدمة الحاضن يوجد به وردتين وحدة سليمة والثانية غير سليمة خذ السليمةللمخرطة وفصل عليها جديدة وركبها بدل الخربانة وتضبط 100%

أرسلت من C6903 بإستخدام تاباتلك

[قناص الأشهب]

قناص الوعل ماعرفت كلمة الاستوك ياليت توضح

[قناص الأشهب]

سلطان هل اغير الورده المايله بوحدة زي اختها واذا غيرته اغيرها باي نوع من الحديد ولا استيل او تقصد اي شئ من المخرطه .
سؤال ثاني ولو اني كثرتها لكن تحملنا شوي هل انت جربت هذي الطريقه وهل لها اي تايير على تماسك الشوزن .

[ارثمس]

افضل شوزن تركية الشادن

[س ل ط ا ن sul]

نعم غير الوردة المايلة وخلها مثل أختهاالسليمة
غيرها بالحديد المتوفر
هذي الطريقة معروفة وفيها مقطع يبين الطريقة وأنا ماجربتها



أرسلت من C6903 بإستخدام تاباتلك

[س ل ط ا ن sul]

نعم أفضل شوزن تركية هي الشادن

أرسلت من C6903 بإستخدام تاباتلك

[سهيل 11]

افضل شوزل تركيه واقوى من الايطاليه ستوقر 3500 سوبر مقنم الجباره من واقع تجربه ترمي الى 66قرام عذروبها ثقل وزنها فقط

[قناص الوعول]

الاستوك هو قطعه بلاستيك تجي بين الخشاب الخلفي وجرم الجهاز لها دخل في تعديل الحذفه وتعديل الرمي فوق النيشان وتحته

[قناص الوعول]

ولم تصنع عبث كل الشوازن يجي معها استوكات تعطيك حريه كيف تبي رمي البندق

[هاوي المقنآص]

السلام عليكم يااخوان مخزن السوبر بلاك ايقل 1 و 2 يركب مخزنها للستوقر 2000؟؟؟؟؟

[مروض الصعب.]

الله يجزاك خير يا سلطان صدقت في ان مشكلت الحذفه بالوردات وانا من اخذتها نزلت الورده المايله وفيها باقي بس بسيطه بس ياليت تجيبلنا الرابط نستفيد منه وجزاك الله خير

[111333]

السلام عليكم ورحمة الله يالربع عندي استفسار عن شوزن ارتمس هل ترمي ضغوط او لا

[FJ3230]

ترمي الى حد ٥٦

[مروض الصعب.]

ترمي ضغوط ليه ماترمي بس لاتكثر في رمي الضغوط بعدين مايحتاج الضغط الي الرهو والكدري احيانا

[111333]

[QUOTE=FJ3230;10527494]

الله يجزاك خير وبيض الله وجهك

[Browning-A5]

السلام عليكم
بما اني من ملاك التركية ستوقر 2000قبل فتره (ثلاث ستوقر ) أبيع بعده أتحسف وأشري صراحة بندق ممتازه وانظفه بين كل فتره وفتره (كل طلعتين تقريبا) طولهن 30 ماشفت عليه خلاف لكن اهتم بأشياء كثيره أهمهم التنظيف ولا ادبل عليه ولا ارمي ضغوط حدي 38 لأن حرارته تبي تغنيك ان شاء الله لكن صادفتن بعض المشاكل اول وحده الناتوش الداخلي انكسر علي وصلحته مره وحده بس وثانيا الحذف اااااخ يالحذفه جننت عقلي حذفه يسار مالقيت له حل الا على كلام المجربين عفط الماصوره وانا نفسي ماتتطاوعن على عفطه تعودت عليهن وطلع مشكله انه يعلق الترباس بعد كذا طلقه وطلعت من السبرنق اللي يرجع الترباس وحليته بتضويقه شوي اما كمشاكل كبيره مامر علي بالنهايه للي قروشه على قده تراه تبي تكفي وتوفي رمي حار وقطع متوفره

[FAAHOOD]

السلام عليكم
عندي شوزن ستوقر2000

حبيت اسألكم عن التشوك رقم صفر(670) اتوقع كذا مقاسه

شرايكم فيه

واخذت لي تشوك 2 انش رقم (690) يعادل رقم واحد حسب كلام بعض الاخوان

[سوبربانلي]

ستوقر 2000

مقاس تشوك رقم 1 / 685

يعني اللي يبي تشوك غير البلد
ياخذ
مثل 675 او 670

[FAAHOOD]

ستوقر 2000

مقاس تشوك رقم 1 / 685

يعني اللي يبي تشوك غير البلد
ياخذ
مثل 675 او 670


يعطيك ربي العافية اخوي

[الشرطه]

السلام عليكم /

يالنشاما لاهنتوا من يجيب لنا سعر شوزن الارتميس التركيه كم عليه فالجرده جديده او حسبة جديده ...

[راعي الهدد 44]

السلام عليكم ورحمة الله وبركاته
يالربع عندي ستوقر 2000 الفرسان القديمة الي مكينتها نيكل وهي فيبر اسود استفساري هل جودتها نفس جودة الجديد منها أو هي أفضل .

ولكم جزيل الشكر،،،،

[الحربي حاتم]

السلام عليكم
بما اني من ملاك التركية ستوقر 2000قبل فتره (ثلاث ستوقر ) أبيع بعده أتحسف وأشري صراحة بندق ممتازه وانظفه بين كل فتره وفتره (كل طلعتين تقريبا) طولهن 30 ماشفت عليه خلاف لكن اهتم بأشياء كثيره أهمهم التنظيف ولا ادبل عليه ولا ارمي ضغوط حدي 38 لأن حرارته تبي تغنيك ان شاء الله لكن صادفتن بعض المشاكل اول وحده الناتوش الداخلي انكسر علي وصلحته مره وحده بس وثانيا الحذف اااااخ يالحذفه جننت عقلي حذفه يسار مالقيت له حل الا على كلام المجربين عفط الماصوره وانا نفسي ماتتطاوعن على عفطه تعودت عليهن وطلع مشكله انه يعلق الترباس بعد كذا طلقه وطلعت من السبرنق اللي يرجع الترباس وحليته بتضويقه شوي اما كمشاكل كبيره مامر علي بالنهايه للي قروشه على قده تراه تبي تكفي وتوفي رمي حار وقطع متوفره

ماني من أهل التركيات ولا أقنيها لو مايوجد إلا هي ، وهذي الستوقر اللي أدوشوا روسنا بها ، فيها كل هالمشاكل على ويش جديد أجل ، بيكال وإرتاح من الهم .

[مجهر الحق]

من متابعتي للمشاركات

اشوف ان ام بطه ماعليها ملاحظات ولله الحمد مدري من قل مستخدمينها والا من جودتها


لها معي ثلاث سنوات مستخدم حوالي سبعه صناديق ماشية معي زي الحلاوة ولله الحمد فقط اهتم في تنظيفها وسلامتكم

[111333]

السلام عليكم /

يالنشاما لاهنتوا من يجيب لنا سعر شوزن الارتميس التركيه كم عليه فالجرده جديده او حسبة جديده ...

اسمك يخوف محد راد ههههههه الجديده سعره ب 13500 هالحروه قبل شهر تقريبا وقليل تلقاه .. والنظيفه بالحيل ب 12500 تلقاه .. هذي المعلومات اللي عندي قبل شهر تقريبا وشكرا

[س ل ط ا ن sul]

يالربع وش رايكم بتشوك رقم 3 كثير من الناس يقولون ما ينفع يلعب بالرصاص خلك ع تشوك 1 أو 2

أنا أبيه للجرجس وقالوا لي ترا ما ينفع

[abo saad alwa]

السلام عليكم ورحمة الله وبركاته يالربع انا عندي سؤال

هل التشوك 680 يركب على الشوزل التركية الجديدة اتا ارمس اخت الشادن

[سوبربانلي]

اذا السنه براس التشوك يركب

واذا تحت مثل البيكال مايركب

[س ل ط ا ن sul]

ياجماعة الستوكات مهم وجودها بالشوزن أو لا

الشوزن عندي مافيها ستوك

[خليل909]

ياجماعة الستوكات مهم وجودها بالشوزن أو لا

الشوزن عندي مافيها ستوك

وش نوع الشوزن الي معاك واذا فيها سنة تشوكات بالسبطانه فهو ظروري واذا مافيها مايلزم لان الحلبي يأثر بالسنه

[س ل ط ا ن sul]

الستوك وليس التشوك

[خليل909]

اهااا فهمتك غلط العذر والسموحه

[عبيد بن خلف]

ياجماعة معي ستوقر 2000 مامعها الا تشك رقم 3 وش رايكم اشتريلها تشك او 3 زين للواقع والطيار

[س ل ط ا ن sul]

عليك بتشوك 1 عز الله يطرب

[س ل ط ا ن sul]

تشوك 3 بارد بالرمي يصلح للقريب بالحيل

[عبيد بن خلف]

والله يالربع مافهمتلها بالطيار اجيب البعيد بفشق32 والقريب ارمي مدري مدري وين يروح الفشق حتى ال 36

[قناص الأشهب]

اخوي عبيد ترى الاستوقر تزم للقريب
افضل شئ ان تجرب على جدار للقريب والبعيد

[mlikhunter]

السلام عليكم اخذت هذه الشوزن المفرد نوع زفير ونشوف رايكم
http://www.mekshat.com/pix/upload06/images/2015/11/mk143770_dsc_0117.jpg

[hadi.9]

السلام عليكم ورحمة الله

اشكر جميع الاخوان الي طرحو تجاربهم وتابعت الرابطه من اولها الى اخرها

واستفدنا من التجارب والنصائح دون ادنى شك

ولدي استفسار اريد افضل نوع ام روحين تركي سوق وعمليه (أعطالها قليله)

او ام كسره ياليت من مجربين يوضحون الاسم وكم تتحمل والطول وهل تشوكات ام فل تشوك باالأضافه الى السعر حتى لو برساله على الخاص ان كان ممنوع

اتمنى ان اجد اجابه لديكم

[sh6ooo6]

ياجماعة الخير معي ستوقر 2000 وابركب لها وصله 12 وسمعت انه في شي لازم تسويه عند مخرطه او محل صيانة بالأول
هل هو صحيح ؟ واذا هو صحيح وش المطلوب اني اسوي ؟

[sh6ooo6]

ارجو الافاده اللي عنده علم ياخوان جزاكم الله خير

[فهد 003]

ياشباب عندي ام بطه
كل مارميت فيها طاح منها اصبع التعشيق اللي تسحبه في جنبها
وش الحل واذا لازم اغيره وين احصله ؟؟؟؟

وشكرا لكم

[أبو زياد الحنيني]

يالربع لاهنتم ابي الربله للارتمس اللي تجي بعقب البندق