أبي أفضل ورشة سمكره ببريده

[أرمادا]

السلام عليكم ..

يا شباب ياليت تدلوني على أفضل ورشة سمكره ببريده لاني رحت للوكاله سعرها معقول لكن يتاخرون كثير ابي ورشه شغلها زي الوكاله .

الموقع : بريده

[VIP 164]

وعليكم السلام


عندك ورشة الحربي ممتازه جداً

بالسالميه

[كديان]

الورش كثيرة
الحربي السالمية طريق عنيزة
الرقيبة + الهويشل صناعية الرواف
جيفر او جفار السالمية طريق عنيزة
ابو فهد العجلان عنيزة
اعتقد ايضا بهوان بتشاليح بريدة
ان كنت منب واهم الشبل بمعارض بريدة

[أرمادا]

الله يجزاكم خير ..


ابي وصف دقيق لوشة الحربي ،،

طيب وش رايكم بورشة دوكس .. !!

[H5N1]

الله يجزاكم خير ..


ابي وصف دقيق لوشة الحربي ،،

طيب وش رايكم بورشة دوكس .. !!
لاتقرب حول دوكس
رح لأقرب أفغاني يسوي تلييس أحسن من شغلهم !!!!!!

[الملك الضليل]

يالغالي عندك ف القصيم افضل ورش السمكره
ورشة الحسون ما يحتاج ممتازه مره
وعندك ورشة ابو فهد هذا يشتغل ب الهايلوكس شغل مضبوط

[نجم الليل1]

رح لورشة فهد بصناعية الرواف
المصري اسمه محمود او ابو محمود
عماله من الفلبين بس شغل صح ورخيص مرة

[ABSS]

ورشة الحنيني طريق السالميه
اذا جتك اشارة السالميه ارجع شمال 300 متر تجيك
على اليمين شغل ممتاز جداً واسئل عن صاحب الورشه
ابواحمد رجال بمعنى الكلمه خله يشوف موترك وهو يعطيك
العلم واذا خلصت عطني خبر بهالصفحه عن تعامله وشغله
وتبي تدعيلي ان شاء الله

[برايدوي عنيد]

هلابك اخوي

طبعا تبي سمكره مهب تعديل لانه تفرق بالورش .

بعض الورش تبي تعديل شغل مضبوط ونظيف ولاتقدر تميزه لكن بالسمكره ولابريال
ابذكر لك اللي مذكور لي انهن زينات
طبعا ورش التعديل

الحربي و الحنيني ببريده على طريق عنيزه , الجطيلي والهويشل بصناعيه الرواف , النمير والصيانه بالشارع التجاري .

سمكره

الشبل بالمعارض ,الصيانه والعربي بالشارع التجاري ,الحربي بطريق عنيزه
ورشه الحسون بعنيزه .

هذا ماعرف وتقبل مروري

[اتجاه السحاب]

دوكس غالي على غير فايده وشغله شين,,
ابوفهد بعنيزه او الحربي

[Lover gmc]

اهم شي لاتقرب دوكس حسبي الله عليه يارب والله لايبارك له

شغل ززززززززززززفت مواعيد ززززززززفت

عادي يقولك بكرا يخلص .. تجلس اسبوعين كل يوم يقولك بكرا

وشغلهم اردى منهم

لو تبي تشوف شغلهم تعال شوف سيارتي

اول شي الرفرف يختلف عن الرفرف الثاني شكلا مادري كيف جاي صاير زاويه شوي والثاني لا

والبويه تختلف

هذا غير الاسعار الغاليه جدا

تصدق طقه خفيفه مررره بالباب قلت ابيك تصلحها قال بـ 500 الله لايبارك له بمحله ورزقه يارب

لا ويجلس يومين واكثر وادري انه يبي يجلس اقل شي اسبوع لاني عارفهم وتعذبت معهم

وعذرهم شوف السيارات اللي قدامنا

انا وش دخلني طيب ؟؟ عطيتني موعد خلاص لازم توفي مالي دخل بشغلك وهذا عليك انت مو عليى انا

ورحت لباكستاني والله ماكلفت علي ولا 100 ريال مع وزن باب ببلاش حطيته العصر خلص آخر الليل بعد

شغل ولا احلى

وترى دوكس مايهتم بالسياره .. يعني انا اخذته منهم اخر مره وداخليته صايره زفت الزفت

هذا غير البويه صاير فيه نقط بيضاء مادري من وين جت

حسبي الله عليه حسبي الله عليه

كل مادخلت مكتبه لازم تلقى واحد يجي يهاوش مع احد الموظفين

احسن مافيه لسانه يعطيك كلام حلو عشان تصلحها

ماقول الا الله لايوفقكم بشغلكم

ياليت اي واحد تعرفه او يبي يدخل سيارته دوكس تقول يبعد عنهاااااااااااااااااااا

رح لجيفارا بس ولا جيفير قسم بالله انهم ابداع

صلحوا طقه بسيطه بالكبوت بـ 5 دقائق ولا اخذ شي

هذا جيفر اللي قبل جيفارا اللي عند الاشاره

[أرمادا]

الله يجزاااااااااااااااااكم خير ويجعلها بموازين حسناتكم ..

الصدق كنت ناوي دوكس بس خلاص هونت ..

بمر كل الورشات اللي ذكرتوهن وبشوف الافضل منهن

[رااعي الفزعات]

عندك ورشة الرسم بالشارع التجاري . .
وفـــقك الله . .

[ابوماجد400]

فيه ورشة المشيطي قدام سوق التمر ماشاء الله عليه وشغله عليه ضمان

[ابوماجد400]

المشيطي لايفوتك على طريق عنيزه

[ابوماجد400]

فيه ورشه اسمه المشيطي مقابل سوق التمر من الشرق على طريق عنيزه ماشا الله شغل حلو وعنده عمال روعه ويضمن الشغل والبويه

[العتيبي 88]

ياغالي انا كان بموتر ضربه مريت كل الورش قالو لازم سمكره ولازم معجون ولازم رش الجنب كلــه .. ورحت طال عمرك الى ورشة الضمان ،، بعنيزه جنب ورشة ابو فهد وضبط لي الموتر ومأخذ الا 900 ريال ويعطيك ضمان 5 سنوات على البويه والسمكره شغل صراحه يشتغل حتى بموعده .. وانت بكيفك ياغالي بس انا صراحه يوم جربتها تشتغل والحسون ترى فاشل .. ابو فهد تحس غالي بس ترى الضمان افضل منه بالبويه ..

[وسام الصافي]

مرحبا اخوي ارماد الحمد لله ع سلامتك وماتشوف شر
ان شايف ان ورشة دوكس للسمكرة :good:الافضل على الاطلاق
مع كل الاحترام للشباب
وطبعآ انا ما ادافع عن احد او ابرئه الجميع معرض للخطاء
بس الاولين قالو من بغى الدح ماقال اح وحنا نبي كويس وبلاش اخخخ

الغلاء
له ضريبه انا صلحت سيارتي عند دوكس اكثر من مره وفي جميع فروعهم
ومافيه اي ملاحظه صدق اخذو واجد بس والله شغل لانه حسب معلوماتي المتواضعه
ان نوع البوية يختلف قيمتها فيه اصلي وتجاري والفني اللي يشتغل يختلف
وبعدين بخصوص الملاحظات اذكر فيه لوحة بورشتهم
مكتوب فيها رقم مسوؤل خدمة العملا لأي ملاحظه او شكوى
وفيها موظفيين سعوديين
وبخصوص خطاء تأخير ان اللي اعرفه ان الجميع معرض للخطاء وسبق عوضوني بسيارة على حسابهم حتى طلعت السيارة
بس صرت معهم اول باول ما تاخرت بقطع غيار او ورقة اصلاح
لان مديرهم خبرني اني اذا ماتاخرت بشي يأجروني سيارة
وللمعلومية:
حتى الشركات المصنعه مثل تويوتا ومرسيدس وغيرها
صارو يسحبون سنويآ الآف السيارات السيئه وفيها اخطاء

بالاخير اقول اسئل مجرب ولاتسأل دكتور وانا من عملائهم من اول مافتحو
وارسلت ناس من القصيم والدمام والرياض والجميع ماخبرني الابخير:good:
تمنياتي للجميع السلامة والتوفيق

[الحنومي]

عندك مجمع الدولية بصناعية الرواف الشمالية طبعا ببريدة
عماله فلبينية ودقه بالشغل وعليهم رش ماشاءالله
وكمان عندهم رش جنوط شغل عدل الصراحه واسعارهم ممتازه

كان اسمهم اول ورشة فهد