المساعد الشخصي الرقمي

مشاهدة النسخة كاملة : في جدة و أبحث عن محل تركيب زجاج


hadee
07/03/2011, 02:20 PM
السلام عليكم ورحمة الله وبركاته
أخواني وأحبابي ...أتيت لجده لأن عندي دورة في مقر العمل الرئيسي
و حدث أن الزجاج الأمامي لسيارتي صار فيه كسر وبدا يزيد
تشعر الزجاج وأحتاج لتغييرها عاجلا...أتجهت للوكالة , بالبيد قالوا لي:
550 ريال تركيب وحوالي ال 1800ريال للزجاج الأمامي و أربع أيام للتركيب
صراحه صدمه مابعدها صدمه....خصوصا ال 4 أيام
نسيت أقولكم أن سيارتي هي تاهو 2008LT
توكلت على الله واتجهت لأحبابي في مكشات
أسئلهم ويدلوني على محل تركيب زجاج في جدة ثقه و فاهمين
لاني ماعرف شي في جدة ....
شاكر ومقدر مقدما لكل من يتفاعل مع الموضوع
السنجار
07/03/2011, 03:14 PM
والله اخوي الوكالة 100%100

باذن الله خصوصآ ان السيارة جديدة
hadee
07/03/2011, 04:50 PM
أخي السنجار
والله كلامك صحيح بس 4 أيام صعبه علي
أخلي السيارة عندهم كل هالمدة...
يقولون أنه بسبب الضغط عليهم
ريان2002
07/03/2011, 05:51 PM
وعليكم السلام ورحمة الله وبركاته
الحقيقة ماعمري قد غيرت قزاز من فضل الله ولكن حبيت أساعدك وعندي إقتراح إنك تمر الصناعيات وتسعر وتسأل عن الأفضل
وحأوصف لك صناعية المطار وفيها شارع بإن الله مايضيع فيه محلات كبار للقزاز أتمنى تمر عليهم
الوصف كالتالي : وإنت جاي مع طريق الحرمين رايح للمطار راح تطلع على كبري المطار وبعد ماتنزل من فوق الكبري بمسافة 2 كيلو تقريباً تجيك إشارة على شكل حرف T طبعاً بتدخل معها يسار وتسيد مع الخدمة إلى الإشارة الأولى وبتلاقي على يمينك قطع غيار تويوتا للنهدي أدخل من عنده يمين وبتلاقي كذا محل منها واحد كبير علي يمينك وموجودين هناك بكثرة على اليمين والسيار
ولو إني متواجد هالأيام بجده ماقصرت معك لكن ضروف العمل الله يعين عليها
الله يسهل أمرك وإن ماعرفت الوصف أوصفك من المكان اللي إنت فيه
وإن ركبت لا تنسى تنبه عليهم يطبقونه بشكل ممتاز علشان مو بعد فترة ينسم هواء أو يهرب مويه
الخولاني
07/03/2011, 07:20 PM
شوف عندك طريق مكة القديم النازل غرب تلقى فيه جميع ما تحتاجه لسيارتك سواء قزاز او كفرات او قطع او اكسسوارات واسعارهم هي الارخص ودور لك محل هنود هم الأفضل بعد الوكالة واقترح عليك اذا الشعر مو بكبير حدد القزازة اريح لك
مهندس مكشات
07/03/2011, 07:27 PM
ابشر بسعدك
روح طال عمرك التشليح كبري بريمان
تاخذ اصلي
كانو1
07/03/2011, 07:34 PM
كيلو 2 طريق مكة القديم
محل بابلغوم واللي جنبه واللي جنبه ثلاث محلات كبار وسعرهم زين واطلب ضمان على التركيب لا يهرب ماء ولا هواء
وبعد التركيب امسك خط وشوف يهرب هواء وإلا لا
بالتوفيق
hadee
07/03/2011, 09:57 PM
أخواني
ريان 2002
الخولاني
مهندس مكشات
كانو1
الله يسعدكم ويبيض وجوهكم والله ماقصرتوا
وإن شاء الله أروح لصناعية المطار
وصناعية طريق مكه
وأكيد راح ألقى اللي بغيت
وأما التشليح فأقتراح طيب وأن كنت راح أخليه للآخر
تسلمو جميعا بارك الله فيكم