الددسن عاقبتني , تكفووووووووووووووووووووووووووووون

[خريبيش]

سلام عليكم


يا اخوان عندي الددسن لامن مشيت علاها 160 ها قامت تتفت تقول تترجع ريوس ولامني رفعت رجلي عن البنص ها دعست وش المشكله احند يقول بواجي والبواجي غيرتها ولا بويبينه ولا صفايه و نضفت الصفايه بس احس المشكله فالبلوف . وهي كبليتر ترى اا

تكفوون ساعدوووني يامال الغناااه,

[محمد بن سعيد]

صارت معي المشكلة في هايلكس 95 غمارتين وكانت المشكلة طرمبة البنزين وغيرتها وغيرت البواجي واسلاك البواجي وصفاية البنزين ونظفت التانكي وضبط الموتر

[ا ا و 1171]

الكهرب يعني اسلاك البواجي عندك شيك عليه

[بندرالعتيبي]

نظف كلبليتر وركب بواجي واسلاك بواجي ونظف الصفايه وشف راح تظبط كانت عندي المشكله وسويتها وظبطت

[إمرؤا القيس]

تمشي عليها 160 وما تبيها تتفتف

إتق الله في نفسك وزين ما طارت

[barraq]

تمشي 160 وش كل هذي السرعه
الظاهر ماعندكم )))))))ساهر))))))

[خريبيش]

اصلن ساهر مانعرفه

[خريبيش]

الحمد لله ابشركم ضبطت ,,,

نظفت الكبليتر ببخاخ ب15 ريال واخذت يومين عقبها ضبطت واللحين تمام التمام ,,, الله يعطيكم العافيه ويجزاكم خير

[مطيعيس]

ياعساها دوووووووووم صلحانه
الله يبارك لك فيها

[خريبيش]

آمـــــــــــــــــيــــــن جزاك الله خير

[جوجل الجوف]

جعلها ما تتعدي 160
قول امين
انت وين بمطار الملك خالد الدولي او مطار الملك عبدالعزيز للاقلاع
160 وما تبيها تتفتف
انتبة تتعدي 120 ترى البستم يطلع من جنبها

[volcano]

جعلها ما تتعدي 160

قول امين
انت وين بمطار الملك خالد الدولي او مطار الملك عبدالعزيز للاقلاع
160 وما تبيها تتفتف
انتبة تتعدي 120 ترى البستم يطلع من جنبها



اذكر الله ولا تدق الرجال عين:mad::D

ادعس ولا يهمك ادعس ترى مايندرى باتشر وش يصير, اهم شي لا تجيب العيد يستر علاك :D