المساعد الشخصي الرقمي

مشاهدة النسخة كاملة : استفسار: البطارية الاضافية [ ضرووري تكفون ]


عرق جهيم
07/03/2011, 02:48 PM
السلام عليكم يااخوان

انا ودي اركب بطارية اضافية لل FJ لكن بما انها يتم شبكها على الدينمو للشحن ، هل يضر الدينمو ؟؟
لأني اخاف ان هالحركة يكون فيها تحميل الدينمو فوق طاقته ؟؟

معلومة: فيه شنطه عند الرماية فيها بطارية وفتحات كهرباء وعلى ما أظن يمكن شحنها من بطارية السيارة بس سعرها غالي .

وش تنصحون يا جماعة ؟؟
ابو عود
07/03/2011, 03:03 PM
مافيها اي مشاكل

لكن وش استخدامك للبططاريه الثانيه

بعض الناس يركبها واخر شي ما يركب الا لمبات
بنوتميم
07/03/2011, 03:13 PM
والله يالحبيب البطاريه الثانيه مافيه ان شاء الله ضرر ع الدينمو وانصحك تركب عند المنديل
شغله ووووكاااله ماشاء الله تبارك الله
وع حسب استعمالك واذا صار معك ثلاجه ع الكهرب اشوف انه يلزمك بطاريه اضافيه ...
عرق جهيم
07/03/2011, 03:43 PM
الله يعطيكم العافية
والله حاجتي لها : للمبات و الثلاجة.

طيب السؤال : اللي عند الرماية ما تأدي الغرض ؟؟ خصوصاً انها ما راح تكون مشبوكة على الدينمو ، متى ما بغيت اشحنها شبكتها على البطاريه (والسيارة شغغاله) وبكذا اريح بالي من موضوع الدينمو ، تكفون افيدوني !!
عرق جهيم
07/03/2011, 04:29 PM
وإذا ممكن ابغا مزايا و عيوب البطارية الاضافية ؟؟
مخاوي الليل1
07/03/2011, 04:36 PM
السلام عليكم ورحمة الله وبركاته

والله انا مركبها لها تقريبآ سنتين

ولا احسن منها

وانصحك ركب بطاريه

وعن الرمايه والله ماجربتها

يمكن يكون احد الاخوان يعرف عنها

اخــــوكـ

مخاويـ الليلـ
العاير
09/03/2011, 12:15 PM
ركب البطارية تراها ممتازة وانصحك تركب عند المنديل يشتغل بامانه ونظيف ورخيص اذا بغيت الرقم ارسلى على الخاص
صحيح
09/03/2011, 01:14 PM
ركب عند السوافي انا مركب عندهم وواحد من الشباب معه أف جي مركب بعد وللمعلومية الدينمو يشحن فقط اذا كانت البطارية تسحب كهرباء لكن اذا أمتلت البطارية كهرباء يدور الدينمو مع دوران المحرك بس بدون شحن للبطارية بس خذ بطارية أي سي ديلكو .
صحيح
ابوصالح77
09/03/2011, 01:35 PM
هلا بك أخوي
ركب وتوكل على ربك
تقبل مروري
ابوتركي11
09/03/2011, 01:40 PM
والله انا ودي بعد اركب

وين مكان المنديل

وممكن الاحداثيه لو سمحتو
abo-rakann
09/03/2011, 01:48 PM
سلام عليكم نبي الاحداثية والسعر ان امكن

نبي بطارية وتوصيل افياش وكيبل للقارمن والكنود والثلاجه وتلفون السياره وشكرا
كديان
09/03/2011, 02:05 PM
فيه كهربائيين شباب شغلهم ممتتاز
منهم ماجد المنديل بالسلي
او سليمان الخطيب بالصناعية القديمة
عرق جهيم
09/03/2011, 02:25 PM
بيض الله وجيهكم ،، وعز الله انكم ما قصرتو ،،،
ابو سلو
09/03/2011, 02:27 PM
نبي وصف المنديل الليبالسلي الله لايهينكم
والسعر
كديان
09/03/2011, 02:48 PM
انا ودي اركب بطارية اضافية لل FJ لكن بما انها يتم شبكها على الدينمو للشحن ، هل يضر الدينمو ؟؟
لأني اخاف ان هالحركة يكون فيها تحميل الدينمو فوق طاقته ؟؟




يارجال ما عليك الا العافيه لا توسوس توكل على الله :)
اقر وردك اليومي و ما عليك ان شاء الله
اختلاف الامبيرات لا يضر
مثال
احد الربع بطاريته الاساسيه 70امبير
مركب بطارية بالخلف حقت تريلات 120امبير
المجموع 190 امبير يعني كانه مركب 3بطاريات كل وحد 65امبير تقريبا
الان لهن 3 سنوات و الامور تمام
و اخر معه فورد مركب 3 بطاريات
يعني اللي عندك الفولت ثابت كلهن 12فولت
لكن الامبير زاد عندك نفس طريقة الرجال
و هذه ميزة يعني كانك مركب بطارية اسبير او استبنه
مثل تانكي البنزين السلقه باب واحد 90لتر
بينما الفتك تانكيين تقريبا 130لتر


بالنسبة للدينمو شاور شخص متخصص و ثقة بالدينمو

اهم شي ان فحمات الدينمو جديده

طبعا اذا كان الدينمو يشحن البطاريتين اكيد يقل عمره الافتراضي
يعني بدل مايكد 5سنين يكد 3 او 4 سنين

لكن دام ان البطارية الاساسية مشحونه و انت ماسك خط
فالدينمو اذا شحن البطارية الاضافيه
كانك مشغل اللمبات على البطارية الاساسية
يعني المساله عاديه جدا

لان الفحمات تستهلك مع الايام بسبب كثر الشحن للبطارية
خصوصا اذا كان عندك محول و لمبات و اجهزة اخرى

اذا كنت تشغل لمبات او اي اشياء اخرى حط كتاوت يفتح مع السويتش
او حط دقمه جمس اللي ترتاح له
كل هالاثنين يفصلن الكهرب بين البطاريتين اذا طفيت السويتش
اذا كان استهلاكك للكهرب قليل جدا
لا تحط فاصل مهب لازم

ميزة البطاريتين اذا كان مشبوكات مع بعض
ان دقت السلف تكون ممتازة
كانك معطي السيارة اشتراك من سيارة اخرى




الدينمو ما عليه ضرر وفيه مواتر جيوب م2009 مركب له بطارية اضافية
بعدين اساسا بطارية موترك الاساسية مشحونه فكيف يكون هناك تحميل ؟؟؟ على الدينمو
و فيه منظم + كتاوت شد بلد لكل موتر اول ما تنشحن البطارية فل على طول يقف المنظم و يتوقف الشحن
الفرق الوحيد هو قصر عمر الفحمات فقط للدينمو
و بعدين ترى غالبية الكشاتة ما يحتاج البطارية الا بالشهر مرة او مرتين خصوصا بالشتاء
اما باقي السنة فالبطارية نائمة فل
اذا حبيت تعيش البطارية الاضافية عمر طويل
فانك تلغي الفاصل بين البطاريتين سواء دقمة او كتاوت او منظم فاصل
و يكون الكهرب مباشر بين البطاريتن
ميزة المباشر ان الكهرب يتحرك باستمرار يعني عملية تدوير و شحن كهرب كل البطاريتين
فلو كنت مولع النور و الموتر طافي او مشغل المحول فان الكهرب يخرج من كل البطاريتين
خمول البطارية الاضافية و عدم استخدامها بشكل يومي يؤدي الى ضعفها و نقص عمرها الافتراضي
قناص مزاجي
12/03/2011, 12:04 AM
السلام عليكم يااخوان

انا ودي اركب بطارية اضافية لل FJ لكن بما انها يتم شبكها على الدينمو للشحن ، هل يضر الدينمو ؟؟
لأني اخاف ان هالحركة يكون فيها تحميل الدينمو فوق طاقته ؟؟

معلومة: فيه شنطه عند الرماية فيها بطارية وفتحات كهرباء وعلى ما أظن يمكن شحنها من بطارية السيارة بس سعرها غالي .

وش تنصحون يا جماعة ؟؟




بسم الله الرحمن الرحيم

حرصا منا لتقديم لكم

افضل ورشه تركب لكم بطاريه اضافيه لسياره

هي مركــــــــز*************



بصناعية أم الحمام

وحقيقة الشغل افضل من الوكاله لدي

وزياده على ذلك النظافه في الشغل

العماله
فلبين وهندي

الهندي 10 سنوات شغل مع البريطانين

في سياراتهم الخاصه

التكلفه 900 ريال

يشمل كل شي يخص البطاريه

ماعدا البطاريه

150 تركيب المحول

150 تركيب اللمبه

ناتي الان الى الصور 4X4

http://hh7.net/jan2/hh7net2_12964107582.jpg (http://hh7.net/)

http://hh7.net/jan2/hh7net2_12964107583.jpg (http://hh7.net/)

http://hh7.net/jan2/hh7net2_12964107584.jpg (http://hh7.net/)

http://hh7.net/jan2/hh7net2_12964107585.jpg (http://hh7.net/)

http://hh7.net/jan2/hh7net2_12964117951.jpg (http://hh7.net/)

http://hh7.net/jan2/hh7net2_12964117952.jpg (http://hh7.net/)

http://hh7.net/jan2/hh7net2_12964120771.jpg (http://hh7.net/)

http://hh7.net/jan2/hh7net2_12964120772.jpg (http://hh7.net/)

http://hh7.net/jan2/hh7net2_12964120773.jpg (http://hh7.net/)

http://hh7.net/jan2/hh7net2_12964120774.jpg (http://hh7.net/)

http://hh7.net/jan2/hh7net2_12964120775.jpg (http://hh7.net/)


تم حذف أسم الورشه
بواسطة مشرف القسم
بدوي جنوبي






هذه الورشه ممتازه انا مركب عندهم قبل شهر وشغل نظيف
عرق جهيم
12/03/2011, 01:50 PM
كفيت ووفيت ياخوي كديان ،، ولا يهونون الباقين
والله ريحتني وشكلي بتوكل على الله وركب.
عرق جهيم
12/03/2011, 01:54 PM
الله يعطيك العافية يا قناص مزاجي ، بس ياليت لو تقدر ترسللي على الخاص اسم الورشه و موقعها.
والف شكر