ايهما افضل ياماها - ايفنرود - سوزوكي

[فتى الصفرا]

السلام عليكم ورحمه الله وبركاته

اللي اصحاب الخبره اود الاستفسار عن مكاين اللنشات وايهما افضل فالاستخدام

1- ياماها
2- ايفنرود
3-سوزوكي

طبعا بقوه 250 حصان

[مدر ب غوص]

اخي الحبيب
من خبرتي المتواضعة ارى ان لكل عيوب ومزايا وساذكرها باختصار وارجوا من اخوننا الذين يملكون خبرات اكبر ان يصححوا لي ان اخطاءت او يكملوا المعلومات ان نقصت

ياماها الجديدة رباعية الاشواط
http://www.fishingworld.com.au/images/dmImage/SourceImage/225%20Yam%205501.jpg

عملية واقتصادية وقطع غياراها متوفرة عند الخريف وغيره ولكن عيباها ضعيفة في الاداء مقارنة بالشركات الأخرى ..
اما القديم منها ثنائي الاشواط
http://wb3.itrademarket.com/pdimage/46/327346_250.jpg

يصرف بنزين بشكل كبير لكن يتمتع بقابلية اصلاح كبيره وممكن يعيش معاك فترة طويلة


السوزوكي
http://images.motorsportdealers.com/common/MediaLibrary/Units/60586/images/250/295254cdb88.jpg
لا املك عنه معلومات كثيره الا اني اسمع انه معقد وتتحكم به شريحة الكترونية مما يسبب لك تاخر في الاصلاح وليس صعوبة وهذا لا افضله شخصيا
انا افضل المكائن صديقة الانسان الي ممكن توظبها وانت في البحر :D

اما الوحش الايفنروووووووود او الجونسون

http://www.adelaideoutboardmarine.com.au/images/even-johnson/evinrude.jpg

فسلم لي عليه كثيييييييييييير السلام وبلغوا اشواقي الحاره :D
بالعامي ( يا رجل القوة لله )
من اقوى المكائن الاوت بورد التي صنعت ... تعيش معاك وتخدم
ولكن الزين ما يكمل السعر وانا اخوك شويتين غالي وقطع غيارها مو متوفرة الا في الكويت اخر مرة شيكت .

بالتوفيق واتمنى اكون قدرة اساعدك

[فتى الصفرا]

تسلم اخوي الله يعطيك الف عافيه
وفيت وكفيت وما قصرت

[shark2005_1]

بلنسبه ليا انا اقلك اذا تبغا شي عملي ولك و للزمن صيانه واستخدام بلأضافه انها ترفعلك قيمت قاربك عند البيع هي
يـــــــــــــــــــــــــــــــــــــــــــــــــ ــــــــــــاماها وبس

[أبوفهد3]

اخي اني نفس الحيره بالمكينه 250 حصان اش الافضل

[( ابو سدين )]

نصيحه من مجرب ابعد عن الايفنرود ولو جاتك بلاش
بعد كذا
لك الاختيار بين ياماها و سوزوكي
من واقع تجربه ,,, السزوكي اقوى من الياماها لكن قد تكون قطع غيارها اغلا شوي
عمومآ ,,, ربعاي الاشواط يحتاج صيانه و تشيك دائم لاجل تعيش معاك و تخدم

[sanad81]

أخوي
عن تجربه للثلاثه
الياماها الجديد الفورستروك سيء جداً جداً جداً
خرابات لليل قطع غيار غاليه ومافيها عزم وفشلت فشل ذريع بالفورستروك لدرجه انه سلاح الحدود اشترو قبل سنتين 500 مكينه في المنطقه الشرقيه وعلى كلام واحد فيهم الي شغالين لحد الحين 30 مكينه فقط والباقي راح زباله

الافنرود اقوا مكينه خارجيه , تتحمل كرف , سعرها غالي جداً , قطع الغيار والصيانه للأسف الوكيل نايم بالعسل

حتى شغلات بسيطه مثل الملاحات ما عنده غير الاسعار الفلكيه لقطع الغيار



السزوكي فيها قسمين في القوه , في سرعه الكروز او البحار العاديه ويكون الضغط بين 4000 و5000
هي الاسرع والاقوى بين الفور ستروك والاقل صرفيه
في التوب اند سبيد , او في الدعسه كامل فهي متوسطه القوه واقل صرفيه
اسعار متوسطه وقطعها نوعاً ما متوفره بس لحد الحين جديده بالسوق

نفس الطراد كان عليه 300 ميركوري فيرادو كان يجيب كروز 55 وتب 79
على السزوكي 300 الحين يجيب كروز 62 وتب 76
الضغط كروز كلهم 4800 وتب الفيرادو 6500 والسزوكي 5900 الى 6000

على مستوى العالم هي المكينه رقم واحد لل6 سنوات الماضيه ومتربعه على العرش
تتحمل كرف وما تطلب قطع كثير , صيانتها سهله جداً وكتبت موضوع عنها وطريقه صيانتها وبسهوله تسويها بالبيت


من رأيي اذا فورستروك سزوكي وبس ولا تفكر

ان كان توستروك فعلى طول ومن غير نقاش ياماها

على فكره سلاح الحدود وقعت اتفاقيه مع سزوكي السعوديه لتوريد 3000 مكينه سزوكي خلال 2015 و 2016 وهذا على كلام الموظف يوم جينا ناخذ ال 300 حصان وقالي كلها مباعه الى 2016 ورحت اخذتها من البحرين

[accentkool]

اذا فور ستروك انصحك بالسوزوكي

[مد بحري]

بالمختصر مثل ما ذكر الشباب
2 ياماها 4 سزوكي

[عازف جيتار]

السزوكي تحتاج صيانه دوريه يعني الملاحات الداخليه فلاتر تغير الزيت بانتظام
واهمها تحليه المكينه بعد الاستخدام مباشرتا
وايضا الجربكس يحتاج متابعه لوزن التعشيق اول باول للحفاظ على التروس .
هذا والله اعلم