ال اف جي او باجيرو ربع سياحي او هايلكس؟.

[FGG]

السلام عليكم ورحمه الله وبركاته

اخوااني بغييت اخذ رايكم بكم نوع من السياارت

وهي

1- ال اف جي

2- باجيرو ربع

3-هايلكس

ابي رايكم من ناحيه

1- السعر
2- القوه
3-الشكل
4- الافضل بالديره والطعووس

طبعا السيااراات قير عادي

وشكرا

[بارق الثلبوت]

ال اف جي وتوكل على الله

[FGG]

شكرا على مروروك لكن ال اف جي القير عادي افضل ولا الاوتوماتيك ؟؟

[عبدالعزيز بن احمد]

خذ اف جي كانك راعي بر وطلعات وفله قير عادي

وان كانك منت من النوع اللي طلعاته واجد خذ تماتيك اريح لك في الديره
الله يوفقك

[FGG]

مااقصرت الله لايهيينك

بس بعض الشبااب يقولون انه دفع ربااعي صحييح الكلام هذا ولالا ؟؟

ووشنهو التراكشن ؟

[التعـ King ـديل]

باجيرو


1- السعر : حلو وخاصه السياحي
2- القوه : معروف بقوته وشفه مع الدوريات
3-الشكل : عندي احلا من الاف جي والهايلكس حتى لو سياحي حلو
4- الافضل بالديره والطعووس : مايحتاج شهاده موتر يطرب

[المصباح السحر]

والله تبي الصدق يالحبيب شوف إذا عندك سيارة صغيره خلها ودور لك موتر بر ولا يتعدا قيمته 35الف وضبطه للبر ووقفه للمشاوير

ولا تحط لك مبلغ جامد في سيارة تكسرها في البران

انا كان عندي في اكس آر وصراحه السيارات الجديده اخرطي كلها من تيوتا للنيسان ما تتحمل البر يعني كل ما ينتهي موسم الربيع اقل ما ياخذ مني 4000 ريال صيانه كل سنه كذا والله اني بعته وشريت كابرس وبدور لي سوزو في حدود 35الف
ديزل وراحه وللبر وخل الصغيره للدوام والمشاوير والسفر
انا اشوف كذا افضل حل وترا يمكن تكون من الناس للي مايحب كثرة السيارات عند بابه

[((ابوملاك))]

ياخوي الهايلكس ماتدخل بالمقارنه هذي

لانها غير عادله بالنسبه لها ولا فيه اي وجه مقارنه

برأيي ربع بوليسي وجنوط جي تي وعش حياتك ^_^

وترا سمعت اهله لك عليها

يعني صعبه تشيل اهلك معك بالربع ^_^

[التعـ King ـديل]

والله تبي الصدق يالحبيب شوف إذا عندك سيارة صغيره خلها ودور لك موتر بر ولا يتعدا قيمته 35الف وضبطه للبر ووقفه للمشاوير

ولا تحط لك مبلغ جامد في سيارة تكسرها في البران

انا كان عندي في اكس آر وصراحه السيارات الجديده اخرطي كلها من تيوتا للنيسان ما تتحمل البر يعني كل ما ينتهي موسم الربيع اقل ما ياخذ مني 4000 ريال صيانه كل سنه كذا والله اني بعته وشريت كابرس وبدور لي سوزو في حدود 35الف
ديزل وراحه وللبر وخل الصغيره للدوام والمشاوير والسفر
انا اشوف كذا افضل حل وترا يمكن تكون من الناس للي مايحب كثرة السيارات عند بابه

اي موتره بتكسره ولا تهتم فيه راح يكلفك كثير .. انا مجرب النيسان من موديل 88 الى 2005 ولا اذكر عمري دفعت مبلغ مثل اللي تقول

رغم انه موتري الشخصي اسافر عليه واقنص عليه وكل شي اسويه فيه .. ماودي ادخل في التويوتا واقولك شي علشان ماادخل بجدال مع المتعصبين

لكن شهادتك على الفكسار تكفيني ان التويوتا مب موتر كرف مثل النيسان

[Joker fj]

انا رايي اف جي قوه ورزه وموتر بر وديره ويكفي انه تايوتا
العادي دفع رباعي مستمر والتراكشن إذا تعلق الموتر على جهه تشغل التراكشن يخلي الكفر الي عليه الضغط يعني الي واقف يدور غصب على ابوه وتطلع زي السلام عليكم
والتماتيك كويس بر وديره خاصه ان قيره فيه كل النمر يعني تبيه واحد مايبدل إلا إذا بدلت انت والثاني كذالك وعلى هالطريقه ماراح تندم ابد بإذن الله وانت جربه قبل تشتريه افضل لك ولاتنسى تستخير

اخوي التعديل الباجيروا اقوى من الاف جي ؟؟؟؟ ازين من الاف جي بالبر والديره !!!!!!
ابو التعصب ضد تايوتا انا رأيي ياخوي ياصاحب الموضوع حط من السيارات الي تقول ددسن وشف وش يقول يقول ازين من كل السيارات انتبه من المتعصبين
ويكفي تايوتا كثر سياراته بالشوارع

[التعـ King ـديل]

انا رايي اف جي قوه ورزه وموتر بر وديره ويكفي انه تايوتا
العادي دفع رباعي مستمر والتراكشن إذا تعلق الموتر على جهه تشغل التراكشن يخلي الكفر الي عليه الضغط يعني الي واقف يدور غصب على ابوه وتطلع زي السلام عليكم
والتماتيك كويس بر وديره خاصه ان قيره فيه كل النمر يعني تبيه واحد مايبدل إلا إذا بدلت انت والثاني كذالك وعلى هالطريقه ماراح تندم ابد بإذن الله وانت جربه قبل تشتريه افضل لك ولاتنسى تستخير

اخوي التعديل الباجيروا اقوى من الاف جي ؟؟؟؟ ازين من الاف جي بالبر والديره !!!!!!
ابو التعصب ضد تايوتا انا رأيي ياخوي ياصاحب الموضوع حط من السيارات الي تقول ددسن وشف وش يقول يقول ازين من كل السيارات انتبه من المتعصبين
ويكفي تايوتا كثر سياراته بالشوارع

الاف جي موتر مراهقين لا شكل ولا شي .. واذا الدعوه تعصب على قولتك كان قلت له اشتر فتك ولا اكستيرا بس انا ماطلعت من الموضوع

وجاوبت بالشي اللي اشوفه بنظري صح .. عندي لك كم سؤال وياليت تجاوبها بحكم انك مو متعصب

1/ هل مستوى الرؤيه في الاف جي مثل الباجيرو؟؟؟ خاصه القزازه الاماميه؟
2/ هل الفارق بين الاثنين بالقوه تتوقع انه كبير؟؟؟ الباجيرو 3.8 والاف جي 4.0 وشف الباجيرو مع الدوريات للمهمات الصعبه والطرد

عزيزي لو القصد منها تعصب فاانا مااشوف افضل من الاكستيرا يحط الباجيرو والاف جي بمخباه بس منعا للسوالف اللي ماتودي ولا تجيب

اخترت السياره اللي بتحاسب عليها يوم القيامه لكن انت جاوبت عن تعصب .

[رقبة حاشي]

ملاحظه من واحد قد جرب الاف جي يقول انه يصرف بتزين بشكل لا يصدق....
لكن الباجيرو اقل صرف بكثير من الافجي ....

[عاشق الvx]

عليكم السلام ورحمة الله وبركاته
اخوي بالنسبة للهايلكس استبعده من المقارنه
لانه مايصير تقارن جيب بصندوق؟
الا اذا كنت تحتاج الصندوق فالهيلكس الدبل يمدحونه ,,
اما بالنسبة للاف جي انا ما جربته بس اسمع اغلب الشباب يمدحونه
والباجيرو استخدامه ممتاز جدا وبالنفود يعجبك
وعلى فكرة تراه يجي نوعين من المكاين الاولى 3500cc
والثاني 3800cc خذ المكينة الثانية لانها اقوى وافضل بكل شي,,
ولو تحصل لك فرصة وتجرب المواتر الثلاثة افضل لك وتشوف الي يناسبك وترتاحله,,
الله يكتبلك الي فيه الخير ولاتنسى الاسخارة


باجيرو


1- السعر : حلو وخاصه السياحي
2- القوه : معروف بقوته وشفه مع الدوريات
3-الشكل : عندي احلا من الاف جي والهايلكس حتى لو سياحي حلو
4- الافضل بالديره والطعووس : مايحتاج شهاده موتر يطرب

ياحبك للنيسان :good2: ياكنج التعديل وياكرهك للتويوتا
ماقصدي شي يالغالي بس حبيت امزح معك

[Joker fj]

شف يابعدي من ناحية القزازه الأماميه الرؤيه مافيه اي مشاكل المشكله انه واقفه
القوه ايه تفرق وراه ماتفرق وبعدين الدوريات هالحين كل سياراتهم اف جي شف الشوارع الله يرحم والديك
وبعدين تنصح بباجيروا لا يمسك قيمه عند البيع وقطع غيار وشكله شركات ولايواجه
بس هذا رايك وبكيفك انت حر بس انك تقول اقوى وأفضل بالبر والديره من الاف جي فهذا غير صحيح ومايبيله شهادات واضحه وتقول اكستيرا الرجال محدد لك سيارات
ولامن ضمنهن الاكستيرا !
والي يقول يصرف فهذا بالموديلات الي تحت عشره من عشره وطالع تغيرت المكينه
وقلت صرفية البنزين وزادت القوه وتأكدو من هالكلام
انا نصحت الرجال بموتر لابغى يبيعه يلقى قيمته بوه مايطيح واجد ومرغوب ورزه ويواجه ويكفي تايوتا وموتر عليه العلم ماهوب موتر لابغى يبيعه مالقى احد يشريه ولا قيمته طايحه
عليك بالتجربه والاستخاره وبالتوفيق

[السرحان502]

الاف جي سعره فيه
قوووة فخااامة رساوه عزل الصوت مريح
مع واحد من العيال
بس الباب الي وراى مشكله

[باترول 4500]

جرب كل المواتر الثلاثه وشف وش يعجبك

ترى هنا كل واحد يمدح بقله

[Tariq9988]

السلام عليكم
اخوي كل موتر له ميزات وعيوب
بالنسبة للأف جي فالرؤية الامامية مقارنة بالباجيرو سيئه جدا وانا مجرب الاثنين
بالنسبة للراحه الاف جي اريح من الباجيرو ربع
القوة الموترين تقريبا نفس الشيء
الفخامة من الداخل الباجيرو بلا منازع
الباجيرو ربع اوسع قدام وورا من الاف جي ويعيبه صغر مساحة التحميل
الاف جي منتشر زنقه زنقه دار دار فرد فرد
الباجيرو ربع خصوصا نادر تشوفه
تانكي الاف جي اكبر من الربع
لايغرك كلام بعض الناس عن غلاء قطع الباجيرو
الموتر مايحتاج ماشاء الله اكرفه كرف الحمار مايقول اح
موفقين

[التعـ King ـديل]

شف يابعدي من ناحية القزازه الأماميه الرؤيه مافيه اي مشاكل المشكله انه واقفه < ( كيف تقول مافي مشاكل بعدين تقول مشكله )
القوه ايه تفرق وراه ماتفرق وبعدين الدوريات هالحين كل سياراتهم اف جي شف الشوارع الله يرحم والديك < ( معك مواترهم اف جي بس تراها ماتسوى التالي من الغنم واتمنى تسوق باجيرو ربع مكينه 3800 بعدين ترد )
وبعدين تنصح بباجيروا لا يمسك قيمه عند البيع < ( ياليت تاخذ فره بالمعارض وترجع ترد اغلا من الاف جي ولا يطيح من قيمته الا شي بسيط ) وقطع غيار وشكله شركات ولايواجه < ( الرجال يبي موتر مايخرب والباجيرو اثبت انه موتر كرف وشفه مع الشركات بشهادتك انت ومن ناحيه مايواجه عندي احلا من موتر المبزره )
بس هذا رايك وبكيفك انت حر بس انك تقول اقوى وأفضل بالبر والديره من الاف جي فهذا غير صحيح ومايبيله شهادات واضحه وتقول اكستيرا الرجال محدد لك سيارات
ولامن ضمنهن الاكستيرا ! < ( عزيزي هل تجيد القرأه بالعربيه اذا كنت تجيدها اقرى ردي من جديد وتعرف بس التعصب معميك وتحسبني اقوله خذ اكستيرا مع العلم ان الاكستيرا 4000 وقير ست نمر عادي و291 حصان اطلق من الصندقه اللي معك )
والي يقول يصرف فهذا بالموديلات الي تحت عشره من عشره وطالع تغيرت المكينه
وقلت صرفية البنزين وزادت القوه وتأكدو من هالكلام
انا نصحت الرجال بموتر لابغى يبيعه يلقى قيمته بوه مايطيح واجد ومرغوب ورزه ويواجه ويكفي تايوتا وموتر عليه العلم ماهوب موتر لابغى يبيعه مالقى احد يشريه ولا قيمته طايحه
عليك بالتجربه والاستخاره وبالتوفيق

ماراح ارد عليك بنفس تعصبك لانك من قوم الموتر تويوتا والجوال نوكيا لو احكي من اليوم الى بعد سنه بتعيد نفس الاسطوانه

للتوضيح مكينه الاف جي نفسها ماتغيرت لا بعشره ولا بتسعه والمكينه تغيرت بالربع والشاص بس

تناقض نفسك وتحكي بما لاتعرف وركز على مالونته بالاحمر لك وتعليقي بالبني

[التعـ King ـديل]

السلام عليكم
اخوي كل موتر له ميزات وعيوب
بالنسبة للأف جي فالرؤية الامامية مقارنة بالباجيرو سيئه جدا وانا مجرب الاثنين
بالنسبة للراحه الاف جي اريح من الباجيرو ربع
القوة الموترين تقريبا نفس الشيء
الفخامة من الداخل الباجيرو بلا منازع
الباجيرو ربع اوسع قدام وورا من الاف جي ويعيبه صغر مساحة التحميل
الاف جي منتشر زنقه زنقه دار دار فرد فرد
الباجيرو ربع خصوصا نادر تشوفه
تانكي الاف جي اكبر من الربع
لايغرك كلام بعض الناس عن غلاء قطع الباجيرو
الموتر مايحتاج ماشاء الله اكرفه كرف الحمار مايقول اح
موفقين

لافض فوك ياشيخ

[ابوسند9]

واحد من الزملاء كان معه اف جي ومشي معاه 100 الف وهو راعي بر وسفر
سئلته عن الاف جي قلت وشولون السياره ؟ قال من اي ناحيه ؟ قلت من كل شي رساوه وبالبر كيف والخ ,,,
يقول رساوه مو ذيك الرساوه وخاصه بعد سرعة 140
عزل الصوت يقول لا باس بس كل ما زادت السرعه تقل نسبة العزل
قوه قوي ومدحه مره بالنشاط
لكن يقول عيبه العارضه او الاركان عريضه مرره
البدي متقصص قل قم اوريك البدي فتح الكبوب الرفارف الداخليه متقصصه حوالي 4 سم يعني بالعربي مع الوقت وبدون مبالغه يمكن تنقص الوجهيه بالكامل ,,وكذالك اللي اسفل البطاريه متقصص
تحياتي

[ع العمرو]

باجيرو


1- السعر : حلو وخاصه السياحي
2- القوه : معروف بقوته وشفه مع الدوريات
3-الشكل : عندي احلا من الاف جي والهايلكس حتى لو سياحي حلو
4- الافضل بالديره والطعووس : مايحتاج شهاده موتر يطرب
ابصم بالعشر ان الباجيرو سيارة . :l

[HW80]

انا اشوف ان الباجيرو احسن من الافجي مع العلم اني ماجربت السيارتين والله اعلم

[التعـ King ـديل]

واحد من الزملاء كان معه اف جي ومشي معاه 100 الف وهو راعي بر وسفر
سئلته عن الاف جي قلت وشولون السياره ؟ قال من اي ناحيه ؟ قلت من كل شي رساوه وبالبر كيف والخ ,,,
يقول رساوه مو ذيك الرساوه وخاصه بعد سرعة 140
عزل الصوت يقول لا باس بس كل ما زادت السرعه تقل نسبة العزل
قوه قوي ومدحه مره بالنشاط
لكن يقول عيبه العارضه او الاركان عريضه مرره
البدي متقصص قل قم اوريك البدي فتح الكبوب الرفارف الداخليه متقصصه حوالي 4 سم يعني بالعربي مع الوقت وبدون مبالغه يمكن تنقص الوجهيه بالكامل ,,وكذالك اللي اسفل البطاريه متقصص
تحياتي

لا فض فوك وين المتعصب يقراء كلامك

[التعـ King ـديل]

ابصم بالعشر ان الباجيرو سيارة . :l

يعطيك العافيه

[swzw2003]

جربت الموترين


الاف جي أفضل في كل شئ ماعدا:

1- الجمال الخارجي.
2-الوذافة.
3- الفخامة الداخلية.

[كم كيلو باقي]

معاي باجيرو ربع 3000 والحمدلله مرتااااح معه مره ..

الرؤية فيه مميزة جدا جدا .. ولاحظ حجم القزاز الأمامي وقزازة السواق والراكب في ((( الباجيرو ربع )))
وبتتأكد ان قزازة السواق والراكب مالها مثيل ابد من ناحية الراحة في الرؤية

القطع الميكانيكية عملية وتكد معك .. بس مشكلته البطانيج وعيون القطط قاسية مره ولا المطبات مالاحظت مشاكل

ومن ناحية الكشخة .. كلن وذوقة بس من وجهة نظري مووب كشخة الا آآل كشخة

[FGG]

الله يجزااكم خيير

بس وراكم تهاوشتو انا سالتكم بس

[الليث الذهبي]

ارشح باجيرو
وانصحك تفكر بالاكستيرا يمكن ماوصلك علم عنه
والله يعينك على المتعصبين

[FGG]

لا لي علم فييه بس شكله لك عليه .,. ولالا ؟

[الليث الذهبي]

لا لي علم فييه بس شكله لك عليه .,. ولالا ؟

والله انكانك تبي نشاط تراه انشط من الي ذكرت واذ تبي تعرف عنه اكثر ادخل رابطتهم
[منتدى ملاك نيسان اكستيرا الدفع الرباعي]

[asxz]

ال في جي

افضل شكل وقوي

[omar 3]

اي موتره بتكسره ولا تهتم فيه راح يكلفك كثير .. انا مجرب النيسان من موديل 88 الى 2005 ولا اذكر عمري دفعت مبلغ مثل اللي تقول

رغم انه موتري الشخصي اسافر عليه واقنص عليه وكل شي اسويه فيه .. ماودي ادخل في التويوتا واقولك شي علشان ماادخل بجدال مع المتعصبين

لكن شهادتك على الفكسار تكفيني ان التويوتا مب موتر كرف مثل النيسان

هههههههههههههههههههههههههههههههههههههههههههههههههه


والله مامتعصب الا انت





واحد من عيال عمي معه 97 وباعه من خراباته وعلت مكينته الضعيفه

[مشعل العيسى]

الهايلكس وبس اذا ما كان معك عائله

[omar 3]

ماراح ارد عليك بنفس تعصبك لانك من قوم الموتر تويوتا والجوال نوكيا لو احكي من اليوم الى بعد سنه بتعيد نفس الاسطوانه

للتوضيح مكينه الاف جي نفسها ماتغيرت لا بعشره ولا بتسعه والمكينه تغيرت بالربع والشاص بس

تناقض نفسك وتحكي بما لاتعرف وركز على مالونته بالاحمر لك وتعليقي بالبني


ههههههههههههههههههههههههههههههههههههههههههههههههه



أسأل الله لنا ولك الهداية

وأسأل الله ان يبعد عني وعنك العصبية



لانك متعصب لنيسان بشكل مايتصور وردودك في كثير من المواضيع بل وطرحك لكثير من المواضيع


اللهم اهدي شباب المسلمين

[ملك الفكتوريا]

والله الباجيروا كان مع واحد وماشاء الله تبارك الله

[صقر أمه 506]

عز الله ياكنق التعصب .. اقصد كنق التعديل
مانصحت بموتر
ولوك تناظر الموتر من جميع النواحي .. ورا ماتكلمت عن قطع غيار الباجيرو الي هبلت باهله ..؟
ورا ماتكلمت عن الوكيل الزفت ..؟
ولا.. تقول شكل الباجيرو حلو

صحيح ان التعصب معميك
بس لا يهمونك .. كمًل حملتك النيسانيه .. وسر للامام .. بس ترا محدن درى عنك
يعني انت تنصح من اليوم لبكره لكن الواقع مايطيعك ...

انا لاحظتك في اكثر من مقارنه دائما تختار اي سياره غير تويوتا .. لوها تاتا

[الحصان 1]

اخوي اخذ ال ف جي
اسأل مجرب سيارة بر واسفلت

[الربع الغالي]

باجيرو


1- السعر : حلو وخاصه السياحي
2- القوه : معروف بقوته وشفه مع الدوريات
3-الشكل : عندي احلا من الاف جي والهايلكس حتى لو سياحي حلو
4- الافضل بالديره والطعووس : مايحتاج شهاده موتر يطرب

معك في رأيك بقووووووووووووووووة
ومجربة الأن معي لاند كروزر ولا بريال عن الباجيرو فالعزم والخف والمكينة
قريب إن شاء الله باجيرو 3.8

[عاشق الحيسية]

أنا جربت الاف جي(2008) مع واحد من العيال

ماشاء الله قوة عزم ونشاط،

ومريح (ما تدري عن البطناج)


أنصحك به..

[حسين الحسين]

الباجيييييييييييييييييييييييييييييييييييييييييييرو فقط لأغير

[حسين الحسين]

خذلك باجيروا( 8ر 3 ) واتحدا الجيب الربع والهايلكس والباترول في جميع النواحي خط ونفود وانا من المجربين بذلك 000 ويكفي ياعزيزي أنه ياباني من الصدام للصدام 0 االأف جي كل اكثر القطع الداخليه تايلندي وصيني 0 الباجيروا سيارة قوية وتتحمل المشاق اكثر من غيرها وسبب قله انتشارة بالسوق غلاء قطع الغيار لأنها يابي 100% وتتحمل أكثر من غيرة يعني القطعه التي تعيس بالتويوتا سنة هاذي تعيش سنتين ولأفيه فرق بين السيارتين ولأ تنسى الأستخاره 000 وفقك الله الى كل خير 0

[التنديل1]

سلام عليكم
شوف يا الخوي انا من ملاك اف جي 2011 ونا واحد جالد الموتر الموتر مشالله قوي من ناحية مكينه محركات وبا البر معي قير تماتيك خله على الدي 3 وسوق ما عندك اي مشكله
لا تحسب علي انا فيه واحد من الربع معه 2009 وكل يوم خطوط ولبر مو كثير بس الولد يجلد الموتر مشالله الموتر قوي ومتماسك ومشالله ضرب فيه مرتين بديه قوي مع العلم ضرب عليه بصبات في تحويله ما نعدم البدي صار له زي الزلوع ودقات خفيف ما يحتاج سمكره
وفي واحد من الربع معه 2010مشالله ما قال شي موتر متماسك ويتحمل

ونا بعلمك وش السلبيات من ناحيتي انا كا مجرب
1/يصرف بنزين
2/خلفيته صغيره يعني ما ينفع تشيل عقش كثير الى اذا بتصفط الاسات الخلفيه
ولي بيقول عيبه الباب الي ورا ترا افضل من غيره من سيارات مثل الربع و الكبسوله لازم تسفط الاسيات مو مشكله مو لازم تفتح الباب نزل الاسيات زي السيارات الثانيه ويركب الي ورا عادي
3/با الخط سياره خفيفه ما تحس با السرعه
4/سعره شوي غالي بس موتر زي ما تقول شيك با المخبا سعره فيه


وتمنا اني افتك
وبا النسبه للبجيرو ما جربته ولا اقدر احكم على موتر انا ما ركبته ولا جربته

و الهلي ما يحتاج موتر قوه وذا انت راعي شيل وحط وما معك عايله انصحك هايلكس
3/

[بدران الدوسري]

شكلك ياراعي الموضوع تحسفت انك مشااور هههه

أنا اشووف كانك راعي تحميل فالونيت لابد منه ينفعك في كل شي
وخذلك هايلكس دبل ان بغيت

وبالنسبه للجيوب الي قلت عنها
وبدون تعصب مثل الاخوان الي فووق

شكل + عزم + عملي + مرغوب عند البيع الاف جي بكل تأكيد


باجيرو خربات وقطع غياار نار

ووكيل لك عليه

وان بغيت تبيعه ماسوالك شي

[volcano]

من انتم من انتم :D


سوف تندمون يا اصحاب عبداللطيف و العيسائي يوم لا نيفع الندم:D


الموضوووووووووووووع قددددددددددددددددديم

الباج سعره اقل :good2:
العفجي سعره نار:mad:

الباج شكله رائع :good2:
العفجي بشع :mad:

الباج فخم جدا من الداخل :good2:
العفجي اقل من عادي :(

الباج ثبات ممتاز :good2:
العفجي ثبات جيد جدا :good2:

الباج يطيح سعره شوي :(
العفجي يحافظ على سعره بشكل افضل :good2:

الباج اقوى محرك 269 :good2:
العفجي اقل قوة 240 :eek:

قطع الباج غالي :mad:
قطع العفجي مقبول :good2:

الباج للعازب والمتأهل :good2:
العفجي للعازب والمراهق :D

الباج السرعة فوق ال200 :good2:
العفجي يفصل على 180 :eek:

[volcano]

الباج تصميم واستخدام ديرة وبر :good2:
العفجي تصميم طفولي(لعبة) للبر اكثر من الديرة :)

الباج الجودة عالية جدا :good2:
العفجي الجودة جيدة :good2:

[ابونبيل]

1-GJ ممتاز عزم وقوه زين بالديره وبالبر عز وعند اليع يمسك سعره ومطلووب
2- HILUXخاصه اذا كان دبل ماشاء الله جيب عليه حوض الناس يطلعون البر عليه وهو بدون دبل وماشاتء الله غزال
3- باجيرو انحش عنه قطع غيراه غاليه وقطعه نادره اذا تبي موتر لا تخذ الا شي سوقه ماشي ومنتشر افضل لك بالقطع وكل شي وثانيا شكله مو زين وداخليته تضيق الصدر

[ابونبيل]

هههههههههههههههههههه

ياخي بعض الناس عاميه التعصب اكره شي عندي ان واحد يحط استشاره ويجيك واحد يعطيه شوره ويقعد ينتقد غيره

ياخوي الموضوع مو لك تقعد ترد ع الشباب حط ردك وامش صاحب الموضوع هو الي له الحق يناقش الاعضاء