المساعد الشخصي الرقمي

مشاهدة النسخة كاملة : _+=+ افضل ورشة تربيط سيارات في مدينة الرياض +=+_


استغفرالله-
03/03/2011, 12:58 AM
بسم الله والصلاة والسلام على رسول الله ..

اخواني اعضاء منتدى مكشات الفضلاء
السلام عليكم ورحمة الله وبركاته .

املك جمس سوبربان موديل 97 .. 2500 ..454

والموتر ماتربط من يوم طلع من الوكالة ماشاء الله لاقوة الا بالله

وبعد السنين ومع كثرة الطلعات للبر والمراقى الموتر صار مافيه صوت الا فيه

قرقعه وقرقشه واجتزالي :p ..

المهم اني ابي استشيركم بما عندكم من الخبرات والتجارب القيمه

وخبركم الان الورش اكثرها صارت للأسف الشديد نصب وضياع للمال والجهد والوقت

ابي تشورون على بورشة تربيط للموتر داخل وخارج وبطن من الى صدام للصدام تربيط كامل

بس تكون ورشه ممتازه ومجربه .. وكم راح تكون التكلفه تقريبا عشان الواحد ماينصدم وفي نفس الوقت مايستغفل من قبل الورش

وفي بعض الاخوان اشارو لي على ورشة اسمها العتيبي او الكردي وش رايكم فيها هل تعتبر ممتازه ولافيه افضل

وجزاكم الله الف خير , وبارك لكم في مالكم واعماركم وذريتكم

والسلام عليكم ورحمة الله وبركاته
نفود بريدة
03/03/2011, 01:26 AM
هلا فيك أخوي وحياك الله ..
بالنسبة للجمس .. فيه ورشتين تقريبا تقدر تقول متخصصين بتربيطها ..

الأولى : ورشة ابن مرضاح بالصناعيه القديمة ... اسأل عنها بالصناعيه ويبي يفيدونك الي هناك عن موقعها .. لأنها مشهورة جدا . لكنها غااااالية $$$$$ . :D:D

الثانية : ورشة مشعل العتيبي .. والي يشتغل بالتربيط فيها اسمه على ما اظن ممدوح الكردي .. وهي ممتازة ايضا وسعرها أقل من الأولى .. :good2:

وصفها : أنت الآن بطريق الخرج ومتوجه جنوب .. اذا جتك اشارة محل السالم للزجاج .. ديور ( انكس ) معها .. وابتل سيدا لين يجيك بنك الراجحي .. ادخل من عنده يمين .. ثم اول تقاطع لف يسار .. امش شوي بتلقاها على ايدك اليمين ..

وموفق ان شاء الله
ولا تنسانا من دعواتك المباركة .. :)
استغفرالله-
03/03/2011, 06:45 AM
هلا فيك أخوي وحياك الله ..
بالنسبة للجمس .. فيه ورشتين تقريبا تقدر تقول متخصصين بتربيطها ..

الأولى : ورشة ابن مرضاح بالصناعيه القديمة ... اسأل عنها بالصناعيه ويبي يفيدونك الي هناك عن موقعها .. لأنها مشهورة جدا . لكنها غااااالية $$$$$ . :D:D

الثانية : ورشة مشعل العتيبي .. والي يشتغل بالتربيط فيها اسمه على ما اظن ممدوح الكردي .. وهي ممتازة ايضا وسعرها أقل من الأولى .. :good2:

وصفها : أنت الآن بطريق الخرج ومتوجه جنوب .. اذا جتك اشارة محل السالم للزجاج .. ديور ( انكس ) معها .. وابتل سيدا لين يجيك بنك الراجحي .. ادخل من عنده يمين .. ثم اول تقاطع لف يسار .. امش شوي بتلقاها على ايدك اليمين ..

وموفق ان شاء الله
ولا تنسانا من دعواتك المباركة .. :)


الله يجزاك الف خير اخوي نفوذ بريده , ماقصرت احسن الله اليك وبارك الله فيك

طيب يا اخواني الغالين

1- احد جرب ورشة مشعل العتيبي ؟؟ ياليت احد يفيدنا عنها

2- كم ممكن يكلف تربيط الموتر كامل من الصدام للصدام داخلي وخارجي

3- تخبرون لي ورشة ممتازه للجموس التسعينات .. ابو ورشه تنفض الموتر من الصدام للصدام ميكانيكا وكهرباء وكل شيء تصليح كامل ويكون شغلهم ممتاز وسعرهم جيد .. تخبرون لي شيء عن تجربه وخبره

لاتبخلون علينا الله يجزاكم خير
استغفرالله-
03/03/2011, 03:07 PM
افا يا اخوان وين فزعتكم يالنشامى
المصباح السحر
03/03/2011, 03:48 PM
انا شخصيا قابلت مشعل العتيبي بالصدفه موتري كابرس وارتفعت الحراره وكنت ماني من اهل الرياض ومريت على البيان قالوا كابرس مانعرف نسويه

واطلع زعلان واروح الصناعية القديمه وابي ورشه مفتوحه اي ورشه اهم شيء مفتوحه

والقى ورشة مشعل وادخلها والقاه توه قايم من النوم ويصلح سيارتي وسعره زين بس الرجال باين عليه انه فاهم زين بالامريكي حتى انه قال الامريكي لعبتي ما يهمك تعال باي وقت
استغفرالله-
03/03/2011, 10:31 PM
انا شخصيا قابلت مشعل العتيبي بالصدفه موتري كابرس وارتفعت الحراره وكنت ماني من اهل الرياض ومريت على البيان قالوا كابرس مانعرف نسويه

واطلع زعلان واروح الصناعية القديمه وابي ورشه مفتوحه اي ورشه اهم شيء مفتوحه

والقى ورشة مشعل وادخلها والقاه توه قايم من النوم ويصلح سيارتي وسعره زين بس الرجال باين عليه انه فاهم زين بالامريكي حتى انه قال الامريكي لعبتي ما يهمك تعال باي وقت

جزاك الله خير اخوي المصباح والله يبارك لك في موترك ويرفع قدرك قل امين

وفي انتضار باقي الشباب مايقصرون ان شاء الله
طير الهقاوي
04/03/2011, 10:03 AM
اذا تبي تربيط وبكل اختصار
الاوله النويصر تخصص جموس من عصر جدي وجدك
والثاني ابن مرضاح وهو نصاب كبير الله يعينك على اقيامه
والنوصر تمام قيمته موافقه وتربيطه مافيه كلام
تقبل مروري
فتى الوادي
04/03/2011, 10:38 AM
انا ربطت سيارتي عند ورشة النويصر بالرياض ...
الأيام الأولى تمام ... لكن بعد أيام طلعت صرصرة في الأبواب ...
وبعد الكشف لقيتهم حاطيتن ليات شفافة داخل جلب الباب سببت الصرصرة ... وأشيلته وراح الصوت ...
تربيطهم تمام .. لكن أتفق معهم على السعر ..
تقريبا التربيط السفلي مع تربيط الأبواب والزجاج شغل اليد 1200 ريال
غير قطع الغيار إذا تحتاج سيارتك لأستبدال بعض القطع .. و لازم تتفق معهم على هذه النقطة قل لهم لا تغيرون شيء حتى تعطوني خبر عنها ....
أحيانا بعض السيارات تحتاج لفك الطبلون ... وتربيط أسفل وتحت الطبلون وهذه مكلفة .. تقريبا 1200 أخرى لفك الطبلون وتركيبه ولحامه إذا فيه كسور من داخل .
الورشة الثانية ورشة مشعل العتيبي اللي ذكرها اخوي نفود بريدة جيتهم قبل اسبوعين تقريبا ومشغولين وزحمة وعدد العمل قليل ... واشوف عندهم سيارات جموس صوالين وغيرها ومن النظرة الأولى أعتقد أن شغلهم جيد وسعرهم مناسب .

وبالتوفيق .
أبو راكان101
10/08/2012, 09:54 AM
نبي نستفيدد ياراعي الموضوع وين ربطت موترك وكيف الاوضاع حالياً



صح الموضوع قديم بس نبي نستفيد منكم قبل لانبداء




تحياتي
تميم2222
10/08/2012, 08:20 PM
من زمان اسمع عنها ...ورشه الكردي ...
ابو.عيد
21/09/2012, 04:20 PM
في ورشة في الدوادمي اسمها ورشة جدة ...

تستاهل الي يروح لها احيانا يشتغل الشايب اسمه مريزيق الحربي وولده فيها ...

وكذلك العمال فاهمين شغلهم وماهنا غلا فيها ....

قد ربطت عندهم هايلكس, جمس , فكسار , باترون , والحين موتري عندهم باجيرو ...
قرناس حايم
22/09/2012, 01:03 AM
ممدوح الكردي الله يغفرله ويرحمة توفى

النويصر وابن مرضاح نصب واحتيال بعد خبره طويله معهم في اكثر من سيارة

الجمس تربيطه الخارجي سهل جدا

بس المشكله في تربيط الديكورات

انا ربطه خارجي 350مع القطع في الاحساء بعد ماقالي ابن مرضاح 2000 بدون داخلي وبدون قطع
والنويصر 1500 بدون داخلي و بدون قطع

قريب بربط ديكورات وارد لك
عاشق السيل
22/09/2012, 08:55 AM
لا حول ولا قوة إلا بالله

وش هالأسعار الخيالية ؟؟؟؟؟؟
NissaN 1990
22/09/2012, 09:06 AM
مشعل العتيبي أنا مربط عندهم جمس 2500 موديل 2000 ب 750 ريال تربيط كامل شغلهم نظيف و أسعارهم رخيصه ،، والموتر يقعد يوم كامل أو أزود ،،
وممدوح الكردي توفى الله يرحمه فيه يمني مكانه

النويصر و أبن مرضاح شغلهم ممتاز بس غالين :f:f:f:f:f:f
faisal400
23/09/2012, 12:48 PM
وين موقع ورشة مشعل العتيبي
بالصناعيه القديمـــه ؟؟؟؟؟ ماعرفنا وصفكم
واذا يوجد محل معرووووف بشرق الرياض ياليت تفيدونااا
قلايد الخيل
23/09/2012, 04:04 PM
التربيط وشو ماغيره التشديد؟

اذا كان تشديد وش هالاسعار هاذي غاليه
NissaN 1990
24/09/2012, 08:57 AM
وين موقع ورشة مشعل العتيبي
بالصناعيه القديمـــه ؟؟؟؟؟ ماعرفنا وصفكم
واذا يوجد محل معرووووف بشرق الرياض ياليت تفيدونااا


صناعية الأمير سلمان مخرج 17 شارع الجمعيه
faisal400
24/09/2012, 11:24 AM
شـــاكر ومقدر لك يالغالي
bigboos555
17/05/2013, 03:36 PM
كلام الاخوان صحيح بالنسبة لابن مرضاح والنويصر اسعارهم غالية بحكم ان سيارات المقناص حق الامراء عندهم

ورشة مشعل اسعارها طيبه وشغلهم زين وحقيقة اعرف مشعل شخصياً وشهادتي فيه مجروحه

ورشته التقاطع الاول في شارع الجمعية للقادم من طريق الخرج القديم


والله يوفق الجميع
راعي الرود
17/05/2013, 07:02 PM
ابن مرضاح يوم سمعته صارت في العالي الله يرزقنا ويرزقه صارت الاسعار عنده خياليه

اللي يبي يفتح ورشه يصير سمح بالاسعار على اساس يكسب الزبون و ترا الزبون يجيب 10 زباين من وراه اما ابن مرضاح الله يهديه ينحش العملاء

و النويصر من تالي صار مثله مهب بعيد عنه كانو اللي يربطون عند بن مرضاح يروحون للنويصر و النويصر صار حول اسعار بن مرضاح

وانا والله اشوف ان الشغله ماتستاهل كل هالمبلغ على تربيط وليات بالبيبان

الوكاد عندك ورشه مشعل العتيبي

ولا رح لـ اي ميزان الا العضيب .. رح و افحص تحتي الموتر و شف وش يحتاج من جلب و غيره

العضيب كان معروف عنه من آكبر الحراميه و الآن صار يطلب على الفحص 100 ريال ؟؟

وهذا والله انا اشوفه احتيال كبير .. قبل شهرين صلحت عندهم لاندكروزر بطن كامممل غيرته و كلف حول الـ10 الآف ريال القطع لحالها 8 الآف والباقي شغل يديهم و اول مافحصت الموتر رحت لواحد من فروعههم و فحص الموتر و قال لي كلام .. رحت لفرع ثاني للعضيب قال لي كلام يختلف عن فرع الاول و رحت للفرع الثالث اللي على امتداد الجمعيه باتجاه الشرق جنب ورشه تشارجر .. فيه فلبيني هناك هب ريح فحص الموتر و نخله نخل و علمني البلا كله .. طيب الآن على اي اساس يطلبون فلوس على الفحص اذا كانت العماله اللي عندهم نصهم مضروب ولا يدري وين الله حاطه , لازم تمر على اكثر من فرع لهم لين تطيح لك بواحد فاهم مب معقوله بمشي و ادفع 100 ريال لكل فرع عشان يفحص ؟ من الاساس جب عماله زي الناس و انتهى الموضوع

الله يكفينا شر الجشع بهالديره خصوصاً بالورش يبي لها وزارة خاصه اسمها وزارة مراقبه الورشات و يعينون لكل ورشه موظف من الوزارة يراقب ويالله نسلم بعد !!

على فكره ترا الموضوع قديم ياللي رفعته بس مايمنع نشارك :p:D